عصام دويدار يكتب: على درب الخال.. جواب "2"

من فاطمة أحمد عبد الغفار
الكاينه فى جبلاية الفار
إلى زوجنا الغالى
الأسطى حراجى القط
العامل فى السد العالى
...............................
اتوحشتك قوى يا قريبى
يا زوجى وأبوى وأخوى وحبيبى
بقى معقول
داخل فى الموضوع على طول
خلاصة القول
اكتب قول كيف أحوالك
وإيه يا حراجى اللى جرالك
ليه مسألتش عن حالى
ولا حتى عن حال عيالك
شكلك خايف كنت تموت بعد الخال
حسيت خوفك جوه جوابك
لما نسيت تسألنى الحال
أنا راح أقولك ع الأحوال
أنا وعيالك عال العال
كل اللى ناقصنا رؤياك
ولدك عيد
النظره فى عينه ألفين عيد
أصلى بشوفك
جوه عيونه وأنت بعيد
وبتك شبهك
حلوة شوية أكتر منك
زى حلاوة طيبة قلبك
صحيح يا حراجى
شفت الريس
واتكلمت كمان وياه
قول للريس
كل الكفر معاك ومعاه
كلنا هنا فى الكفر بنهتف
عاش عبد الناصر عاش
نص الكفر كانوا أوجاريه
بنزرع أرض الباشا يوميه
نص الأجره كنا ناخدها
والنص التانى بناخدوا أزيه
وبعد ما كنا بنزرع غصب
أصبح لينا قراريط أرض
بنزرع لينا ونقلع لينا
أصبح لينا وسط الناس يا حراجى القيمة
قوله يا ريس خليك قاعد
بيكفينا بنيت السد
بكرا عيالنا تقوم وتساعد
وترجع لينا أرض المجد
قوله كمان صاحب الحق
عمره ما ربه يزله لحد
هى يا خلق مش تبقى قناتنا
واللى ماتوا فيها رجالنا
كان لازم ترجع لعيالنا
تبقى قناتنا وخيرها لغيرنا
والله صبرنا كتر خيرنا
أخر القول
اوعى غيابك تانى يِطُولْ
اوعى موت الخال يا حراجى
يخليك عَنِينَا مشغول
مستنيه جواباتك تانى
إنشاله تكتب بالعانى
بكرا راح أستنى البسطاوى
إياك تتأخر يا حراجى
...............................
زوجتك فاطمة
...............................
نلتقى فى الجواب رقم 3 رد حراجى
عصام دويدار
على درب الخال
جوابات الاسطى حراجى
قطع المياه 24 ساعة عن 7 مناطق بالجيزة اعتبارا من صباح الأربعاء
اللواء أحمد عسيرى يتراجع: مصر لم تعرض إرسال قوات برية لليمن
بالصور.. "خزائن الأرض.. تفيض بكنوزها".. اكتشاف 6 توابيت ومومياوات و1050 تمثالا صغيرا داخل مقبرة "المستشار أوسرحات" بالأقصر.. وزيرا الآثار والتنمية المحلية يعلنان الاكتشاف فى مؤتمر صحفى
رمضان على "سفرة الحكومة".. وزير التموين يكشف ل"اليوم السابع" استعدادات الشهر الكريم: أولوياتى السلع الأساسية.. لا نية لطرح الياميش بالبطاقات.. أرز هندى ب550 قرشا.. و40 طن سمك بأسعار تبدأ من 6 جنيهات
اتحاد الكرة: تغريم الزمالك 200 ألف جنيه وخصم 3 نقاط أخرى نهاية الموسم
أطباء الهند يستخدمون دواء تجريبيا لعلاج إيمان المصرية حتى تستطيع الحركة
لا توجد تعليقات على الخبر
لا يوجد المزيد من التعليقات.
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع