غدا السبت 8 أغسطس على مسرح الرساله بالمقطم مهرجان زرقاء اليمامه للشعر المهرجان يكرم أهم الشاعرات المصريات والعربيات و بعض الفرق الشعريه و ذلك بدعوتهم للتكريم فى هذا اليوم. زرقاء اليمامه برعاية الإتحاد العالمى للشعراء وبوابة أخبار اليوم و الصالون الثقافى للشاعرة فاتن متولى وصالون الكاتبة مريم شلبى ومركز شيرين سباهى للثقافة ، ومركز جمال شعبان وبوابة الصباح العربى ومركز انت رائع وجمعية الصفوة للصداقة بين الشعوب والأكاديمية الامريكية للتكنولوجيا وفريق آيزو ودار ليان للنشر والتوزيع. و الشاعره سهام سامى لها اصدار فى شعر العاميه و هو ديوان فى لمح البصر و هو صادر عن مجموعه النيل العربيه و قد شارك فى العديد من المعارض الدوليه مثل معرض الشارقه الدولى بالامارات و معرض القاهره الدولى للكتاب و معرض الرياض بالمملكه العربيه السعوديه و معرض ابو ظبى و معرض تونس كما انها تحاول دائما تقديم الشعر بصور مختلفه بعودتها للرباعيات فى بعض صفحات ديوانها و ايضا بمزجه بمجالات الفن الراقى الاخرى مثل الرسم فاللشاعره قصائد مرسومه بريشه الفنان الكبير أ/ شكرى امام و أيضا شاركت فى شعر الكوميكس مع الفنانه أ/ غاده مصطفى الشاعره سهام سامى و هى صحفية و شاعره مصرية شابة بالإضافة إلى عملها مهندسة ترميم أثار فى وزارة الاثار ، ديوان "فى لمح البصر" صادر عن مجموعة النيل العربية و غلاف الفنان أ/ شكرى إمام و قد شارك هذا الديوان فى اربعه معارض دوليه إلى الآن و هم من أهم فعاليات الثقافه العربيه ، و هم معرض الشارقه بالامارات و معرض القاهره الدولى للكتاب ومعرض الرياض الدولى للكتاب و أخرهم معرض أبو ظبى للكتاب... *** بعض اللى قابلوا الحُب الاوله :- قلبين و التانيه :- إحساس التالته:-المكتوب و الرابعه:- مفارقين الخامسه:- بنخاف و السادسه:- عايشين الاوله:- قلبين بيكملوا الجمله و التانيه :-احساس و الفرحه بالجمله التالته:- المكتوب عكس اللى حاسينه و الرابعه:- مفارقين و الحزن عارفينه الخامسه:- بنخاف قولة كلام الناس و السادسه:- عايشين بنموت الاحساس ******** قلب الولد عاشق و البنت زيه تمام كُتر الألم قاتل و الخوف مالوش عنوان إكمن قلبك حُر عايش ورا قضبان مسجون و شارب مُر من قسوة السجان ******* لو كان نصيبك سجن إرسم على حيطانه حِلم العقيم بالإبن و اُحضن فى اركانه و إرسم كمان شمسين واحده عشان بكره و التانيه للذكرى يمكن يكون زيك مليون سجين و سجين ******** نُص البشر عايشين علشان يلاقوا حياه و بيسألوا التايهين على الطريق إياه نُص البشر نيكوتين طايرين مع الدخان عايشين بشرط الموت و بيدفنوا الاحلام ********* شوف الحياه من فوق هتلاقى تحت مفيش واحد بيقتل أخوه علشان رغيف العيش و التانى عاش ميت لما ضميره لاغوه ************ نِرجع لمرجوعنا بعض اللى قابلوا الحب قالوا ان عُمره قَصير بعد الشَبَع جوعنا و اتبدل التأثير أما بقى التانيين عايشيين بيتمنوا يمكن دموع العين يطلع هزارها تقيل و الفًرح لابس وش و كأنه حزن كبير *** قصيدة البيه العراف : عن ناس سرحت ويا خيالها و بتقتل فى بنات أفكارها و تصدق فى كلام تخاريف ********** و عن ناس غلبانه تصدقها من كلمه هتقدر تكسبها و الناس التانيه دى ملعونه و ايمانها ضعيف ************* فنجان مقلوب و طبق فاضى و البيه العراف قال مش راضى يحكى المضمون علشان شايف حزن كبير بيسابق صوت الغِربان و بيقتل أحلام الخير و الشر هيبقى الكسبان ********* و فى جنب الفنجان من جوه قال شجره و تحتها مدفون أوراق العمل المسحور و اللون الأسود منشور حوالين سكه سفرها طويل و بيحكى من غير تفاصيل و زبونه مركز فى كلامه أو واقع تحت التأثير فيقوله طلباتك ايه أؤمرنى يا سَيدنا و قول و أنا ألبى على طول و أجيب انا خدامك انا محسوبك فيقوله على فرخه يتيمه على نمله ملهاش اخوات و يفرشله سجاده قديمه و يقوله دا بساط مسحور و هلف الدايره و هتدور و بايدى هتعيش مسرور ******** و هنعملك دقه زار علشان كام عفريت جبار لابسينك من غير انذار و هولعلك أحلى بخور و هاتمتم بكلام على نار تتحول فجأه لأطلال و رمادها بَركته تشفيك و هتنزل ساعه الفجريه تغسل رجلك جوه النيل و العصريه تعدى عليا هاعملك بالشَبَكه حِجاب يفتح عندك أيها باب ********** طب بالذمه يا ناس مين صدق؟ ان القدره لغير الله و ان المكتوب مش هتشوفه لو سلمت لعقل مُنجم كُتر الجهل فى قلبه عماه مش هيفيدك مخلوق زيك دى الرحمه من عند الله ************** قصيدة شهيد مصرى – نشرت فى جريدة شموس نيوز: دقوا الدفوف و افرحوا بعروسه الأوطان يدارى من حسنها الورد فى الأغصان يوم الزفاف اتجمعوا كتير من الشبان و مصرنا متزينه بالطرحة و الفستان اتجمعوا أهل الوطن و حددوا الأزمان كتبوا كروت الفرح بدمهم يا زمان ماتوا عشان يرسموا البسمه بالألوان يوم الزفاف اتعزم كتير من الشجعان كان التاريخ فى يناير والمكان فى ميدان صورة شهيد الوطن محطوطه عالفستان بيقول يامه امسحى دمعك دا انا الكسبان جات الرصاصه فى قلبى من الغدر و الطغيان أنا يامه مش زعلان دا أنا أشجع الشجعان يلا بزفافك افرحى و من قلبى أنا فرحان وحشونى اخواتى و أهلى فى الميدان أنا مت علشانهم و عشانك انتى كمان زفونى على الجنه ملايكه الرحمن سلمت بأيدايه على الملايكه كمان قابلت شهدائنا اللى سابونا زمان حاربوا فى أكتوبر وحرروا الأوطان صاحبى واحد منهم تخيلى كان مننا زعلان رواكى من دمه و دمه علينا هان بس خلاص يامه دلوقتى بقى فرحان قالى انه كان حاسس و فينا كان عشمان اطمنى يامه ما عادش فيه أحزان دا انا هنا مكرم وعمرى ما ابقى مهان تصورى يامه بقيت من الأعيان أنا عندى بيت فى الجنه و أرض ملك كمان عمرى ما كنت اتمنى العيشه ديه زمان أمانه السلام يامه للأهل و الاخوان أنا هنا قاعد للنصر مستنى ماسك علم مصرى لسه عليه دمى فرحان و متهنى و هربت من همى عايز أشوف ابنى فرحان وبيغنى عايز أشوف اخويا أيامه مش زيي يعيش على أرضه بكرامه المصري يحقق الأحلام و كل ما اتمنى أنا معاه بروحى أنا معاه بقلبى امضاء شهيد مصري ن/ح/ن نحن و ايه الفايده يا حرف النون و نقطه من الطبق طايره حروف الكلمه مش كاملين و جره من القلم نايمه تصحيها سنين و سنين و هى برضه مش سامعه يا مطرود من سطور ساكتين و سايبينك تناديلها يا نحن و فرقتها سنين و لا تشديد و لا تنوين ينجيكى من الكسره و لا فتحه على حروفك و لا ضمه تشيل خوفك و مكتوبه بدون لازمه