سحر ناجي: بأرحب بكل المشاهدين اللي بيتابعونا وشباب بلا حدود حلقه من برنامج بالتعاون بين قناة " دويتش فيلا " الألمانية والتليفزيون المصري بنستكمل فيها جوله مع الشباب المصري والألماني إسطحبناهم فيها عبر المدن المصرية المختلفة والحقيقة لم تكن الأهمية فقط في التعرف علي المعالم والسمات بقدر ما كانت في التشارك .. مسافات وساعات طويلة إقتضتها الجولة هيئة الأجواء لثقافتين مختلفتين من التواصل والفهم وتقبُل الآخر وتخطي الإختلافات .. تجربة خدوها هنتناولها معهم وصداها لديهم بالنقاش . وخلينا أرحب بهم جميعا الشباب من مصر وومن ألمانيا وبزميلي من " دويتش فيلا" جعفر عبد الكريم معد ومصور التقارير بالبرنامج اللي صاحب الشباب الشباب في جولتهم جعفرعبد الكريم : أهلا وسهلا فيكي سحر وكمان أهلا بالصبايا وشباب كلكن نحن عرفنا إسبوع كثيف قضيناه مع بعض تجارب كتير عملناها ، تعرفنا علي مصر إتعرفتوا إنتوا علي نفسكن إتعرفتوا علي بعض كتير أتمني كما اليوم أكيد نرجع نعيد ونقول للمشاهد شو التجربه اللي إنتوا طلعتوا منها سحر ناجي: ونستعرض سريعا الأماكن اللي قام الشباب بزيارتها في الحلقه السابقة ونعرض بعض اللمحات للأماكن اللي هنشوفها في حلقتنا النهارده .. نشوف مع بعض فيديو للشباب وإستعراض كل شاب وشابه مع إسمه يقوم 12 شاب وشابة من ألمانيا ومصر بجولة في أنحاء مصر تستغرق أسبوعا، ليس من أجل التعرف على البلد فحسب ولكن أيضا لكي يتعرفوا أكثر على بعضهم البعض علا : مبسوطة بالإحساس إن احنا مع ألمان وبنلف بلدنا باتريك: أود أعرف ان كانت الرحلة مثيرة لهم أيضا فهم يعرفون كل هذه الأماكن أما نحن فمتشوقون لرؤيتها شاب مصري: أحسن حاجة حاسس إنها تبقي عجباني جديدة إني بأقضي في كل محافظة يوم " تقرير" بدءوا بالقاهرة ثم زاروا الإسكندرية وبعدها أسوانوالأقصر وصولا إلى شرم الشيخ ومنها إلى الفيوم ثم العودة مجددا إلى نقطة الانطلاق القاهرة، في الحلقة الماضية زاروا الإسكندرية مؤسسة " آنا ليند " المتوسطية والمسرح الروماني، وفي شرم الشيخ استمتعوا بوقتهم، وفي الفيوم باتوا في الصحراء، وفي حلقة اليوم شاهدوا جمال النيل في أسوان وزاروا متحف الكاريكاتير وركبوا الخيل وتعرفوا على الحرف اليدوية، وشهدوا في الأقصر عملية تنقيب عن الآثار، وفي القاهرة لعب الشباب كرة القدم فيما استمتعت الشابات بقضاء الوقت سويا عودة إلى الاستديو وتسقيف حاد من الشباب سحر ناجي: خلينا قبل ما نتعمق في جولتنا أعرف منك سيدرك أكثر الأماكن اللي تركت في نفسك أثر دون عن غيرها واللي فرق معاك أكثر إيه الصحبة والا الناس اللي شفتهم والا المكان والا إيه بالظبط ؟ سيدرك : بالنسبة لي كانت الأماكن مثلا الصحراء التي شاهدناها معاً في الحلقة السابقة كانت جميله والطبيعة رائعه ، أما بالنسبة للأشخاص فكل ما شاهدته كان قصيرا ولكن ما شأنه من الرابطه القوية أيضا في هذه المدة القصيرة سحر ناجي: طيب سالي بالنسبة لك هل الجولة ديه بكل اللي شملته من أماكن هل غيرتك هل تركت فيكي شئ معين ما كنش موجود قبل كده أكتشفتِ فيها نفسك أكثر والآخرين أكثر ؟ سالي : أنا كنت عايزه أقول من الأول إن الجولة ديه كانت بالنسبة لي إكتشاف أكثر من أوري بلدي للألمان أو لناس مش مصريين ، عرفت حاجات كتير قوي ما كنتش أعرفها عن مصر ديه أول حاجه وعن إن أنا مش مقدراها أو مش واخده بالي منها وادي الحيتان مش بعيده عن القاهره خالص فممكن بسهوله جدا أروحه بعد كده مع ناس ثانيه سحر ناجي: بالنسبة لنفسك عرفتي إيه عن نفسك ما كنتيش عرفاه ؟ سالي : عرفت أنا مثلا مهتمه أكثر إن أنا أعرف عن تاريخ إسكندرية عن مثلا الناس في أصوان بتعيش إزاي حياتهم الطبيعية عامله إزاي مش بس الحاجات السياحية قوي اللي ممكن أوريها للناس لأ حاجات ليها علاقة بالحياة الطبيعية مختلف من القاهره – كل محافظة ليها طبيعتها ديه حاجه مش بتبان لنا قوي كمصريين عايشين في القاهره بس مش بنسافر جوه مصر كتير غير للسياحه فإننا أشوفها وأحاول أقارنهم ببعض أو أدرسها أكثر ديه كانت بالنسبة لي حاجه مهمه جدا سحر ناجي: إيه رأيك نروح نشوف أقصي مكان في الجنوب محافظة أسوان جزيرة فيله وجزيرة النباتات أكيد بتفكرك بحاجات كتير ونعيش معاكم أجواء البيوت النوبيه هدوئها السكينة اللي موجودة فيها بعيداً عن العواصم الصاخبه .. نشوف مع بعض ونرجع ثاني فيديو صول الشباب الي محافظة أسوان ** أسوان في أقصر الجنوب المصري معروفة بجمال الطبيعتها .. هنا بدأت المجموعة يومها إفطار نوبي تقليدي شابه مصريه : أنا هأموت من الجوع بجد .. ربنا يخلي اللي بيعمل الأكل بصراحه أنقذ حياتي متهيا لي شابه ألمانيه : الخبز لذيذ وهذه المعكرونه وهذا لا أعرف ما هو شاب مصر : عملت فول – فول شكله عادي زي بتاعنا العادي – الطعميه شكلها غريب أخذت منها – نوع جبنه بيضاء ما أعرفش إيه هي بس أخذتها – وبيض مسلوق وسلطه وجرجير وعيش شمس ** أجواء الإفطار هنا نالت إعجاب المجموعة شابه مصريه : الأكل حلو جدا باين عليه إن هو بيتي وأنا مبسوطه قوي إن هم كمان مبسوطين وشايفين الأكله أوريانتل شويه ديه حاجه ميزه طبعا بس هو الأكل مش نوبي قوي هو بس العيش هو المميز عيش الشمس غير كده بقية الأكل اللي هو المصري فول وطعمية وبيض وجبه العادي يعني شاب ألماني : الأكل جاء في الوقت المناسب – طريقة الجلوس مريحة والأكل رائع شاب مصر : القاعده عجباني جدا بيحث إن هي قاعده عائلية قاعدين علي الأرض طبليه – صعب ونادر تلاقي طبلية في أي بيت مصري موجود تحث إن القاعده فيها جو حلو الواحد يتعرف فيه علي الناس الثانيه وكده شاب ألماني : نحاول الآن التكيف مع الطريقة العربية في الأكل وفي الجلوس علي الأرض وفي الحديث أثناء الأكل جميل جدا ** بعد ذلك زارت المجموعة بيتا نوبيا تقليديا شاب ألماني : جميل جدا فقد قيل لنا إن هذا المكان مخصص لتنظيم حفلات الرقص وهذا بالذات ما أبحث عنه هههه شابه مصريه : المكان فظيع بسيط خالص حاجه عمرنا ما شوفناها بصراحه قبل كده حقيقي المكان حقيقي قوي شابه ألمانيه : جميل جدا كل شئ قديم جدا بالطبيعة لكن جميل ** تستمد مدينة أسوان أهميتها من نهر النيل فالزراعة التي تعتبر أحد مصادر العيش الرئيسي هنا تعتمد علي مياه النيل ، بعد المرور علي جزيرة فيله توقفت المجموعة لزيارة جزيرة النباتات .. هذه الجزيرة تضم نباتات إستوائية وشبه إستوائية من إفريقيا وآسيا زرعت فيها لتحولها الي منتزه طبيعي شخص نوبي : هذه الجزيره كانت ملكا للنوبيين الذين كانوا يقطنون في جزيرة فيله وفي عام 1889 إتخذ اللور كيتشنر وهو قائد عسكري بريطاني إتخذ منها مقراً لقيادته شابه ألماني : هنا تستطيع التنفس براحة فأشجار النخيل تمدك بالأكسجين وتشعر وكأنك في أدغال فأنا أحب هذه الأجواء فهي تشعرني وكأنني طارزان ههههههه شابه مصريه : ديه أول مره أشوف فيها حديقة النباتات اللي هنا في أسوان أنا شايفه إن ده إنجاز طبعا تاريخي لإن هي كمان حديقة قديمه قوي - مشروع كويس إن هم يوفروا به المحافظة علي البيئه وإن هم ينشطوا الفكره ديه هنا في أسوان دا أحسن طبعا من عندنا في القاهره بكثير يارب يعملوا حاجه زي كده برضه شاب ألماني : كل شيئ جميل ليتك توجه الكاميرا الي هناك منظر رائع اسوان عجبتني رغم إننا وصلنا اليها منذ ساعات قليلة فقط شاب ألماني :الرحله مفيده لإننا نجمع خبرات إيجابية وعندما أقضي أوقاتاً سعيدة مع إنسان معين فإنني أربط بينه وبين هذه الخبرات ولهذا أعتبر الرحلة مهمة لتطوير العلاقات الإنسانية بيننا شابه مصريه : أنا بالنسبة لي اليوم ده كان مهم قوي إن أنا أشوف رد فعل الألمان لما يشوفوا أسوانوالأقصر وبقية الرحله كلها لإن أنا بالنسبة لي ماشي أروح أشوف أماكن جديدة رغم مارحتش قبل كده أسوان بس هي برضه مصر مهما كانت هي مصر فأنا كان مهم قوي بالنسبة لي إن يكون معانا ناس ما شافوش الحاجات ديه قبل كده فإن أنا أشوف رد الفعل بتاعهم دا كان حاجه فعلا الجديدة اللي أنا حسيتها ودا كان مهم قوي بالنسبة لي عوده الي الإستديو وتسقيف حاد من الشباب جعفرعبد الكريم : من أسوان بنرجع علي برلين أكيد الشباب إتعرفوا علي معالم مختلفه بأسوان بس أهم شغله إتقربوا من بعض وإتعرفوا علي بعض أنا بأتذكر فتريك اللينهاره إنه خبره والنهار اللي قضيناه بأسوان قربنا من بعض لذلك أسألك باتريك ماذا عايشوا هل كان لقلبك أم لعقلك هل سيبقي مطولا أم أنها مجرد مشاعر سوف تمر مرور الكرام باتريك : كان بالطبع وقت مكثف وأعتقد أنه كان للمشاعر وللعقل أيضا فلقد تعلمنا الكثير من الأمور من الحقائق والمعلومات علي الجانب السياحي وكذلك أيضا إتعرفنا علي أوجه مختلفة من البلاد البحر و أوجه متعددة لمصر كما كانت المشاعر التي نشأت بيننا وسادة الأجواء كانت تختلف أحيانا من مشاعر كبيره ولن أنساها إطلاقا جعفرعبد الكريم : وكمان نفس الكلام إنك تشوفي مصر وأسوان بعيون المشتركين الألمان كيف كانت الخبره إليكن شو حسيت بلحظتها شابه مصريه : أنا فعلا كان معظم الأماكن اللي رحناها زرتها قبل كده من الناحيه التاريخية أو السياحية ما كنتش جديده قوي بالنسبة لي اللي كان فعلا إنترستنج إن أنا أشوفها من خلال عيون ناس تانيه لإن هم بيأخذوا بالهم من تفاصيل إحنا ما بناخدش بالنا منها سحر ناجي: أخذوا بالهم من أنهي تفاصيل ؟ هند : يعني مثلا في الأكل عادات الأكل إحنا عادي عيش ومش عارف إيه لأ هم كل واحد الطبق وشوكه وسكينه وحاجات إحنا ما عندناش الكلام ده سحر ناجي: ليه إحنا ما عندناش الكلام ده ليه هند : فطار قصدي إن إحنا نقعد مع بعض ناكل كلنا في طبق واحد إحنا مثلا في الفيوم كان فيه كل واحد بناكل مع بعض هم لأ كل واحد طبق لواحده إحنا أكلنا مثلا حمام محشي دا كان حاجه سينشيسن الكل قعد يسأل إزاي – عادات بقه كل حاجه ممكنه حاجات انا ما بأخدش بالي منها ما فكرتش فيها قبل كده بصراحه سحر ناجي: طيب غير كده إزاى كان رد فعلهم عن الأماكن يعني البيت النوبي كان بسيط جدا إنت كنتِ مهتمه إنت بالذات كنت مهتمه تعرفي رد فعلهم عن الأقصروأسوان والبيت النوبي ليه ؟ هند : عشان ديه بلدي أنا عارفه أو تصوري أو فكرتي عن بلدي لكن عايزه أشوف الناس التانيه بتشوفها إزاي سحر ناجي: شاب مصري : أنا عايزه أعرف هل فعلا المصريين بيهتموا بمعرفة غيره من البلاد الأخري تعليقهم إيه علي بلدهم ولا لأ ولو كان التعليق سلبي بيبقي وجهة نظرهم ازاي وبيتصرفوا إزاي شاب مصري : متهيأ لي في مصر زي أي حته في العالم لو أي حد ليه تعليق سلبي علي بلدك هتحسي إن إنتي متضايقه بس الفكره بيختلف هل إن عايزه تعملي حاجه تصلحي ولا لأ – أنا بالنسبة لي بنطاق معرفتي بأصحابي وناس أنا عارفهم دائما لما نسمع أي تعليق سلبي نحاول طيب إحنا ممكن نعمل إيه فيه حاجات بإيدينا نقدر نغيرها وفيه حاجات خارج عن السيطرة بتاعتنا فمتهيأ لي ديه حاجه موجودة حتي لو في ألمانيا نفسها سحر ناجي: شابه مصريه : طيب فيه حاجات إحنا غيرناها بالفعل يعني أنا فاكره أول ما إتقابلنا مع الألمان كان اللي هو آه طبعا المصريين هيتأخروا في المواعيد ومش عارف إيه بس إحنا بقالنا كام مره دلوقت ورا بعض إحنا اللي بنيجي الأول وبنقعد نستنا الألمان سحر ناجي: طيب كويس يعني علمتوهم العكس شابه مصريه : مش شرط تبقي زى ما السمه عننا إحنا حاجات في إيدينا نغيرها فعلا بنغيرها سحر ناجي: لو إتكلمنا علي الشيئ الإيجابي اللي إنت لقيته في الرحله ديه عند المصريين ؟ لورنس : المصريون هم ودودون للغايه ويستقبلون الناس بترحاب كبير وكانوا يهتمون بزيارة الألمان ويرغبون في معرفة سبب الزياره وما الي ذلك وهذا الود هو بالفعل ما أراه رائعا سحر ناجي: محطات أخري توقفتم عليها في زيارتكم للأماكن المختلفة ولكن حرصتم فيها علي الإهتماب بالأنشطة يعني مثلا في قرية تونسبالفيوم زياره لمتحف للكاريكاتير في صقاره ركوب خيل وتسابق في الصحراء – في قريه برضه قرب الأقصر زياره لعائلة بتمتهل صناعة الكراسي من الجريد نشوف الإنطباعات اللي خرجوا منها ونرجع تاني ** تزور المجموعة عزبة تونس في الفيوم قرية فنانين جميع بيوتها مشيده بحسب التقاليد القديمة في الفيوم الشباب سيزورون متحف الكاريكاتير الذي يديره الفنان محمد عبله ويعتبر الأول من نوعه في الشرق الأوسط ، عبله مثله مثل غيره من رسامي الكاريكاتير يحاول من خلال فنه عكس نبض الشارع المصريه بابلي يشاور بأصبعه علي لوحه في المتحف يقول لك مصرع 5 آلاف مصري سنويا بسبب حوادث الطرق – كده واحد بيخبط علي الباب بتفتح له مراته يقول ما تخضيش يا وليه أنا جوزك بس عملت حادثه علي الطريق السريع ههههه مش عارف الناس ليه ما بتضحكش بس هي حلوه ههههه ** المتحف سيقدم 500 رسم كاريكاتير لزواره ويتطرق من خلالها الي مواضيع مختلفه شابه ألمانيه : مي : إستخدام خطوط قليلة وبسيطة في رسم كاريكاتيرات مضحكة ومفهومه لجميع البلدان شيئ رائع هند : بأحب الكاريكاتير لإن هو معبر في صوره طبعا بسيطه ومختصره بالذات الكاريكاتير ده عاجبني قوي لإن هو جامع ما بين كل الفنانين المشهورين قوي أيام زمان ودلوقت هو الجيل الجديد بص الأب بيفكر إزَّاي وهم مش مبسوط علي الموضوع ده يعني إنت جيل أبيض وإسود ما ينفعش نتفاهم معاك فعاجبني قوي ديه شابه ألمانيه : مهم جدا وجود ناس يهتمون بفن رسم كاريكاتير ويساعدون الناس علي إستيعاب مواضيع سياسية وإجتماعية وذلك عبر كاريكاتير بسيط ** أما المشرف علي المتحف فلم يبخل علي الفتيات والشباب ووهبهم وقته الثمين من أجل تعريفهم بهذا الفن ليأخذ كل واحد منكم ورقةً ويحاول رسم شيئ معه هند : كلنا هاديين كله عمال يرسم بعضه وكله مركز شويه ريلكس يعني ** والنتيجه كانت خليطاً من رسوم واقعية وأخري لا تمت للواقع بصله بابلي يأتي بصوره مرسومه ويقربها لوجهه : بالظبط في الصوره ديه بص حتي إحنا شبه بعض الشباب يمرون وكل واحد يحمل لوحه رسمها بيده ** وبجانب هرم سقاره مارس الشباب والفتيات هواية ركوب الخيل شابه ألماني : أشعر وكأنني أمير عربي تفقد أحوال مملكته شابه ألمانيه : أشعر وكأنني كليوباترا شابه مصريه : حلوه قوي قوي قوي أنا فرحانه جدا بالحصانه بتاعتي إسمها شيبا جهاد : كويس يعني مش بطال شاب ألماني : مازلت إحتاج الي المزيد من التدريب ** وفي منطقة بالقرب من الأقصر زارت المجموعة عائلةٍ تحترف صناعة الطاولات والكراسي وصناديق من جريد النخيل شاب ألماني : طريقته في إستخدام رجليه لتحريك الخشب تشير الي أنه يمارس هذه المهنة طيلة حياته شيئ مؤثر جدا شابه ألمانيه : أنا أساعد محمد الصغير في آداء عمله وهو يعلمني طريقة عمله الصحيحة ** في فضول كبير راقب أفراد المجموعة العمل اليدوي وحاولوا تجريب حظهم في هذه المهنة ذات التقاليد العريقة هند : متهيأ لي هنا الحته اللي إحنا فيها ديه من أحسن الحتت اللي إحنا رحناها لحاد دلوقت يعني دا مش الحاجه اللي فعلا السياح بيشوفوها أو الوجه المصري اللي هو من فوق لأ دا فعلا الحقيقي وأنا بأحب كل حاجه حقيقية هم دول ناس عايشين في العصر دا لكن بيستخدموا حاجات قديمه وأنا بأحترم إن هم محافظين علي الموضوع ده بابلي : أنا شايف إن ما ينفعش يكون هو ده المصدر الوحيد للرزق الناس يركزوا أكثر في التعليم ويشوفوا لإن كل ده مع السنين يتطور الشغل بيتطور الوظائف فأنا حاسس إن هم ممكن يطوروا نفسهم أكثر من كده يكون أحسن يعني سيدريك : كيف إبتكروا هذه الفكرة وكيف يصنعون كل شيئ باليد إنه شيئ لا يتصور ** زيارة قصيره مذجت بين ردود فعل مختلفه بإختلاف الشباب أنفسهم مجموع من أطفال البلده وهم يودعون الشباب ( باي – باي ) عوده الي الإستديو وتصقيف حاد من الشباب جعفرعبد الكريم : نشاطات مختلفه عملوا فيها الشباب بخلال زيارتن لمصر السؤال اليك يا سيدريك من هذه الأنشطة الثلاثة التي شاهدناها ما الذي أعجبك أكثر إعجابا ولماذا ؟ سيدريك : من عامل المرح أعجبني ركوب الخيل ولم أكن قد إنتضيت خيلا قبل ذلك والخلفيه الرئعة وكذلك لركوب الخيل مع الشباب والفتيات وكذلك الإهتمام أعجبني الوجود ضمن عائلات لإن هذا جانب لم نراه سابقا من مصر وكان بالفعل رائعا سحر ناجي: بابلي إنت كان لك رأي في النشاط اللي شوفته العائله اللي بتمارس صناعة الكراسي من الجريد إنت قلت إن ما ينفعش إن يكون ده المصدر الوحيد لرزقهم ولازم إن هم يتعلموا يتطوروا بما معناه يشوفوا لهم شغلانه ثانيه ليه ؟ بابلي :عشان الدنيا بتتغير وبتتحرك من حوالينا فلازم نواكب التطور والتقدم اللي موجود في العالم يعني عامةً ما ينفعش يبقي مصدر الرزق الوحيد هو مثلا صناعة الأقفاص مثلا زي ما إحنا شوفناها كده سحر ناجي: ليه لأ بابلي :يعني ما ينفعش الدنيا بتتغير ما ينفعش – يعني أنا عارف الصناعات اليدوية مهمة جدا وأنا بأحترمها جدا وعشان كده بتبقي أغلي سحر ناجي: بتبقي أغلي من الصناعات المصنعة بمكن بابلي :مظبوط يعني تفاصيل دقيقه جدا في منتج كبير يدوي آه – يعني أنا مثلا رحت مصنع بورشا سحر ناجي: لأ ديه حاجه تانيه بابلي :ما هو بيحط فيه حاجات يدويه جوه العربية بي بيخلي ما ينفعش أنتج العربيه كلها ما ينفعش سحر ناجي: خليني أعرف رأي باتريك إنت بالنسبة لك العيله اللي بتصنع الجريد كنت شايف اللي بعملوه ده إيه ؟ حاجه مهمه ولا حاجه مش مهمة هل فعلا لازم إن هم يغيروا مهنتهم ديه ويشوفوا لهم مهنه ثانيه ولا إيه ؟ باتريك : أنا أتساءل عن الإمكانية فعل شيئ آخر وما شاهدناه في هذا الفيلم عن أنهم يتعلموا شيئ جديد أو لا فأنا لا أعرف إذا كان ذلك ممكناً بالنسبة لهم أم لا وهل يستطيع الأطفال الذهاب الي المدرسة كما هو الحال بالنسبة لقاطني القاهره فأنا لم أتعرف علي كل الأو جه المتاحه لهم أما الصناعات الحرفية التي شاهدناها فقد شاهدنا الجد يقوم بذلك والأب والأطفال أي أن الخروج عن هذا الأفق قد يكون صعب بالنسبة لهم وبالطبع يجب أن نفكر ايضا أنه علينا أن نري إمكانية أن يقوم بفعل شيئ آخر وتعلم شيئ آخر ربما سحر ناجي: لك تعليق ؟ بابلي :زي ما باتريك بيقول بالظبط كده هي الوظائف ديه أو العملية اليدويه حاجه كأنه جزء من التراث يعني كل واحد بيخلي ولاده وولاد ولاده يأخذوا المهنه ديه سحر ناجي: وممكن يكونوا متعلمين برضه بس بيمارسوا المهنه ديه بابلي : ممكن بس هو ساعات بيخليهم لأ ركز أكثر في المهنة ديه عن التعليم كنوع بيجيب دخل من وإنت صغير إنت ممكن بأعلمك الصنعه ديه رغم إن هو لو ركز في التعليم هيبقى أحسن وممكن يخلي ديه كهوايه أو حاجه بزنز تاني كده مع نفسه بيعمله غير التعليم الأساسي جهاد : هو الفكره ممكن يطورها مش يلغيها هو أفتكر هو ده قصده سحر ناجي: كنوع من أنواع المحافظة علي التراث جهاد : مش يغير الشغلانه هو الفكره يطورها لما المورتنج بيخش في أي حاجه التسويق بيبتدي يشتغل إحنا كنا هنعرف آه القفص ده عباره عن إيه والا الكنبه ديه ممكن نجيبها عندنا سحر ناجي: لأ إحنا عارفين برضه عايزه أسألك إنت بالتحديد لإن لما رحت البيت النوبي برغم إنك إنت من القاهره إنبهرت بالمكان وإتبسطوا هل فيه فرق ما بين البيوت في الأماكن المحافظات زي أسوان أو الأقصر والبيوت في القاهره وسخب القاهره إيه اللي حسيته إيه واقعه عندك ؟ شاب مصري : هو طبعا فيه فرق كبير بس مش بس فرق هو كمان أنا حسين إن هي مجتمعين مختلفين خالص مجتمع النوبي مجمتع القاهره مجتمع الفيوم والصحراء حسين إن كل مجتمع منهم له عاداته له تقاليده وله حياته المختلفه فإن الواحد يتعرض ليمجتمعات المختلفه ديه بيضيف له وأكيد بتعلم حاجه جديده عن نفسه عن الناس الثانيه سحر ناجي: عموما جولتنا لسه فيها الكثير من الأماكن اللي عايزين نوفيها حقها بالإستماع لإنطباعات الشباب بشأنها ونعود ونتواصل بعد الفاصل .. تسقيف حاد من الشباب فاصل سحر ناجي: ومره ثانيه بنعود اليكم الشباب في محافظة الأقصر الأمر لا يعني فقط التعرف علي الآثار بل أكثر تشويقا وإثاره التعرف علي مهام رحله إستكشافية للتنقيب عن الآثار وزياره لمدينة هابو وسروح المليون سنه نشوف مع بعض إيه الكلام ده علا : متحمسه آه إن أنا أشوف الأكتشافات اللي بيعملوها عمري ما عرفت بتتعمل ازاي بصراحه شابه ألمانيه : أريد أن أري هذا ابه ألمانيه : سنري الآن ماذا سحدث ألمانيا المنظر من التلت رائع لهذا دعونا نصعد إليها آمل أن لا تعيقكم صناديلكم في السير ولكننا سنمشي ببطئ ** سيدرا أبو النجا بالقرب من الأقصر رافقت المجموعة الدكتوره رومل في رحله إستكشافية وذلك في إطار عمل المعهد الألماني للآثار الذي يتعاون مع جامعة مينخ والمجلس الأعلي للأثار في مصر، أثناء الصعود واجه البعض صعوبات لورنس : المشكلة الوحيد هي حذائي عدا ذلك كل شيئ يسير علي ما يرام ** علماء الآثار يبحثون عن داير قبطي كان لا يزال مأهولا حتي القرن التاسع الميلادي والمجموعة عايشت عملية التنقيب عنكفت لورنس : نشاهد الآن كيف تسير الحفريات لقد عثروا علي بعض الأشياء من بينها قطع من الخزف والقماش لا نعرف ماذا سيفعلون بها أشعر وكأنني في فيلم سينمائي بابلي : أنا حسين دلوقت أي آثار موجودة ممكن أشوفها لازم أنا نفسي عليها مسؤل أحافظ عليها لإن الناس ديه تعبت قوي عشان تطلع الآثار ديه أن تستكشف الآثار ديه حاسس إن عليَّ المسؤلية إن أنا أحافظ علي الآثار أكثر من كده بشويه شاب ألماني : أشعر وكأنهم يقبلون علي العمل بشغف كبير وينقلون خبراتهم إلينا بلغة تختلف عن لغة الكتب شابه ألمانيه : والآن يقوم العاملون بتنظيفها وغسلها وتجفيفها ومن ثم يقوم حسين بلسقها من جديد هند : أنا إستمتعت جدا لإن زي ما قلت قبل كده أنا طول عمري نفس أكون من الناس اللي واقفه هناك ديه لكن بصراحه إكتشفت إن أنا مش هأقدر يعني أكتشفت إن أنا قوتي الجسمانية مش هأقدر بس هي كانت حلوه قوي ** بعد مرافقة علماء الآثار في عملهم زار الشباب والبنات مدينة هابو شابه ألمانيه : كل ملك حكم هنا بني معبد ضخم كهذا وهذه المعابد كانت تسمي بصروح ملايين السنين أتعلمون لماذا ؟ شاب ألماني :لأنها كانت ترمز للأبدية شابه ألمانيه : نعم هند : المكان هنا ساحر حلو قوي كبير جدا مبهر يعني الواحد مش مصدق إن ده إتبني من ألفين وشويه سنه مش قادره أصدق ** معبد رمسيس الثالث هو افضل معبد تمت المحافظة عليه في مصر وهو أكثر المعابد إكتمالا أيضا شاب ألماني : عندما تري هذه المعابد الضخمة وكيف ظلت باقية علي حالتها وعندما تنظر للمجهود الضخم الذي بذل للتنقيب عنها فإنك تشعر بإنبهار شديده شاب مصر : هو أنا هنا مع الألمان حاسس بفخر قوي إن فيه حاجات عملها جدودي بقالها آلاف السنين لسه موجوده طبعا حابب جدا إن أنا أعرفهم عليها وأعرفهم قصتها لإنها بتعبر عني وعن هويتي ** يحاول كل واحد منهم التعرف علي هذا المعبد ويسعي لفهم الحضاره الفرعونية بابلي : حاسس وأنا جوه المعبد دلوقت حاسس إن الفراعنه كان لهم رساله مختلفه لهم فكره أو فيه حاجه في دماغهم غير اللي إحنا عايشينه دلوقت وغير اللي إحنا بنعمله دلوقت – طبعا عمل صعب جدا عمل رائع ** أثناء القيام بالرحلة كان إعجاب الشباب والفتيات بما يشاهدونه كبيرا أبدوا إهتماما منقطع النظير يانا : الرحله كانت رائعة جدا وممتعة عوده للإستديو وتسفيق حاد من الشباب والشابات جعفرعبد الكريم : ومن رحله زمنيه بالأقصر بنرجع علي برلين هلا بالوقت الحاضر وسؤالي بيروح لعلا – علا أول الرحله لاحظت لما كنا بالأقصر كنت متحمسه وحبه تتعرفي علي الآثار وكفي بيشوف الآثار وكيف بيشيلون كل ما زاد الوقت كل ما نقس إهتمامك رجعت سألتك مره ثانيه علا بعد ما مهتم قلت لأ ما بأهتم كتير ليه ؟ علا : هو مش كان عدم إهتمام علي قد ما أنا كنت تعبانه جدا اليوم دا كنت إبتديت أعيي بس الموضوع أنا مهتمه لسه فيه قوي أنا بالنسبة لي الحضاره الفرعونية بالنسبة لي أحلي حاجه في الدنيا لإن أنا مصريه ومتربيه في مصر وكل مره بأزور فيها الحاجات الفرعونية أنا بأتبهر كل مره أكثر وأكثر وأنا كنت متحمسه قوي في الآول بس أنا ما كنتش متوقعه المجهود اللي بيتعمل يعني إحنا بذلنا حته من المجهود يعني زى ما هند قالت أنا عمري ما أتخيل أن أنا ممكن أشتغل في حاجه كده مع إن الموضوع حلو جدا بس طلوع أصلا الحته اللي فوق ديه عشان نستكشف الحاجات ديه لوحدها موتتنا فما بالك الناس طالعه فوق قاعده في الشمس بتمشي وتروح وتيجي وتقيس وتعمل وتشيل وتحط يعني المجهود رهيب يعني أنا زي ما بابلي قال سحر ناجي: إذا كان شيئ مختلف عن مجرد حتي الفرجه علي الآثار ولكن إنتوا لما زرتوا مدينة هابو كوشه كان بيقول أنا أشعر بالفخر لإن أجدادي بنوا سروح بالشكل ده وهي بتعبر عن هويتي وبتعتبرعن فكر معين كان عندهم إيه اللي عبرت عنه السروح الكبيره اللي إحنا شوفناها ديه من هويتك كوشه :هي أكيد ديه جزء من التاريخ بتاعي أكيد جزء من تكويني وأنا في نصف المعبد باصص حواليا لقيت العواميد كبيره المعبد ضخم حاسيت بأد إيه إن إحنا حضاره عظيمه حسيت بقد إيه إن إحنا عملنا فرق في الحضارات في تاريخ الإنسانية سحر ناجي: طيب أوتا رومل باحثة الآثار أو عالمة الآثار الألمانية اللي بتعمل في مصر هل هذا الموضوع آثار عندكم أي تساؤلات ليها ليه هي جايه تعمل في مصر ليه ما بتشتغلش في المانيا ليه ما بتبحث في التاريخ الألماني بدل ما بتحث في التاريخ المصري ؟ أوتا رومل : بالنسبة لي كان الأمر واضحا لماذا تعمل في مصر وهذا ما حكته أيضا كانت مسحوره ومفتونه بالتاريخ المصري وتاريخ الفراعنه منذ كانت طفله وحاولت أن تتابع هذا أما الأمر الذي كان مثير للإهتمام بالنسبة لنا هو هذا السحر والقدم الذي كان يلف هذه الآثار والآثار المصرية بوجه عام سحر ناجي: لورنس بالنسبة لك إن قلت وإنت بتتابع مهام الرحله الإستكشافية أنا حاسس إن أنا في فيلم سينمائي ليه ؟ إنت كنت في الحقيقه مش في فيلم سينمائي بس إيه اللي جاب لك الإحساس ده ؟ لورنس : لأننا كنا نقف أمام هذه الإستكشافات وكان هناك من يحفر و يخرج شيئ وراء والآخر وكنا نأمل طوال الوقت أن نكون من شاهدي العيان علي إستكشافات جديدة ولكنني فكرت أن هذا بالفعل مثير مثلما هو الحال في أفلام السينما كان بالفعل مثير وكنت أتوفع أن يستخرجوا بعض أوراق الباردي مثلا أو ما الي ذلك هند :أنا كنت حاسه نفسي في فيلم دا مش حقيقي لأ إحنا طالعين اللي يشوف وشنا يقول إحنا هنموت كمان شويه وديه ناس عماله تطلع وتنزل خمس ست مرات في الويم واقفين في الشمس عادي خالص إحنا كنا بنموت وهم ولا أكن فيه حاجه ما شاء الله قوة رهيبة غير كده كمان فعلا الموضوع نفسه إحنا دائما بنشوف في الآفلام ديانا جونز كرامنا – أنا ما كنتش متخيله أن أنا هأشوفها في الحقيقه دائما بأسمع عن الحاجات ديه وإزاي العمليات فعلا بتحصل قدامنا والراجل قاعد ينظفه قدامنا كنت فاكره الحاجات ديه سحر ناجي: إنت بتشوفيها جاهزه في المتحف ما تعرفيش بقي المراحل اللي قبلها هند :آه .. ديه حاجه جباره فعلا سحر ناجي: أنا عايزه أقف عند الحته ديه ونروح نشوف تقرير تاني لإن برغم من كثرة الأماكن اللي زرتوها وتنوعها سمعت إن كان الشغل الشاغل للشباب وهو الإعداد لماتش كورة قدم فيما بينهم أمر الحقيقة بالنسبة للبنات أمامه إتسموا بالرزانه والهدوؤ وفضلوا خلوه قصيره نشوف ** أخيرا بدأ العد التنازلي لمباراة كرة القدم الحدث الأهم في رحلة شباب بلا حدود مباراة حاسمه سيعرف المشاركون في نهايتها من هو الأفضل طبعا تحضير لمباراه كبيره زي ديه مباراة مصر وألمانيا فإختارنا راس محمد تبقي مكان المعسكر بتاعنا هتاف من الشباب egebt.. egebt .. egebt كوشه : أتركهم يقولون ما يشاؤون فهم لا يجدون لعب كرة القدم ماتش كوره كوشه : لا حظوظ لهم في الفوز سنسحقهم بابلي : دا راجل عجوز ما لوش في الكوره إحنا المصريين ويوم السبت هيعرفوا يعني إيه معني كرة القدم شاب ألماني : نحن متعبون جدا وهم يلعبون بخشونه بابلي : لسه فاضل شوط كامل بحاله هنجيب إن شاء الله أجوان أكثر وأكثر إن شاء الله ** وبينما يختبر الشباب قدراتهم الرياضيه تقضي الفتيات أوقاتهن في هدؤ تام فقد سئمن الحديث عن كرة القدم وفضلن الإستمتاع بخلوتهم قصيرة هند : إحنا بقالنا 5 أيام أو أكثر من 5 أيام ما بنسمعش حاجه غير عن الماتش ده فأكيد من هنروحه كمان كتير كده إحنا محتاجين وقت لنفسنا دلوقت فيه هدؤ إحنا مش حاطين في دمغنا الموضوع ده شابه ألمانيه : نفضل عمل شيئ هادئ وجميل والتعرف علي الهوايات التي تمارسها الفتيات شابه ألمانيه : كل شيئ هادئ وجميعنا مركز علي مهامته البقاء هنا كان فكرة جميله مشاهد من ماتش الكوره لورنس : سنسحقهم يوم السبت وسنبين لهم كيف يلعب الألمان بمهاره شاب ألماني : أداؤنا لم يكن جيدا لقد كنا بكل بساطه أسوأ منهم شاب مصري : فالفكره كنا أحسن منهم بكثير عامةً بابلي مستلقي علي النجيله : أحب أهدي أغنية والله وعملوها الرجاله لكل شعب مصر وعملوها المصريين وبوسه للكاميرا . ** وأخيرا عرفوا من هو الفريق الأفضل عوده للإستديو وتصفيق حاد من الشباب وشابات جعفرعبد الكريم : فعلا نحن أخيرا عرفنا من هو الفريق الأفضل مبروك للفريق المصري وبارك للمره الثانيه إنتوا بتربحوا الفريق الألماني .. جهاد حابب بتقول شيئ كرابح للفريق الألماني جهاد : هم طبعا مستواهم مش زي مستوانا قوي أعلي منهم بشويه بس في الأول ولا في الآخر ديه كوره ولازم يبقي فيه روح رياضيه وهم لازم فرقتهم أضعف مننا شويه ولا رأيك إيه يا بابلي يعني ؟ بابلي : مظبوط كلام جهاد مظبوط جدا وخصوصا إن إحنا إستعدينا جدا للماتش ده لما رحنا راس محمد نعمل المعسكر بتاعنا فإحنا كنا مستعدين كويس كنا مركزين كويس جدا في الماتش مش حاجه بره الماتش جهاد : وقدامهم كلهم لازم يبقوا عارفين قد إيه إحنا إتحملنا الضغوط اللي هم بيحطوها علينا زي ما شفتم في الريبورت إن قد إيه هم كانوا بيضغطوا علينا إن هم يكسبونا وفي الآخر طبعا اللي كسب هو الأحسن لورنس : هذا هو مصري بحت غير رياضي علي الإطلاق لقد لعبتم هذا الوقت ولم نري هذه المراوغات وكل هذه الدعايه التي قام بها المصريون أيضا ولكننا نحن نشكر المصريين إنهم إستقبلونا لذلك إذ تركناهم يقودون نهايه سعيده سحر ناجي: لورنس عايزه أعرف حاجه إنت شايف الرياضات بتقرب من الشعوب والا بتبعدها عن بعض ؟ لورنس : في البداية كنا نتحدث كثيرا حول هذا الأمر ولكن بعد المباراه كنت غاضبا للغايه وكنت أرغب الإختلاء بنفسي لساعتين سحر ناجي: ميمي هل إن شايفه إن الفتيات بتعرف تستثمر أكثر من الولاد ولا لأ ميمي : لن أقول إن هذا أفضل أو أسوأ ولكن الأمر ببساطه كل منا لديه ما يمتعه وكنا نرغب في مشاهدة المباراه ولكن الوقت كان قصير للغايه لذا قلنا من الأفضل أن نري أي شيئ جديد في القاهره وكنت معجبه للغايه بالمكان الذي زرناه لإنه مثل هذا المكان ليس وجود في برلين لماذا لم يأت أحد الي هذه الفكره لكي يفتتح مثل هذا المقهي ولقد وضعت الأشياء التي صنعناها هناك لدي في الغرفه سحر ناجي: وضحي لنا أكثر المكان كان عباره عن إيه مقهي ترسمي فيه علي الخزف ولا كنتي بترسمي علي إيه ؟ ميمي : نعم هو مقهي ومطعم في الوقت ذاته ويمكن الرسم علي الخزف إختيار قوارير أو أطباق أو ما شابه ونختار الألوان أيضا ونجلس ونطلب ما نحتسيه ونأكله ونرسم أثناء النقاش والحديث أيضا لنقضي وقتا ممتعا أثناء ذلك ولكنه مكان يذهب إليه الأطفال يحتفلوا بأعياد الميلاد وكنا نجلس في القاعة السفلي وفي القاعه العليا كان عشرات الأطفال يصرخون ويصعدون وينزلون السلالم ولكننا إستمتعنا بذلك سحر ناجي: ولكنم إستمتعتم بذلك سيدريك لو كانوا ودوك مكان زي اللي البنات راحوا فيه كنت هتعمل إيه ومالعبتش كوره سيدريك : أنا أعتقد أنني كنت سأستمتع بالوقت أيضا لكنني أرغب العودة لموضوع كرة القدم كان صراح وكفاح ولكنه كان ممتعا وأدخل علينا جميعا السعادة وبالطبع كنت سأستمتع مع الفتيات سحر ناجي: عموما من الوضح هناك أثر كبير تركته الجولة في نفوس الشباب ظهر بوضوع في الدعاية اللي قاموا بها للحلقات اللي هتشملها هذه الجولة دعايه الحقيقة كان فيها حماس شديد هنعرف هذا الحماس من أي منطلق بعد ما نرجع من التقرير " تقرير " فيديو جري ومرح الشباب في الشارع أغنية " كنت بخاف من الحب وسيرته عوده الي الإستديو وتصفيق حاد من الشباب والشبات جعفرعبد الكريم : من أكثر لحظات تعي الرحله كانوا مع بعض طاقه قوي كتير إنبسطوا كتير إعتبروا مشاهدينا إن القاهره كانت شباب بلا حدود بكل الشوارع إعتبروا الشارع كله لإلون لورنس بالمختصر المفيد كيف كانت هذه اللحظة اللي إنت عيشتها خلال التصوير اللي عملناه لشباب بلا حدود بشوارع القاهره إختصر لورنس : أنا لا أعرف السبب ربما الشمس وقلة النوم وكل هذا أثر فينا حتي أننا لم نكن نهتم بالأمان وكنا نهتم بالمرح حتي سائقي التاكس كانوا يحيونا كله شيئ كان ممتع بالفعل كان رائعا سحر ناجي: دلوقت جاءت لحظة الوداع خلصت الجوله وكل واحد هيرجع لممارسة حياته اليومية خليط من المشاعر إنتاب الشباب نشوفه معاهم ونرجع للنقاش فيديو للشباب وهم يلهون ويغنون في شوارع نوادي ومطاعم القاهره عوده للإستديو وتصقيف حاد سحر ناجي: في الحقيقه هأقول لكم "ذاذ إست زورو مانتش " زي ما بيقولوا يعني الأمر رومانسي خالص وخلينا قبل ما ننهي حلقتنا إذكر مشاهدينا بإن يمكنهم متابعة حلقتنا والحلقات السابقة وطرح أفكار لحلقات أخري عبر موقعنا www Dw-warid.de/Arabic/youth-that أو www.egynews.net الي هتلاقوه دلوقت أمامكم علي الشاشه ودائما زي ما بيقولوا اللحظات الحلوه بتخلص بسرعه وبتفضل الذكريات لكن إذا كانت الذكريات حلوه فدائما نسعي الي إستعادتها وتكرارها وخاصةً إن الفرصة متاحة بما إن التواصل موجود ومبني علي اسس قوية من إحترام الإختلاف بأشكر كل ضيوفي من الشباب اللي شاركنا الحلقتين اللي كانوا خاصين بالجوله بأشكر زيلي مندويتش فيلا معد ومصور التقارير بالبرنامج وإللي صاحب الشباب في جولتهم ولكم مني كل التحية والي اللقاء
