علشان "الكرش وزيادة النسل ووقف الحال" الشباب يصرخون كفاية حظر

بعد أكثر من شهرين على فرض حظر التجوال فى 11 محافظة مصرية، نتيجة الاضطرابات التى شهدتها البلاد مؤخرًا، أطلق الشباب على موقع "تويتر" حملة تطالب بوقف حظر التجوال أو تخفيفه يوم الجمعة على الأقل.
وقال الشباب فى "هاشتاج" "كفاية حظر": "كفاية حظر خاصة يوم الجمعة، لأنه بيخلينا فى البيت من الصبح علشان المظاهرات، وبنكمل باقى اليوم فى البيت علشان الحظر"، و"علشان الأرزقية وعمال اليوم بيوم والناس أصحاب المهن الليلية حياتهم بتدمر بسبب الحظر، والسلع أغلی خارج القاهرة بسبب ظروف الشحن والسفر"، و"أنا بشتغل وبدرس وبسبب الحظر ومواعيده مش عارف أعمل ده ولا أعمل حاجة فى الحياة وبسبب الحظر مش عارف أسافر بلدى من غير قلق"، و"الحظر يمكن بيفيد فى الشوارع الكبيرة فى منع الإرهاب والجرائم.. لكن فى أماكن تانية بيسمح لبلطجيية ياخدوا راحتهم بلا رادع".
وقال آخرون بسخرية "كفاية حظر علشان الرجالة كلها بقت بكروش، ومعدل الإسكان هيزيد الضعف"، و"ما ترجعوش تشتكوا من زيادة النسل"، و"الحظر يتسبب فى انتفاخ أصابع الرجلين".
فيما اقترح بعض الشباب "إحنا نعمل اتفاق ثبت الحظر فى ميعاده الساعة 12 بالليل.. بس شيله من يوم الجمعة"، وقال آخر "ممكن نشيل الحظر ونخلى تواجد أمنى كثيف"، و"علی الأقل نعرف أمتى هيخلص عشان نعرف نرتب حياتنا أنا متضرر، بس فيه ناس مش عارفة تعيش".