قال الرئيس عبدالفتاح السيسي، تعليقًا على الانتهاء من تشكيل مجلس النواب، إن مصر بات لديها مؤسسات تعمل وعلى الجميع توفير عوامل الازدهار. أضاف السيسي، خلال حواره بمناسبة مرور عامين على توليه الحكم، اليوم الجمعة: «نبّهت إننا نخلي بالنا من مؤسسات الدولة، في محاولة لاستهداف مؤسسات الدولة وأنا خفت من ده لكن بالمعني الإيجابي، الله إنتوا بتمكسوا مؤسسة مؤسسة عشان تقللوا من معنوياتها بغض النظر عن أدائها، هي مش الثورة اتعملت عشان نبني دولة بمؤسسات، ولا إنتم عايزين نعيد العجلة تاني، المصريين والمؤسسات فهموا ده». تابع السيسي: «دلوقتي في دستور ومؤسسات تُفعل، فاستكمال المؤسسات يعني إننا بنتكلم عن دولة»، وعن توليه المسئولية، أردف: «إنت متصور أي إنسان يتحمل مسؤولية المصريين وسلامتهم وأمنهم وحياتهم ببساطة، هذا أمر جلل وخطير ومهمة عظيمة، ربنا يقدرني عليها». وبسؤاله عن كم الركعات التي قامها إلى الله قبل حلف اليمين، استكمل: «الأمور مش بالصلاة بس، لكن بالعمل، إحنا ساعات بنحمل الدين بما ليس فيه، زي الطالب اللي مش بيذاكر ويقول أمي ادعيلي، ممكن سؤال يجي سهل بس مش كل الأسئلة، نأخد بأسباب الدنيا دون أن نفتن بها». وعن قناة السويس الجديدة: «تثبيت الدولة يتطلب حاجات كتير جدًا، يتطلب ثقتنا في أنفسنا وثقتنا في بعضنا البعض، كان الهدف من المشروع استعادة الثقة في اقتصادنا وفي نفسنا، أمر كان ياخد 3 أو 5 سنوات، المصريون عملوه في سنة، مصر كانت محتاجة ده عشان توصل للشعب إنت قادر على صنع المستحيل، الهدف كان أكبر من الاقتصاد، وليس لإكساب النظام ثقة، المصريون هما اللي عملوا مش أنا، الناس بتشتغل ليل نهار».
