بالفيديو.. الرئيس فى ختام المؤتمر الاقتصادى: ربنا خلق مصر علشان تعيش.. محتاجين 300 مليار دولار.. ورفضت إنشاء العاصمة الجديدة فى 10 سنوات.. المصريين غيروا فى 25 يناير و30 يونيو.. ويقدروا تانى لو أرادوا

الرئيس: استصلاح 4 ملايين فدان سيخلق محافظات جديدة
أحد الحضور يهتف "تحيا السيسى".. والرئيس يرد: تحيا مصر ولا يحيا غيرها"
شباب المؤتمر يلتقط صورة "سيلفى" مع الرئيس.. والسيسى يصافحهم بالابتسامة
الرئيس يوجه التحية لروح "الملك عبدالله".. ويؤكد: تلقيت دعوة رسمية لزيارة ألمانيا
أكد الرئيس عبد الفتاح السيسى، أن مخطط التنمية الشاملة الذى تعتزم الدولة تنفيذه يتضمن إنشاء محافظات جديدة، مشيراً خلال كلمته بالجلسة الختامية لمؤتمر شرم الشيخ الاقتصادى، ظهر اليوم، إلى أن مصر تحتاج من 200 إلى 300 مليار دولار، لتلبية احتياجات 90 مليون مواطن بشكل حقيقى.
سيلفى الرئيس وشباب المؤتمر
وشهدت لحظة دخول الرئيس السيسى، للقاعة، تصفيق حاد، قابله الرئيس بهتاف "تحيا مصر"، داعياً كافة الشباب المشاركين فى تنظيم المؤتمر إلى الوقوف بجانبه، فى لفتة تدل على تقديره لدور الشباب ومجهودهم فى نجاح المؤتمر.
والتف الشباب فور صعودهم للمنصة حول الرئيس وصافحوه، والتقطوا صورة "سيلفى" معه، الأمر الذى قابله السيسى، بالضحك.
السيسى فى كلام من القلب: مصر ربنا خلقها علشان تعيش
وبدأ الرئيس كلمته، قائلاً: "عادة هما بيجهزوا كلمة.. لكن أنا عايز اتكلم معاكم من القلب عن مصر، لأن فى ناس افتكرت إن بلدى ماتت.. لكن مصر بلد ربنا خلقها علشان تعيش.. فى سنة 1962 جاءت دولة عظيمة لترى تجربة مصر، كانت تلك الدولة هى كوريا، حيث أرسلت بعثة لترى وضع مصر، وحينها قالت مصر هتكمل وهتنطلق، لكن اللى حصل غير كدة، أنا الآن بفكر نفسى والمصريين والعالم، وبقول إن الدولة دى تسيتقظ الآن".
وقاطع أحد الحضور كلمة الرئيس بهتافه "تحيا السيسى"، ليرد عليه الرئيس "تحيا مصر ولا يحيا أحد غيرها". وتابع : "مصر بشعبها مصر بشبابها مصر اللى فيها أكتر من 35 مليون شخص فى شبابها، هى اللى علمت الدنيا عشان كده بقولكوا مصر مبتمش وصحيت وهتصحى".
محافظات جديدة ضمن مخطط التنمية
وأضاف الرئيس فى كلمته التى حرص أن يلقيها كاملة وبجواره الشباب : "خطة استصلاح 4 ملايين فدان، ستخلق محافظات جديدة، ونحن نحتاج من 200 إلى 300 مليار دولار، ليتم تلبية احتياجات 90 مليون مواطن بشكل حقيقى".
وتطرق الرئيس فى كلمته إلى مشروع العاصمة الإدارية الجديدة لمصر، قائلاً : "رفضت المدة التى طرحتها الشركة المنفذة للمشروع والتى كانت 10 سنوات، والسبب هو معدل الزيادة السكانية.. انا قلت مش هينفعغ كدة.. احنا كمان 10 سنين هنزيد 26 مليون مواطن لو استمرينا بالمعدل ده، احنا متأخرين ومحتاجين نتحرك بسرعة أكبر من كدة".
ووجه الرئيس كلمة للمستثمرين، قائلاً : "محتاجين نتحرك بسرعة أكبر.. وأنا هدى مثال لشركتين، كنت قاعد مع مدير شركة سيمنز، واتكلمنا عن تنفيذ محطة للطاقة من 30 إلى 36 شهر، فقلت هل ممكن نخلصها فى سنة ونص، قال ده يبقى تحدى، رديت قلت يبقى عايزنها من سنة إلى سنة ونص، إذا كنا عايزين نساهم فى تنمية البلد، لابد أن يكون الشغل ليل نهار".
وأوضح الرئيس أنه تحدث مع مسئول الشركة عن التكلفة المالية لبناء المحطة، قائلاً : "قلتله النقطة التانية التكلفة المالية، راعونا فيها شوية، وأنا بقول الكلام ده لنفسى ولكل اللى يسأل وبقول كدة لنفسى والمستثمر اللى جاى يساعد، وبقول ده لاننا عايزين نبنى بلدنا وندى أمل حقيقى للناس وعلشان نعمل ده نعمل كل حاجة مشروعة".
وأكد الرئيس السيسى تقديره لقدرة المصريين على صناعة مستقبلهم، وتحديد مصيرهم، قائلاً : "المصريين غيروا فى 25 يناير و30 يونيو، ويقدروا يغيروا تانى لو عايزين، وانا والله لا يمكن انتظر أبدا اللحظة دى ولو عايزين يغيروا محدش هيقدر يمنعهم"، ورد المتواجدون بالقاعة على الرئيس بقولهم: "احنا عايزينك يا ريس".
وتعهد الرئيس عبد الفتاح السيسى، فى كلمته الختامية بالمؤتمر الاقتصادى، بمزيد من التطوير فى مدينة شرم الشيخ. وداعب الرئيس المحافظ اللواء خالد فودة، محافظ جنوب سيناء، قائلاً: "شرم الشيخ ستكون مختلفة كثيراً وأكثر جمالاً فى العام القادم.. هو المحافظ كان عايز ينزل أجازة ولا إيه".
ووجه الرئيس عبد الفتاح السيسى، التحية لروح الملك عبدالله بن عبد العزيز، ملك السعودية الراحل، خلال كلمته الختامية بالمؤتمر الاقتصادى، الأمر الذى قابله الحضور بتصفيق حاد. وقال الرئيس السيسى: "تحية خاصة لروح الملك عبدالله بن عبد العزيز، صاحب فكرة هذا المؤتمر لدعم مصر".
كما وجه الرئيس تحية إلى المستشار الألمانية أنجيلا ميركل، مؤكداً تسلمه دعوة رسمية لزيارة ألمانيا، وقال إنه يقدر ألمانيا لكفاحها وتقدمها فى شتى المجالات.
وطالب الرئيس السيسى خلال كلمته، بعقد المؤتمر الاقتصادى بشكل دورى، كل عام، والتحضير لذلك اعتباراً من الآن، لصالح المنطقة كلها وليس مصر فقط.
اضافة
ودعا الرئيس فى كلمته الختامية بالمؤتمر الاقتصادى فى شرم الشيخ، الدول المتقدمة الأوروبية والأمريكية والصين إلى المساهمة فى مشروعات تقوم بها شركاتهم عبر تقديم تمويل مريح على سنين طويلة، مؤكدا أن التزام المصريين أمر لا يقبل الشك.
وأشاد "السيسى" بفكرة المؤتمر الاقتصادى، قائلا: "ده اللى ممكن كتير يتعمل ويسيب فكرة تعيش سنين طويلة، وبقول إن فكرة عقد المؤتمر والدور اللى قام به الملك عبدالله يدعونا كلنا أننا نؤكد أننا هنعمل هذا اللقاء كل سنة مرة".
وأضاف: "المؤتمر الاقتصادى للدول اللى ليها ظروف صعبة.. واسمحوا لى أننا نشتغل من دلوقتى والدعوة موصولة لكل الشركات والمستثمرين أنهم يكونوا موجودين معانا السنة الجاية فى معاد زى ده.. أقول لو إحنا جينا هنشوف الجهد اللى اتعمل عظيم ولكن لسه بدرى والسنة الجاية نجد منظر مختلف خالص".
وأكد الرئيس عبد الفتاح السيسى، أن المؤتمر الاقتصادى دراع مصر، قائلا: "صحيح المؤتمر الاقتصادى دراع مصر، لكن بقيت الجسم كله لازم يشتغل ويتحرك معاه بقوة".
موضوعات متعلقة..
السيسى فى ختام المؤتمر الاقتصادى: مصر علمت الدنيا كلها من 7 آلاف سنة
الرئيس يرد على هتاف "يحيا السيسى" : تحيا مصر محدش تانى
السيسى يبدأ كلمته ب"تحيا مصر".. والحضور يقابله بتصفيق حاد
بالفيديو..السيسى يلتقط "سيلفى" مع شباب المشاركين بإعداد المؤتمر الاقتصادى
السيسى يصل قاعة المؤتمر الاقتصادى لإلقاء كلمة الختام