عايزين يفرضوا «الشمال» علينا.. شوبير يفتح النار على «خواجات» ألمانيا

فتح أحمد شوبير حارس مرمى الأهلي ومنتخب مصر السابق النار على منتخب ألمانيا ومسؤولي الاتحاد الألماني لكرة القدم بسبب اعتراضهم على القوانيين الخاصة بمنع شارات المثليين في مونديال قطر 2022.
وكان منتخب ألمانيا قد التقط صورة المباراة أمس أمام اليابان والتي انتهت بهزيمة الماكينات 1-2، وهم يضعون أيديهم على أفواههم اعتراضا على منعهم من ارتداء شارة المثليين.
اقرأ أيضاً: هاني رمزي يوجه رسالة قاسية للمنتخب الألماني: إن لم تحترموا عقائدنا فلا احترام لكم بعد الآن
وقال أحمد شوبير ساخرًا :«اليابان تحدث زلزالا في قطر بالفوز على»خواجات«ألمانيا.. جايين يا أخويا حاطين ايدهم على بوقهم وعايزين يفرضوا وجهة نظرهم على العالم.. في نظام مش انتوا عايزين نظام احترموه».
وأوضح أحمد شوبير في تصريحات إذاعية :«حضرتك مش لازم تفرض رأيك علىّ الديموقراطية بتقول إنك تلتزم بنظام الدولة اللي انت فيها».
وتابع شوبير :«والاتحاد الألماتي يصدر بيان مش هنسكت، طيب كنت كسبت اتاريك»لا مؤاخذة«والناس كلها بتتكلم عليك دلوقتي».
وحول فرص ألمانيا قال :«كلنا قبل المونديال قلنا ألمانيا وإسبانيا هيتأهلوا عن المجموعة دي لكن دلوقتي اليابان تكسب كوستاريكا توصل الموضوع انتهى بالنسبة لها، وألمانيا لو قدرت تتعادل مع إسبانيا تبقى معجزة بعد اللي شوفناه من إسبانيا امبارح».
وأضاف شوبير :«الماكينات يا جماعة كانوا محط احترام العالم كله، وانت يا عم نوير أنت قلت عندي سرطان الجلد في الوجه احمد ربك واشكر فضله، يعني موضوع الشارة اللي انت هتلبسه ده هيقلب الدنيا».
وأردف :«أنا بقول فطرة الله التي فطر الناس عليها، أنا الفيصل اللي بيني وبين الجميع بقول الأديان نشوف قالت ايه الأدينا، مش عاجبك الأديان خلاص، نشوف الأخلاق، بتفرض عليك ايه، وبعدين كل واحد براحته عايز يبقى يمين يبقى شمال نحترم حرية كل واحد ونظام كل دولة إنما تفرض على الشمال لأ».
واختتم نجم الأهلي السابق :«انفانتينو قال أن فيه دول أوروبية كثيرة بتمنع بيع الكحول في الملاعب لازم نحترمها ولا هو لازم أجي المونديال معلق في ودني حلق ولا جايب واحد صاحبي في أيدي، بس لما تسأل أي واحد طبيعي هيقول لك الصح كذا والغلط كذا».
وأضاف :«الله يخليكم كلمة إنفانتينو ملقتش أجمل منها في اتهامه للغرب بالنفاق في ملف حقوق الانسان في قطر، وكل شيء في قطر ماشي بشكل جيد جدا، ليه كل حاجة عندنا كعرب ومسلمين في منطقتنا عايزين تبوظوها ليه دائما عايزين تحسسونا أن احنا ما بننجحش، لا احنا بننجح وبنقى احسن منكم كمان، ولو كاس العالم لازم بالطريقة دي والأشكال دي تيجي عندنا مش عايزينه».
تعليق ناري على خسارة ألمانيا من اليابان بعد انشغالها بأشياء خارج كرة القدمhttps://t.co/J4CmzhTeaX
— Ahmed Shobier (@ShobierOfficial) November 24, 2022