ظالم و أوسة يستحق المنتخب .. لقاء الخميسي تهاجم حسام البدري

هاجمت الفنانة لقاء الخميس حسام البدري المدير الفني للمنتخب بعدما استبعد زوجها محمد عبد المنصف حارس وادي دجلة من التشكيل. وقالت : عمري ماتدخلت في موضوع الكوره .. اتابع من بعيد وباشجع اوسه لاني مؤمنه بيه من اول لحظة جول موهوب وتحالفت ظروف كتير عليه وكان بيلعب في ضغط نفسي كبير لا يتحمله اي انسان ومع ذلك قاوم وكمل وبقى من افضل واقوى اجوال مصر ! واللي اعرفه ان الاجوال مالهمش علاقه بالعمر طالما في فورمة كويسه ومتألق اوسه كان في المنتخب وكان دائما راجل وكابتن الجوهري رحمه الله كان بيحب اوسه وبيدعمه لاول مره هاقول رأيي في اختيارات المنتخب ومالهاش علاقه بالاعبين المختارين ، عدم اختيار اوسه في المنتخب يدل وبشكل واضح ان التقييم والاختيار غير عادل وليس له اي علاقة باللاعب واجتهاده وادائه وانما في معايير تانية غير مفهومه للاختيارات !!!
ودا الي يخليني اسأل نفسي : امتى مش هايبقى في حسابات انسانيه في الشغل ، امتى هايبقى الفيصل هو الاداء ومن يستحق .. امتى هانخرج عواطفنا بره منظومة العمل في كل مجالات مصر مش بس الكوره . اللي حصل دا ظلم كبير
احنا محتاجين نتغير وندي كل ذي حقٍ حقه .
اوسه من غير المنتخب برده مكمل في النجاح بس احساس وجوده في " منتخب مصر " ليه رونق وطعم تاني وشرف لكل لاعب واوسه يستحق .