بالنيابه عن ولاد بكره بنوره وشمسو ولاد ميدان التحرير بعزمه وصبرو وغلاوة سنجه وقنابلو ورصاصه ودبشُو اقول للى مِشى فى كل زفه وزهقنا من رقصو اللى هرانا بالرخامه وكدبه وفشرو وسماجة الإبتسامه المكسيه بنتشو اللى اتشقلب للحاكم ونصب للشُرفا محاكم ودارى الحقايق فى كرشو حريف عجين الفلاحه ونوم العازب لجل السلطان وقرشو اللى دارى وخبى ورا كل اللى هبشو أقول له نورالصبح خلاص كشفو يركن على جنب يا يمشى مع اللى مشيو خلاص السيرك مش محتاج بلياتشو ولا نخاس بوش قزاز د الصدق طل وفضحو أبو سبع وشوش وطن رتوش ولا باين اصلو ولا لاعق كل الصحون وفاسد كل حق وقانون ولسانه فى كل شئ حشرو خلاص زمانك انقضى وفسادك مضى انتهى عهد المضحكاتى انتهى زمن البلياتشو كل الأقنعه سقطت وكل المنافقين سقطو على جنب وابعد عن الصف انتهى عهد الفنجان والكف انتهت فقرة الساحر بكدبو ولافيه بنا مشعوذ ولا مخاوى ولا الهليهلى أو ابو عقل خاوى واللى مش فاهم نفهمه والمستعبط نحسبو عشان السيرك جَبر وكل الألعاب الباقيه خطر ويا سلام على صورتك يا مصر من غير الكداب والبلياتشو