بقينا نعيش بنترحم

كلمات الشاعر الصحفى : عاطف السيد الشاعر وعضو إتحاد كُتاب مصر وجمعية المؤلفين والملحنين العرب والمنسق الإعلامى لرابطة الزجالين وكتاب الأغانى فرع الإسماعيلية ورئيس قسم الفن والأدب بصحيفة الأنباء المصرية والخط الساخن والمصير ومدير عام التسويق والإعلان بالفارس العربى .





بقينا نعيش بنترحم على الماضى
على الذكرى على الايام
بقينا يا صاحبى نتألم على الاقصى
اللى ضاع منا ودم يسيل قصاد عينا
كأنه مكان
بقينا نبيع فى اجسادنا واطفالنا
وكله بكام
بقينا نبيع ف عروبتنا ف كل اوان
ويوم وراء يوم بنتسابق على الكرسى
على الاوهام
ويوم وراء يوم نعيش كدبه وحدوتة
قالوها زمان
عارفها يا صاحبى ايه هى
نعيش ونموت ونتعلم لكن عمر ما نتكلم
عن الحكام
ولو فكرت تتكلم فى يوم عنهم
وتتحاكى فى اسرارهم
هاتبقى ياصاحبى من يومها
بدون عنوان
ما تنطق ولا مش قادر سكت يا صاحبى
دلوقتى اقولك ليه
لانى عارف هاتقولى بايدى ايه
لانك عارف ان انت بقيت غلبان
لاقادر تنطق الكلمه اللى على لسانك
بقالها زمان
لانك عارف ان احنا بقينا ركام
لانك عايش بتحسبها بكام وبكام
بقيت عايش بتحسبها هاتعمل ايه
ولو روحت لعيالك بايدى فاضية هاتعمل ايه
ياناس الرحمه فين هى
فى دنيا هدوم مداريه
ياناس الرحمه فين هى
فى وسط وحوش والالاتيه
تشكلها بحرفيه
لاناى ولا عود ولا ربابه
قانون الغابه ده ياباه
قانون البيه
ضرائب نازلة على روحنا وأروحنا ثمنها إيه
قانون الصحه فين هو قولولى فين
قانون الدعم اغنيه قالوها اثنين
رغيف العيش ده فيه طوبه
وناس م الزحمه مرصوصة على رغفين
ده انا م الفقر باتمشى ونسيت بطنى تتعشى
لان اللحمه مش ماشية
واجبها منين
قانون العلم متشكل رئيسه جديد ومتستت
بيشخط مره ويعكنن وبعصايته يهز ايديه
ولو مت فى يوم يابنى تلاقى ديون وديانه
ده رسم التربه والكسوة
ده دين وعليك
وورقه بيك بتتسجل على اسم الشهيد يمكن
شهيد الفقر والحرمان ده يطلع ايه
ده رسم الورقه معروفه ثمنها كام
ياريت تكتب لى دلوقتى
انا لو مت دلوقتى هاكلف كام
هاتعرف يابنى تحسبها هاكلف كام
ولا اعين واحد غيرك بشهرية يقولى كام