بالفيديو.. مواطنة للحكومة: "سيبونا ناكل عيش"

رصدت عدسة "المصريون" غضب أهالي وأصحاب محلات وكالة البلح بعد صدور قرار بإزالة محلاتهم لإقامة مشروع جديد لخط مترو الأنفاق.
وقالت سيدة من سكان المنطقة: "الحكومة عايزة ايه من الناس, إحنا طوال السنة مش بنبيع بجنيه والأيام اللي بنشتغل فيها هي المواسم، عايزين توقفوا حالنا في رمضان".
وأضافت في حديثها ل"المصريون": "لو عايزين تشيلونا ما عندناش اعتراض بس سيبونا ناكل عيش, مهما حاولوا يعوضونا مش هيعرفوا إحنا ساكنين بملاليم، هيودونا فين وهنسكن بكام".
وأشارت السيدة إلي أن عمرها 72 عاما، مضيفة: "أنا طوال حياتي هنا وجدودي وأهلي وأكل عيشي وحبايبي هنا".
وطالبت الحكومة بتوفير مساكن في النهضة, رافضة أن يكون البديل هو حي الأسمرات، مضيفة: "هتخدونا في الأسمرات حراس علشان نحرس المكان ليكم" .