الليلة الأخيرة في غرفة نوم الإخواني الأخير

(ثلاثة مشاهد مسرحية ساخرة مباشرة جدا)
مشهد (1)
(مرسي نائم علي سريره دون حركة رافعا رأسه إلي أعلي ويصدر شخيرا تتحرك له السموات السبع.. في حالة راحة.. وفي الخارج صوت هرج ومرج و توقظه أم احمد ..)
أم أحمد : قوم يا مرسي كلم الشعب..
مرسي : هو جه؟ (يكمل نومه)
أم أحمد: لا يجي فين؟ المكان ضيق.. انزل قولهم كلمتين في التلفزيون
مرسي : هو المرشد بعت الورقة اللي هقول منها؟
أم أحمد : لا.
مرسي : ولا الشاطر؟
أم أحمد : لا.
مرسي : ولا أوباما.
أم أحمد : لا.
مرسي : ايه هو اللي لأ لأ.. انتي بقيتي مع حمدين والبرادعي ولا ايه؟
أم أحمد : لأ.
مرسي : طب انا هروح أقول ايه إذا كانوا هما مهتموش انا ههتم ليه؟ سيبيني أنام وأبقي ناوليني الكالسون عشان سقعان.
أم أحمد : لأ.
مرسي: إنت مصحياني عشان حاجة تافهة ونسيتي تقوليلي إيه اللي حصل امبارح في مسلسل فاطمة لقيوا الواد اللي اغتصب البت؟
أم أحمد: لا المرشد بتاعنا العيال ضربوه علي قفاه.
مرسي: متخافيش يا وليه أنا بنزل بحرس عشان الموضوع ده.. قفا الواحد مش ملكه لوحده..
أم أحمد : طب ما كده هيوقفكوا طابور ويكرتكوا علي قفاكم عشان يقل منكم زي ما العيال قلوا منه.
مرسي : انا مقدور عليا ومتعود علي كده بس يا عيني الواد احمد المغير اللي هيتنفخ اكتر ماهو منفوخ لحد ما يبنالو صاحب.
أم أحمد : اه لو حسن البنا كان عايش؟
مرسي : كان العيال مسبوش برضه وكان هيعملوا فيه زي ما عملوا في سليمان الحلبي.. العيال دي مبترحمش.
(يكمل نومه وأم أحمد تنشغل في متابعة خياطة فانلة داخلية مرسي الجديد.. فيفزع مرة واحدة).
مرسي: هو يا أم أحمد ممكن العيال اللي تحت دي ممكن تعمل فيا زي ما عملوا في مبارك؟
أم أحمد: ياريت يعملوا فيك نصه؟
مرسي (بعصبية): انتي بتقولي ايه؟
أم أحمد: قصدي انك لما تخبش الحبس تتدلع ونتدلع معاك.
مرسي: مظنش العيال شايلين مني جدا عشان بحب الواحد احمد المغير اكتر منهم.. ونفضت ليهم عملوا لينا ثورة كفاية عليهم كده.
أم أحمد: اللي عملتوه فيهم مش قليل .. حسوا انكم خنتوهم ..
مرسي: بتقولي ايه؟ هي الناس خدت بالها قوي من اللي كنا بنعمله؟
أم أحمد: انتم كنتم مفضوحين.
(صوت خبط باب غرفة النوم)
مرسي: قومي شوفي مين يا ولية؟
(تفتح الباب وتغلقه مرة أخري وتجري ناحية مرسي)
أم أحمد: دا المرشد اللي علي الباب.
مرسي: خليه يدخل بسرعة.
أم أحمد: يخيبك راجل هو فيه راجل غريب يدخل علينا كده؟
مرسي: دا المرشد يدخل مكان ما يحب واحنا عندنا في الجماعة عادي.
(يدخل المرشد وفي يده خرزانة).
المرشد: انت قاعد في اوضة النوم يا مرسي لابس قميص نوم مراتك وبترقصلها وسايب البلد بتخرب؟
مرسي: لا والله مكنتش برقص كنت نايم.. معلش يا سيادة المرشد علي الزغروف اللي لبسته سعادتك من العيال في المول.
المرشد: (بيمسح دموعه) دي ضريبة الشهرة يا مرسي يا بني.. (يصمت ثم ينفعل فجأة) ما هو لو فيه رئيس عدل بيحكم البلد مكنش ده حصل الله يمسيك بالخير يا عمر سليمان.
أم أحمد (تضحك وهي تنظر لمرسي بشماتة).
مرسي: (بعصبيه وهو يتوعد لأم أحمد): اعمل ايه انا بس يا مرشد؟ اقفلك حراسة علي قفاك؟
المرشد: انا جايلك عشان قطر هتسحب ايدها من التمويل اللي بتبعته.
مرسي: والله كويس.
المرشد: كويس ايه يا بني ادم انت.
مرسي: يبقي وحش..
المرشد: قطر سحبت ايدها عشان سعادتك قاعد بالكلوت في البلكونة ومعرفتش تبيع قناة السويس ليها.
مرسي: هابيعها ازاي ما هو انا مش معايا العقد.
المرشد: انت غبي غبي وحياة امي لاضربك علي الكريمة.
مرسي: ومراتي ذنبها ايه؟
المرشد: الكريمة دي تبقي لامؤخذة، امسكي يا أم أحمد وصدرها يا مرسي عشان ااقدرها.
(يضرب مرسي ويبكي وأم أحمد تمسكه للمرشد)
المرشد: هروح اجيب البتاجي والشاطر وحجازي من المكتب وهناكل لقمة عقبال ما تجهز نفسك عشان نشوف هنعمل ايه في 30 يونية ونجهز حتت سلاح نأمن اعتصام كبير عشان لما تقع.. والله حاسس انك هتجيبنا ورا..
مرسي: (بتوجع) اااااه حاضر هقوم اجهز نفسي اهو.
(يخرج المرشد وأم أحمد تضحك بشدة).
مرسي: بتضحكي علي ايه.. عمرك شفتي رئيس بيضرب من مرشده؟
مشهد (2)
(يخرج مرسي من باب الحمام مرتديا تي شيرت أبيض عليه شفايف ومكتوب عليه (kiss ) وشورت قصير جدا وهو يجفف رأسه.. بينما تجلس أم احمد تشاهد التلفزيون.. ثم يقف امام التلفزيون ليعيق متابعة أم أحمد فتغضب وهو يضحك).
أم أحمد: ابعد عايزة اتابع ماتش قبل النهائي بتاع المصارعة الحريمي وانت ميصحش تتفرج علي عورات النساء.
مرسي: لا.
أم أحمد: وسع عايز اشوف سونيا هتعمل ايه مع ساندي.. دا قبل النهائي لو كسبت ساندي هتلاعب ستينا.
مرسي: لا.
أم أحمد: انت قاعد بتضحك علي ايه لوحدك كده..
مرسي: انا عرفت نكتة جديدة ولا زم هقولهلك.
أم أحمد: طب قول وانجز.
مرسي: واحد خريج كلية السن واخوه اتخرج من كلية طب اسنان.. قروروا يعملوا ماجستير في كلية واحدة ويسموها كلية الفم.
أم أحمد: ايه البواخة ده يا مرسي.
مرسي : (اتكسف شوية وحاول يكمل النكتة شرح) ما هو يا حياتي السن واسنان في فم واحد.
أم أحمد: مين الغبي اللي قالك ان دي نكتة.
مرسي: المرشد.
ام احم : قوله يتفرج علي ابراهيم عيسي هيطلع منه نكت وكلام بيضحك بدل السخافة دي.
مرسي: متقوليش كده علي مرشد.. عشان مش عايز اقولك هو قال عليكي ايه؟
أم أحمد: يا خيبتك سايبه يتكلم علي مراتك وساكت؟
مرسي: ما هو قال انك ناقصة عقل ودين.
أم أحمد: عشان كده هو اللي لبسك التيشيرت ابو شفايف حمرا ده؟
مرسي: مش عجبك؟
(يرن الجوال)
مرسي: وعليكم السلام.. ايه؟ قبضوا علي المرشد والجماعة؟ قالولك في قسم ايه؟ اه هاكلم ظابط معرفة يخرجه.. ثورة؟ علي مين؟ الرئيس؟ هو مش مبارك مشي؟ اااه انا الرئيس.. وانا هامشي؟ لااا انا مش هسكت
أم أحمد: خير فيه ايه؟
مرسي: متغيريش الموضوع النكتة مش عجباكي ليه فهميني بس.. ولا انتي قاصدة تحرقي دمي؟
مشهد (3)
(يدخل مرسي السجن يجد المرشد وهو يجلس مقرفصا)
مرسي: ايه اللي جابك هنا وعمال تقولي مرشد وبتاع ومحدش يقدر وقصاص، يا راجل اسكت بقي.ت
المرشد: طب ما انت كنت رئيس ومعرفتش تعمل حاجة كتك نيله في اللي انتخبوكتيا بتاع الليمون.
مرسي: انت كنت بتمليني اعمل ايه وانا بس كنت بحط التاتش بتاعي.ت
المرشد: اهو تاتشك ده ضيعنا وهنموت زي سليمان الحلبي يا سيادة الرئيس.ت
مرسي: ميرسي جدا ليك يا مرشد. طالعة من بقك زي العسل، هو ده العشم.ت
المرشد: الاحترام حلو برضه.. ودا اللي ربينا عليه حسن البنا.
(نهاية)