حياتي بتدمر !!

أنا زينه مشكلتي إنى ارتبطت من 4 سنين بشاب وحبينا بعض في الله، واتفقنا على الزواج ولم نتجاوز إي حدود أخلاقية أو دينيه والله على ما أقول شهيد، بس حصلت ظروف وهى دلوقتى تمنع الزواج هو شغال عند والده ووالده وعائلته ممانعه زواجه مني لأني بمحافظه ((بلد)) غير اللى هما منها وحجتهم الأخرى أنهم ميعرفونيش وميعرفوش أهلى ومعترضين على الطريقة اللى اتعرفنا بيها على بعض عشان كانت من عالنت فالبتالى ممانعين الزواج وبالطبع الشاب اللى أنا حبيته مش هيقدر يقول لوالده أو عيلته أي شئ أو يعارضهم؛ لأنه ف حالة إنه يعارض والده هيكون مصيره إنه هيطرده ومش هيبقا عنده شغل أو مكان أو أهل، وأنا والله العظيم بحبه في الله ومش عايزه أي حاجه فحياتى إلا إننا نتجوز، وأنا حاسه إن ده شئ مستحيل، هتجنن ومش عارفه أفكر، ولا لاقي حل .. وكل أما اسأل حد اللى سهل على لسانهم انسيه طيب انا هنسى إزاى !!أنا حياتى بتتدمر، اقسم بالله إن حياتى بتتدمر من غيره؛ هو كان دايمآ يساعدنى ويقف جمبى فكل حاجه وكان بالنسبة لى أخ وأب وصديق وكل شئ عوضنى عن كل اللى ناقصني، وهو دلوقتي حالته النفسية وحشة جداً، وأنا لا عارفه أذاكر ولا أعيش ولا حتى أنام يأست من كل حاجه ومش عارفه أعمل إيه..بالله عليكوا قولولي أعمل إيه وأدعولى عشان أنا مش عارفه أعيش
صديقتنا العزيزة
أًقدر ما تشعرين به من مشاعر الآلم الشديد فقد مررت بالكثير خلال 4 أعوام متصله، لكن حل هذه المشكلة ليس بيديك أنت الحل بيديه هو..فهو عليه اقناع أهله بشتى الطرق لكى يرتبط بك بطريقه رسمية، وان حجة إنك من محافظة أخرى حجة غير مجديه؛ لأن فى النهايه عندما تتزوجين لن يكون بعيد عن أهله.
عليه أن يجتهد فى البحث عن عمل مستقل عن والده لكى يملك قرار نفسه.. كذلك أنهم يرفضون الزواج؛ لأنهم لا يعرفوكي ولا يعرفوا أهلك أيضًا من وجهة نظري هذا فقط لتعجيز ابنهم عن الزواج بك، لو هو يرغب في الزواج بك عليه أن يقنعهم بحبه لك وإن هذا هو القرار السليم، على كل ادعى الله بأن يقدر لك الخير حيث كان.