صيدلي للرئيس: «محتاجين نظرة من حضرتك».. والسيسي: «مصر في موقف صعب بقالها سنين»

طالب محمد مكاوي، أمين عام نادي الصيادلة، الرئيس عبدالفتاح السيسي، بالنظر إلى حال صيادلة مصر، في إشارة منه لزيادة مخصصاتهم المالية.
وقال مكاوي، على هامش لقاء السيسي مع مجموعة من الشباب في فعاليات المؤتمر الوطني الأول للشباب المنعقد بمدينة شرم الشيخ، مساء الثلاثاء: «الصيادلة 200 ألف.. محتاجين نظرة من حضرتك»، مطالبًا في الوقت نفسه أن تكون إدارة الهيئة العليا للدواء بواسطة رجل صيدلي بدرجة وزير.
وتحدث مكاوي عن زيادة المخصصات المالية للصيادلة، قائلًا: «إحنا مش أقل من ضباط الجيش والشرطة»، فيما تساءل عن سبب عدم دعوة نقيب الصيادلة لحضور فعاليات المؤتمر.
ورد السيسي على حديث مكاوي، بقوله: «كل اللي أنتم بتقولوه هنكتبوا وهندرسه»، معتبرًا أن «مصر في موقف صعب بقالها سنين كتير، ومهم دلوقتي لا نستدعي أي شكل من أشكال الاحتجاج».
وأضاف: «المسؤولين ليه مش هيبقوا عايزين يلبوا أي مطلب، عناد يعني، صلابة مخ على الفاضي، مش هعمل ليه؟ ماعملتش يبقى أنا مش قادر، مش مش عايز مش بس لحضرتك.. للمدرس بنديله أولادنا اللي هما أغلى حاجة عندنا عشان يؤهلهم للمستقبل.. طيب هو بياخد كويس».
وقال: «ترتب على الموقف ده خلال ال5 سنوات اللي فات إن بقت الدولة بتتحمل سنويًا بزيادة عما كان 150 مليار جنيه، بتكلم عن الحكومة زادت مرتبات الدولة 150 مليار جنيه، عارف بيجوا ميني، بيجوا سلف واقتراض في 6 سنين يبقوا 900 مليار».
ورأى السيسي أن «الثورة جابت مكاسب وتحديات»، موجهًا سؤاله إلى الشعب: «بقول للمصريين أعمل إيه»، معتبرًا أنه «أحد أهم أسباب الأسعار أن القدرة الشرائية تقريبًا أكثر من الضعف.. وأنا مش بخوفكم أنا بنبه نفسي وأنبهكم».