تسريح بإحسان .. بقلم محمد الوكيل

لما رفضت حضنك
لو كنت مره عشقتني
لما هجرت غصنك
انشغالك .. ابتعادك.. حيروني
وابتديت اصدق فيك ظنوني
واشتعل قلبي بناره من قساوتك
وعرفت انسى وضاعت غلاوتك
كلّ حاجه جوّايه رفضاك
رافضه منك حب الامتلاك
شايفه فيك انسان أناني
متداري ف قناع ملاك
يا خساره .. على عمري
اللي ضيعته....
يا خساره على ذلي
اللي شفته...
عشان ترضى ف يوم وتصون
الورد اللي برجلك دسته
..
أرجوك لو باقي ع العشره
افتح لي باب القفص واطلقني
يمكن افتكر لحظة حنانك
لما قلبك يرحمني
قال الرحمن ف القرآن
تسريح بإحسان وانت حابسني