البلتاجي مكشوف عنه الحجاب!

قال فلكي وكالة هريدي نيوز: إن البلتاجي ربنا صاينه وحارسه مكشوف عنه الحجاب، وبيقدر يقرا الطالع وبيعرف يوشوش الودع ويقرا الفنجان والأكثر من كده إنه كمان بيعرف في الكوتشينة والتلات ورقات.
أضاف الفلكي: إن الدليل على شطارة البلتاجي الرسالة اللي وجهها للشعب المصري عبر قناة جزيرة الشيطان مساء الأربعاء اللي بشر فيها الشعب المصري وقال بالحرف "بكرة هتسمعوا خبر حلو" وفعلا كل الشعب المصري فرحان النهاردة الخميس ومظأطط ما هو خبر القبض على البلتاجي فرّح كل شعب مصر.
وأكد محرر الوكاله: أن الفلكي الفشار تنبأ بإلقاء القبض على العريان في خلال ساعات ماهو بحسب الفشار أن القيادي اللي بيسلم كل اللي وراه من خلال رصده ورصد تليفونه طول الوقت بعد ما يخلص عليهم بيتمسك خلاص مهمته خلصت !