أجابت الدكتورة نادية عمارة، الداعية الإسلامية، على سؤال متصلة تُدعى "صفية"، والتي قالت: "أنا من قرية في آخر الصعيد، أبويا كان عاوز يجوزني لأي حد من ولاد أخوه، وأمي كانت عاوزه تجوزني ابن الجيران، بس محدش اتقدم فيهم، بس ربنا إداني من الجمال اللي خلى زينة شباب القرية اتقدمولي حتى ابن العمدة بس أهلي رفضوهم". وأضافت "صفية"، خلال مداخلة هاتفية في برنامج "قلوب عامرة"، على قناة "الحياة": "أنا عاوزة أهرب من البيت، لأن الجواز عندنا ليه سن معين، وأنا بقى عندي 30 سنة، وأبويا ما زال مصمم إنه يجوزني أي حد من ولاد أخوه وأمي عاوزة ابن الجيران، وبعدين اتقدموا، فأبويا يرفض ابن الجيران وأمي ترفض ولاد عمي، زهقت وههرب". ونصحتها الداعية الإسلامية، بعدم الهروب، قائلة: "لا ينبغي عليكي الهرب والمسألة عندكم في الصعيد مش سهلة وبعدين تفضحي أهلك وتفضحي نفسك وتوقفي حالك أكتر وأكتر في البيئة اللي اعتادت على فكر وثقافة معينة".