شباب بلا حدود

سحر ناجى:أهلا بكل مشاهدينا أللى بيتابعونا وشباب بلا حدود ومن قصر الأمير طازحلقة جديدة من البرنامج بالتعاون ما بين قناة دوتش فيلا الألمانية والتليفزيون المصرى حبينا أن نتحدث عن الرياضة لم نجد فى الرياضات أكثر متعة وتشويق وإثارة وشعبيه على مستوى العالم أكثر من كرة القدم إن كان تأثيرها على قطاعات عديدة فى المجتمعات المختلفة الغنية أو الفقير على حد سواء كان التساؤل كيف هو تأثيرها على الشباب هل يتساوى فى تشجعها ولعبها الشباب والشابات ؟ العلاج ما بين الرياضة والإنتماء بالنسبالهم والفوز الهزيمة والإعجاب والتعصب وأبعاد كتيرة فى كرة القدم هنحاول إن أحنا نشتشفها من حوارنا مع الشباب من مصر وألمانيا أللى برحب بيهم جميعا معايا وخلينا نبدأ ونحاول نعرف سارة إلى مدى بتهتمى بكرة القدم هل مجرد هل مجرد تشجيع ولا بتفهمى فيها ؟
سارة:لأ هو مش مجرد تشجيع هو من أنا صغيرة كان بالنسبة لى هواية فأنا حاولت أنمى الهواية دى فأشتغلت فترة صحفية فى الرياضة وكنت طبعا بغطى كرة القدم فأنا حاولت أربط ما بين هوايتى وحاجة أنا عايزة أشتغلها
سحر ناجى:يعنى عن فهم صوفى أهلا بيكى قوليلى أيه مدى أهتمامك بكرة القدم هل بتفهمى فيها ولا بس بتحبى جو التشجيع؟
صوفى :فى الواقع أنا أهتم بكرة القدم أهتمام قليل لأننى أراها مملة بعض الشىء ولكن مثلا أثناء مباريات كأس العالم من الجميل أن أجتمع مع أصدقائى لنشاهد معا مباريات كرة القدم ولكن دون ذلك لا أعرف الكثير عن الدورى العام مثلا ولا أعرف قواعد كرة القدم ولا ألعبها
سحر ناجى:لكن بالرغم من أهتمامك القليل بكرة القدم فضولك أثارك لما جيتى مصر إن أنتى تشوفى الشباب المصرى من اللجنسين بيهتموا بيها إلى أى مدى ؟ تشوفى كمان الدعم الجماهيرى أزاى بيستغل تجاريا فرص الناشئين للصعود وحتى وضع الكرة النسائية أمام الكرة الرجاليه شكلها أيه فى مصر ؟ هنشوف ونتابع معاكى فى التقرير ونرجع تانى
تقرير
صوفى :مرحبا أسمى صوفى أنا الأن فى القاهرة وأود أن أعرف المزيد عن عالم كرة القدم هنا ماهى أهميتها فى المجتمع ؟ خاصتا بالنسبة للشباب أتشوق لهذا اليوم المثير هيا بنا .
ألتقيت بنادر الذى حدثنى عن كرة القدم فى مصر وعن المنافسة الدائمة بين الأهلى والزمالك مثلا وهو من مشجعى الأهلى ويحب هذا النادى مثلما يحب أبو تريكة أفضل لاعبى الأهلى فالكرة يتم أستغلالها تجاريا بشكل كبير وتتعدى كونها مجرد رياضة أما بالنسبة لكأس العالم فقد أعتبر نادر عدم تأهل مصر لكأس العالم أمرا محزنا فحظها كان سيئا ولكنها فى المقابل فازت بكأس الأمم الأفريقيه نادر يعتقد أن كرة القدم فرصة جيدة للتخلص من ضغوط الحياه رافقنى نادر إلى نادى الأهلى حيث تمكنا من مشاهدة التدريب وقابلنا أيضا مانجا أفضل لاعب ناشىء فى مصر وقال لنا مانجا أنه يلعب كرة القدم من طفولته ويحلم بالوصول إلى المنتخب الوطنى فى يوما ما بعد ذلك قابلنا المدرب المسئول عن اللاعبين الناشئين والذى قال لنا إن هناك منافسة شديدة بينهم بسبب صعوبة الصعود إلى مستويات أعلى هذه هى أول مرة أدخل فيها نادى لكرة القدم هى تجربة مثيرة بعد ذلك قابلت مها والتى قالت لى أنها لا تهتم على الأطلاق بكرة القدم كرياضة فى حد ذاتها هى تهتم فقط بمشاهدة المباريات فى مجموعة كبيرة ثم عرضت لى أغانى يستمعون إليها عندما يفوزون وهى تتسم بالوطنية الشديدة وعرضت عليا القبعة والشال اللتين ترتديهما عندما تذهب إلى الأستاذ لمشاهدة المباريات الأمر مشابه فى حالتى فأنا لا أهتم كثير بكرة القدم ولكنى أرى أنها نشاطا إجتماعيا رائع و الأن إلى مكان آخر يتدرب فيه فريقا نسائيا وأخبرنا المدرب إن كرة القدم النسائية لم تأخذ وضعها بعد فى المجتمع ولم تبلغ مكانة كرة القدم للرجال أثنتان من اللعبات صرحتا إن واجهتا مشاكل كثيرة داخل الأسرة فى البداية لكن ومع مرور الوقت تقبل الأصدقاء والأقارب ممارستهما لكرة القدم اليوم تعلمت الكثير عن كرة القدم فى القاهرة الرجالية كانت أو النسائية.
سحر ناجى: صوفى بعد هذه الجولة الرياضية قوليلى كيف حال الإهتمام بكرة القدم عند الشباب من النوعين فى مصر ؟ وجدتيه أزاى ؟
صوفى :لقد أندهشت من هذا الإهتمام الكبير الذى يبديه الشباب تجاه كرة القدم لم أكن أتوقع ذلك فى ألمانيا يتشابه الأمر أيضا ولكن لم أكن أتوقع أن يذهبون الناس أو الشباب هنا مهتمون بهذا الشكل بكرة القدم كنت أعتقد أن يكون الإهتمام برياضات أخرى ولكننى أرى ذلك أمرا جميلا حيث يمكن الربط بينه وبين ألمانيا أيضا هذا هو الجميل.
سحر ناجى:يعنى باتريك عايزة أعرف منك نادر أثار نقطة إستغلال كرة القدم تجاريا هل أنت بتحس أنك أنت منتمى لفريق من غير ما تشترى الكاب من غير تشترى التيشيرت ؟ ولا بتحس أنك بتستغل تجاريا ؟
باتريك:بالطبع ممكن أن نكون مشجعين لنادى دون شراء هذه المنتجات أيضا ولكن الإستغلال التجارى لكرة القدم أعتقد أنه أمر مؤسف لا سيما أيضا عند نقل الحى للمباريات فأنه الفكرة الرئيسيه لكرة القدم هى أن
سحر ناجى:نادر أنت قلت إن أبو تريكة لاعب مثالى بالنسبة لكثير من الناس ليه هو مثالى بالنسبة لك ؟ أو ليه مثلك الأ‘لى ؟
نادر: أبو تريكة غير أمكانياته الفنية كلاعيب كورة أنا بشوف إن هو على المستوى الأنسانى الناس القريبه منه أجمعوا إن ده بنى أدم مختلف يعنى لو كان بيعمل حاجة تانية فى حياته غير أنوا لاعيب كورة كان الناس رأيها فيه أنوا بنى أدم يعنى مميز على المستوى الخلقى والأنسانى يعنى هو كبنى أدم صعب إن أحنا نقابل زيه كتير فى الحياه
سحر ناجى:يعنى علشان هو مميز على المستوى الخلقى أنت واخده وغيرك واخده كمثل أعلى
نادر:بالإضافة لمستواه الفنى يعنى الأتنين لما بيجتمعوا مع بعض بيبقى قدامنا بنى أدم أشبه بالخارق يعنى
سحر ناجى:طب أستيفان بالنسبالكم فى ألأمانيا مين من النجوم الرياضيين فى كرة القدم بالتحديد بتاخدوه كمثل أعلى ؟ ولا أنت مش مهتم بالحكاية خالص
أستيفان :بالطبع هناك مثل عليا كبيرة بيكنباور أعتقد أنوا معروف للجميع ولكن دون ذلك أيضا ميشيل بلاك لا سيما منذ عام 2006 وهنا أعتقد فى مصر إن زيدان هو المثل الأعلى
سحر ناجى:طيب ساره نادر بيقول إن كرة القدم فرصة للتخلص من الضغوط فى الحياة هل أنت ىكبنت مثلا بتستمعى بمشاهدتها هل هى بالنمسبالك فرصة للتخلص من الضغوط ؟
ساره: الماتش فى حد ذاته مش هو أللى أنا ببقى مستنياه الكورة يعنى بضصراحة ببقى مستنية بعد الماتش هيحصل أيه لو فيه أحتفالات التشجيع نفسه هو أللى بحس بيه الناس كلها بتقعد مع بعض بتستمع فى فترة بتنبسط فيها بغض النظر عن مين هيكسب أو مين هيخسر
سحر ناجى:لكن يعنى مثلا يعنى أيمن دايما كتير من علماء النفس بيقولوا إن الكورة وسيلة لأسقاط الإنفعالات الداخليه على الحكم والمدربين واللاعبين وكتير يعنى بنسمع أللفاظ مش مقبوله حتى على اللاعيبيين أللى بيحبوهم أنت بالنسبالك لما بتتفرج بتكون فرصة للتنفيس ولا بتكون للمتعه ؟
أيمن:هى بترجع للشخص فى الأخر فيه ناس بتتفرج عليها كمتعة وفيه ناس بتتفرج بزيادة بتبقى حسب مدى حبه للفريق وللمنتخب أللى بيشجعه فدى بترجع للبنى أدم من شخص للشخص تختلف من شخص لشخص
سحر ناجى:طيب أنا عايزة أثير برده نقطة قالها أحد مدربين الكرة النسائية ليكم قالك إن وضع الكرة النسائية فى مصر يا مها ما خدتش حقها زى الكرة الرجاليه ليه ؟
مها:علشان هى دلوقتى بقالها 10 سنين فى مصر فهى طبعا حاجة جديدة وأحنا طبعا كمجتمع شرقى فكرة جديدة إن البنات تلعب كورة أللى هى لعبة ولاد بس بعد ما رحنا وشوفنا أللى بيعملوه هناك بيلعبوا حلو بيلعبوا كورة بجد مش مجرد إن هما عاملين فريق بنات وخلاص يعنى لأ طبعا ليها مستقبل فى مصر كبير يعنى
سحر ناجى:طب مارى وضع الكورة النسائية عندكم أيه فى ألمانيا ؟ هل ليها نفس الإهتمام زى الكورة الرجاليه ولا لسه برده ؟
مارى :الكورة النسائية بالطبع ليها شعبيه كبيرة بألمانيا أكثر من دول أخرى من الطبيعى أن النساء تلعب كورة القدم وأنا لا أرى فى ذلك أمرا لا يمكن قبوله الناس تقبله أكثر من ذى قبل ولكنها أيضا لم تحظى بنفس الشعبيه لكرة القدم الرجالى حتى أنهم فيه مباريات كأس الأمم الأوروبيه مثلا أو كأس العالم للنساء ليست هناك لاعبات كرة القدم من النجمات شأنه شأن الرجال ولا يمكن بالنسبة لفريق الرجال فهم يصبحون فعلا مثلا وأيقونات يحتذى بها فى كل مكان ولكن النساء لا يتمتعن بهذا
سحر ناجى:عماد رأيك أيه فيه لعبة السيدات لكرة القدم؟
عماد: هو رأيى فى لعبة الست لكرة القدم يعنى أنا ما تابعتش ماشفتش متهيألى لو بنت بتلعب كورة بالنسبالى أنا مرفضش ده يعنى تبقى رياضه زى أى رياضة تانيه بنتابعها زى الجمباز طالما بتلعبها كويس تلعبها أيه المشكلة ؟
سحر ناجى:ريتش عندك رأيى تانى
ريتش:نعم أنا لست من معجبى كورة القدم ولكننى شاهدت كثير مباريات كورة القدم النسائية وأرى أنهم فنيا جيدات للغاية ولكن الجاذبية تعانى من أنهم أكثر بطأ عن كرة القدم الرجاليه
سحر ناجى:يعنى بالتمرين زيادة شوية هيجى منهم
ريتش:بالطبع أنهم يتمتعن بسرعة معينة ولكن قد تكون أعتدنا على كورة القدم الرجاليه التى هى أكثر سرعة
سحر ناجى:خلينا الأوجه المختلفة لكرة القدم فى المانيا نروح نشوف إهتمامهم بيها قد أيه علاقة الكرة بالأنتماء فى مجتمع به شباب من أصول مختلفة الفوز والهزيمة أيه أللى بيعنيه ونرجع تانى
تقرير
الشبان الألمان تجمعوا لمشاهدة مباريات منتخبهم مع الأرجنتين رغم الحماس لم يحظى المنتخب الألمانى بالفوز لكن فريدرك مقتنع تماما أن منتخب بلاده سيكون أدائه مختلفا فى كأس العالم
فريدرك:المنتخب الألمانى منتخب قوى وأعتقد أن مستواه سيكون جيدا فى البطولة أنا واثق من أنه سيفوز فى كأس العالم
باتريك ولد فى ألمانيا لأبوين بولنديين أثناء بطولة الأمم الأوروبيه الأخيرة عام 2008 لعبت ألمانيا ضد بولندا من مين الفريقين الذى يشجعه باتريك ؟
باتريك:فكرت قبل المباراة كيف سيكون شعورى قبل المباراه وكيف سأشعر لو فازت بولندا ؟ وجدت أنى سأكون سعيدا لو فازت بولندا لكنه أخفق فى ذلك
أثناء بطولة الأمم الأوروبيه الأخيرة ساندت بيانكا وهنريتا المنتخب الألمانى للكورة وهما تريدان فعل ذلك فى البطولة المقبلة عبر الذهاب للمشاهدة الجماعية والأستمتاع بالمشاهده هناك
بيانكا : بالنسة لنا نأتى للإستماع فى المرتبة الأولى لكننا سنسعد بالتأكيد لو حققنا فريقنا الفوز حتى لو خسر الفري لن يكون الأمر سيئا
هنريتا : ما يميز لعبة كرة القدم هو بساطتها وقوانينها التى يعلمها الجميع فى العالم يكفى أن يكون هناك كرة ومرمى للإستمتاع بكرة القدم
أما ريتش فأختار لعبة أخرى أنه يمارس رياضة الرجبى منذ أن كان فى سن الثانية عشر هو معجبا جدا بهذه اللعبة حتى لو كانت لا تحظى بشعبيه فى ألمانيا
ريتش:أرى من الناحية البدنية رياضة الرجبى تحديا شخصيا لا يهمنى إذا كانت شعبيه هذه الرياضة متدنية فى ألمانيا فأنا أمارسها من أجلى وليس من أجل الأخرين
النظرة لكرة القدم تختلف من واحد لأخر لكن الجميع يأمل فى أن تفوز ألمانيا فى بطولة العالم
سحر ناجى:وزى ما شوفنا النظرة لكرة بتختلف من شخص لأخر وبعد التشجيع أللى أحنا شوفنا للمنتخب الألمانى أحمد هل بتعتبر تشجيع منتخب بلادك موقف وطنى ولا لأ ؟
أحمد:أنا بتعبره طبعا موقف وطنى
سحر ناجى:ليه ؟
أحمد:بحس بالأنتماء لبلدى وأكيد طبعا بنبسط لما مصر تكسب وبحس إن دا إنجاز عظيم بيشرفنا وسط العالم كله وإن كورة القدم ليها شعبيه كبيرة فلما مصر تحقق فيها أنجاز الناس كلها بتعرف مين مصر وبتعرف إن مستواها كويس فى الكورة وبيتعرفوا على مصر أكتر
سحر ناجى:طب باتريك أنت بالرغم من أنك بتعيش فى ألمانيا فى بطولة الأمم الأوروبية تشجيعك كان لى بولندا لأن إنتماءك أو أصولك كانت بولنديه هل ما حستش إن فيه كالن واجب وطنى عليك تقوم بيه بما أنك بتعيش فى ألمانيا ؟
باتريك:فى البداية أعتقد أن الأمر ليس به أى إلتزام وطنى لأننى يمكنى أن أقول أيضا أن الإلتزام الوطنى والديا أصول بولندية فيجب أن يكون تجاه بولندا إلى أن هذا قرار عليا وحدى أن أتخذه ولا أتأثر فيه بأى تأثير من الخارج لأن فى النهاية هذا هو ما أفكر فيه ويصدر عن قلبى وشعرت بالقرب إلى بولندا مقارنتا بألمانيا فى تلك الحاله ولكن الأمر أننى لم أكن أشجع ألمانيا فى ألعاب أخرى ولكن فى المقارنة المباشرة قررت أن أشجع بولندا
سحر ناجى:طب جيلان بالنسبالك أيه علاقة الرياضة بالأنتماء ؟ هل شايفة زى ماقال أحمد أنى فيه علاقة ما بين الرياضة وتشجيع المنتخب لإنتمائى الوطنى ولا مفيش؟
جيلان:هو ما فيش علاقة ما بين الرياضة والإنتماء عامتا بس فيه حالة لما بيكون المنتخب بيلعب طبعا الناس حابه أنها تشجع منتخبها أو تحس أنها ملزمة بكده وإن هى ليها علاقة بكده إن دا علمى بلدى أنا لكن لو تلاقى مثلا الدورى الأنجليزى شغال تلاقى كل واحد بيشجع فرق مختلفة عن التانية هو كده بيشجع رياضة بس مالوش علاقة بالإنتماء
سحر ناجى:عماد أتفضل
عماد:عايز اسأل باتريك كان موقفه أيه وأصحابه الألمان معاه وهما بولندا وألمانيا بيلعبوا ؟ يعنى هما شايفينه بيشجع بولندا وقاعدين معاه أيه الموقف كده أحكلنا ؟
باتريك : نعم كان موقف غريب بعض الشىء لأننى لديا صديق أيضا كان قريب منى فى نفس الموقف لأن والديه من بولندا وهو ولد أيضا فى ألمانيا وذهبنا معا إلى المباراه نحن الأثنان فقط ضمن ثمانى ألمان آخرين ألمان وكانت هناك بعض الإحتكاكات نحن سوف نفوز وأنتم سوف تفوزون ثما خسرنا نحن المباراه فعدنا كلانا إلى البيت وكل الأصدقاء الأخرين أخذوا يتصلون بى على التليفون ويقولون لقد خسرتم هذه المباراه ولم أرد على المكالمات بعد ذلك
سحر ناجى:ولكن أنا أستغربت من موقف بيانكا لما قالت أنا بستمتع بكرة القدم فى المرتبة الأولى وفى كاس العالم أللى جاى لو ألمانيا خسرت الأمر مش هيكون بهذ السوء أزاى بالنسبالك مش هيكون بهذا السوء
بيانكا: ليس جميلا بالطبع الكل يرغب فى أن تفوز بلده كلما فازت البلد كلما زادت الإحتفالات وزادت السعادة ولكننى لم أرى أنها نهاية العالم إذا لم تفز ألمانيا فهناك كثير من المتعصبين الذين يرغبون أن تفز بلادهم بأى طرق
سحر ناجى:أحنا شوفنا الإهتمام بالرياضه من قبل الشباب المصرى خلينا نتعمق أكثر ونشوف هما أيه أللى بيميز الرياضه عن بقية الرياضات لماذا يقرر شخص أو شاب الإنتماء إلى نادى إلى الأخر نشوف فى التقرير أللى جاى ونرجع تانى
تقرير
لا يفوت أيمن أية مباريات ناديه المفضل فى دورى كرة القدم المصرى النادى الأهلى فعندما يفوز النادى تكون الفرحة عارمة
أيمن:أنا أتولدت لقيت أهلى كلهم أهلويه فبقيت أهلوى فلما أبتديت أكبر لقيت النادى بياخد بطولات وكده فأنا شجعته وأهتميت بيه أكترأما سارة فتتابع يوميا فى الجرائد أخبار المنتخب المصرى والنوادى المختلفة وتأخذ كرة القدم الحيز الأكبر من الأخبار الرياضية وهو أمرا تتفهمه سارة جيدا
سارة : الكرة دلوقتى ما بقتش زى الكرة زمان الكرة دلوقتى بقت حاجة بتجمعنا وبتوحدنا كلنا بنفرح بيها وكلنا بنزعل ليها يعنى لما منتخب بيخسر بيبقوا الناس كلهم زعلانين ولما المنتخب بيكسب كل الناس بتنزل الشارع بتجيب الأعلام بتجيب البرانيط وبتقعد تشجع يمكن لغاية الساعة 4 الصبح فالبنسبالنا المنتخب بيكسب فيبفرحنا الكرة هى اللعبة الشعبيه الأولى فى مصر اللشباب بيلعبوها علشان هى المتنفس ليهم من ضغوطات الشغل أو الدراسة بتجمعنا مش محتاجة فلوس أو مكان بنتجمع وبنلعب فى أى حته
سالى:قبل كاس الأمم كانت البنات بتتفرج على الكورة فى البيت مع صحابهم أو مع أهاليهم فى كاس الأمم بقينا نروح الأستاذ ونشجع فى الأستاد ودا ما كنش موجود قبل كده فالفضل يرجع لكورة طبعا البنات بقت بتروح الأستاذ مع الولاد وبنبقى مع بعض ودى حاجة حلوة أوى
مازال عدم تأهل المنتخب المصرى إلى نهائيات كأس العالم فى جنوب أفريقيا يشغل بال أحمد وأصدقائه فالأجواء التى سادت شوارع القاهرة بعد خسارة المنتخب المصرى أمام نظيره الجزائرى تعد دليلا واضحا على دور كرة القدم فى مصر
أحمد:أكيد زعلانين علشان كاس العالم وبالذات إن ده الجيل الذهبى بتاعنا خدنا كاس أمم أفريقيا 3 مرات هزمنا كل البلاد أللى طالعة كاس العالم رغم ذلك يوضع الشباب ثقتهم فى المنتخب المصرى من أجل الوصول إلى نهائيات العالم 2014
سحر ناجى: رجعنا مرة تانية وعايز أسأل فريدريك تفتكر أيه أسباب إنتمائك لنادى معين عن الأخر أيه أللى بيحكم الأمر ؟
فريدريك: أعتقد أن هناك أسباب مختلفة كما قال أيمن مثلا أن تكون الأسرة تشجع هذا النادى أو الأصدقاء أو المنطقة التى ترعرنا فيها كما يكون هناك حب لأعضاء الفريق أو طريقة اللعب أو المدرب أو أن يكون هناك من يعرف نفسه أيضا بالإنتماء لهذا الفريق ولكن أريد أن أعرف من أيمن أيضا ما الذى شسوف يكون هناك نظريا لو كنت تشجع الزمالك مثلا ؟
أيمن:هو أنا مش هشجع الزمالك علشان العيلة كلها أهلوية هو بس بتختلف لأنوا وأنت صغير بتشوزف6 مثلك الأعلى مثلا باباك بيشجع النادى الأهلى أو العيلة مثلا بتشوفوا بيشجع أي مثلا نادى أنا كان عندى الأهلى بعد كده بتكبر بتدرج بتبتدى تقارن بين الفرق وتشوف دى أحسن طب دى أحسن ليه وبتبتدى تقارن أنت ممكن وأنت صغير تكون أهلاوى ولما تكبر تبقى زملكاوى
شابة ألمانية "أنا أريد أيضا أن أوجه لقد تعرفت عليكم أنتم وأصدقائكم فى الأيام الماضية وأعتقد أنكم جميعا تحبون كرة القدم وأن موضوعاتكم الأساسيه هى كرة القدم هل هناك من لا يحب كرة القدم ؟ بين الشباب أو ليس له علاقة قوية بها وماذا بشأن الألعاب الأخرى ؟ هل هناك أصدقاء يلعبون السله أو ألعاب أخرى ؟
سحر ناجى:سؤال وجيه جدا هل لو حد ما بيحبش كرة القدم فى المجتمع المصرى هيحس أونا خارج المجتمع ولا جواه
شاب مصرى :هو أنا ما كنتش بحب الكورة قوى كنت بلعب جودو وكده بس الكورة فى بيتنا بتفرق معانا أوى بابا بيحب يتفرج على الأهلى بيحب يتابع قوى فمن كتر ما بقعد ما بابا وبتفرج على ماتشات الأهلى فرق معايا أوى الموضوع ومتهيألى لو أى حد لو باباه أو مامته بيشجعوا وكده بيبقى فيه إنتماء وبيحب النادى أنوا يكسب هى بتيجى برده من البيت أن هو بيحب الكورة ولا لأ
سحر ناجى:طب سارة لما بتابعى الجرايد الرياضية بتجدى أن كرة القدم تشغل الحيز الأكبر هل فى ألمانيا نفس الحكاية كرة القدم فى الجرايد الرياضية هى أللى بتشغل الحيز الأكبر ولا لأ ؟
ساره:لا ليس بالضالة لأنه إذا كانت هناك أية بطولات فعند إذنا تكون كرة القدم فهذا الأمر ينطبق على كرة اليد أيضا وأنواع أخرى من الألعاب الرياضية مثل السلة مثلا بتحظى بالإهتمام ليست فقط كرة القدم هى ألتى تحظى بإهتمام الصحافة أعتقد أن عليا أعارض ذلك لأن أنا أيضا ألعب كرة اليد وأنا أرى ذلك يعنى الرياضة ممثله فى الصحافة كما أن كرة الماء ليست ممثلة بشكل جيد فيه كرة القدم وأعتقد أن من لا يلعب رياضة أخرى أو من يشاهد رياضات أخرى يعرف أن كرة القدم هى المسيطرة
سحر ناجى:ولكن الحقيقه فى ألمانيا نجاحات فى هذه الرياضه يعنى كرة اليد كرة السلة هناك تحقيق لنجاحات بالرغم من كده الإعلام ما بيظهرهاش
ساره:ليس بنفس درجة الإهتمام بكرة القدم أعرف أن ألمانيا فى كرة الماء من أقوى 10 فرق ولكن قليل ما يذكر عنهم أى ششىء فى الصحف كما أن لا يحصلون على الأجور التى يحصل عليها لاعبو كرة القدم ولا يمكن مثلا أنه هناك تقليد راسخ فى الأذهان أريد أن أسأل نادر مثلا لماذا كرة القدم بالتحديد لماذا ليست رياضة أخرى ؟ أنا لا ألإهم هذا الشغف بكرة القدم فقط وهذا التركيز عليها
نادر:أولا التركيز على كرة القدم مش مرتبط بمصر بس على قد ما هو مرتبط بالعالم كله كرة القدم تقريبا أللعبة الشعبيه الأولى فى دول العالم وناس كتيرة أحتار تفسر الموضوع دا ليه يعنى فيه ناس بتقول لعبة القدم من سهولتها كسبت الشعبيه دى كلها إن الأنسان ممكن وهو ماشى فى أى مكان بى طوبه بأى كورة بأى حاجة يعنى ممكن يمارس لعبة كرة القدم من غير أدوات مكلفة فى أى مكان مع صحابه يعنى كرة القدم مش فى مصر بس لعبة شعبيه أولى
ساره:كرة اليد مثلا كرة سهلة وليست هناك إحتياج لكثير من المعدات أو الرجبى فى باكستان يمكن أن يلعبونها فى الشارع مثلا أنا أعرف أيمن مثرلا منذ فترة وقال لى أنه يلعب كورة السلة سؤالى أيضا هل تشعر أنك مستبعد من أصدقائك أم أنه يقبلونك مع أنك تلعب رياضة مختلفة ؟
أيمن :لأ مش معنى أنك أنت بتلعب رياضة تانية يبقى مش هتنزل مع صحابك أو تخرج معاهم أنت ممكن تلعب رياضه غيرهم مش معنى كده أنى أنت تبقى منبوذ هنا بالذات فى مصر عادى بالنسبة للرد أنى ليه الكورة هى أكتر شعبيه ؟ الكورة سهلة يعنى زى ما صوفى قالت الهاند بول الهاند بول لازم جون معين ولازم ملعب لكن الكورة ممكن تلعبها فى الشارع
سحر ناجى:أه بس فيه رياضات تانيه فى تنس فى أسكواش وأعتقد أن مصر بتحقق فيهم بطولات ليه ما بنلقيش فيهم أهتمام أو أهتمام بيهم بنجومهم زى نجوم الكورة ؟
أيمن:هو دا بيرجع لحاجتين للإعلام أولا والناس ثانيا يعنى أنا مثلا بتفرج على التليفزيون شفت ماتش كورة وماتش تنس أكيد هتفلاج على الكورة هى بترجع للمجتمع وللإعلام يعنى لو الإعلام بيسلط الضوء مثلا على بطولة زى الهاند بول فى أفريقيا أللى كانت فى مصر هنا أكيد الناس هتتفرج والناس برده يعنى الإعلام والناس
سحر ناجى:سالى أنتى قلتى أنا ما كنتش بهتم بالكورة وبعدين أبتديت أهتم بيها والتغير أللى طرأ عليا طرأ على ناس كتير مش أنا لوحدى أيه سبب التحول ده ؟
سالى :الواحد لما بيشجع هنا غير لما بيشجع فى الأستاد لما بيحس أنوا مرتبط مباشرتا بالماتش دا بالنسبالى فرق معايا جدا فى إهتمامى بالكورة وأخبارها وأيه نوع الأحداث أللى بتحصل فى الكورة وفيه ماتش قريب هيحصل أو كده مش بس أنا أللى حصلى كده أنا وناس كتير من أصحابى ومن العيلة وكده بدأنا نهتم أكتر بالكورة مع دخولنا الأستاد
سحر ناجى:فيه ناس بتقول إن جمهور كرة القدم فى مصر أتغير فيه جمهور جديد حل محل الجمهور القديم هو دا أللى عمل الإهتمام هل أنتى متفق معى فى الرأى ده ولا لأ ؟
سالى :متفقه جدا معاكى فى الحتة دى دلوقتى بقى فيه عائلات بتروح الأستاد ناس صغيرين تروح لوحدها مبقاش بس الجمهور بتاع الشباب ممكن تلاقى مجموعات كبيرة جدا من سن المدرسة أو من سن الجامعة أو عيلة رايحة بأطفال صغيرين بيشجعوا ودا كمان قصر على الماتش نفسه مبقاش الماتش فيه جمهور من الشباب بيشجعوا ممكن تلاقى ناس كتير قوى ودا أتعقد أنوا قصر على كذا مستوى
سحرناجى:طيب عموما حوارنا مستمر عن تأثير وتأثر الشباب فى مصر وألمانيا بكرة القد ونعود بعد الفاصل
فاصل
سحرناجى:أكيد كلنا لانختلف أن فوز دولة ما فى كأس العالم بيعتبر من أهم الإنجازات الرياضية لمنتخب هذا الدولة بيكهام لما شئل عن أهم أنجازاته الشخصية قال فوز ألمانيا بتنظيم كاس العالم دا كان أهم أهم أنجازاته الشخصية خلينا نشوف تنظيم كاس العالم بالنسبة لدولة ما ولسكانها ولشبابها أيه أللى بيعنيه من التقرير أللى جاى ونرجع تانى
تقرير
مشجعون من بلدان كثيرة قدموا إلى ألمانيا لمتابعة بطولة العالم لكرة القدم عام 2006 4 أسابيع 32 منتخب وأحد عشر مليون مشاهد تابعوا البطوله فى الملاعب أماكن المشاهدة الجماعية أنتشر فى المدن الألمانية عده أثناء العرس العالمى الذى أحتفل الجميع فيه بكرة القدم لعبة الجماهير الأولى الأعلام الألمانية كانت ترفرف فى جميع الأماكن والشعب الألمانى أظهر حسا قوميا فريدا فبطولة العالم عززت شعور الإنتماء القومى لدى الجميع الألمان أحتفلوا بأنتصارات المنتخب الألمانى أحصائية ققم بها المركز الألمانى للتربية السياسيه أظهرت أن معظم الشباب يشجع فريقا دون أخر بناء على عبارات قومية دون النظر إلى الأداء الرياضى هذا يفتح المجال للتساؤل هل كرة القدم مجرد لعبة أم أنها نشاط يبشر عبى شعور قومى ؟ سحرناجى:كرة القدم كنشاط مؤثر على الشعور القومى إستيفان ما الذى مثله بالنسبة للألمان تنظيم ألمانيا لبطولة كا العالم 2006 ؟
إستيفان:أعتقد أن الأمر كان له أهمية كبيرة لأن من قبل كاس العالم لم يكن لديا مثلا علما ولم تكن لديا تلك المشاعر الوطنية ولكن هذا الشعور الوطنى الذى تنامى أثناء مباريات كاس العالم لم يكن هناك من يبدى أى مشكلة فى أظهار العلم والتزين أيضا بألوان العلم أعتقد أن الأمر تغير كثيرا لدى الشباب يمكننى أن أحكى أنه فى 2004 كانت هناك أيضا مباريات كاس عالم كنا نحاول أن نظهر الأعلام ونرسم أيضا الأعلام على وجوهنا فنحن تاريخنا وتاريخ ألمانيا فى أوروبا لم نكن نتجرأ على أظهار هذا الشعور الوطنى ولكن فى كأس العالم عام 2006 حيث نظمت المباريات لدينا فى ألمانيا الكل تجرأ على هذ وأخرج العلم وأظهره بكل جرأه ونسينا جميعا هذا التاريخ المؤسف للألمانيا ومنذ ذلك الوقت أعتقد أنه هذا هو الوقت الذى كان يرانا فيه العالم كل مكان
مارينا :أعتقد أيضا أن هذا الأحساس تزايد أيضا فى الشعور الوطنى أثناء مباريات كاس العالم ولكننى أرى أن الأمر غريبا أن تظهر هذا الشعور بالوطنية بسبب كرة القدم لأن الفخر بالوطن بسبب أننا جيدين فى كرة القدم يجب أن نكون فخورين لأننا ألمان فى الأول لأننا لدينا دولة ديمقراطيه مثلا ولكن من الغريب أن نتمتع بهذا الشعور الوطنى أعضاء الفريق الأحد عشر يلعبون جيدا ومن هنا يأتنى هذا الفخر
سحرناجى:أيه رأيك يا سالى فى الكلام بتاع مارينا
سالى : زى ما هى بتقول بس الفكرة يعنى مكن الشعور من داخلهم من جوا إن هما فخورين فعلا لأن هما ألمان بس مش قادرين يطلعوه لأن هما يعنى أوكيه فى ديمقراطيه وفيه حاجات حلوة كتير فى بلدهم بس ما فيش حاجة يطلعوا فيها الفرحة دى فلما يكون فيه ماتش أو حاجة الألمان بيلعبوا فيها طبيعى إن هما بقى يقدروا يطلعوا الأعلام ويفرحوا ببلدهم
سحرناجى:وزى ما قالت بيانكا قبل كده كان فيه كبت مش عارفين يطلعوا شعورهم
سالى :جتلهم الفرصه إن هما يطلعوه بس أنا عايزة أسأل ألمانيا دا بيخليكى كالالمانية فخورة أكتر ببلدك طبعا ؟
بيانكا:بلا فأنا أرى أن التوحد الذى نشأ أيضا فى خلفية ألعاب كرة القدم أن الجميع كان يبحث عن ألمانيا ولكننا كنا جميعا نبحث عن سبب نظهر فيه الشعور بالوطنية وأن نقف إلى جوار
سحرناجى:عايزة أعرف رأيى سالى فى المتطلبات أللى يجب توافرها فى بلد علشان تنظيم كاس العالم ؟ هل مجرد ملاعب وأماكن للأقامة وزلا فيه حاجات تانية أكتر من كده ؟
سالى:أعتقد أهم حاجة هى شعبيه الكورة فى البلد دى الناس بتشجع الكورة هل بس الشباب هل بس الصغيرين فى السن ؟ ولا كل الناس مهتمة بالكورة ؟ طبعا لازم يتوافر فيه حاجات تقنية مهمة جدا ملاعب وأماكن أهم حاجة ناس تكون عندها إهتما بالكورة بغض النظر هل متفوقه فيها ولا لأ ؟ أو مثلا هل هم متقدمين فيها عالميا ولا لأ
سحرناجى:طب باتريك العالم ضيف عند أصدقائه دا كان الشعار أللى ألمانيا أطلقته 2006 لما ألمانيا نظمت كاس العالم أزاى أستطعتم تطبيق هذا الشعار ؟ إن العالم جاى عند أصدقائه الألمان طبقتوه أزاى ؟
باتريك:عندما أرى هذه الصور بعد مرور 4 سنوات أيضا تقشعر جسدى لأن من يعايش هذا الجو يمكنه أيضا أن يشعر به حتى الأن زقلت أن الناس لا يجب أن يتحمسوا بشأن كرة القدم ولكن يتحمسوا لأنها دولة ديمقراطيه ولكن هذه المشاعر التى تصدر عن مباريات كرة القدم هى أكبر كثيرا من أسباب أخرى
سحر ناجى:ما زالتم متأثرين بهذا الحدث إلى الأن من 2006 لى 2010 ؟ لكن أنا عايزه أعرف ريتش لأن أ،ت مالكش فى كورة القدم وبتشجع الرجبى بالنسبالك الحدث دا كان عامل أزاى ؟ كان بيمثلك أيه ؟ إن ألمانيا تنظم كاس العالم 2006 وبقى عندك العالم كله فى ألمانيا والعالم كله بيتابع المباريات فى ألمانيا ؟
ريتش:الرجبى ليس كثيرا وليس له شعبيه كبيرة فى ألمانيا وبالطبع يسعد الناس عندما يأتى الناس من العالم كله إلى ألمانيا بالطبع أثناء كأس العالم كنت أشعر بهذه السعادة أيضا مع الأجانب وكنت أيضا أخرج مع المشجعين وأفتقدت بعد تدريبات الرجبى لأشاهد المباريات
سحر ناجى:طب عايز أقول إن أكيد حصول دولة ما على كاس العالم يعتبر من أهم الإنجازات الرياضية للمنتخب الخاص بهذه الدولة ولكن تنظيم أيضا كاس العالم يعتبر إنجاز رياضى كبير أيه أللى بيعنيه تنظيم كاس العالم بالنسبه للدولة وبالنسبة لشبابها ؟ خلينا نشوف فى التقرير أللى جاى ونرجع نتكلم تانى
تقرير
هنا قسم اللاعبين الناشئين فى نادى المقاولون العرب ويلتقون مع خبير كرة القدم الدكتور عمرو أبو المجد من وجهة نظره كمدرب سابق للمنتخب الوطنى يعترف أبو المجد بتطور مستوى كرة القدم فى مصر فى السنوات الماضية لكن كرة القدم المصريه مازالت تعانى من بعض العيوب
عمروأبوالمجد:ينقصها إدخال هذه الإنجازات داخل منظومة أحترافيه منظومة بتهتم بالمدرب بتهتم بالاعب بتهتم بالإدارى بتهتم بالحكم يقول دكتور كمال إسماعيل مستشار الفيفا التدريبى فى القاهرة إن إهتمام كرة القدم إزداد خاصة بالاعبين الذين يعدون نجوما فى المجتمع وهو يعتبر كرة القدم جزءا لا يتجزأ من هوية المجتمع يحقق فيها المصريين شىء من طموحاتهم وشيىء من إنتماءاتهم من خلال التشجيع الحماسى جدا المعبر عن هويته وعن حبه لبلاده وعن حبه للفريق أللى بيرتبط بيه
أما ماريان فتختلف مع الدكتور كمال فهى لا تتفهم هذا الإهتمام المتزايد بكرة القدم
ماريان:كورة القدم بقت شىء مبالغ فيه زيادة عن اللزوم اللاعبين بقم بياخدوا فلوس أكتر مما هما بيعملوا هو مش بيعمل أكتشاف علمى أو حاجة فيه بذل جهد للدرجاتى علشان ياخد عليها الفوس دى كلها أنا شايفه إن الموضوع مبالغ فيه أنا شايفه إن الموضوع ممكن يقل عن كده شوية سواء كان الأمر فيه مبالغة أم لا تبقى كرة القدم هى الرياضة الشعبيه الأولى فى مصر
سحر ناجى:وتبقى كرة القدم اللعبة الشعبيه الأولى فى مصر عايز أتوقف معاك يا نادر يعنى الخبراء بيقولوا إن فيه تطور كبير طرأ على الكرة فى مصر ولكن شايفين إن فيها عيوب بتتفق معاهم فى كده ولا لأ ؟
نادر:أه أكيد أنا بتفق معاهم فى الناحينين أنها أتطورت بشكل كبير فى أخر 10 سنين وأكيد هتفضل فيها عيوب
سحر ناجى:بتتفق معاهم فى أللى قالوه كعيوب ؟
نادر:أه طبعا العيوب دى موجوده فعلا وفيه حاجات هما ما تطرقوش ليها من وجهة نظرى يعنى لكن التطرو أللى أتطورتوا فى ال10 سنين أللى فاتت يعنى الكورة فى مصر من زمان قوى أعتقد مع بدايات القرن بقى فيه كورة منتشرة يعنى وأنديه
سحر ناجى:أندية بتلعب كويس
نادر:أه ولكن التطور أللى فى ال10 سنين ده كان تطور كبير قوى بالنسبة لعمر الكرة فى مصر فأنا شايف إن التطور بالمقارنه بالعيوب أللى موجوده دا إنجاز كبير وصللناله
سحر ناجى:طب بيانكا ماريان شافت إن كورة القدم بقت شىء مبالغ فيه زيادة عن اللزوم سواء كان فى مصر أو فى العالم بتقول إن اللاعبين بياخدوا فلوس أكتر مما هما بيعملوا بتتفقى معاها فى الرأى ولا لأ ؟
بيانكا :نعم بالكبع أنا أرى أيضا أنها ليست سوى رياضة وكما قالت أيضا فى العرض أنهم لا يقدمون شيئا ينطوى على ثقافة أو إنجاز إقتصادى ولذا أرى أن هناك مبالغة فى التقدير والمكافأت
سحر ناجى:أحمد أول واحد
أحمد:أنا بختلف معاهم فى إن اللاعيب بتاخد فلوس كتير اللاعيبه دى لما بتتحق إنجاز بتفرح ناس كتير 80 مليون لما مصر جابت كاس أفريقيا لأول مرة فى 2006 وبعدين جابوه تانى فى 2008 فطبيعى جدا نديهم فلوس ونكرمهم لأن هما فرحوا
ماريان:أحمد مش للدرجاتى يعنى ممكن أنى أنا أستثمر بعض الفلوس دى فى اللعيبه دى والفلوس بقتها أعمل بيها حاجات محتاجها بلدى ناس عندها مشاريع كتير نفسها تقدمها وعمندهاش فلوس تقدم ده هما بيعملوا جهد كبير طبعا وبيجيبوا للبد فرحة كبيرة بس مش للدجرجاتى يعنى ممكن نستثنر فلوس أقل من كده الفوس أللى بترجعلنا بعد ما يكسبوا بتطلع علشان نستثمرها فى الكورة مش بناخدها علشان نستثمرها فى حاجة تانية يعنى أحنا ممكن نستفاد بيها أكتر
أحمد:هو لاعيبه الكورة برده عمره كنجم كورة برده صغير أنا دلوقتى لاعيبه كورة هبقى كويس قوى فى سن 21 لغاية مثلا 30 ، 35 سنة كده مش هقدر ألعب كورة تانى بنفس المستوى وبنفس الأداء فطبيعى أنى أنا قدام المهنة أللى بتجيبلى الفلوس أللى أنا باخدها مش هتبقى موجوده فالطبيعى هما ياخوا فلوس كبيرة علشان يقدر فى المستقبل يأمن نفسه
سحر ناجى:ماريان برده بتعلب على نقطة تانيه إن اللاعيبه دول ما بيعملوش حاجة تفيد البلد أنت بتتفق معاها ولا لأ ؟ أيمن
أيمن:أنا بعترض مع ماريان أنا لما بعمل حاجة لبلدى مثلا زى عالم أو كده برفع أسم بلدى وبعرف الناس برده لما بخش كاس عالم وأكسب كاس عالم وأكسب كاس أمم أفريقيه 3 مرات ورا بعض أنا شليف إن دى عرفت مصر للعالم وإن المنتخبات القويه فى العالم بقت تطلب تطلب مع مصر علشان كده دى حاجة كويسه
سحر ناجى:بيانكا عندها رأى طيب
بيانكا:أنا كنت أريد أن أقول أن الأمر ليس فقط إعجاب الناس بالكورة أو إظهار البلد من خلال بطولات ولكن الناس تمارس هذه الرياضه بسبب المتعه وقد يكون هناك تبرير للمكافأت التى يحصل عليها اللاعبين ولكنها مبالغ فيها أعتقد بالفعب أن هناك مجالات أخرى يمكن إستثمار النقود فيها أكتر من كرة القدم نعم هذه اللعبة توفر المتعة لكثير من الناس ومن الجميل أن نتحرك ونلعب أنا شخصيا لا أمارس هذه الرياضه ولكن الإمكانية فى حد ذاتها جيدة ولكن ممارياتها فى ألعاب وبطولات عالميه
سحر ناجى:أنتى شايفة إن لاعيبه الكورة بيقدم شىء مفيد لبلده ولا لأ ؟
بيانكا:لا أعتقد أن الإستفادة ممكن أن تعود علينا جميعا و لا أعرف من هى البلد الأفضل هل الأرجنتين هى البلد الأفضل أم الفريق أتعقد أن الفريق المصرى جيد أيضا ولكن أعتقد أيضا أن إستخدام ألمانيا لكأس العالم كان وهذا الأحتفتال والسعادة اتلوطنية أما الأرباح كانت هناك عناصر إيجابيه ولم يكن هذا هو المنظور الرئيسى عندما يكون لديا نفوذ ممكن أن أستثمرها الموقف مختلف الموقف لم يحدث هذا أنها أداء وإنجاز والتنافس فى كرة القدم جميل للغايه وعندما يؤدى هذا الأداء
سحر ناجى:ولكن فريدريك هل ترى أن لاعيب الكورة فى نفس مفادة عالم لبلدك ؟
فريديرك: أعتقد أنه لا يمكن أن نصف لاهذا لأنها مجالات مختلفة ليست لها علاقة ببعضها البعض فالعلماء يمكنهم أن يتقدموا بالعالم ويجدوا علاجا لأمراض ما وأنهم يمكنهم أن يأثروا ويكونوا ذوى فاعليه أكبر فى المجتمع ولكن على مستوى مختلف من مجال لأخر أما كرة القدم فهى تتسبب فى توحيد الناس وتقريبهم من بعضهم البعض وهذه قيمة لا يجب أن نقلل من قدرها أيضا أعتقد أنه يجب أن يحظى لاعيبى كورة القدم بالكثير ولكن العلماء ذوى عقول متميزة
سالى:من أهمية الكورة كمان أنوا لما أسم البلد يتقال كتير وكل الناس تعرفها وغير كده كمان إن هو بيدل على إن الببد دى بلد متحضرة فيها رياضة فدا بيرفع أسم البلد طبعا
سحر ناجى:أراء مختلفة ولكن نشوف على أرض الواقع فى الشارع المصرى والألمانى بدأ إهتمام الشباب بكرة القدم بصفة عامة عاملوا إستطلاع مصغر كده بتوقعات الشباب مين سيفوز بكاس العالم 2010 وأيه أللى بيثير حماسهم لهذه الدرجة ؟ بنشوف الإيجابات كانت أزاى ؟
أهلا أنا مارى سأحاول اليوم التعرف بطولة العالم 2010 فما رأيى الشباب فيها ؟ وما يثير الحماس لها وهل ستفوز ألمانيا ؟ من سيفوز بكأس العالم ؟
شاب ألمانى :ألمانيا
شاب ألمانى:ألمانيا
شابه المانية:بالطبع أشجع ألانيا فأنا المانية
شاب ألمانى:لايهمنى كثيرا أن تفوز ألمانيا
شابه المانية:أنا سعيده كثيرا لأن البطولة ستقام فى جنوب أفريقيا
شاب ألمانى:أنه حدث ثقافى وإجتماعى إلى جاتنب كونه رياضى يشاهد أصدقائى كرة القدم وأنا أشاهد تلقائيا معهم
شابه ألمانية: أننى أشجع البرتغال بالتأكيد بسبب كريستيانو رونالدو عندما يكون اللاعبين وسيمين فأنا أشجعهم
شاب ألمانى:ستفوز ألمانيا فنحن نشجعهم
مارى :شكرا لكم للنتقل الأن إلى القاهرة
مها: كرا مارى أنا مها أنا عايز أعرف راى الشباب المصرى فى الكورة وفى كاس العالم وبيشجعوا مين ؟ يلا بينا
شاب مصرى:الزمالك أحلى كورة فى مصر وأحسن لاعيبه
شابه مصريه:بحب النادى الأهلى
شاب مصرى:الأهلى يخسر ماتش وإنا شاء ألله أحنا ناخد الدورى إنشاء ألله
شابه مصريه:الزمالك كسب كام دورى؟
شاب مصرى:مالكيش دعوة بالزمالك أنا عارف الزمالك كسب كام دورى
شاب مصرى:كاس العالم ممكن أسبانيا
شاب مصرى:أسبانيا
شاب مصرى: أسبانيا
شاب مصرى:أنجلتر
شاب مصرى: أنجلتر
شابه مصريه:البرازيل وإيطاليا
شابه مصريه:أيطاليا علشان بيلعبوا حلو قوى وقمامير جدا
شابه مصريه:الكورة هى الحاجة الوحيده أللى بتجمعنا مع بعض هى الحاجة الوحيده أللى بيبقى كلنا فيها حاجة واحده
مها:شكرا ودلوقتى بعد ما عرفنا رأيى الشارع المصرى يلا نرجع الأستديو ونكمل المناقشة
سحر ناجى:ونرجع لكاس العالم إستيفان أيه أكثر حاجة بتثير حماسك فى هذا الحدث ؟
إستيفان:أكثر ما يثيرحماسى هو الإجتملع بأصدقائى وأن نذهب لمشاهده المباريات فى الأماكن العامة فهذا هو شعوررائع وليس هناك ما هو أروع ولكن سؤالى إلى أيمن لقد قلت فى السابق أننا نحصل على المثل من أولياء أمورنا ثما نقرر بعد ذلك الفرقه التى نشجعها هل ممكن أن تغير الفرق التى تشجعها وماذا سيقول والديك عليك ؟
أيمن:أه عادى ممكن أغير الفرقه ممكن فى الأول تبقى أهلاوى وبعدين تبقى زملكاوى حصلت يعنى واحد قيبى مثلا كده عادى يعنى فيه حرية إن أنت تشجع أى فريق يعنى حريه جدا عادى
مها:طب السؤال لأيمن تكملة للكلام لوالأهلى أبتدى يخسر كتير هتفضل برده تشجعه ؟
أيمن:أه هفضل أشجعه أهلاوى حتى النخاع
سحر ناجى:طيب باتريك هل تفهم تعصب شاب لنادى ما دون الأخر
باتريك:نعم بالطبع يمكننى أن أتفهم ذلك لأن كل أنسان يبحث عن ما يعرف نفسه به وهذا شعوربالإنتماء سواء جنسية ما أو أتجاه فريق محلى مثلما هو الحال فى مصر هذه هى التبعية وهذا هو الولاء لدينا معا هدف مشترك وحلم مشترك وأن نعايش ذلك مع مجموعة ما بالطبع يكون هذا أكثر
سحر ناجى:نادر أمتى التعصب بيكون خطر ؟
نادر:لوالطريقة أللى بشجع بيها النادى بتاعى زادت عن الحد بيضر بالنادى أللى أنا بشجعه وبيكسر حاجات دا ساعاتها بيبقى تعصب
سحر ناجى: طب بالنسبالك أيمن لما كاس العالم 2010 هيتنظم فى أفريقيا لأول مرة فى التاريخ هل بيعنيلك شىء ولا لأ ؟ بيعنيلك أيه ؟
أيمن:شرف طبعا لأى أفريقى إن كاس العالم أول مرة يتنظم فى أفريقيا وأتمنى أنوا يتنظم جيد لأن أفريقيا واجهه لنا لأن لما بيتعمل كاس العالم فى بلد الناس كلها بتروح ناحيته فأتمنى أنوا يتنظم جيد علشان يبقى واجهه حلوة لينا
سحر ناجى:يعنى أنت مبسوط علشان هيسلط الضوء أكتر على أفريقيا
أيمن:أه طبعا
سحر ناجى:فريدريك بالنسبالك هل الأنر مماثل ولا مختلف ؟
فريدريك:أنا أعتقد أنه أمر رائع أن تقام مباريات كاس العالم فى أفريقيا لأول مرة لأنه يظهر وجهة جديد لكرة القدم فى قارة جديدة وهذا يؤكد مرة أخرى إرتباط الناس بشكل دولى ببعضهم البعض فى أفريقيا ولكن الناس ولكن نادر أريد أن أعرف كيف تشعر بأن أفريقيا لن تكون موجوده فى كأس العالم فى أفريقيا ؟
نادر:لأ هى أفريقيا هتكون موجوده فيه المنتخبات أللى هتمثل أفريقيا صر هى أللى هتبقى مش موجوده ودى حاجة أكيد بتزعلنى لكن فى النهاية هنشجع منتخبات أفريقيا ممكن نعتبر إن هما عوض نسبيا عن عدم وجود منتخب مصر بس أكيد حاجة حزينة لينا لأن كان كلنا أمل إن مصر تكون موجوده وكنا شايفين أنها تستحق ذلك
فريدريك:من الذى ستشجعه فى مباريات كاس العالم لكرة القدم ؟
نادر:أنا بشجع منتخب أسبانيا من زمان وهشجع كل منتخبات أفريقيا كلها بحيث أنها تقدم الصورة أللى أيمن أكلم عليها فى التنظيم ويبقى شكل أفريقيا حلو لعبت حلو ونظمت حلو لكن عامة أنا من مشجعى أسبانيا
سحر ناجى:طب أنا عايز أعرف منك يا أحمد أنى المتابع دايما لكاس العالم بيلاقى دايما إن الفرق الأوروبيه بتحصل دايما على الكاس ونادرا أو يعنى شبه مفيش لا منتخبات عربيه ولا منتخبات أفريقية بتحصل على كاس العالم تفتكر أيه أللى بينقصها علشان تصل للمستوى ده ؟
أحمد:هو متهيألى أللى ينقصنا إن أحنا نهتم بالكورة أكتر نكتسب خبرات أكتر وإن أحنا نحسن من مستوانا على قد ما نقدر الكرة الحمد ألله أتحسنت فى الفترة الأخيره جدا حتى كاس الأمم الأفريقيه فى ناس كتير من برا أفريقيا بتتفرج عليه وتتابعه بس برده مش أوروبا بس بتاخدها أمريكا اللاتينيه بتاخدها البرازيل واخدها فأتمنى طبعا إن الفرق الأفريقية تكون فى نفس مستوى الفرق الأوروبية
سحر ناجى:وقت برنامجنا قارب على الأنتهاء خلينى أذكر مشاهدينا يمكنهم متابعة
الحلقات السابقة وهذه الحلقه بالتواصل معنا وطرح موضوعات أخرى للمناقشه عبر موقعنا على الأنترنت
world.de:arabicyouth_talkأو egynews.net
دعونى قبل ما أختم أعرف من ساره بعد كل ما دار من حوار هل لقيتى فى فرق ما بين إهتمام الشباب فى مصر بكرة القدم ؟
سارة:لأ هو الإهتمام فى كلتا الحالتين هو هدفه واحد أنى أنا بشجع المنتخب بتاعى وأنى أنا فى إنتماء وطنى قد يكون البعض أختلف عليه أو وافق عليه إلا أننا فى النهاية بنحب بلدها ونفسنا نكون فى أحسن حاجة ونفسنا أننا نكسب ونشجع علشان نبقى أيد واحده وأحنا كلنا تبقى فى فرحة وأبتسامة على وشوشنا
سحر ناجى:طب صوفى أنتى بالنسبالك لقيتى فيه فرق فى الأهتمام فى كرة القدم ما بين مصر وألمانيا
صوفى: يمكننى أن أنضم فى الرأى إلى رأيى ساره إلى أن هناك أشخاص فى ألمانيا لا يهتمون على الأطلاق بكرة القدم ولا يعتبرون كرة القدم ولبكن من خلال كأس العالم أزدات هذا الشعور بالأنتماء أيضا كما أننى أشعر شخصيا عندما تفوز ألمانيا لكننى عندما خرجت ألمانيا ولم أشجع بلادا أخرى قد يكون الأختلاف يكمن هنا أن الشباب منفتحين أكتر لتشجيع دول أخرى مثلا فى ألمانيا فإذا ما خرجت ألمانيا يشجعون فرق أخرى غير ألمانيا
سحر ناجى:أقدر أقول فى النهاية إن الحديث عن كرة القدم لن ينتهى طول ما فى كاس ودورى ومنتخب وحكام ومدربين ولكن إذا كان البعض بيرى فى كرة القدم وسيلة للتعبير عن الإنتماء فزى ما قالوا العبرة بالنوايا والنوايا بتقاس بالأعمال والسلوك والنتايج بشكر كل ضيوفى من الشباب المشارك من مصر وألمانيا ولكم منى كل التحيه وإلى اللقاء .