شهدت لحظة دخول الرئيس عبد الفتاح السيسى، الى قاعة المؤتمر لإلقاء كلمته الختامية بالمؤتمر الاقتصادى فى شرم الشيخ، تصفيقا حادا من الحضور من الوزراء ورجال الأعمال والمستثمرين وجميع المشاركين احتفاء بالرئيس المصرى، ونجاح المؤتمر الاقتصادى، ورد الرئيس السيسى على بعض الهاتفين بحياته بهتاف تحيا مصر محدش تانى ، تحيا مصر وشعبها ،وسط تصفيق حاد من الحاضرين وقبل بداية كلمته فى ختام اعمال المؤتمر الاقتصادى بشرم الشيخ , دعا الرئيس عبد الفتاح السيسى الشباب المشاركين فى إعداد المؤتمر الاقتصادى إلى الصعود للمنصة للترحيب بهم وتحيتهم على ما قدموه من جهد فى إعداد المؤتمر والتقط معهم صورا تذكارية وصورة "سيلفى" وسط تصفيق حاد من الحاضرين . وبدأ الرئيس بكلمة ارتجالية بعيدا عن الكلمة التى اعدت لختام المؤتمر عادة هما مجهزين كلمة، لكن أنا عايز اتكلم معاكم من القلب عن مصر لان مصر ضاربة فى عمق التاريخ منذ اكثر من 7 الاف سنة , ووجه التحية لكل من شارك فى المؤتمر الاقتصادى، قائلا: "من 7 آلاف سنة مصر كانت موجودة وعلمت الدنيا كلها ومن 150 سنة كان فى بعثة من دولة عظيمة هى اليابان، جايه تشوف تجربة مصر 1862 كانت جايه تشوف مصر دى بقت عمله كده ازاى". وقال الرئيس لأن فى ناس افتكرت إن بلدى ماتت .. مصر بلد ربنا خلقها علشان تعيش". وأضاف الرئيس فى كلمته: "سنة 1962 جاءت دولة عظيمة ثانية لترى تجربتنا كانت دولة كوريا أرسلت بعثة لتشوف مصر عاملة ازاى، مش هتكمل ليه مصر مكملتش بس بقول وبفكر نفسى والمصريين والعالم بقول إن الدولة دى تستيقظ الآن". وتردد هتاف "تحيا مصر" بين الحضور بقوة، وخطب أحد الحضور قائلاً: "يحيا السيسى"، فرد عليه الرئيس: "تحيا مصر ولا يحيا أحد غيرها"، وتابع: "مصر بشعبها مصر بشبابها مصر اللى فيها أكتر من 35 مليون شخص فى شبابها، هى اللى علمت الدنيا عشان كده بقولكوا مصر مبتمش وصحيت وهتصحى". قال الرئيس عبد الفتاح السيسى إن مصر تحتاج من 200 إلى 300 مليار دولار على الأقل حتى يكون هناك أمل للمصريين بجد وأضاف الرئيس إن هذا المبلغ الذى نحتاجه للاستثمار والتنمية ضرورى حتى يجد 90 مليون مصرى فرصة حقيقية للعمل والنمو والتحقق الاقتصادى أكد الرئيس عبد الفتاح السيسى فى خطابة الذى القاه فى ختام المؤتمر الاقتصادى بشرم الشيخ " مصر المستقبل كنا بنتكلم مع الشركة اللى هتعمل العاصمة الجديدة وإن المرحلة الأولى ممكن تأخذ 10 سنين، وأنا قلت مش هينفع لأن كمان 10 سنين نكون زدنا 26 مليونا، لو استمرينا بالمعدل ده". وتابع: "الوقت حاسم وعلشان كده هنأكد فى كلامنا مع كل المسئولين للشركات أن إحنا مستعجلين علشان إحنا متأخرين ولازم نمد أو نجرى". ووجه كلامه إلى المستثمرين، قائلاً: "محتاجين نتحرك بسرعة أكبر من كده وهعطى مثال لشركتين.. كنت قاعد مع مدير شركة سمينز وكنا بنتكلم على ممكن عمل محطة للطاقة من 30 إلى 36 شهرا، فقلت له ممكن سنة ونص قال ده يبقى تحدى قلت يبقى عايزنها من سنة إلى سنة ونص وإذا كنا عايزين نساهم فى تنمية البلد فلابد أن يكون الشغل ليل نهار". وتابع الرئيس: "النقطة الثانية التكلفة المالية رعونا فيها شوية وأنا بقول الكلام ده لنفسى ولكل اللى يسأل وبقول كده لنفسى والمستثمر اللى جاى يساعد، وبقول كده لأننا عايزين نبنى بلدنا وندى أمل حقيقى للناس وعلشان نعمل ده نعمل كل حاجة مشروعة". وقال الرئيس ان العام القادم سوف تكون جاهزة العام المقبل للمؤتمر الذى سوف يعقد بشكل سنوى اللى بتعمل كتير بس لسه لان المطلوب كتير , بنتكلم على الاسماعلية الجديدة ورفح الجديدة ومحافظات جديدة للاربعه مليون فدان وكذلك مشروع المليون فدان ووجه الشكر لكل من حضر ومن اناب من حضر من رؤوساء ووزراء وملوك انتو متعروفوش انتو فرحتوا الشعب المصرى ازاى , لكن عاوز اقول المصريون كانوا متابعينه لحظة بلحظة لانهم لما حبوا يغيروا فى 25 يناير غيروا ولما حبوا يغيروا فى 30 – 6 برضه غيروا لان مفيش حد يقدر يواجه حد والمصريون قالوا هنغير وغيروا , ولو عاوزين يغيروا تانى هيغيروا , ولا يمكن استنى ابدا لما يحصل الكلام ده خلى بالكم دا الشعب المصرى العظيم اللى بحبه وبحترمة , والبلد وحبها مش كلام وبس , احنا عايزين نخلى بلدنا قد الدنيا واوجه الشكر لكل اللى حضر المؤتمر , كل الشكر والتقدير والتحية والسلام بقدومكم للمشاركة ولسه مشاركتكم مستمرة والكلمة للمصريين , الناس جت علشانكم ورد الفعل رسالة للدنيا كلها وعايزين نشتغل معاهم ومع بعضنا البعض الاف المرات , كنت بقولكم المؤتمر الاقتصادى ذراع مصر لكن بقية الجسم لا بد يتحرك بقوة ولا يستهر احد حتى لا يخاطر ببلدة
