اعترافات «بنات خبرة»

آمنة: النعومة الزائدة.. وسيلة سهلة
عبير: أحب أشوف الولد هيموت عليا
قديما كانت اللبانة والملاية اللف والخلخال والدلع فى الكلام أساليب قوية واعتيادية لإغواء الرجل، وكان عمود النور إشارة واضحة على وجود محترفة إغواء فى هذا المكان، أما الآن.. فاختلف الزمان والمكان ومعه «سيستم» الإغواء.. كيف هذا.. «اليوم السابع» حاولت استكشاف الأمر عبر هذه اللقاءات مع عدد من الفتيات.
آمنة «28 عاما»:
تتعمد البنات إغواء الولد بالنعومة الزائدة فى الكلام أو محاولة التقرب باللمس، وكذلك بالموقف والكلمة، فقد تلجأ إلى سرد قصص جنسية أمام أصدقائها الأولاد، أو الضحك المستفز المصطنع أو الكلام بصوت عال.. وهكذا.
عبير «19 عاما»:
فى الكافيهات بنتكلم فى كل حاجة أمام أصدقائنا الأولاد، و«بصراحة أحيانا بنعمل ده بقصد عشان بنحب نعرف ردود أفعالهم، وأنا عن نفسى بحب أحس إن الولد اللى قدامى هيموت عليا لأن ده بيحسسنى إنى كاملة الأنوثة».
إيمان «17 عاما»:
أنا معنديش وقت للإغواء وبدخل فى الموضوع مباشرة، وإغوائى بيتم عن طريق النت والشات.. نتكلم عن السكس وإيه الجديد فيه، وبنتكلم على أنه نوع من الثقافة المتداولة، فكل واحد يقول إيه آخر حاجة عرفها عن السكس وأنا دايما اللى بشجعه انه يتكلم عادى ويأخد راحته.
سارة «27»:
كل فتاة تحاول أن تظهر مفاتن جسمها، فتتسابق الفتيات فى ذلك خاصة فى الفساتين السواريه أو مايوهات البحر، وأنا لا أتردد أن أفعل ذلك.. وأجمل لحظاتى عندما يقول لى شاب «يخرب بيت جمال جسمك وإمكانياتك» وطبعا يقصد «بإلامكانيات» الأماكن الحساسة.
يارا «30 عاما»:
أنا لا أرى أن الإغواء شىء عيب.. هذه وجهة نظرى، وأنا أغوى زملائى فى العمل عن طريق ريحة برفانى.. وهكذا، لأن الرجل يعجب جدا بذلك، وأتعمد الاقتراب من زميلى جدا عندما أطلعه على ملف فى العمل أو أستشيره فى شىء.
حياة «16 عاما»:
طريقتى فى الإغراء.. أفتح الشباك.. وأنام كأنى مش واخده بالى من جارى الشاب الوسيم، بس ده أقصى حاجة عندى ممكن أعملها.
حبيبة «32 عاما»:
أنا بحب جدا أغوى الأولاد «اللخمة» فمعى زميلى فى العمل طيب جدا وليس له خبرة فى أى شىء، وأحب أن أريه مشاهد جنسية موجودة على موبايلى لأتابع ردود أفعاله المرتبكة لأضحك عليه، فالموضوع بالنسبة لى فكاهة وتسلية مش أكثر.
ليالى «22 عاما»:
فى الأفراح والمناسبات تتفنن كل بنت فى أن ترقص بشكل مثير، وهذه من أكثر الأشياء التى تغوى الأولاد هاجر «21 عاما»: على فكرة الأولاد همّا إلى بيعملوا كده فى البنات.. لما تلاقى ولد مثلا لابس بنطلون ضيق وفاتح قميصه لغاية الصدر عشان يظهر شعر صدره لأنه عارف بكده انه بيغرى البنت.. البنت تعمل إيه.