من فضلك يا عبدالعاطى وضح لى الموضوع الآتى مش قادر أفهم واستوعب معنى كلمة ديمقراطى ماتقوليش حدوتة بعينها فكر فى الكلمة واوزنها شوف القصد الواضح منها أرفع راسى وللا أطاطى لفيت الدنيا برجليه دورت وخزقت عينيه
مش لاقى الديمقراطية اللى بتحلم بيها مراتى متبهدل طول عمرى وراضى باصبر واتعلم م الماضى باتعب وبيطلع ع الفاضى واسأل عنى كل اخواتى بس الموضوع ده بيدايق بيخللى الواحد مش فايق أصل الديمقراطى الرايق حاطط كل الناس فى الواطى مايهموش قربك أو بعدك ح يضرك ويلقيك وعدك وعيالك راح تتعب بعدك خليك ناصح زى حالاتى قد ما تقدر إمسك نفسك واتأكد م الحاجة بنفسك ما تنورشى وتضيع نفسك واتعلم من تصريحاتى مش عايزك تزهق واسمعنى خليك راجل ديمقراطى الواحد فى مالطة بيدن ودماغه بيتعب ويسخن واللى مريح باله بيسمن روح قول للمجنونة مراتى
الست العاقلة المصرية بتمشى البيت ميه الميه
بالعيش والفول والطعمية مش تقعد تندب وتهاتى العين جت فى عيالنا وصابت خلتنا عايشين ع النابت والراجل له مبدأ ثابت ما يحبش يركع ويطاطى إن قلت المبدأ مش غالى والميه ما تطلعشى العالى رأيك ده فى الوقت الحالى مش لازم يا عبدالعاطى وأنسى كلمة ديمقراطى وسيم سلامة «عضو اتحاد الكتاب»
