إبداع

شعراؤنا شموس في سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بالشاعر المصري الراحل محمد حمزة (20 يونيو 1940 - 18 يونيو 2010)، بدأ بكتابة الشعر الغنائي باحتراف فتغنى بقصائده العديد من المطربين منهم عبد الحليم حافظ ونجاة الصغيرة وفايزة أحمد وشادية و وردة الجزائرية وصباح وغيرهم، وصل رصيده إلى 1200 أغنية عاطفية وشعبية ووطنية، كما عمل كصحفي وناقد في إصدارات روزاليوسف وصباح الخير وجريدة الوفد والأهرام الرياضي.
يصاحب القصائد لوحات للفنان البريطاني العالمى جون كونستابل (1776-1837)، وهو من أهم فناني الحركة الرومانسية في بلاده، اشتهر بلوحات الطبيعية عن الريف البريطاني.
مقطع من قصيدة حاول تفتكرنى
انا اللى طول عمرى بصدق كلام الصبر فى المواويل
وانا اللى طول عمرى بقول الحب عمره طويل
من كتر ما كان الحب واخدنا
وكل حلاوه الدنيا فى ايدنا
لا فكرنا زمان يعاندنا
ولا ايام تقدر تبعدنا
وعشنا الحب بل ايام
وكل بكره فيه أحلام
واتارى كل ده اوهام...
وسافر من غير وداع
فات فى قلبى جراحه
دبت فى ليل السهر
والعيون ما ارتاحوا
و منين نجيب الصبر يااهل الله يداوينا؟
اللى انكوى بالحب قبلينا يقول لينا
وسافر من غير وداع...
حبيبى
والله لسه حبيبى
والله وحبيبى مهما تنسى حبيبى
والله وحبيبى عمرى ما انسى حبيبى
ابقى افتكرنى... حاول تفتكرنى
بعدنا بعدنا ليه؟ تعبنا!
قول قول قول من ايه؟
من الشك يا عيني؟
من كلمه قالوها علي؟
من الغيره يا عيني؟
الغيره ياما عملت في.
حبيبى... مهما شوقى يطول يا حبيبى
حأفضل اقول يا حبيبى
ابقى افتكرنى... حاول تفتكرنى
ولو مريت فى طريق مشينا مره فيه
أو عديت فى مكان كان لينا ذكرى فيه
ابقى افتكرنى... حاول تفتكرنى
دى ليالى عشناها
ابداً مش حنساها
على بالى يا حبيبى
على بالى ايام وليالي
على بالى ليل ونهار
وانت على بالى....
ومنين نجيب الصبر يااهل الله يداوينا؟
اللى انكوى بالحب قبلينا يقول لينا
وسافر من غير وداع
من الليالى الليالى من بعدك واللى جرالي
سهرنى الشوق دوقنى الشوق طعم الحرمان فى الليالي

خذنى معاك
خدنى معاك ياللى انت مسافر خدنى معاك
خدنى معاك عند الحبايب خدنى معاك
خدنى معاك عند اللى غايب حدنى معاك
وحياتك يا ماشى عدى ولا تنساشي
حبيبى راح ولا جاشي
من سنين وانا صابرة
عا لحنين مش قادرة
ولأجل خاطره مسافرة
خدنى معاك ياللى انت مسافر
وحياتك يا جارنا يامسافر لقمرنا
من يوم فراقه لدارنا
غابت فى بعده قمره تكتب عليه الشجره
سألت عليه كم مره خدنى معاك ...
والله ان كنت اعدى سبع بحور لاعدي
حتىان تعبت ما هدي
عدى وخدنى معاك خدنى لحبيبى هناك
واناواقفه باستناك
خدنى معاك ياللى انت مسافر

مقطع من قصيدة «وماله»
ومالو اادى الهوى واادى حالو .. والقلب واللى جرالو
زى السواقى الزمن لسه داير بينا .. داير بينا
زى السواقى والقدر عمرو ما خذنا للأمان
وادينى بنقول ومالو ..
ومالو اادى الهوى واادى حالو .. والقلب واللى جرالو
والقلب واللى جرالو
وقالو بينا .. قلنا جينا
معاكم وف حبكم .. ح نكمل المشوار
واما جينا .. خليوا بينا
وفاتونا من بعدهم .. وحدنا على نار
والنهارده قال جايين .. قال .. قال جايين
حبايبنا بتوع زمان .. بيقولوا ندمانين
ع اللى عملوا زمان
جايين بيقولوا لينا .. متعتبوش علينا
دا لحد بيتكم جينا
نخاصمهم والا لأ .. قولوا أيوه ولا لأ
ايوه لأ لأ .. أيوه أيوه
نصالحهم ولا لأ .. قولوا ايوه ولا لأ
ايوه لأ لأ .. لأ لأ لأ
جايين بيقولوا لينا .. متعتبوش علينا
دا لحد بيتكم جينا ..
مااحنا جينا ياما جينا .. ومن يومينا طب ومالو
طب ومالو .. ومالو
ايه .. من قد ايه .. وازاى وليه
مش فاكره امتى .. وعملنا ايه
ايه .. ايه .. ايه .. من قد ايه ..
ناسيه وحياة عيونى .. ياللى سامعنا اعذروني

موعود
موعود معايا بالعذاب موعود يا قلبى.. موعود ودايماً بالجراح موعود يا قلبي
ولا بتهدى.. ولا بترتاح فى يوم يا قلبي
وعمرك ما شفت معايا فرح.. كل مرة ترجع المشوار بجرح
والنهاردة جاى تقول انسى الآهات.. جاى تقول لى يالا بينا الحب فات
وميل وحدف منديله.. كاتب على طرفه أجيله
وأمانة يا دنيا أمانة.. تاخدينا للفرحة أمانة
وتخلى الحزن بعيد عنا.. وتقول للحب استنّا .. استنّا
تانى تانى تانى .. حنروح للحب تانى .. والنار والعذاب من تاني
تانى تانى تانى .. حنروح للحيرة تانى .. ونضيع ونجرى ورا الأماني
ويغيب القمر ونعيش السهر.. وأهات الألم بليالى الندم
يا ليل آه يا ليل.. يا حزن السهارى
ياللى شفت فى عينى دموع وأنا دايما راجع وحيد
خلى فجر الحب يطلع بدرى يملى مشوارنا الجديد
وأمانة يا دنيا أمانة.. تاخدينا للفرحة أمانة
وتخلى الحزن بعيد عنا.. وتقول للحب استنا .. استنا
وابتدى ابتدى ابتدى المشوار.. وآه يا خوفى من آخر المشوار
جنه ولا نار اه يا عينى.. رايح وانا محتار آه يا خوفي
واتقابلنا..والحياة قدام عينينا حلوة واتقابلنا..والكلام فوق الشفايف غنوة
كل حاجة فكرت فيها فى لحظة واحدة رديت عليها
بنظرة حلوة من عينيها
الأمان فى عينيها.. حسيت إنى عديت للأمان فى عينيها
والحنان خد منى وادفا.. يااللى محروم من الحنان
والقمر طلع.. والخوف بعد.. والهوى دفى والليل سمع
شوف بقينا فين يا قلبى.. وهى راحت فين
شوف خدتنا لفين يا قلبى.. وشوف سابتنا فين
فى سكة زمان راجعين فى سكة زمان.. فى نفس المكان ضايعين فى نفس المكان
لا جراحنا بتهدى يا قلبى.. ولا ننسى اللى كان يا قلبي
بتصحى الطريق خطوينا وأنين السنين .. والسما بتبكى علينا والناى الحزين
حتى نجوم ليالينا والق مر غايبين
وتانى تانى تانى .. راجعين أنا وأنت تانى .. للنار والعذاب من تاني
وتانى تانى تانى .. راجعين للحيرة تانى .. هايمين ونجرى ورا الأماني
تانى تانى تانى .. حنروح للحيرة تانى .. ونضيع ونجرى ورا الأماني
ويغيب القمر .. ونعيش السهر .. وآهات الألم .. وليالى الندم
وأمانة يا دنيا أمانة تداوينا من جرح هوانا
وتخلى الحب بعيد عنا ولانستناه ولا يستنا
ده آماااااااااااااااااااااااااااااااااااانة

نبتدى منين الحكاية
لو حكينا يا حبيبى.. نبتدى منين الحكاية؟
احنا قصه حبنا.. ليها اكتر من بداية
عشنا فيها يا ما عشنا .. شفنا فيها .. يا ما شفنا
لكن مشينا وكملنا .. مشوار الحب ووصلنا
والدنيا ما قدرت تعاندنا .. وتفرق بينا وتبعدنا
تعالى نقول لغيرنا .. انا وانت ازاى قدرنا
نبعد عن اى عذاب .. ونعيش على طول احباب
نحضن فرحتنا سوا .. ونخلى الحب شباب
وقابلنا انا وانت فى مشوارنا .
حاجات كتير جرحت غيرنا
الغيره وظنونها .. واللى بيجرى منها
فى يوم ما قربت منا .. بعدها حبنا عنها
وقابلنا الحاسدين وشافونا .. ولا هانش عليهم يفوتونا
وقالوا علينا قالوا يا ما قالوا .. وهوانا ولا اتغير حاله
وتسافر واسافر .. وايام يطول السفر
وقلوبنا بتتقابل .. مع كل طلعه قمر
وان جت خطوتنا تغربنا .. حلاوة الشوق بتقربنا
ومنين يجينا الخصام ؟.. ومنين يجينا البعاد؟
واحنا بين قلوبنا .. كل لحظه ميعاد
تعالى نقول لغيرنا .. انا وانت ازاى قدرنا
نبعد عن اى عذاب .. ونعيش عل طول احباب
نحضن فرحتنا سوا .. ونخلى الحب شباب
وفى لحظه وقفنا وابتدا خوفنا
ولقينا حوالينا الدنيا ضباب .. وليل وقلب جريح
زى اوراق الشجر وقت الخريف .. رماها الريح
سالنا روحنا ليه .. اكبر من حبنا .. ايه .. ايه؟
لكن مطالش الخوف بينا .. وعرفنا وشفنا وحسينا
انت شايف الحب كله عيون .. وهمس لكن انا شايف
احلى كلام عشاق يا حبيبى .. هو كلام الشفايف
انت وانت جنبى فى كل ميعاد .. بيجمعنا بتروح بعيد ويا التنهيد
وانا بشوف لقانا هو اثنين سوا.. دايبين فى لمسه ايد
بتقولى بخاف نمشى ونبعد ..
دا الهوى جبار يلعب بينا
خايف من ايه؟
فى اجمل ايه .. من حضن يدفينا
بتقولى شوف القمر ويايا شوف القمر
اللى كل العاشقين .. سهروا الليالى ليه
حلو القمر حلو .. بس احلى من القمر ..
لو نخلى عمرنا يوم ندوق الحب فيه
واتبدد خوفنا .. من بعد وقوفنا
وبدقه قلوبنا .. عرفنا ايه الدوا
وعشنا الحب خيال .. وحقيقة سوا

مداح القمر
عاشق ليالى الصبر مداح القمر .. عشق العيون السمر غوانى السهر
لولا النهار فى جبينك لولا الورود فى خدودك لولا الأمان فى وجودك
ما كنت هويت .. ولا حبيت .. ولا حسيت بطعم الحب يا عمري
قدك المياس يا عمرى أيقظ الإحساس فى صدرى
أنت أحلى الناس فى نظرى جل من سواك يا عمري
يا شعر ليل يا ليل يا ليل وفارد ضفايرك عالقمر
يابو ضحكة حلوة منورة ليل السهر يا ليل يا ليل
يا للى حسنك خللى دقات القلوب .. بتقول آهات
يا ما قالوا فيك أشعار كتيرة .. وحكايات
وليلاتى بيحكوا فى هواهم وكلام ع الرمش اللى رماهم
والليل بيطول وياهم ويقرب لى فرحة عمري
قدك المياس يا عمرى أيقظ الإحساس فى صدري
أنت أحلى الناس فى نظرى جل من سواك يا عمري
عينى يا عينى عينى عليكى كل القلوب بتدوب حواليكي
أما أنا .. وحدى أنا بشوفك بس بعيون غير عيون الناس
واحبك بكل ما فى القلب من إحساس
أما أنا وحدى أنا باشوف الحزن متدارى ورا الضحكة اللى فى عينيكي
وباسمع فى رنين صوتك شجن ما لى .. لياليكي
وياريت اللى كتير وصفوكى كانوا ياخدوا عينى يشوفوكي
كانوا بقلوبهم حبوكى زى ما حبيتك أنا وقلبي
قدك المياس يا عمرى أيقظ الإحساس فى صدري
أنت أحلى الناس فى نظرى جل من سواك يا عمري
موال عاشق بقيت موال وقصتى بتنقال للناس والعاشقين
وقالوا فى الموال..قالوا عاللى صبر ونال..قالوا من بعد صبر سنين قالوا
وانا اللى قلبى خلاص ارتاح .. أنا وبقيت فى دنيا من الأفراح .. أنا
ومشيت يا ليل مشوار طويل ولا قلت مرة مستحيل
ومشيت ع الشوك ما رجعنى لحد الحب ما طاوعني
وبقيت انا والحلوة حكاية عمر ما ح يبقى لها نهاية
طول ما انت يا حبيبتى معايا حتنور لى أيام عمري
قدك المياس يا عمرى أيقظ الإحساس فى صدري
أنت أحلى الناس فى نظرى جل من سواك يا عمري