القوات المسلحة تُهنئ رئيس الجمهورية بذكرى ثورة 23 يوليو    رئيس مجلس الشيوخ يهنئ الرئيس السيسي بمناسبة ذكرى ثورة 23 يوليو    لأول مرة.. 3 دبلومات بآداب قناة السويس للعام الجامعي 2025–2026    جامعة القاهرة تحتل المركز 487 بين 32 ألف مؤسسة تعليمية فى تصنيف ويبومتريكس الإسباني    السيسي يتابع مشروعات «العربية للتصنيع».. ويشيد بجهود توطين التكنولوجيا وزيادة الإنتاج    ارتفاع أسعار اللحوم بمطروح.. والضأن البقري يسجل أعلى سعر    رئيس الوزراء يتابع موقف تقنين الأراضي المضافة لعدد من المدن الجديدة    وزير العمل يكشف عن توجيه رئاسي بشأن عمال الدليفري    تعزيز خدمات الإرشاد السياحي واستقطاب اللغات النادرة    وزير الخارجية: مصر تولي أولوية متقدمة لإنجاز مشروع الطريق البري بين مصر وتشاد    أمجد الشوا: «العالم بات يتعامل بلامبالاة خطيرة مع ما يحدث في غزة»    ريبيرو يمنح مصطفى شوبير الفرصة أمام الملعب التونسي    مصدر في الزمالك يكشف موعد إعلان عقوبة أحمد فتوح    «أمن المنافذ»: ضبط 3 قضايا تهريب وتنفيذ 218 حكمًا قضائيًا خلال 24 ساعة    تسجل 43 درجة.. بيان مهم من الأرصاد يكشف حالة الطقس غدًا الثلاثاء    سوداني يوجه رسالة شكر للمصريين على متن «قطار العودة»: «لن ننسى وقفتكم معنا» (فيديو)    أكتوبر يشهد أولى جلسات محاكمة عنصر إخواني بتهم تمس أمن الدولة    حادث تصادم دراجة نارية يصيب سيدة ورضيعها بطريق سنهور الزراعي في الفيوم    تابلوه فني ل خالد جلال يستهل افتتاح «المهرجان القومي» يجسد ملامح الحركة المسرحية    فات الميعاد.. أحمد مجدي: شخصية مسعد تعبتني.. وبحاول أتخلص منه لحد دلوقتي    مكتبة الإسكندرية توثق التراث المصري بسلسلة أفلام قصيرة موجهة للشباب    أحلام تتألق على مسرح مهرجان جرش في ليلة طربية خليجية 25 يوليو    الجامعة الألمانية تفتتح نموذجاً مصغراً للمتحف المصري الكبير في برلين    وزير الصحة يفتتح معمل المحاكاة الطبي بالإسماعيلية.. ويتفقد مستشفيات ووحدات هيئة الرعاية الصحية    تقديم التوعية بمخاطر الإدمان ل457 ألفاً من طلبة المدارس ضمن المبادرة الرئاسية «صحتك سعادة»    استمتع بمذاق الصيف.. طريقة عمل آيس كريم المانجو في المنزل بمكونات بسيطة    تعرف على مواقيت الصلاة اليوم الاثنين 21-7-2025 في محافظة قنا    بزي "سبايدرمان".. وصول "ياسين" ووالدته محكمة جنايات دمنهور لحضور جلسة الاستئناف    وزارة الشباب تستعد لإطلاق برنامج مواجهة الإضطرابات النفسية والاجتماعية للأطفال وأولياء الأمور بالتعاون مع الجمعية المصرية للدراسات النفسية    السكة الحديد تعلن تأخيرات القطارات المتوقعة اليوم الاثنين    ألونسو.. الأمل في استعادة فينيسيوس لتألقه مع ريال مدريد    كاتس: الحوثيون سيدفعون ثمنا باهظا لإطلاقهم صواريخ على إسرائيل    أوكرانيا: مقتل شخص وإصابة اثنين آخرين في أحدث الهجمات الروسية    تحذير من هطول أمطار غزيرة في جنوب شرق تايوان    دراسة إنشاء مصنع دواء مشترك بين مصر وزامبيا لتعزيز صناعة الدواء بالقارة السمراء    أسامة الأتربي مساعدا لأمين عام "حماة الوطن" بالقاهرة    آخر تطورات أزمة سد النهضة، السيسي: قضية نهر النيل أمن قومي لمصر    الحماية المدنية بالقليوبية تسيطر علي حريق مصنع زجاج بشبرا الخيمة| صور    تحرير 566 مخالفة مرورية لعدم ارتداء الخوذة    السبكي: نسعى لترسيخ نموذج متكامل للرعاية الصحية يقوم على الجودة والاعتماد والحوكمة الرقمية    استقرار سعر الريال السعودي في بداية تعاملات اليوم 21 يوليو 2025    أحمد غنيم: المتحف المصري الكبير هدية مصر للعالم    شهداء وجرحى فى قصف للاحتلال على مناطق متفرقة من قطاع غزة    "صعبة".. وكيل مصطفى شلبي يكشف تفاصيل انتقاله للبنك الأهلي    كييف: أكثر من 100 اشتباك مع القوات الروسية في شرقي أوكرانيا    كيف تتخلص من مرض التعلق العاطفي ؟    لكل ربة منزل.. إليك أفضل الطرق لتحضير مكرونة الميزولاند    المسلمون يصلون الفجر قبل وقته بساعة ونصف    مصروفات المدارس الحكومية 2025– 2026.. التفاصيل الكاملة وقواعد الإعفاء والسداد لجميع المراحل التعليمية    دعاء في جوف الليل: اللهم أجرني برحمتك واجبر بلطفك كسر قلبي    نادية رشاد: أتمتع بحالة صحية جيدة.. وقلة أعمالي الفنية لضعف مضمونها    يوسف معاطي: لست ضد الورش التي تكتب السيناريوهات ولكنها لا تنتج مبدع كبير    ثلاثة نجوم على أعتاب الرحيل عن الأهلي    رومانو: حقيقة مفاوضات مانشستر يونايتد مع جيوكيريس    واشنطن بوست: قراصنة يشنون هجوما عالميا على وكالات حكومية وجامعات أمريكية    أنغام فؤاد ومنيب تتألق في صيف الأوبرا 2025 بحضور جماهيري كبير    آدم كايد: حققتُ حلمي بالانضمام إلى الزمالك    أمين الفتوى: التقديم على شقق محدودي الدخل بغير وجه حق «حرام شرعاً»    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



فوازير شوال
نشر في روزاليوسف اليومية يوم 16 - 09 - 2010

وخلص شهر رمضان الكريم الجميل علي خير والحمدلله صومناه ومافيش حاجة من الحاجات اللي ف التليفزيون قدرت تفطرنا والحاجات اللي تفطر ف التليفزيون كتير زي مسلسلاته اللي بالكوم وبرامجه اللي بالزوفة ومرمطة النجوم في برامج التوك شو اللي بالكبشة.
لدرجة اني بقيت ساعات أحس إن النجوم بيستنوا من السنة للسنة علشان يطلعوا ف برامج رمضان يتعذبوا فيها علنا قدام المشاهدين ويعياطوااااااا... واضح انهم بيكفروا عن اللي بيعملوه فينا طول السنة ... الاهم خلصنا كمان من فوازيره اللي بقت تايواني بعد ماكانت للثلاثي ونيللي وشريهان بقت حاجة ساقعة خالص ومالهاش طعم.
فين ايام فوازير زمان ... يا سلاااام والله فكرتوني بالذي مضي أيام الفوازير العظمة يا ولاد... ايام التمبوكة والخلا ولا هسة والخاطبة بتاعة اهل زمان اللي جرابها دايما مليان بتاعة عم صلاح جاهين انما دلوقتي كل واحد بيطلع ف نافوخه يعمل فوازير بيعمل فوازير لا واسئلتها صعبة موت من عينة اسمك ايه ؟ وساكن فين ؟ وكلام معقد قوي يصعب علي امثالي فهمه ... فقررت اني اعمل انا كمان فوازير... اه ... اشمعني هما؟
وباعتبار إن هذه الفكرة جاتللي بعد شهر رمضان المعظم فمش هاينفع اكتب فوازير رمضان .. طب إيه ؟ هاستني للسنة الجاية؟ طب دي المقالة لازم تتسلم ل«روز اليوسف» بكرة قلت لا .. خلاص ... اعملهم فوازير شوال ... يلا بينا ... الفزورة الاولي... ليه يا تري جهات الانتاج ما بتفتكرش إن فيه مهرجان تجريبي الا قبل المهرجان بشهر واحد فقط وكأنه جه فجأة؟ ... هل لأن كل حاجة عندنا بتيجي فجأة ... يعني رمضان يجيي فجأة.
المهرجان القومي يجي فجأة ترشيح الفيلم المصري للأوسكار ييحي فجأة ... اختيار افلام افتتاحات المهرجانات فجأة ... الامتحانات فجأة ... ده حتي كاس العالم اللي بيتعمل كل اربع سنين يا مؤمن بيجي فجأة...وكله فجأة فجأة فجأة هل ده لاننا شعب بيحب المفاجآت ... علي رأي المطرب الشعبي الجميل اللي غنالنا اغنية كلها مفاجآت وقال... بابص لروحي فجأة لقيتني... لقيتني كبرت فجأة تعبت... تعبت من المفاجآة ونزلت دمعتي... ولا لاننا ماشيين ورا الجملة الشهيرة... ماضاقت الا لما فرجت... ولا ماشيين ورا الجملة الخالدة اللي اعتقد ان اللي قالها نشال وهي.. الشغل الحلو مايطلعش الاف الزنقة.
وطبعا لأن الفرق وجهات الانتاج المسرحية بتفتكر فجأة المهرجان يقوموا مديرينها يجيبوا ولاد الحلال المخرجين ويقولولهم ... هيه عندكوا ايه بقي يا حلويين؟... فكل واحد عاوز يخرج ومش لاقي فرصة يلاقيها فرصة ف يفتي بقي وطبعا هو عارف لو قال حاجة منطقية مش هايعجب السيد المدير اللي يا عيني بيدور علي كل ماهو غريب لان التجريب من وجهة نظره عروض حركة والسلام ف بالتالي مش هايعجب المدير وهاتطير النحتاية فيقعد يشرح للسيد المدير مشروعه فيضرب شقلباظ ويعمل بايده قدام وشه تهويمات وحركات ثعبانية ويقول طلاسم بالصيني مستحيل تتفهم ...علشان المدير من دول ينبهر ومايفهمش حاجة ف يحط ايده علي كتف المخرج وينظر له متفحصا ويقول بثقة وبصوت رخيم.
برافو يابني انت شكلك كده تجريبي خالص يلا هات ميزانية المشروع الصيني ده وتعالي... ومابينساش طبعا السيد المدير لاننا شعب بيحب المفاجآت انه يوقف المخرج اللي خد ديله ف سنانه وجري علشان يلحق النحتاية ويقوله اسمع يا ... فيتوقف المخرج محبطا ظنا منه ان المدير قد اكتشف الخدعة وقرر الغاء عرضه ويرد بخوف ... نعم يا استاذ .. فيبتسم المدير ويقول بثقة .. علي فكرة انت ( فاجئتني ) بافكارك الخزعبلية ... مش قلتلكوا بنموت ف المفاجات ... ويجري المخرج يجيب الميزانية اللي بيحطها قبل حتي ما يفكر مين اللي هايمثل ولا مين اللي هايعمل ديكور علشان يلحق المهرجان اللي طلع فجاءة ... وبالتالي تطلع العروض... فجأة ... فيعذبوا بيها لجنة المشاهدة اللي بتختار العرضين اللي هايمثلوا مصر ف التجريبي وتجيبلهم الضغط والسكر لدرجة اني اقترحت مرة ان يرافق اللجنة طبيب علشان يعالجهم من اللي بيشوفوه اثناء المشاهدة لا والاكادة اللي بيشوفوه بعد المشاهدة كمان من امتعاض اصحاب العروض التي لم يتم اختيارها لتمثيل مصر ف المسابقة وكأنهم كانوا عاملين كوفاديس يا خي.
بس عيب المخرج يطلع شكله وحش قدام السيد المدير والسيد المدير يطلع شكله وحش قدام رئيسه فيقوم يا عيني رامي بلاه علي اللجنة ويتهمها ويطلع فيها كل العبر لانهم رفضوا عرضه اللي اتعمل ايه ؟ .. صحصحوا معايا امال ... اللي اتعمل فجاءة .... وعلي رأي الست نيللي ... خلصت الشغلانة دستوركوا ياللي معانا.
وسؤال الحلقة هو ... اللي يعرف ليه العروض المرشحة للتجريبي بتتعمل قبل المهرجان بشهر واحد ولا تأخذ فرصتها ف العرض الجماهيري واخذ اراء النقاد لتقويمها قبل المهرجان يتصل علي زيرو تلتمية وهايفوز بجائزة الفزورة الاولي من فوازير شوال والي اللقاء ف المقال القادم مع فوازير ذو القعدة.


انقر هنا لقراءة الخبر من مصدره.