قلت له بحبك مجاملة

أنا عندي 22 سنة، عشت حياة مش عادية لأب قاسٍ جدا أثّر في نفسيتي؛ بس مش دي المشكلة اللي عايزاكم تساعدوني في حلها.. مشكلتي إني حبيت قريبي سنين وماقدرتش أعرفه إني بحبه، حاولت أنساه كتير.. أوقات باحس إني نسيته وأوقات لأ.
المهم فيه واحد كلمني على النت وحبني، وأنا كمان حبيته، أو مش عارفة.. ممكن يكون ده إعجاب مش حب، بس مع مرور الوقت باعرف إنه مش حب؛ بس مع الأسف باقول له بحبك زي ما بيقول لي علشان مايزعلش، وباتحجج دايما بظروف البيت؛ علشان يفقد الأمل من إننا نتجوز.. عايزاه يبعد يعني لإنه حرام عليّ أعلقه بيّ.
أنا جبانة ومش عندي الشجاعة إني أقطع علاقتي بيه أو باخاف أجرحه، أنا باحترمه وباعزه كأخ، بس أنا أساسا ضد الارتباط من النت.
علاقتنا ببعض محترمة، وليها حدود، وكلامنا على النت أو التليفون؛ لكن ماتقبلناش، وأهلي مايعرفوش لأن ده غلط طبعا.
أنا ضميري بيعذبني كل يوم؛ لأن باعلقه بيّ كده، بس حاولت كتير أكرهه فيّ ومش عارفة، وكمان حرام أتكلم معاه، أنا عارفة الغلط والصح؛ ومع ذلك غلطت وكلمت شاب وحبني وكدبت عليه، وفهمته إني بحبه، وكدبت كمان وقلت له أوك هنتقابل؛ بس أنا عمري ما هاقابله، أنا مش عندي الشجاعة للمواجهة.
أرجوكم ساعدوني أنهي الموضوع ده من غير ما أزعله أو بأقل الأضرار؛ لأن ضميري مش مستحمل أزعل ربنا مني أكتر من كده.
آسفة للإطالة ولكلامي غير المرتب أعذروني ورجاء سرعة الرد؛ لأن كل يوم بيمر عليّ بذنوب وجزاكم الله كل خير.,
فضفضة
في البداية .. مشاعر البشر ليست عرضة للتلاعب بها وإلا سيأتي الدور عليك لتقعين بنفس الفخ وربما أسوأ .
أتعجب من تأكيدك على معرفتك بالخطأ والصواب والحلال والحرام وأنت تجيدين لعبة الكذب , كذبت على شاب كل ذنبه أنه وثق بك , والمثير أيضا .. أنك رافضة لفكرة الإرتباط عن طريق النت إذن لماذا تجاوبت معه !..
في النهاية .. أنصحك بالإبتعاد عن هذا الشاب أو إخباره بعدم مقدرتك على الإرتباط به حتى وإن تحول كلامك بالنسبة له إلى جرح , إنها الطريقة المحترمة التي تحكم العلاقات بين الناس .. أما عن ضميرك الذي آلمك كثيرا كما تدعين فاعملي به لوجه الله وإتركي هذا الشاب .. وإتقي الله في نفسك وفي البشر .