بالصور.. الأيدي الناعمة داخل محطات البنزين

تزويد السيارات بالبنزين في محطات الوقود بالقاهرة لم يعد خدمة يقتصر تقديمها على الرجال فقط كما كان معتادًا منذ عقود، فقد أقدمت محطة بنزين في حي المعادي الراقي بالعاصمة المصرية ولأول مرة على تشغيل فتيات لتقديم تلك الخدمة التي كانت مقصورة على الرجال فقط.
والعمل في محطات البنزين شائع في القاهرة باعتبار أنه قليل العائد المادي، حيث توظف كل محطة بنزين ما بين 10 و20 عاملًا وفقًا لحجمها وموقعها، وفي محطة على كورنيش النيل بالمعادي تقف سبع فتيات بزي العاملين بالمحطة ويزوّدن السيارات بالبنزين إلى جانب زملائهن من الرجال.
وقال محمد إبراهيم، مدير محطة البنزين، إنه تم اختيار هؤلاء الفتيات بعناية للتيقن من صلاحيتهن لهذا العمل، وأضاف إبراهيم لتليفزيون «رويترز»: «والله فيه ناس كثير جدا تقدمت. إحنا نقينا (اخترنا) ناس قليلة اللي إحنا شُفنا فيهم إنهم (إنهن) ينفعوا يشتغلوا الشُغلانة. كان فيه متطلبات معينة هي اللي مطلوبة في الشُغلانة دي. إن هي تكون مثلًا حابة (تحب) الموضوع مش جاية تشتغل وخلاص. إنه يكون لها تعامل سابق مع عملاء في شُغلانتها (عملها) قبل كده. عندها خبرة سابقة في التعامل في الشُغلانة القديمة مع عملاء. وإنه يكون أهلهم موافقين. لازم بنعمل اتصال مع أهاليهم وإن هما يبقوا موافقين على حاجة زي كده عشان الموضوع يعني يبقى ماشي في سكة صح وإنه يكون طبعا بتتكلم كويس ويكون عندها المؤهلات المطلوبة في الشغلانة».
وبعد اختيارهن، تم تدريب الفتيات على إجراءات السلامة على الأرض، لاسيما فيما يتعلق بالإسعافات الأولية وإطفاء الحريق، وقالت عاملة في محطة البنزين تُدعى أبرار محمد، إن التدريبات ساعدتهن في اكتساب الثقة بأنفسهن.
وأضافت: «هي الشغلانة جديدة آه والفكرة برضه (أيضا) جديدة. إحنا أول ما نزلنا كان عندنا مخاوف طبعا من رد فعل الناس لينا أو مخاوف إن إحنا مثلا ما نؤديش الأداء الكويس ليها. بس أول ما نزلنا وتدربنا عشرة أيام قبل ما ننزل. لا يعني الشُغل كويس جدا وشغالين كويس جدا جدا يعني».
ويقتصر عمل الفتيات في محطة البنزين في الوقت الراهن على تزويد السيارات بالبنزين فقطن حيث لا يعملن في تغيير إطارات السيارات أو تغيير الزيت أو غسيل السيارات وما إلى ذلك من الخدمات التي تقدمها المحطة، لكن مدير عمليات المحطة، محمد أشرف، يقول إن هناك فرصة أمام من ترغب منهن في الترقي وشغل مناصب إدارية.
وأوضح «أشرف» أن العاملات النساء سيعملن في نوبات محددة فقط نظرًا للقلق بشأن احتمالات تعرضهن لتحرش جنسي أو أخطار تهدد سلامتهن.
وقال مدير العمليات بالمحطة: «زي ما قلت لك هي دي فترة تجربة في محطة معادي الكورنيش. المفروض إن فيه سبع بنات موجودين وسط حوالي خمسين أو ستين موظف موجود في المحطة. تقريبا إحنا ح نخلي المتوسط (بالإنجليزية) بتاعها يبقى عشرة. عشر بنات موجودين لأن انت عارف إحنا مش ها نقدر نشغلهم بالليل. ح نشغلهم في الفترة الصباحية فقط. طبعا لتتفادى أي مشاكل معهم وبتاع (ما إلى ذلك). وطبعا طبقا لأن إحنا عاوزين نحافظ عليهم دول اخوات لنا. هم المفروض بيروحوا قبل النور ما بيروح (قبل حلول الظلام) وفي نفس الوقت هانبتدي نعمم في المحطات اللي تخدم زبون البنزين».
وأعرب عميل يدعى أحمد الجنزوري أثناء تزويد سيارته بالبنزين عن دعمه لخطوة تشغيل فتيات في المحطة.
وقال «بصراحة هي حاجة كويسة جدا يعني. نظام جديد أول مرة نشوفه يعني. في نفس الوقت بيفتح مجال عمل للبنات مثلا اللي هما شباب الخريجين أو كده إن هما يقدروا يشتغلوا. ومش عيب يعني الشغل مش عيب».
وقالت فتاة تعمل في محطة البنزين، تدعى آية إسماعيل، إنها تشعر أن كونها فتاة لا يمنعها من عمل ما تريد، وأضافت: «هي (عملها في المحطة) مش عاوزة الجرأة ولا الشجاعة بصراحة. بس أنا عادي أنا أقدر أعمل أي حاجة يعني. كبنت تقدر تعمل أي حاجة. ما عندهاش مشكلة».
وذكر الجهاز المركزي للتعبئة العامة والإحصاء في مصر، في نوفمبر من العام الماضي، أن معدل البطالة بلغ 12.8% في الربع الثالث من 2015 لكنه كان أقل منه في نفس الفترة من العام السابق، حيث بلغ 13.1%، وأضاف الجهاز أن معدل البطالة بين الشباب الذين تتراوح أعمارهم بين 15 و29 عاما بلغت 27.4% في ذات الفترة.