السيسى فى الجزء الثانى من حواره مع قنوات النهار ودريم والحياة:

زرع الفتنة بين المصريين لن ينتهى.. وموقف المسيحيين من إحراق الكنائس كان موقفًا وطنيًا وغاليًا المخاطر التى تحيط بالوطن.. السبب الأساسى الذى دفعنى للترشح

أكد المرشح الرئاسى المشير عبد الفتاح السيسى ان زرع الفتنة بين المصريين لن ينتهى وموقف المسيحيين من إحراق الكنائس كان موقفًا وطنيًا وغاليًا. وقال السيسى – فى الجزء الثانى من حواره مع قنوات النهار ودريم والحياة-: المخاطر التى تحيط بالوطن.. السبب الأساسى الذى دفعنى للترشح».
وأضاف: «أقسم للمصريين.. أنى سأبذل كل ما يمكن من جهد , من أجلهم ومن أجل مصر.. وأقول لهم: « نفسى أجيب من السما حتة لكم ويارب يعيننى على ذلك». واستطرد السيسى بالقول – فى حواره مع الاعلاميين وائل الإبراشى وخالد صلاح ولبنى عسل -: كل ما تطلبه المرأة المصرية... «على دماغى من فوق». وتابع: «مشهد دعوة قتلة السادات لحضور احتفالات أكتوبر...لا يستحق التعليق»، مضيفًا: «إذا تطلب الأمر سأزور اثيوبيا عدة مرات لحل أزمة سد النهضة». وحذر «السيسى» من العائدين من سوريا بقوله: «العائدون من سوريا خطر على الدول التى يعودون إليها»، مؤكدًا ان المصريين والأشقاء العرب سيدبرون الأموال التى نحتاجها. وقال: «لو بنحترم الديمقراطية بجد نسيب الناس تختار بغض النظر عن النتائج»، مؤكدًا انه تتم دراسة التشريعات التى تساعد على تحسين أوضاع الاستثمار والبلاد تحتاج إلى مشرعين فى البرلمان يدركون مشاكل الوطن.. وإلى النص الكامل للحوار بعد ترحيب الاعلاميين بالسيسى :
**خالد صلاح: حضرتك مركز فى الوعي.
* السيسى: التعليم والمنشآت التعليمية والمادة التعليمية هو المستهدف، واللى هنديله فى حداثة سنه، والمنشآت التعليمية بنتكلم عن 20 ألف مدرسة وعاوزين 500 مليار جنيه وعشان نعمل كثافة معقولة، وكده لن تقترب من المعلم وإنما تقترب من الإنسان والوجدان، والإنسان أقدر واحد فينا نراعيه.
** وائل الإبراشي: هتعمله إيه؟
* السيسى: هنعمل له إيه، والتعليم والصحة لهم دور ولازم ياخدوا اهتمام كبير، وده مش معناه إن بقية القطاعات لأ.. وعلى الأقل أقول له إن أنا شايفك وتحملنى شوية والمصريين بيقولوا مشتكر.
** لبنى عسل: إمتى يتحقق؟
* السيسى: تزودى قدرتك الاقتصادية، وعندنا موارد ومصروفات، والموارد هقول 60% يعنى أكتر من 50% والباقى 60% من مصروفاتنا بتمول وال40 التانيين مالهمش.
** وائل: مش لو خدت من الدعم..
والسيسى: يقاطعه: ده جزء من الحل ويخش فى التعليم والصحة والعشوائيات ونرجع لتعليم عاوزين نعمل قفزة كبيرة، وبقول للإعلام أنا مش معاك إنك تهاجم التدريس والمعلمين، تصور المعلم بياخد كام.. الدروس الخصوصية ظاهرة وتراكمات كتيرة والمعلم مش طماع وجشع، وهل تتصور أن 1.4 مليون معلم بيدوا دروس خصوصية.. لا طبعا.
* لبنى: بس حمل على الأسرة؟
**خالد: لما أجى للمعلم وأقول له اصبر ونفس الحال للأطباء..
والسيسى يقاطعه: لا معلش بقول للكل إننا ماعندناش خيار تاني، وبكام ومنين؟
** خالد: ماعندكش وعود؟
* السيسى: سنة 2000 كان الدين 149 مليار جنيه.. ودياما بنتكلم بالمنطق ولما حد بيتكلم ب100 يوم بنقول دى دول مستقرة وقواعد بيانات ولسه ماوصلنالوش، والبرامج التى تناقش بيبقى فيه حزب وماكز أبحاث، ولما بنقول هندى للناس فلوس بنقول وعد على حساب الوطن ينفع نقول كده.. لا.. لازم يكون قابل للتنفيذ.
** وائل: هيستحملوا قد إيه؟
* السيسى: قلنا نأمل فى سنتين إن المصرى يشعر بتغير ويبقى الانطلاق فى 4 سنوات وجبنا عقول متنورة جبنا هانى عازر بتاع الأنفاق والنقراشى وفاروق الباز، وفريق كبير فى كل حتة وهنقعد مع أى حد.
** لبنى: خدت كل الأفكار؟
* السيسى: قلنا الرؤية وهدفنا المصلحة.
** وائل: التعليم مش المشكلة دى فقط.. ده حفظ وتلقين، ولازم يبقى فيه منظومة متكاملة ومناهج تتمشى مع التطور؟
* السيسى: ركزت على المعلم والعناصر المادية سهل نتعامل معاها والمرتبطة بالإنسان عايزين نتعامل معها بفاعلية حقيقية.. وده مقدر جدًا فصبرًا.
** خالد: بس قضية التعليم ممكن الإنجاز فيها يكون مؤجل؟
* السيسى: إحنا بنتكلم فى نقلة حقيقية، ولما أعمل 100 مدرسة وأخد أفضل عقول مصر ده تحرك، وجمعت من كل محافظات مصر فى كل محاظفة مدرسة ولا اتنين من نجباء الوطن أنت كده بتعمل أمل وتحتضن العقول دي، ولما تيجى وتخلى وتهتم وتروح للمدرسة وتقول للمعلم متشكر، ولما تعمل مجالس إدارة فاهمة ومجالس آباء مقدر المعلم، وفيه إجراءات ممكن تقول للمعلم أنا متشكر.
** وائل: شايف المعلم الأساس؟
* السيسى: المعلم هو الأساس والإنسان.
** لبنى: التقرير من مؤيدى السيسي.
* السيسى: والله لو فيه حاجة هقدر أعملها لكم هعملها.. مش هخلى حاجة هقدر أعملها إلا لما أعملها.
**خالد: فيه وعى عام لديهم بهذا الأمر.
* السيسى: ما قلت ده وعى منهم.
**وائل: الناس على استعداد للتحمل وعند لحظة معينة الناس لا يمكن أن تتحمل.. هنعمل إيه؟
* السيسى: هنتحرك من أول يوم معاهم والأعباء المعيشية ماتزيدش، والسلع الأساسية ماتغلاش وعلى الأقل اظبط له الأسواق، واتكلمت عن الأوساق الموازية خلال 3 ل4 شهور، وشغالين فى الدولة المصرية كلها ولما المواطن يلاقى إنه هظبط له الأسعار هيصبر معايا وهيستحمل، وانا بخاطب وده والمصرى أول ما بيشوف بلدوزر بيعمل حاجة، والحمدلله ويستنى 3 ل4 شهور، ويلاقى الكلام ده بيتعمل فى مدنيته وقريته.
**خالد: ما بتخف من الناس اللى متعلقين بك وإلى أى مدى تراعه عبئًا.
* السيسى: عارف المصريين شعب عبقرى وله حكاية بقى لها 7 آلاف سنة وتفاصيل كتيرة، وهى عبء إنسانى ضخم ونفسى أكون على قدر المسؤولية.
** وائل: لحظة دخولك للقصر هذا القصر فيه رئيسان يحاكمان؟
* السيسى: العمل مؤسسى مش فردي، فريق عمل متكامل فى المجالات المختلفة وكل المجلاات لازم يبقى فيه حد معانا.. فيه تشريعات تكون بتتحرك وتساهم فى الموضوع وتحريك الموقف فى مصر بشكل جيد وهنشتغل وأنا قلت لكم أنا متصور إننا هنبقى حاطين قوافل التنمية والتعمير.
**خالد: الشغل يبتدى من أول يوم.
* السيسى: من دلوقتي.
** خالد: فيه ناس بتقول إن الرئيس عبد الناصر مش مديله حقه ومن ناحية الدهاء تقترب من السادات.
* السيسى: التاريخ سيتوقف كثيرا أمام الدور اللى عمله السادات ويمكن أنت كنت صغير يا أستاذ خالد وماعشتش الحالة بتاعت 67 وهنحارب إمتى و67 نتوقف أمامه كثيرا جدا، والقرار كان فى منتهى منتهى الصعوبة، وإنه يشن الحرب.
** لبنى: جيهان السادات قالت إن واخد دهاء السادات وذكاء عبد الناصر.
* السيسى: هى قامت بدور وطنى ودى مجاملة لطيفة منها، والحرب كان فيها مصابين كتير، وهى قامت بدور كبير وكانت أم المصريين فى الوقت ده، والمصريون بيروحوا المستشفيات كل يوم أحد، ورحت زرت المستشفيات، ومعاهم شيكولاتة.
**وائل: أن تجد قتلة السادات يحتفلون بأنصار أكتوبر؟
* السيسى: أكتوبر ده بتاعه (السادات) وكان يجب أن تدعى السيدة جيهان هى وأسرتهتا، والقرار بتاع السلام إحنا مش مقدرين حالة المنطقة عشان يجى رئيس دولة ياخد القرار.
** خالد: موافق على قرار السادات إنه أكتوبر آخر الحروب؟
* السيسى: هو كان حاطط سياق لحل مشكلة مصر وسوريا وفلسطين يبقى أسباب الحرب خلصت.
** وائل: لم تعلق على حضور قتلة السادات؟
* السيسى: هذا المشهد لا يستحق التعليق عليه، وآسف إنى بقولك كده يا أستاذ وائل، وتقول إيه.
** لبنى: اتفاقية السلام.
* السيسى: أنا قلت إن النقطة اللى كانت محل قلق من جانب الناس فى السلام واستقراره تحققت وتعالوا نكمل مبادرة عربية وتعالوا الخطوة اللى بعدها والنقطة دى اتهضمت من سنين ولو الأمر يستحق محتاجين نعدل اتفاقية السلام وبنتصدى، وهما بقى عندهم تصور، والغياب بتاع المنطقة بقى خطر عليه، وقلت لو محتاجين نعدلها هنعدلها وهما هيتفهموا ذلك، وأنا مدرك بقول إيه.
**لبني: وكيف سيتم التعامل مع ازمة سد النهضة؟
*السيسى: لابد من وجود مساحة حوار هادف مع إثيوبيا.. وإحنا عندنا السد العالي، ولازم نتكلم عن الآثار الجانبية وعارفين أن السد فى منطقة من الغابات والنباتات ولما المية تنزل هيبقى عامل إزاي.. وكل ما تتحركى بفاعلية أكتر مش هيبقى لهم فرصة.
** خالد: كان فيه خطاب شعبى متشدد ضد إثيوبيا.. وتعلى من شأن الحوار وقلت مسافة السكة فيما يخص أمن الخليج.
* السيسى: الخليج كلمة تقال فى إطار الأمن العربى كله وعندما يتعرض لتهديد وتستدعي.. وإحنا مابنعتديش بندافع، وبتكلم فى إطار استراتيجية متكاملة فى العلاقات بيننا وبين بعضنا، وأنا مابوجهش رسائل لحد ومش عايزين نهدد حد ومش عاوزين حد يهددنا.
** خالد: تطوير اتفاقية الدفاع العربي.. ولبنى: جيش عربي؟
* السيسى: كل شئ ممكن.
** وائل: العائدون من أفغانستان عانينا منهم؟
* السيسى: فيه 7 ل8 ملايين لاجئ واللى عندهم 15 سنة ومابيتعلموش سواء كانوا فتيات أو فتيان وتعمل إيه فى الشارع وحتى الأوروبيون 2000 أوروبى بيقاتلوا وكانوا متشددين فى سوريا، ولو الحرب انتهت دون أن يصفى الموقف، وفيه كام ألف هناك، وأنا بقول ده خطر على السعودية والأردن وعلى أى حد تانى وقلت للأوروبيين إيه اللى بيحصل ده.
** خالد: ده عمد منهم للإضرار.
* السيسى: بفترض حسن النية.
** لبنى: بنتكلم عن الصحة وحضرتك عارف المنظومة.
* السيسى: الدستور كائن حى بينمو بينضج مع تطور الدولة المصرية وقلت محتاجين فى البرلمان تشريعات كتير مرتبطة بالدستور ولازم كل اللى بيتكلم يبقى عنده خيال كبير لصالح الوطن، والدستور عاوز يضمن فيه نصوص مستقرة توفر تأمين طبى وحقيقي، ولما نيجى نتكلم برجع للتصور الحقيقى مفيش فرصة حقيقية إننا نتحرك بمنتهى القوى والفاعلية ونظبط التعليم والصحة، والنهارده بنتكلم فى 90 مليونا، وعندى تصور إن مشكلة المشاكل لو اتحلت الفلوس ومنين وبكام، ومعانا فلو هنقدر نخش ع الصحة ونصلح ونطور، وبقى عندنا القدرة.
** خالد: حضرتك بتقول الفلوس ومصدر لنا الواقع بحذافيره. لكن أنا خايف عليك وعلى مصر وأنت عارف نجيب الفلوس منين لو سمحت قلنا.
* السيسى: جزء كبير من المصريين هيشتغلوا على ده وجزء من الأشقاء، وتعالى نستدعى المشكلة اليوناينة فى الأزمة المالية، كان الرقم ضخم وأكتر من 120 مليار يورو، وادفع لها لأن سقوط اليونان يؤثر عليهم وفى إطار المصلحة واتظبط الموقف فى شهور قليلة، والنجاح يجيب نجاح.
** لبنى: فيه اتجاه لفرض ضرائب جديدة؟
* السيسى: كل ما يمكن عمله دون أن نسبب ضغط هنعمله، وفيه واقع وفيه ظروف، وماينفعش أقول.
**خالد: طمنا.. اللى يروح ينتخب السيسى هيعمل إيه يجيب اللمبة مثلا والفلوس إزاى قلنا؟
* السيسى: هنجيب وهنشتغل مع بعض.
** وائل: حضرتك عارف من الذى يساعدنا.
* السيسى: فيه كلمات لازم تتحسب وتتوزن بميزان من دهب لأن الناس بتسمع اللقاء برة وجوه.
** خالد: مطمئن؟
* السيسى: إن شاء الله.
** خالد: حضرتك مذاكر اليابان وألمانيا وصعودهما.
* السيسى: إحنا بنتكلم عن دول ظروفها صعبة واستطاعوا يعبروا وشايفنهم دلوقتي، ويمكن تكون الصورة مش مريحانة واللى بنعمله عشان مصر تعلمه سواء بالفترة دى أو التفرة اللى بعدها.. واللى شفته فى اليابان وألمانيا بتشوف النتيجة واستطاعوا أنهم يعبروا وأنا بستلهم الفكرة نفسها إنهم قدروا من خلال تقدير حجم المخاطر إنهم يعبروا فعلا وعاوزين نعمل كده.
** وائل: الإسكان أول توجيه من الله كان لآدم اسكن وأنت وزوجك الجنة.. ما هى الأفكار التى ستنفذها على الفور لحل مشاكل الإسكان والعشوائيات؟
* السيسى: الدولة شغالة فى ده من قبل كده ومحتاج ملايين، ورؤيتى فى العشوائيات تحسين ما أمكن سواء بصرف أو كهرباء والطرق الموجودة عملوها فى البرزايل دون إزالة العشوائيات وفيه مناطق عشوائية يمكن إزالتها، وفيه مناطق نحسن من كفاءتها، واللى عايز يتزال لابد إننا نزيله ونبنيه.. وده معناه تقول مليون فرصة حقيقية والقطاع الاستثمارى معنى يقوم بده بشكل فيه الرفق بالمواطن ومايبقاش المستهدف هو الربح بس، ونخش فى المحافظات وعلى زراعة وإسكان والمليون وحدة اللى وصلنا لها ده شغال ونخش على المحافظات والمحافظة لها نصيب قد إيه، وهيكونوا فين من التنمية الزراعية وأنت عايز تعمل للمزارع فرصة الزراعة الحقيقة عشان تبقى ضامن إن المكان ده ينجح وده اللى عاوزين نتحرك فيه، ومش هقول زى المستعمرة وإنما كيان سكانى يشيل 3 آلاف أسرة وجواه 3 آلاف فدان وهتعمل 10 آلاف فدان، والكيانات عبارة عن زراعة وصناعة وبتخدم على ده ومدرسة ومستشفى ونادي.
** وائل: مش هيكون فيه ناس بلا مأوى؟
* السيسى: زى سكان المقابر وأولادنا اللى فى الشوارع ده موضوع تانى خالص.
** لبنى : وماذا عن الزراعة؟
* السيسى: قلنا البرنامج كله بيمتد على مساحة كل مصر، وعندنا 8 ملايين فدان ممكن يكون حجم معتبر وممكن يكون 150 ألف فدان أو أكتر وعاوز أقول إنه ممكن السبب مفيش تخطيط لامتداد عمرانى معتبر لأنه يساهم فى الناس تخطط لها وتساهم، وده ماحصلش، وإحنا حاطين تصور إنه فيه مناطق وتنفيذ لا مركزى لها، ومش 100 ألف فدان مش 200 ألف فدان، يعنى تقريبا 50% من مساحة أرضنا وده التحدى إنك أنت مش عاوز تزود فدان بالمعنى التقليدى وفدان ينتج فدان والمية تنتج فدان، وبقول فى الآخر هضغط على نفسى لأنه هو بيشغل من 6 ل7 بنى آدميين وبينتج 8 فدادين، وجايب ناس من البحوث الزراعية عشان التكلفة عالية.
** لبنى: والتكلفة كتير؟
* السيسى: أنا ببص للعائد، وإحنا بنزرع على كامل أرضنا الخضار والفاكة المختلفة، وكل ما نقلل ممكن نزرع الذرة والقمح والأرز، وعلى الأقل احتياجات المحافظة بالكامل من خضروات.
** خالد: ودى موجودة؟
* السيسى: ده من مصدرين وده من فريق فاروق الباز.
** لبنى وخالد فى نفس واحد: فاروق الباز.
* السيسى: فاروق الباز وفريقه والكلام ده على واقع، وقبل ما أقول له يا أستاذ فاروق تعالي، أقول له إن الفدادين جاهزة، والدولة هتعمل يبقى هنعمل، ويبقى عنده فرصة زمن من 3 ل5 سنوات وأنا ماعنديش ترف وده هيخلص، وأقول تعالى عملت الفدان والبنك يخش ويديله هامش ربح محدود وإنتاجية الفدان تحقق دخل حقيقى للمواطن.
** لبنى: هتبتدى بمناطق محددة؟
* السيسى: اتكلمنا على الظهير واتكلمنا مع شمال سيناء على الظهير، فقلت لهم قلقانين من إيه مستعد أعمل لكل تجمع بدوى ل100 أسرة ظهير، وبالمناسبة الفدان مش محتاج أرض زراعية ولا حاجة، ولكن بتنتج مواصفة جيدة لصالح المواطن المصرى ولو عايز تصدر منها تصدر، لدرجة ممكن تطرح إنتاجك فيما يزرع بأراض أخرى.
** خالد: ده خلال السنتين وقيمته إيه؟
* السيسى: خلال سنتين وينتج 8 مليون فدان، وفيه فرق كبير لما نتكلم عن المواد المسرطنة والسماد، وشركات السماد تبيع بدعمه وطالما الموضوع موجود عندنا بيبقى فيه فرق سعر بين البرة واللى جوه، وسوق موازية، وبنشتغل على توفير السماد ويشتغل ونصلح البنك ده ونشوف الدور المطلوب له، ويبقى فيه ثمار ونعمل ده ونخش إحنا نعمل ده والصوب تعمل لى ده تحت إشراف علماء من وزارة الزراعة.
** خالد: لما بتقول الدولة هتعمل وبتقول أن فيه نتائج إلى أى مدى ومين هيعمل؟
* السيسى: مؤسسات الدولة موجودة تقدر تعمل.
** خالد: لوحدها؟
* السيسى: شركات قطاع خاص تساعد ويخش الجيش، ويتقال خدوا الفدان ده وتسدد على مدى زمنى مريح.
**خالد: يعنى الدولة تنفذها كدولة وتطرح لهم على الناس لما يطلع مليون فدان بإنتاجية 8 مليون؟
* السيسى: صحيح.. والعالم بيتكلم عن الصوب عاوز أقفز بالتجارب، وعاوز أتكلم بالإنتاج الهائل والمتظبط وده بقى إنتاج مليون فدان وبعدين عملت لهم شبكة طرق جيدة، وعملتى أسطول، وفيه هدر ل60% نتيجة أن التغليف غير جيد ودرجة الحرارة بتهدر والأيادى اللى بتتمد بتهدر وأنا ماضغتش على حد خالص، وماتكلمتش على القطاع الخاص فى أى حاجة، وقفص الطماطم بياخدوه من الغيط 20 كيلو بعد 5 ل6 نقلات بقوا 12 وعاوز حق ال8، وعاوز أعمل له مبردات.
** وائل: اتهامات توجه أنك تعيد فلول النظام والخصم يستخدم تعبير أنا مرشح الثورتين.. بماذا تعلق؟
* السيسى: مين اللى عمل الحالة دى وليه بنختلف وليه مش مصدقين إن عملنا حاجة فى المرتين مين عاوز يخرجها من مضمونها، ولازم تقف وتشتغلوا على دى والمصريين خرجوا دى ودي، والنقطة التانية إزاى الناس تتصور إنه يقدر يجب حد تانى غير المصريين اللى عايزينه وأنا ماعنديش حملة وأنا استدعيت لمهمة مش داخل ترشيح، وأنا استدعيت لمهمة والنقطة دى تبقى واضحة.
** خالد: مابتحبش كلمة المرشح؟
* السيسى: أبدًا.. وبغض النظر عن النتائج، النتائج سيحسمها المصريون، وسيبوا الناس تختار، وأنت بتحترم الديمقراطية بجد، واللى حصل فى 30 يونيو جزء من التجربة، ليه بنخش كده فى اللى حصل فى 25 يناير.
** خالد: يمكن ده كلام حمد؟
* السيسى: الوعى المصرى غير مسبوق وشوف نتيجة الانتخابات وشوف الناس فى 26 يوليو وينزلوا ويدونى توفيض وده فى وعى وإدراك للمخاطر.
** وائل: هل اللى بيتكلموا فى الحملة ليسوا مكلفين بهذا الشكل؟
* السيسى: أنا قلت حملة غير تقليدية.
** خالد: بس ده خطر وناس بتغسل سمعتها من خلالك.
* السيسى: ده صحيح.
** خالد: فعلا لما الناس تلاقى ناس فى محافظات بتنتسب للسيسى بياخد منك يا فندم؟
* السيسى: ليس من قيمى الذى لا يليق أنه يتصدى باسمي، ولازم تكونوا يا مصريين تدركوا أن الراجل ده بيحافظ على القيم والمبادئ ومش مستعد يتخلى عنها.
** وائل: بياخدوا منك حاجة؟
* السيسى ضاحكًا: ماحدش هياخد حاجة اللى هيجى هيدفع.
** وائل: الاضطهاد.. بيقولوا عليك ضد الأغنياء.
السيسى: اضطهاد ليه يعني، الكل سواء من الفقراء والأغنياء.
** خالد: أشعر أن المشير يفكر بصلاحيات رئيس جمهورية قبل دستور 2014.. يعنى أمامك تعقيدات.
*السيسى: دى دولة ومسائل تحل حتى لو لها علاقة بتعقيدات، وخلينا نتكلم إننا ممكن نعمل تفاهم، وتعالى نتكلم الخريطة وبتعمل إيه، الخريطة بتقول إنه فرصة حقيقية لكل الناس، وبأقل حاجة ممكن يعمل شغل، ومش هتعمل سياحة هنا، وفكرنا هنا مش قرية بس، هنعمل قرى ومحلات وكافتيريات ومطاعم، وسياحة، وبنتلكم والخريطة قدامنا، وبنتكلم أن الأراضى جاهزة والتعدين نفس الكلام، وكل ده فرص عمل مش على قد مصنع وبتخدم على وبتساهم وبيبقى فيه عائد وبنتكلم عن الزراعة بكل ما تعنيه، وفيه الزراعة.
**خالد: هل ده يحتاج تشريعات؟
* السيسى: ما يلزم من ده هنعمله.. هو أنا لسه هستنى برلمان، وماتستغربوش من الكلمة دى هى إجابة ومستكتر ليه على نفسك إنك تعمل كده والناس تقف جنبك.
** وائل: اتعودنا صدام السلطات.
* السيسى: ده مش كويس.
**خالد: اتقال إنه يكون وراه حزب وحضرتك مش محبذ الفكرة.
* السيسى: أنا قلت دوركم خطير والإعلام يشتغل وبالحوار.
** خالد: إعلام تعبوى يحرض؟
* السيسى: يكون إعلام داعم ولازم نسيج المجمتع المصرى يكون أقوى مما كان.
** وائل: عاوز تطبق دولة القانون مش هيطلع حد يقول ابن فلان.. هتعمل دولة قانون تطبق على الجميع؟
* السيسى: هنعمل دولة قانون، واللى يقول مش هطلع رخصة ده ثقافة ووعي، وتقول أنا فلان ليه، ما ترد، والكلام ده على أى حد، وقلت أن أتصور وبحب بلدى بجد، وبشوف ضابط شرطة وأجى أفتح الشنطة وشوف أنا زميلك فلان عشان المصريين يشوفوا المصلحة ووكيل النيابة يعمل كده، ليه ماتعملش كده، وتنتقلى من حالة ماشيين بيها لحالة توصلى لها، وممكن الإعلانات تعمل كده ولقطة تعمليها واحترامنا للمرور.
**لبنى: حاطط مسئولية كبيرة على الإعلام؟
*السيسى: آه بتشكلى الوعى.. والتعليم والمسجد والكنيسة جزء من الموضوع لكن الإعلام الجزء الأكبر.
** خالد: شايف سيفه معك؟
* السيسى: طالما بنلتقى يبقى سيفنا على الجميع.
** لبنى: بس هيبقى فيه انتقاد؟
* السيسى: فيه فرق بين النقد والتجريح.
** خالد: إيه الفرق بين معايير النقد والتجريح.. لو اترسم كاريكاتير زى الأساتذة أحمد رجب ومصطفى حسين هتقبلوا؟
* السيسى: هترك ده لمواطن الإعلامى والمفكر وهقول له المواطن المصرى هيشوف ما تفعله وأقول له انتبه.
** وائل: أحداث الجمهوري.. الإخوان يقولون إن الجيش قتل المصلين ويخاطبون الخارج بالمفاهيم المغلوطة؟
* السيسى: إحنا طلعنا بيان.. حد اتلمس رحنا عند حد، مين اللى جه؟.. يبقى أنت جاى تعمل مشكلة وتصعد، والبيان طلع، ومفيش إساءة لفظية، وداخلين على قصر وشيلناه لا لا.. مين اللى عمل الحالة دي، قدام الحرس الجمهورى كان جواه كل القيم المحترمة الرئيس السابق وكل معاونيه.
** وائل: الهدف تحرير الرئيس.
* السيسى: دى تبقى مصيبة كبيرة، يوم 26 يوليو فضل المسلمين والمسيحيين فى الشارع، مين اللى نكد علينا 5 الصبح، وخلى العالم يصحى.. مين، عشان كده النهضة ورابعة كانت بؤرة لتصدير الخطر والقتل.
** لبنى: فيه اللى بيقول إنه تأخر القرار وفيه بيقول مجزرة؟
* السيسى: ماتنسيش إنه فى شهر رضمان إنك تراعى وتدى فرصة لاستيعاب الناس لأنه مش هينفع الموضوع يمشى بالطريقة دي، ودخلت تقول التصعيد وقتل الناس، وفيها لو كنت جيت قبل 30 يونيو وقلت أعمل استفتاء على استقراري، و3 يوليو كان ممكن تقول مستعدين نقبل بده ونخش فى صياغة الدستور وتعديلاته، ولو عندك قواعدك الشعبية تتيح لك كده ماقبلتش ده ليه وتقبل خيار الصدام والعنف، وعايزين نناقش منظر تاني.
** خالد: هل أنت نادم إن البرادعى كان شريكا فى السلطة؟
* السيسى: كل واحد بيتصرف طبقا لثوابته والأمن القومى وقدرته على الثبات.
** وائل: يبدو أن هناك من لا يثبتون جيدا.
* السيسى: يقف التاريخ ليسجل والناس تراقب بمنتهى الوعي.
** وائل: كان من خططهم تعيين وزير دفاع مدني.
* السيسى: آه.. بس هما مش مدركين إنه ده ينفع.. وفى دول ديمقراطية يأتون بعسكريين.
**خالد: كيف ترى علاقتنا مع الولايات المتحدة حال انتخابك؟
* السيسى: نحن أتحنا للعالم كله الوقت والفرصة فى إطار المتاح لدينا، لأنه المتاح لدينا إعلاميا كان محدود ليستوعبوا ما يحدث فى مصر، واللى بيحدث فى الانتخابات إشارة و26 يوليو إشارة، ودى إشارة أمة.
** خالد: مين فاهمنا أكتر فى أمريكا؟
* السيسى: وزارة الدفاع.. وانا بتعامل مع أمريكا واحدة وروسيا واحدة.
** لبنى: بس هما عايزين الإخوان فى المشهد.. هتتعامل مع الضغط الدولى إزاي؟
* السيسى: ييجوا يقنعوا المصريين مش الرأى العام اللى بيقود وإرادة الناس عاملة إزاي، وأهم أسباب استدعائى هو قلق المصريين على المستقبل، وهما خلوا الناس تستدعى هذه الشخصية.
** وائل: لازم ننوع.. فى عيد الفن شاهدتك متأثرا ويبدو أنك صممت على الحضور.. كيف تعاملت مع هذه اللحظة؟.
* السيسى: صحيح.. ده الزمن الجميل وبنشوف الأستاذة فاتن حمامة والفنانة ماجدة وشكل مصر كان عامل إزاى وقد إيه الناس بتحب بعضها مش عايزنى أتأثر.
** وائل: الإخوان هياخدونا على فين؟
* السيسى: خلينا نقول هنروح على فين.
** لبنى: هتتعامل مع السلفيين إزاي؟
* السيسى: أى حد وأى دين مسلم مسيحى يبقى له معتقداته وحاجاته ولا يفرض هذا المعتقد ولا يتعامل مع الآخرين فى أن يدينه وأنت شايف كده المجتمع يساعدك بشرط ألا تصطدم مع المجتمع وماتقولش إن ده هو الصح، وأقول إنه فيه مكان للمسلم والمسيحى بمختلف توجهاته.
** لبنى: طب أحزاب على أساس ديني؟
* السيسى: الدستور خلصها.
** خالد: بس الأفكار موجودة فى كتب إسلامية معاصرة ويلاقى بلاوي.. هل عندنا معركة مع هذه الكتب؟
* السيسى: أنا أعتقد أن الحالة الدينية اللى إحنا فيه بنستدعى الأزهر معنا بده والكنيسة مؤسسة دين معنية بده والموضوع ده مش هيخلص فى يوم وليلة ومحتاج وقت كتير.
**خالد: وماذا عن أعضاء حزب النور؟
* السيسى: هما مدركين، واتجاههم الحب للوطن، وقلت كل 10 أحزاب يعملوا مركز دراسات استراتيجي، وقلت لهم الكلام ده من 3 سنين.
** خالد: أنت أول واحد مرشح يتكلم فى الخطاب الديني.
*السيسى: المصلحة الدينية يتعمل حوار حقيقي، ومش بنتكلم فى صدام خالص، وبنتكلم فى تصور شامل.
** خالد: إزاى تعمل خطاب دينى أحادى التوجه؟
* السيسى: المرحلة اللى إحنا فيها مش محل خلاف، وسيبوا مؤسسات الدولة تشتغل.
** خالد: وفيها الأزهر والأوقاف؟
* السيسى: طبعًا.
** وائل: فضلت عدم اللجوء للطعن ضد خصمك؟
* السيسى: صحيح، وعاوزين يبقى عندنا صدر متسع ونتجاوز لبعض، ومش نقف ع الواحدة، وبنتكلم فى معايير واعتبارات وقيم عاوز ترسيها، وعاوزين نحب بعض بجد، وأطول بالى عليك شوية أطول بالى مش ضعف.
** وائل: بتعمل منافسة انتخابية؟
* السيسى: تانى انتخابية؟!
**الابراشي: كيف ترى سبل حل مشكلات الأقباط؟
* السيسى: كل الدين عند صاحبه غالي.. والمصلحة الدينية تتطلب الحوار والمناقشة، وعايز أقول إن ده مش هتقدر تحققه فى يوم وليلة، ولما تتكلم كده والناس يوم 26 يوليو والكنيسة بتضرب الجرس، ده فيه حاجة حصلت، ورجعنا زى ماكنا ولازم نكون أكتر مما كنا، وعاوزين نحب بعض.. وأنا قلت خلينا نشكل ونتحرك فى إطار بنتعامل مع بعض كبشر كإنسان كمصري، وفيه حاجات محتاجة حوار ونقاش ووقت ومفيش حاجة هتتحل، ومش معقول ده هيخل من مستوى جيد فى وقت واحد، وأنا باحترم أديان الآخرين، وعاوز الناس تحترم أديان الآخرين وماتكونش فى الخلفية ده دينه إيه، وده يترجم إزاى لواقع نعمله ونطوره لولادنا.
**خالد: لكن مفاهيم المواطنة إلا أنها تبدد المشكلات من تطبيق قانون دور العبادة والمناصب القيادية بالدولة بالقوات المسلحة؟
* السيسى: القوات المسلحة مالها استعدوا نسب قبول القوات المسلحة للطلاب فى المحافظات للطلاب المسييحين.
** لبنى: لكن ممكن زرع فتنة؟
* السيسى: الفتنة مش هتنتهي.
** وائل: بس تدخلتم بعد فض الاعتصام لبناء عدد من الكنائس.
* السيسى: مش هتكلم فى عدد من الكنائس وهقول رد الفعل المسيحى التاريخ سيقف قدامه كتير لأنه ماكانش فيه أى ردفعل ولم يستطع أحد فى الداخل أو الخارج يلعب على الوتر ده.
** لبنى: فيه إزالة وإنشاءات جديدة.
*السيسى: فيه حساب اتعمل لصالح دور العبادة، وعاوزين تبقى المسألة مقننة والقوانين منتظرنها.
** لبنى: الزوجة والأم موجودة فى كل المناسبات
* السيسى: هى استدعت نفسها وشفتها نازلة وواخدة الكل والشرب وولادها وده مصر مش هتنساه، والله مش عاوز أقول كلام فضفاض لكن ثقى إن بكل التقدير والاحترام والمحبة لها كنصف المجتمع أو المجتمع كله لأنها فى البيت الزوجة والأم.
** وائل: فيه قوانين لوظائف لا تعمل بها والصحة الإنجابية ويجب أن تكون هناك خطوات عاجلة تنصف المرأة.
* السيسى: تعرف أنها ماطلبتش حاجة حتى المطلب ده (الأمن) بتقول خلى بالك للدولة.
** خالد: حضرنا مع حضرتك أنك بتتنبأ بحكم ثورة يناير وحكم الإخوان وسقوطها، فكيف ترى المشهد؟
* السيسى ضاحكًا: سؤال صعب أوى وفى التقدير ده مرتبط بثقتى بربنا سبحانه وتعالى مش بس بالمعايير البشرية وبقول المصريين بقالهم سنين بيعانوا، ومتصور أن السماء ابتدى يصعب عليها المصريين ولو شاء ربنا أكون فى الموقع هيكون أمر له العجب هيشوفوا له العجب، وربنا بيقول فى حديث قدسى وعزتى وجلالى لأرزقن من لا حيلة له حتى يتعجبوا أصحاب الحيلة.. الغاريت يعني.. وصلت.
** وائل: هل يمكن استخدام صلاحياتك فى العفو عن بعض النشطاء المحبوسين هل يمكن أن تبدأ صفحة جديدة؟
* السيسى: أى أمر يساهم فى الاستقرار والسلام الاجتماعى هعمله، ولغاية امبارح لقيت ناس بتعمل إجراءات صعبة، والشعب مش هيتحرك عكس الاتجاه، وفيه قرارات محتاجين نعملها، لكن كمان هو عمل إيه للمصريين عشان المصريين ينسوا مش هقول يسامحوا.
** وائل: بس أنا مابتكلمش على الإخوان.
* السيسى: أنا واخد بالي.
** لبنى: ملف العدالة الانتقالية؟
* السيسى: اتعمل تقارير كتير ولازم نتعامل بشىء من سعة الصدر، والعدالة الانتقالية طرحت فى دول كان الواقع هناك غير الواقع بتاعنا ومنهج ضد ناس، وناس قتلت وناس سجنت، والواقع اللى هنا فيه ممارسة.. ولما بقول إن بسعة صدر وشىء من السماحة وبترضية وأى شكل من أشكال الترضية اللى تخلى أهالى الضحايا مرضيين نعملها، ونقفلها
** لبنى: وحق الشهداء والمصابين؟
* السيسى: هنحاول نطويها.
** لبنى: الرؤساء وراء القضبان؟
* السيسى ضاحكًا: حكاتكم إيه مع الموضوع ده، وأنا القفص الأخطر للمصريين وده أخطر من الحبس.
** وائل: شايف تصريحات حماس تبدلت بعد لهجة حضرتك.. هل يمكن أن تأخذوا من ذلك بداية أم حماس ستظل جزءًا من التنظيم الدولى للإخوان؟
* السيسى: هنشوف الأقوال ولا الأفعال.
** لبنى: وحزب الله؟
** السيسى يدخل فى فترة صمت لثوان ويقول: محتاجين أفعال بجد.
* لبنى: حضرتك سياستك إيه؟
* السيسى: مادين إيدنا لكل الناس.. ونشتغل مع كل الناس وفكرة التصادم مش بنفكر فيها أبدًا.
** وائل: تقديس الأشخاص.. بعض من يحبون يدخلونه فى دائرة الحصانة والحب الذى يصل إلى العصمة.
* السيسى: لا العصمة مش للبشر والمصريين ماحدش يقدر يضحك عليهم والموضوع ماشى لصالح الوطن ولو حصل تغيير هيصبروا عليا لكن مش كتير.
** لبنى: تقول لهم إيه يا فندم؟
* السيسى: والله أنتم ما تعرفوا مشغول بيكم إزاى وعليكم إزاى أنتم وأبناؤكم ونفسى أجيب حتة من السماء لكم وربنا يعينى على ذلك يا مصريين.. يا رب.
**وائل: نتوجه لحضرتك بالشكر.. ولبنى تشارك وخالد يدعو مع زميله وائل إلى ضرورة المشاركة فى الرئاسة.. وبعدها خالد يضيف: هذا الشخص هيقول بسم الله الرحمن الرحيم ويشتغل، ولبنى تكمل: نراهن على الست المصرية وبإذن الله بكرة أحلى.
* السيسى: شكرًَا لحضراتكم.