السيسي للمصريين: «هل حد قال لابنته المتزوجة حديثًا استني سنة أو سنتين متجيبيش أطفال»

تساءل الرئيس عبدالفتاح السيسي عن قيام الأسر المصرية بتوجيه النصح للفتيات قبل الزواج بتأخير خطوة الإنجاب .
وقال السيسي خلال فعالية إطلاق المشروع القومي لتنمية الأسرة المصرية: «هل في حد من الأسر قال لبنته استني سنة أو سنتين متجبيش اطفال، استني انتي كنتي في وعاء وحاضنة اسرة وبعدين هتكوني في حضانة زوجية، حد قال لبنته خدي نفسك عيشي يومين تتعودي على الحياة الجديدة؟!».
وتابع: «أنا مش بتكلم في تنظيم اسرة، أنا بتكلم أن البنت تخرج من بيت اسرتها أي كان مستواها وتدخل لبيت تاني تخلف على طول، وبعدين شهرين تلاتة وبعدين يحدث طلاق، وتاخد الطفل وتمشي، علشان كده بسأل هل حد بيقول للبنات خدي سنتين تلاتة اتعودي على البيت ومطالبه، حد من الاسر بيعمل كده».
وأكمل: «علشان كده عملنا الصحة الإنجابية، علشان الطفل اللي جاي ياخد حقه، اننا قبل ما اقدم على خطوة الانجاب انك تطمن أن ظروفك الصحية والوراثية مع اهل بيتي هتطلع طفل سليم، وده كله بالعلم اللي ربنا سمح لينا بيه».