اتجاهات

الجمعة 29/4/2011
صفاء حجازى : السياحة فى مصر واحده من اهم مصادر الدخل القومى وتعتبر من الصناعات غير الامنه تتاثر وتتراجع وتتذبذب نتيجة غياب الامن والاستقرار او اى عوارض اخرى كالازمة المالية العالمية او الثورات وهاهى احداث ثورة يناير 2011 اصابتها كذلك فتراجع اعداد الوافدين من السياح لمصر وهو ما يعد ضربة موجعه لملايين المصريين نتيجة توصية دولهم بالطبع على عدم السفر لمصر جراء هذه الاحداث السياحة المصرية برغم تنوع مقاصدها كماعكستة المقدمة هى انها مازالت تشكو جرحها سواء جراء الاهمال والفساد وعشوائية القرارات لدى البعض وغياب الوعى السياحى الذى مرس من قبل سواء بسبب الاحداث الطارئة الازمة المالية العالمية تعرف باسم هجمات سمك القرش والارهاب الاسوداللى طال شرم الشيخ وطابا وتارة اخرى نتيجة أحداث كنيسة نجع حمادى واحداث قنا الاخيرة فكيف لنا الخروج وتامين هذه الصناعة الحيوية عن مستقبل السياحة فى مصر وخاصة فى سيناء نتحدث بينما كان قائما من قبل وما هو مأمول نلتقى بعد الفاصل
فاصل
مذيع :مصر التى تجمع بين عبقرية الزمان والمكان وابداع الابناء تشابكت فيها عوامل الجمال والابهار والحضارة لذا تعد سيناء واحدة من ابرز مناطق الجذب السياحى بين دول العالم نظرا لما تتمتع به من كنوز سياحية متعددة الوجوه فسيناء تجمع كل مقومات السياحة الناجحة المقومات المناخية والطبيعية البرية والبحرية الصالحة لكل انواع السياحة وفى مقدمتها السياحة الترفيهية مثل سياحة الشواطئ وسياحة الغوص والرياضات المائية على خليج العقبة ثم السياحة العلاجية اضافة الى العلاج بالاعشاب خاصة فى كاترين كما تتوفر فى سيناء مقومات العديد من الانواع الاخرى من السياحة كاسياحة المهرجانات والسباقات وما يرتبط به من كرنفالات فلكولورية واخيرا تتزايد اهمية مدن سيناء فى سياحة المؤتمرات خاصة فى شرم الشيخ التى استضافت اكثر من مؤتمر سياسى عالمى كبير وعشرات المؤتمرات المتخصصة الاخرى فالسياحة الدينية فى سيناء هى تعكس تواصلا حضاريا ودينيا وان مصر عبر العصور مهد الرسالات السماوية اما فى المحميات الطبيعية فان هناك نوعا من السياحة فى تصاعد وهو السياحة العلمية المرتبطة بالبيئة بكل عناصرها وبين اودية سيناء وجبالها تنشط سياحة السفارى والمغامرات ويترافق مع هذه المقومات الهائلة للمنتج السياحى المصرى بنية اساسية متطورة وحديثة من المرافق والمنشات ومختلف مستلزمات الخدمات السياحية الراقية تجعل من زيارة السائح الى مصر مهما كان هدفة ومقصده زيارة مفعمة بالمتعة والاثارة والفن
فاصل
صفاء حجازى : سيدتى وسادتى معنا ومعكم فى هذه الحلقة من برنامج اتجاهات سيادة الوزير منير فخرى عبد النور اهلا بحضرتك ومعنا ايضا الكاتب الصحفى رئيس تحرير جريدة الاحرار ولكن فى هذه الحلقة معنا بصفتة رئيس تحرير مجلة اخبار السياحة أ/ عصام كامل اهلا بحضرتك بنحتفل ب 29 سنه على تحرير سينا على عودة سينا الى مصر او بالاحرى بعد عودتنا الى سينا وبعدما بنتناولها انهاردة بشئ من اعادة النظر لان سينا تم تهمشها وتم اهمالها سياحيا سيادة الوزير كيف ترى السياحة فى سيناء بشكل عام
أ/ منير فخرى عبد النور: بشكل عام تم اهمال المشروع القومى لتنمية سينا انما كان التنمية السياحية فى سينا الجنوبية مفيش شك انه خلال ال 29 سنة الماضية كانت تنمية ناجحة خلينا اذكرك انه عندما استلمنا شرم الشيخ انهاردة وبالتحديد وفى شرم الشيخ 65 الف غرفة
سياحية وعندما ستكتمل مشروعات جارى تنفيذها فى خلال الاشهر القادمة هيكون عندنا 100 الف غرفة سياحية بمئة سرير طبعا الارقام مش كل حاجة انما دليل على مجهود فى التنمية السياحية بذل خلال ال 28 -29 سنة الماضية وزى ما بنقول يجب ان يحسب لمن قام به
صفاء حجازى :استاذ عصام سينا اختذلت فى شرم الشيخ جنوب سينا تحديدا اعلم ان هناك نويبع طابا دهب كل هذه البؤر السياحية الهامة لم تاخذ نصيبها بعد من الاهتمام اهتمام الدولة قبل ذلك اكتفي او تم الاختصار جنوب سينا شرم الشيخ
أ/عصام كامل : هو من مقدمة سيادة الوزير هى مسالة انها مرتبطة بتنمية سينا بشكل عام يعنى واضح ان المشروع كلة لو اتكلمنا عن سينا كجزء مهم فى هذا الوطن المشروع ككل الحقيقة كان هناك ايدى ربما عابثة ربما البعض يتصورانها كانت متعمدة انها لا تنمى هذا الجزءبشكل عام يعنى اطلق عنها هناك مشروعات كثيرة جدا فقط على ورق فقط كانت محاولات بسيطة من الحكومة يعنى يعنى بيقولوا حتى سيادة الوزير عندنا 100 الف اسرة السؤال انه اهم ما تستحقة سينا من عدد للغرف خاصة وانها تحمل انواع من الندرة يعنى فى سياحة نادرة هناك عندنا مثلا منطقة الجبل الطبى العالم كلة يستطيع ان ياتى لزيارة المنطقة التى كلم الله فيها موسى علية السلام على سبيل المثال حتى الان مازلنا منطقة الكنائس القديمة
صفاء حجازى: مجمع مجمع الاديان
أ/عصام كامل:وتاريخها الطويل سوا ء كان هذا التاريخ تاريخ اجتماعى او سياسى وتاريخ بيرتبط ربما بجزء مهم جدا بتاريخ العالم كلة فانا هو السؤال ما تستحقة سينا هل هو 100 الف غرفة فقط فى شرم الشيخ زى ما حضرتك قولتى اختالها فى شرم الشيخ ده انا عايز اقولة شرم الشيخ درة يعنى يجب ان نتحدث عن موقعها الفريد نتحدث عن مواصفتها انما هذا لا يجعلنا نهمل الجانب اللى حضرتك اشرتى الية وهو منطقة طابا منطقة نويبع وهذه المناطق مناطق
صفاء حجازى:منطقة سنت كاترين منطقة السياحة الاستشفائية او العلاجية وان هناك حمامات موسى حمام فرعون كل هذه المناطق يمكن السياحة الترفيهية فقط فى شرم الشيخ رغم ان سيناء بشكل عام هناك انواع كثيرة من السياحة مقصد سياحى غير السياحة الدينية العلاجية
أ/منيرفخرى عبد النور:سيناءكانت مثقلة بالكثير من تصاريح البنك هناك بعض الشركات لها اجتهدات يعنى احد المصريين كان له استعدادات كبير وانه دخل موسوعة دجنس للاسف الشديد الشركات وقفت بقرار من امن الدولة على سبيل المثال يعنى حتى جهات امنية كانت تتدخل لايقاف شركات بعينها لها نشاط منطقة طابا اللى حضرتك بتتكلمى عنها فيها مثقلة ويمكن كنا قبل البرنامج بنتكلم مع سيادة الوزير وهو هذا الملف انه يبدو انه على مكتبة عندنا 40 جهة بتفرض رسوم على العاملين فى القطاع هناك
صفاء حجازى:قبل يا استاذ عصام سيادة الوزير نحن نعلم قبل ثورة يناير 2011 القت ببعد الانعكاسات السلبية على قطاع السياحة خسائر قطاع السياحة فبراير ومارس 2011 الرقم بالضبط كام
أ/ منير فخرى عبد النور: فبراير ومارس مليار ونص دولار فى الدقيق فبراير بالمقارنة فبراير اللى كان السنة اللى قبلها كان انخفاض بنسبة 80% مارس انخفاض بنسبة 60% املين انشاء الله الارقام ستتحسن كثيرا ظروف استثنائية يعنى ابريل شهر اعياد فيها سياحة داخلية وسياحة خارجية
صفاء حجازى :مليار ونص دولار خسائر قطاع السياحة
أ/ منير فخرى عبد النور: 9 مليار جنية ولسه
صفاء حجازى: مرشح للزيادة
أ/ منير فخرى عبد النور: طبعا طبعا ماهى من اول ابريل ستتحسن الارقام انما هتكون بالقطع غير السنة الماضية هنخش فى مايو ويونيو
صفاء حجازى: توقعت سيادتك انطلاقة السياحة او عودة السياحة فى مايو على اساس السعر
أ/ منير فخرى عبد النور:شوفى اولا انا قلت من اول يوم ومن اول ثانية قلت ان عودة السياحة متوقفة على عودة الامن والاستقرارفى الشارع المصرى انا لما باتكلم عن الامن والاستقرار باتكلم عن الامن والاستقرار فى ربوتع مصر كلها لكن لما يحصل احداث زى اللى حصل لى قنا خلال الاسبوع اللى فات بيأثر بيأثر لانه هذا النوع من الاحداث بيتابع دوليا وبينقل
صفاء حجازى :انه فتنة طائفية
أ/ منير فخرى عبد النور:بغض النظر حدث حدث شوفى علشان برضه ايه ما نخلطش الامور ثورة 25 يناير كانت محل تقدير العالم كلة لانه فعلا حدث فريد فى تاريخ الشعوب وتاريخ الحركات الشعبية اقدر اقول انه لاول مرة ال softpwer اللى هو القوة الناعمة استطاعت ان تنتصرعلى القوى الصلبة الايمان بالحرية والمطالبة بالديمقراطية وخلافة استطاعت ان تنتصر على مفيش شك انه فى انبهار واحترام لهذا الشباب الذى قام بهذه الحركة انما لازم افرق مابين النظرة الى البلد وشعب هذا البلد والنظرة الى المقصد السياحى السائح بيبحث عن راحة عن استقرار حيث يستطيع ان يتمتع ويستمتع
صفاء حجازى :ان امن وعن استقرار كى يتحققا ستعود انشاء الله السياحة
أ/ منير فخرى عبد النور:اه بس ايه كل ما اتخرت كل ما اتحملنا كل ما زادت التكلفة ويجب ان تعود اليوم قبل الغد
صفاء حجازى : انا باكلم حضرتك فى دوروزارة السياحة وتحديدا دور هيئة تنشيط السياحة ولكن هل يمكن لميدان التحرير استاذ عصام هل يمكن لميدان التحرير ان يكون كلمة السر لعودة السياحة بشكل مختلف عما قبل
أ/ /عصام كامل : نعم هو انطلاقا برضه من كلام سيادة الوزير احنا عندنا جملة بتنشر وبتذاع فى العالم كلة كلمة حذر التجوال حذر التجوال يعنى مباشرتا لها مفهومها فى الاوساط الغربية وفى اوساط السائح لانة كلمة حذر تجوال فى الخارج لها مفهوم حاسم جدا وحازم جدا وده بيأثر ولذلك تم تقريبا وانا اعتقد ان وزارة السياحة كان لها نصيب فى مسالة الضغط انه يتم حصرالمساحة الزمنية فى العدد القريب ده انه كانت الشركات السياحية لما بتيجى تأمن على الافواج مفيش شركات تمويل توافق على التأمين على سياح جايين انما انطلاقا للى حضرتك بتقولية ده اللى هو ميدان التحرير وده اللى احنا بندعو له وانا باعتبر يمكن من خلال البرنامج ده دعوة وسيادة الوزيرمعانا اننا بنعتبر هؤلاء الشباب سفراء سياحيين وكان يجب ان نستغلهم لان احنا عندنا اكثر من مظاهرة انطلقت فى كندا ومظاهرات انطلقت فى كثير من العواصم الغربية انطلق مظاهرات الكل يتحدث عن اننا نحن نقلد المصريين
صفاء حجازى :شايفة سيادة الوزير فى اعتراض
أ/ منير فخرى عبد النور:لأ مفيش اعتراض الاعتراض على ان فى الفعل الماضى كان يجب انا اسمحى لى يعنى حدث وان فى حصل تعاون ما بيننا وبين الشبا ب الذى استطاع ان يعبئ الملايين فى ميادين مصر فى ثورة 25 يناير ليستخدموا نفس الاساليب نفس التكنولوجيا ليعبؤا
أ/ /عصام كامل : انا عاوز انهم بيخرجوا فى جولات فى عواصم اوروبا لانه فى حالة انبهار لما حدث من هؤلاء الشباب من الرقى الذى مرس خلال فترة الثورة الكنديين لما يطلعوا يقولوا احنا مصريين فى ميادينهم مش بنقلد المصريين
صفاء حجازى : استاذ عصام استاذن معانا على التليفون الكاتب الصحفى عباس الطرابيلى اهلا بحضرتك يا افندم الو استاذ عباس الطرابيلى بنتكلم عن مستقبل وواقع السياحة حاليا فى مصر وتحديدا فى سيناء هل ترى انه هناك عدم اهتمام بشكل عام بالسياحة فى سيناء
عباس الطرابيلى :لأ اولا مساء الخير
صفاء حجازى : مساء النور
أ/ منير فخرى عبد النور: مساء الخير استاذ عباس
عباس الطرابيلى : وحشتنا والله العظيم
أ/ منير فخرى عبد النور: عاش من سمع صوتك
عباس الطرابيلى : وحشتنا ازيك
أ/ منير فخرى عبد النور: اهلا بيك
عباس الطرابيلى : شوف سيدى الفاضل يعنى احنا بنتكلم عن السياحة فى سينا السياحة فى سينا انا عايز اخذ ايدك الى حتة المواقع لابد منها يعنى كان معظم وزراء السياحة السابقين يهتموا بس بالسياحة الدينية بطريق العائلة المقدسة وهما بيعدوا من سينا وبعدين سانت كاترين وسلاموا عليكوا طيب ما فى عندك حاجة ثانية سياتك عارف انه فى اثار فرعونية واثار اسلامية واثار مسيحية واثار مملوكية واثار من الاسر الفرعونية السابقة كل هذه مزارات انا باقول لسياتك حاجة وانت راجل عالم وفاهم انت بتعمل ايه يعنى انهارده السياحة الجديدة بدعوى سياحة السفارى سياحة المناطق الصحراوية زى ما عيزك تشجع سياحة السفارى الى مناطق الرمال البيضة فى الصحراء الغربية انا عايزك تهتم ايضا بساحة الحفارى فى سينا لية فى ناس كثير بتحب هذه السياحة اجانب وعرب وبعدين هقولك حاجة لطيفة يا منير بك رغم ان انت عارف انا اشتغلت فى الخليج وعارف الخليجى بيحب ايه شوف يا سيدى الراجل الخليجى عايز يطلع ما يبقاش بيلعب فى بيئتة اللى هى البيئة الصحراوية بس فيها شوية خضرة وبالتالى هو عايز شوية سياحة يجى يعمل هو وعائلتة فى خصوصية للعائلة علشان ما بيحبش الفندقة بيحب البيوت صغيرة عائلية لية سياتك ما تهتمش بمثل هذا النوع وتجذب هذه السياحة اللى هتجيلك بالسيارات او بالعبارات من البحرين وقطر والكويت والسعودية يعدى لغاية شرم او نويبع ويعمل هذه السياحة الصحراوية الموجودة ويقعد نوع من انواع
صفاء حجازى : ولكن استاذ عباس اسمح لى سياحة السفارى او سفارى المبيت اوالمبيت فى الصحرا الا تجد ان هى محتاجة المزيد من الامن باعتبار انه كانت موجودة سفارى اوسفارى المبيت كانت سياحة موجوده
عباس الطرابيلى : هقول لحضرتك حاجة
صفاء حجازى : كانت موجودة وللاسف تم الغائها بعد حادثة معينة
عباس الطرابيلى : هقولك حاجة اولا يعنى الامن انشاء الله راجع راجع احنا الان فى ظروف استثنائية الامن هيستقر انشاء الله انا عايز اسحب رجل السياح العرب من السعودية والخليج الى سينا عشان اخلى الرجل العربية تجرى فى سينا من خلال كودس اكواد صغيرة بسيطة والله لو بعضا منير بيك بعضها فى سيوة السرير الجريدزى الجريد بتاع السودان سياحة بسيطة مية نظيفة اكلة حلوة جو جميل ده مجال انا اتمنى ان انت تهتم به يا منير بيك وانت تقدرها وتقدر تعملها طيب ليه ما نشجعش هذه السياحة الجديدة يبقى تجيب سياح عرب جداد فى هذه المنطقة نمرة اثنين اه احنا نجحنا فى السياحة الترويحية شرم ودهب ونويبع ودهب وغيره وغيره انما السياحة ما نجحتش قوى فى الشمال ماعدا مشروع او اثنين لبعض القرى السياحية على شاطئ العريش مساعيد لغاية سينا العبد انما انا عايز تهتم اكثر بواحة سيوا والله العظيم فى واحات فى وسط سينا انا عايز اخدك اوديك ليهايا منير بك وتستمتع بالجو فيها ياسلام على نخل اللى هى العاصمة القديمة للعريش كلها تفتخروبعدين وادى فيران وبعدين المناطق الحلوة الوديان اللى المية فيها زى العسل زى وشك وزى وش ضيوفنا الطيبين
صفاء حجازى : استاذ عباس الطرابيلى الكاتب الصحفى شكرا جزيلا لمداخلة حضرتك استاذ عصام اثار الكاتب الصحفى عباس الطرابيلى اثار انه منطقة سينا منطقة جذب للاشقاء العرب قبل عدة ايام كان هناك ملتقى تنشيط السياحة العربية البينية فى شرم الشيخ والمنظمة العربية للسياحة شاركت وزارة السياحة المصرية فى هذا الملتقى ورغم هذه التوجه الجميل الا ان هناك عقبات وكأننا نمارس او نعالج بنفس هذه الممارسات التقليدية التى لا تسمن ولا تغنى من جوع
أ/عصام كامل :هو انا باعتقد انه حالة الحراك السياسى هتثمر يعنى هيبقى فى تأثير ايجابى فيما بعد بمعنى انه المؤتمر اللى عقد فى شرم الشيخ على سبيل المثال برغم ان توقيته صعب الا انت عندك المنطقة العربية تعج بحراك سياسى كبير يعنى الخليج عندها حراك كبير من القلق لما يحدث فى البحرين عندنا مثلا اليمن فيها قلق ايضا وده مقلق للخليج عندنا فى المغرب فى الجزائر فى كذا فا مسالة السياحة العربية البينية تحتاج الى خطوات جريئة اعتقد ان ده هيبقى صوت الشعوب فيما بعد لانه المنطقة تتحرك الان اعتقد انه مسالة الصورة صورة الحاكم القديم تتراجع الصورة الشعبية التى تتقدم هناك جامعة قادمة اعتقد انها ستكون جامعة الشعوب العربية وليست جامعة الدولة العربية كما كنا نتصور واعتقد ان هى تملك هذا القرار لانة كان وزراء السياحة بيحاولوا لكن تلاقى مثلا فروق عراقيل امام التاشيرات مثلا على سبيل المثال فى يقولك المعاملة بالمثل حصل حاجة فى البلد يقولك المعاملة بالمثل فدى كانت بتعيق الحركة البينية ما بين
صفاء حجازى :حركة الاسعار
أ/ /عصام كامل : واحنا بحاجة بحاجة ان نسافر الى المقاصد السياحية الاخرى ونشجع المصرى الى ان يسافر الى هناك ونشجع السياح العرب الى ان ياتوا الى مصر لان دى بقت سياحة الناس بتتصور انه زائر جاء لكى ينفق امواله لأ دى حالة تواصل حضارى مهمة جدا
صفاء حجازى :توقيتها كان مناسب يا سيادة الوزير توقيت انعقاد هذا الملتقى كان مناسبا باعتبار ان فى المنطقة العربية هناك حالة من عدم الاستقرار وحالة من الثورات العربية وبعدين عدد الدول العربية اللى اجتمعت او كانت موجودة يعنى السودان البحرين الاردن مصر ليبيا تونس يمكن كلها فى حالة عدم استقرار وان هناك حراك سياسى او حراك شعبى ثورات هل ده كان توقيتة مناسب انا اعتقد كان توقيتة مناسب جدا وعشان اكون ايجابى كل الدول العربية كانت موجودة ومتواجدة انما ست دول فقط كانت متواجدة على مستوى الوزراء انما من حيث التوقيت انا اعتقد انه كان مناسب جدا لانه كل الدول العربية وخاصة تلك التى تلعب فيها السياحة دورا مهما فى اقتصاديتها ايقنت انها بتمر بازمة ومن البدائل للخروج من هذه الازمة هو تشجيع الخروج للسياحة البينية وكان مجرد تواجد هذه الدول فى شرم الشيخ زى ما اغلب وزراء السياحة اللى اكلموا قالوا كان تاكيد للوقوف مع مصر احنا بدلناهم نفس المشاعر وقلنا فى الواقع يجب ان نقف ونتكاتف كلنا وتتضافر جهودنا بحيب انه نشجع السياحة فيما بيننا فى غيا ب السياحة الوافدة من الدول الخليجية هل التعبير عن المشاعر كافى بالقطع مش كافى انما هناك حاجات كثيرة جدا ممكن تتعمل واتفقنا على اننا نعملها
صفاء حجازى : زى ايه التاشيرات ؟
أ/ منير فخرى عبد النور:التاشيرات بما فيها حرب الاسعار اللى سعتك ذكرتيها بما فيها انه كان يجب ان نرسم الرسالة دى لاهالينا لشعوبنا انه قد يكون افضل لنا او افضل للمصرى اللى عاوز يسافر خارج مصر انه يروح لبنان او سوريا او الاردن او تونس او المغرب بدل ما يروح خارج المنطقة العربية السياحة خارج المنطقة العربية خاصة فى ظل الظروف الصعبة اللى احنا بنمر فيها كلنا فابالفعل الظروف اللى بيمر فيها العالم العربى فى ظروف استثنائية اثرت على السياحة فى كافة الدول العربية اولها المغرب اولها تونس ثم سوريا ثم الاردن ثم لبنان ثم المغرب ومصر بطبيعة الحال
صفاء حجازى :هو بالمناسبة ان تم بالفعل كل دولة لها خصائصها المميزة للسياحة هناك فى الاردن سياحة علاجية سياحة دينية فى مصر سياحة اثار سياحة ثقافية ايضا كان بالفعل هذا البعد كان مطلوب ان احنا نتكامل من خلال على الاقل فى الفترة اللى كان فيها ركود فى الاقتصاد الدولى كنا نعتمد على الاسواق العربية
أ/ /عصام كامل : لأ عندنا مشكلة اكبر غير السياحة العربية البينية عندنا مشكلة السياحة الداخلية فى مصر دى مشكلة
صفاء حجازى :هنتوقف عند السياحة الداخلية معنا على التليفون السيد محافظ شمال سيناء هلا بحضرتك سيادة الوزير
محافظ شمال سيناء : اهلا بيك
صفاء حجازى:سياحة فى شمال سيناء تكاد تكون منعدمة الساحل الشمالى او الشاطئ بشمال سيناء حوالى 200 كيلو متر من بورسعيد حتى جنوب رفح لم تتعدى فيها المنشات السياحية سوى عدة منشآت قليلة يمكن مختزلة حتى فى شخص او شخصين تجد ان هذا مناخ يساعد على ازدهار السياحة واعمال تنمية فى شمال سيناء سيادة المحافظ , محافظ والله احنا عندنا يمكن كلامك كدة برضه مضبوط مجال السياحة محدود مع ان احنا عندنا الامكانيات المتاحة يعنى كويسة جدا فا احنا يعنى لو جينا عندنا اجتذاب حرارى بيدى فرصة للسياحة 6 شهور خلال السنة فى مدينة العريش وغربها وحوالى 7 شهور ونص فرق منطقة العريش ومنطقة الشيخ زويد ورفح طبعا هو فى طاقة انتاجية دلوقتى طاقة بتاعت السياحة عندنا طاقة 3000 تقريبا طاقة فرد وعندنا برضه بالنسبة للشاليهات والشقق المفروشة بيوصل ل 24 الف فرد طبعا بالنسبة برضه احنا عندنا سياحة شبابية عندنا هنا برضه بالامكانيات احنا عندنا قرية شبابية برضه على مستوى عالى جدا يعنى لسة برضه معمولة السنة دى اللى الطاقة بتعتها حوالى 240 فرد عندنا برضه المدينة الشبابية وعندنا المعسكر الدائم للشباب
صفاء حجازى :طب عندنا وعندنا وعندنا يا سيادة المحافظ استاذ عبد الوهاب مبروك عندنا كثير بس دلوقتى كيف استثمر اللى عندنا ده فى خلق فرص عمل
عبد الوهاب مبروك : والله انا باقول الحاجات اللى هى موجوده هى العملية مش منعدمة الحاجة دى موجودة بس احنا عايزين نستغلها الاستغلال الامثل دا احنا عندنا كمان سياحة علاجية يعنى السياحة العلاجية عندنا موجودة يمكن كان الاسبوع اللى فات كان فيه اربعاء ايوب وطبعا الناس بينزلوا البحر فى هذا التوقيت وعندنا برضه العلاج المائى برضه موجود وفى العلاج بالاعشاب وفى العلاج بالرمل كل ده برضه علاج
صفاء حجازى: حجم الوافدين على مثل هذه السياحات هل هى حركة متزايدة هل هى اعداد
عبد الوهاب مبروك : هى حركة مش متزايدة هى حركة محدودة الى حد ما
صفاء حجازى: ما الذى ينقصها سياده المحافظ
عبد الوهاب مبروك : والله برضه ينفصا التسويق يعنى
صفاء حجازى: التسويق
عبد الوهاب مبروك : اه احنا برضه عندنا سياحة دين عندنا هنا فى منطقة الاحراش ومنطقة الزرانيق ومنطقة جبل مغارة كل دى برضه سياحة بيئية موجودة فى المنطقة كلها بالكامل يعنى وبرضه دى سياحة الاثار يعنى احنا عندنا الطريق بتاع الفرمة اللى العائلة المقدسة برضه كانت برضه مرت منه ومن سينا وبرضه عندنا ضرب الحاج وضرب السيالة واللى كانوا بيجوا لينا من شمال افريقيا ومصر وفى برضه هناك مكان للسلطان الغورى لما عدى من هذا المكان اللى برضه سياحة الاثار موجوده يعنى هو برضه عموما فى تخطيط عام برضه موجود بالنسبة للسياحة
صفاء حجازى: بالمناسبة سيادة المحافظ التسويق هنامشكلة وزارة السياحة والا مشكلة وزارة الاثارباعتبار ان هناك انهاردة بعض المواقع زى ما حضرتك بتقول
عبد الوهاب مبروك:كمان انا عايز اقول عندنا مطارات احنا عندنا مطار العريش موجود وفى مطار راس النقب موجود وطبعا فى مطار الجورة يعنى كل مقومات السياحة موجودة يعنى مش مش موجودة بس هو طبعا يعنى موضوع التسويق موضوع الاهتمام وموضوع المستثمر اللى يخش فى مجال السياحة يعنى الاماكن عندنا جميلة جدا دا احنا عندنا مخططين للسياحة فى العريش فى منطقة الشيخ زويد منطقة جميلة جدا ومنطقة يعنى تصلح تماما للسياحة وزى ما قلت الاستغلال الحرارى بيطور كل فترة السياحة فى شمال سينا
صفاء حجازى: اذا كان مسالة التسويق بتقع على هيئة تنشيط السياحة اذا كانت يعنى بعض الافكار بتشترك معها وزارة الاثار باعتبار ان هناك بعض المواقع الاثرية انا باتصور انه لابد فى العهد الجديد ان يكون هناك دور للمحليات محافظ شمال سيناء بالنسبة لمسالة تسويق ما تمتلكة المحافظة والله برضه الامكانيات برضه احنا بنقول كل المجالات دى موجوده وبالرغم من كدة الطاقة برضه قليلة فا بنقول طاقة 3000 بالنسبة للفنادق الطاقة دى قليلة مش طاقة شعبية كبيرة احنا نتمنى يبقى فى منشات سياحية شاملة شرق مدينة العريش وغرب مدينة مساعيد الشاطئ زى ما قلتى كبير بيمتد من بالوظا غربا حتى رفح شرقا يعنى مسافة زى ما قلنا كدة فى الاول حوالى 220 كيلو
صفاء حجازى:سيادة المحافظ هيئة تنشيط السياحة بتملك بعض من الاراضى لديكم
عبد الوهاب مبروك : الاراضى كلها املاك دولة
صفاء حجازى:املاك دولة هناخذ من حضرتك النقطة دى وهنكلم سيادة الوزير منير فخرى عبد النوربنشكر حضرتك شكرا يا افندم
عبد الوهاب مبروك : هو كل الاملاك عندنا املاك دولة
صفاء حجازى :اذن هى المشكلة دلوقتى ان احنا عاوزين مستثمرين لمنطقة شمال سينا
عبد الوهاب مبروك :ده الخطة التنمية الشاملة اللى اتحطت سنه 94 كل اماكن التخطيط السياحى موجود بس هى للاسف الخطة ما استكملتش الخطة بدا تنفذها سنة 97 ووقفت سنه 2001 يعنى امتدت بس لاربع سنين يعنى فى 16 سنه ما تموش فى هذه الخطة وكان فى المحور خطة السياحة كان موجود يعنى التنمية الشاملة لسينا ده مشروع موجود ومتخطط له بس يعنى هو وقف فى سنه 2001 لحاجات معينة اتعملت فى الخطة الخمسية الاولى
صفاء حجازى :سيادت المحافظ عبد الوهاب مبروك من سيناء شكرجزيلا لحضرتك وبنعود لضيفينا سيداتى وسادتى لاستكمال هذا المحور الهام قطاع السياحة وهو احد القطاعات الكبرى فى مصر التى يعتمد عليها الاقتصاد القومى بيعتمد الدخل القومى على 11% ونص من عائدالسياحة استاذ عصام تعليقك على بعض ما اثارة سيادة المحافظ
أ/عصام كامل : ما هو سيادة المحافظ بيتكلم فى التنوع الموجود
صفاء حجازى :يعنى هو بيقيول بيقول كان فيه هناك تخطيط وتوقف حتى عام 2001 ماهو ده يعنى سقط من عمر مصر 11 سنه وقف تام لمجالات هذه التنمية
أ/عصام كامل : ماهو احنا معندناش مشكلة فى مصر لا فى تنوع المنتج السياحى ماهو بصى عندنا كل حاجة تقريبا متفرده بس ليست هذه هى القضية انما القضية الطاقة الاستعابية هو اتكلم عنها سيادة المحافظ كيف نسوق هذه المناطق لان ده هيعود مرة اخرى الى حزمة الاغراءات التى يمكن ان تقدم الى المستثمر وخدى بالك لانه فى ايدى مرتعشة الان هناك ايدى مرتعشة الان
صفاء حجازى :سيادة الوزير
أ/ /عصام كامل:لأ كلنا خايفين كلنا خايفيين لية لانة حتى الاراضى التى كانت تباع من قبل
أ/ منير فخرى عبد النور:انا مش خايف
أ/ /عصام كامل:لاراضى التى كانت تباع سابقا من هيئة التنمية السياحية دى كانت لجان بتقوم بها ودولة التى تبيدها وفق مخطط انها بتعمل حزمة من الاغراءات وما الى ذلك لكن احنا حتى وبنسأل سيادة الوزير الان وهو يقدر يجاوبنا احنا لما نيجى نسوق منطقة زى شمال سينا ماهى الاغراءات التى يمكن ان نقدمها للمستثمر السياحى المستثمر السياحى عنده مناطق كثيرة جدا عنده فى بيشدوا فيه عنده فى تركيا بيشدوا ويقولوا له اتفضل على الرحب والسعة عنده فى اسرائيل على الرحب والسعة
صفاء حجازى :عنده فى شرق اسيا
أ/ /عصام كامل : فى كل حتة تقريبا الكل بيجرى ورا المستثمر اللى معاه فلوس وعنده فكرة
صفاء حجازى:الدولة تقدر تعمل ايه للمستثمر يمكن هنقول هيئة تنمية السياحة سحبت قطعة ارض او من بعض المستثمرين بدعوى انهم غير جادين فى هذا الموضوع
أ/ منير فخرى عبد النور:طب اولا معلش خلينى ارجع لشمال سينا لانه الحقيقة اعتقد انه ملاحظة تستحق التعليق مفيش شك انه شمال سينا ما اخذتش حقها من الاهتمام فى الاهتمام السياحى ويجب ان نتوقف كيف يمكن تنمية شمال سينا سياحيا خاصة انها فيها عندها شواطئ بديعة طبعا تختلف عن شواطئ جنوب سينا شواطئ على البحر الابيض الحقيقة بديعة ويجب ان ترى
صفاء حجازى : يعنى زى ما حضرتك بتقول انه هى شواطئ جميلة شواطئ ذكر شوطئ طبعية الى حد كبير ده كلام صحيح ولكن لماذا غابت عنها التنمية لماذا غاب عنها المستثمر
أ/ منير فخرى عبد النور:هذا سؤال يوجه الى من خطط ولا يوجه اليا يجوز بسبب جاذبية جنوب سينا بسبب ما تقدمة جنوب سينا من غير محد يزعل جنوب سينا اجمل من شمال سينا اه من غير ما حد يزعل انما محافظ شمال سينا مش هتبصتة الملاحظة دى انما واقع فا يجوز جنوب سينا اللى اخذت كل الاهتمام انما مش مفروض انه اترك شمال سينا دون تنمية سياحية ماذا نستطيع ان نقدم نقدم حاجات كثيرة جداممكن ان نضع اللبنة الاولى للبنية الاساسية فى اراضى شمال سينا لتنميتها ممكن ان نوفر المزيد فى اسعار مجذية جدا بدولار المتر لانه مش عيب لانه لما احب انمى منطقة حق انتفاع او غير انتفاع يعنى
صفاء حجازى :فى منطقة سينا لها حساسية خاصة اعتقد انه حق انتفاع
أ/ منير فخرى عبد النور:والله لو كانت مشروعات محددة فى مشروعات شكلت فيها اراضى حيث استخدام هذه الارض والواحد ما بيسقعهاش فى طرق جذب كثيرة جدا اما بالنسبة للاراضى التى تم سحبها فتم سحبها من مستثمرين بدى عليهم عدم الجدية لان الباب مفتوح لاى تظلم يعنى كل من اخذ موافقة مبدئية ولم يتقدم بمشروع لكى تحول هذه الموافقة المبدئية الى تخصيص نهائى لمدة سنتين او اكثر يبقى حصل له ظروف غير راية اى ان كان السبب وبالتالى من حقة
صفاء حجازى :هل العامل الذى يطرأ احيانا على صناعة السياحة من بعض العوارض من بعض الاحداث الا تجد احيانا بيكون المستثمر هنا هو مضغوط وقع بالفعل فى هذه المشاكل نتيجة العوارض الطارئة اخذ فى الاعتبار
أ/ منير فخرى عبد النور:هستمع العملية مش مقصلة هستمع انما اللى اخذ تخصيص ايوا اخذ موافقة مبدئية وما تقدمش انه مشروع برسوم فى خلال سنين او اكثر من حق هيئة التنمية انها تفترض انه غير راية او انه ما هواش جاد ومن حق هيئة التنمية انها تسحب منه الموافقة المبدئية الى من هو اكثر جدية بنفس المنطق من حصل على تخصيص نهائى ولم ينفذ واحد %من المشروع اللى تقدم به واللى على اساسة اخذ هذا التخصيص لمدة سنتين او اكثر اعتقد من حق هيئة التنمية السياحية تفترض ان هو مهواش جاد ومن حقها ان تسحب هذه الارض تعرضها على من هو اكثر جدية مع ذلك احب اقول رغم هذه الاجراءات وزارة السياحة ووزارة الدكتور عصام شرف تقف مع كل مستثمر جاد لازالة كل العوائق التى قد تعترضة تشجع الاستثمارات محلية كانت ام عربية ام اجنبية فى قطاع السياحة فى اطار القانون يعنى مش عاوز انه يساء الفهم فى هذا الاجراء اللى اتخذ ليس هناك تغيير فى التوجه الاقتصادى
صفاء حجازى:المستثمر عندما تسحب منه هذه الاراضى يعنى الى حد ما بيقول طب فين دور الدوله الدولة مفروض تدينى جملة اى مستثمر بغض النظر عن النموذج الذى استقتةما الذى تقدمة الدولة كحوافز تشجيعية للمستثمرين فى مجال السياحة
أ/ منير فخرى عبد النور:هذا سؤال موجه ليا والا استاذ عصام
صفاء حجازى :استاذ
أ/ /عصام كامل :انا بالمناسبة دى يعنى ما بادعو سيادة الوزير يزور منطقة طابا فيها مشاكل واعتقد انه الملف ده على مكتب سيادة الوزير فى مشاكل عندنا هناك فى 32 مؤسسة فندقية وقرية متوقفة عن العمل نتيجة قروض من البنوك عندها اعباء مالية كثيرة جدا عندنا 40 جهه تفرض رسوم
صفاء حجازى : عندنا جرائم غير عادية فى مجال السياحة
أ/عصام كامل :40 جهه تفرض رسوم على المستثمر اللى بيشتغل فى منطقة طابا ونويبع هذه المنطقة مثقلة بالهموم مثقلة بمشاكل يجب ان احنا نفتح هذا الملف نقعد ونشوف ما هى التسهيلات التى يمكن ان نقدمها من اجل احياء هذا المربع لان احياء هذاالمربع مهم جدا زى ما اتكلمنا عن فى تنوع سياحى فى كل انواع السياحات موجوده فى هذه المنطقة هى منطقة واعدة واعتقد انها ممكن تنافس مناطق كبيرة جدا فى دول اخرى ربما وليس فى شرم الشيخ فقط انا باعتقد ان هذا الملف لابد من فتحة وفى معاناة شديده جدا بيعانى منها المستثمر السياحى فى المنطقة
صفاء حجازى : قبل ان نستأنف سيداتى وسادتى بالحديث مع ضيفينا بالاستديومعنا على الهاتف عارف الدسوقى نائب رئيس حزب الغد دكتور عارف اهلا بحضرتك
دكتورعارف : اهلا استاذه صفاء ازيك
صفاء حجازى : الحمد لله
دكتور عارف :ازيك يا استاذ منير
أ/ منير فخرى عبد النور: اهلا بيك يا دكتور اهلا بيك
دكتورعارف :الحقيقة مداخلة سريعة لكن الحقيقة بالنسبة للسياحة دى صناعة متكاملة يجب ان تنظر اليها الدولة نظرات موضعية ومحلية او كذا او كذا مصر كلها كحزمة متكاملة كدولة متكاملة تحقق السياحة المتكاملة من جميع التوجهات علاجية ترفيهية ثقافية من حيث الاثار الكلام ده مصر تتميز باعلى نسبة فى العالم من الاثار والتى يكفى ان تكون جاذبة لاكبر قدر من السياح على مستوى العالم لا اتصور ان دولة زى اسبانيا تحصل على 60 مليون سائح فى العام وتركيا تحصل على يعنى على ماييقرب من 25 مليون سائح فى العام ومصر الان تحصل فى اقصى التقديرات فى العام الماضى على 14 مليون سائح بغض النظر عما اصاب السياحة فى هذه الفترة السياحة يمكن ان تستوعب 5مليون يد عاملة لوتم تنمية عدد السياح المستقبلين فى مصر الى 20 مليون سائح فى العام الواحد سنا كحزمة متكاملة فى السياحة فى الساحل الشمالى فى 00 فى المنطقة الجنوبية وفى الوسط فيها كل انواع السياحة لماتتكامل المنطقة دى مع منطقة الاثار فى الصعيد مع منطقة الغردقة يبقى انا باقدم
صفاء حجازى : مع الوادى الجديد
دكتورعارف :خريطة كبيرة جدا من الاختيارات ولذلك يلزمنى نمرة واحد ان اكون وادرس كيفية انشاء خريطة سياحية للسائح حتى اجعلة يختار ما يريد على قد فلوسة كمان يعنى اثنين ان ادرس خريطة السائحين على مستوى العالم اين ياتوا والتوقيتات وما القدر من الاموال التى يمكن ان ينفقها السائح من هؤلاء اللى جاى من روسيا غير اللى جاى من انجلترا كل ده يجب ان يكون عندى مراكز دراسية متخصصة لدراسة كيفية تنشيط السياحة اخر حاجة ممكن ابص لها تقديم ارض ولو مجانى للمستثمر الجاد الذى يعمل منشاة سياحية تشغل الف مصرى الف يد عاملة
صفاء حجازى:دكتور عارف الدسوقى نائب رئيس حزب الغد شكرا لمداخلة حضرتك بيطرح موضوع ان احنا محتاجين خريطة للسياحة مصرية نسوق بها مصر للعالم من خلال مواقع متنافة تغطى وتضم كافة مناحى الحياة السياحية والاثرية والتاريخية فى مصر
أ/ منير فخرى عبد النور:3 ملاحظات سريعة 000 اولا المقارنة بين الافكار السياحية فى مصر والافكار الافكار السياحية فى اسبانيا او فرنسا او تركيا
صفاء حجازى: ظالمة
أ/ منير فخرى عبد النور:مش ظالمة
أ/ /عصام كامل : البنية
أ/ منير فخرى عبد النور:مش حكاية بنية حكاية انه السياح بيوصلوا الى اسبانيا او فرنسا او تركيا بالسيارة والسياحة فى داخل القارة الاوروبية تختلف تماما عندما تضطرى تاخذى طيارة علشان توصلى البلد على الضفة الثانية من البحر الابيض المتوسط ودى ملاحظة مهمة ومع ذلك نعم مصر يجب ان تستقبل على الاقل 20 او 25 مليون سائح وده لازم يكون هدفنا واعتقد انه نحن على الطريق يعنى لو تشوفى التنمية تنمية الاعداد من سنه 2000 الى 2010 اللى زادوا بنسبة 73 % فى العشر سنوات دول ودى اكبر نسبة سياحة فى العالم يعنى تركيا فى ال 10 سنوات دول زادت بنسبة 40% او 41% فا احنا ماشيين فى الطريق السليم احنا محتاجين حاجتين اولا ننوع الانشطة السياحية زى ما الجميع ذكر ننوع الانشطة السياحية فى مصر وبالتالى رسم الخريطة السياحية فى مصر وننوع مصادر الدول المصدرة للسواح يعنى بنتكلم عن روسيا وانجلترا وفرنسا كل ده عظيم انما يجب لازم نفتح ونطرق ابواب جديدة خاصة من القوى الاقتصادية الجديدة التى تظهر وتفرض نفسها على العالم هذه اقول الصين الهند البرازيل وكلها اصبحت دول غنية جدا متوسط دخل الفرد فيها ارتفع واهم من كده عدد سكانها كبير جدا فا احنا حصلنا على نسبة ضئيلة جدا عدد المسافرين من هذه الدول هتعمل طفرة عظيمة فى السياحة فى مصر
صفاء حجازى:يمكن دكتور عارف ذكر تجربة اسبانيا 00اسبانيا عندها نظام او نموذج لوتم تطبيقة لمصر لحلت بعض المشاكل العارضة زى ايه السياحة الداخلية فى فترات الشتاء بتعتمد على السياحة الداخلية هذه الاماكن داخل اسبانيا وعندما يحل الصيف تترك هذه الاماكن للسياحة الوافده اليها من الخارج
أ/ /عصام كامل :وقت الازمات كمان
صفاء حجازى: وقت الازمات
أ/ /عصام كامل:المواطن بطبيعتة بتبقى لدية هذا الاحساس الوطنى عارف كويس قوى ان المشكلة ليست كما يتم تصديرها لانه برضه فى اعباء فى السياحة لها اعداء بتقوم بتضخيم الاحداث ويكفى الصورة الذهنية لمنطقة الشرق الاوسط ما يحدث فى اى مكان بيتقال له
صفاء حجازى:احنا طبعا معندناش
أ/ /عصام كامل:انا زرت الغردقة عبر شركة فى برلين زرتها ب 15 دولار فى الليلة انا كمواطن مصرى من حوالى 6 سنين لو انا رحتها لوحدى لآ فى مشكلة فى المؤسسات الفندقية هى تنظر الى السائح المصرى على انه شوية لا يتعامل مع المؤسسة الفندقية تعامل جيد
صفاء حجازى : احنا عندنا مداخلة من المرشد السياحى محمد هانى المرشد السياحى محمد هانى : الو ايوا مساء الخير يا افندم
صفاء حجازى: الو
المرشد السياحى محمد هانى : كل عام وانتوا بخير
صفاء حجازى : وحضرتك بخير
المرشد السياحى محمد هانى : انا محمد هانى مرشد سياحى لغة فرنسية وانجليزية
صفاء حجازى : اهلا وسهلا
المرشد السياحى محمد هانى :ادامى مستثمراجنبى فرنسى مليا ر دير عايز يعمل مشروع فى مصر بتكلفة 3 مليار دولار وهيوفر 25الف فرصة عمل فى الو مراحل المشروع انا معايا ميعاد مع أستاذ الهامى الزيات الساعة 11 ونص فى مكتبة
صفاء حجازى : كيف استشعرت جديتة يا استاذ محمد
المرشد السياحى محمد هانى : نعم
صفاء حجازى : كيف استشعر جدية هذا المستثمر الفرنسى
المرشد السياحى محمد هانى :أنا معايا الوثائق وعامل المشاريع بتعتة فى 7 دول فى كل انحاء العالم وانا عايز اوصل لسيادة الوزير
صفاء حجازى :محمد هانى مرشد سياحى كان معانا بيعرض ان لدية مستثمر فرنسى عاوز يعمل مشروع بكام يا استاذ محمد ب 3 مليار دولار
صفاء حجازى :3 مليار دولار هيوفر كام فرصة عمل
المرشد السياحى محمد هانى : 25 الف فرصة عمل اول مرحلة من المشروع انامعايا ميعاد مع أ/ الهامى الزيات يوم السبت الساعة 11 ونص انا اتشرف ممكن اكلم سياتك من عنده هناك والا اجى لسياتك على طول
أ/ منير فخرى عبد النور:تشرف بمكلمتك واتشرف بزيارتك
المرشد السياحى محمد هانى : طب اتصل بسيتك ازاى
أ/ منير فخرى عبد النور:مش هتكون عند أستاذ الهامى خلية يكلمنى
المرشد السياحى محمد هانى : كل عام وانتوا بخير يا افندم شكرا
صفاء حجازى :شكرا محمد هانى مرشد سياحى مشروع 3 مليار دولار 25 الف فرصة عمل كويس ونقول بشرة خير نعود لموضوعنا استاذ عصام بالنسبة للسياحة الداخلية باعتبار ان احنا لدينا او لدى الشعب
أ/ /عصام كامل :هو فى طبعا المواطن المصرى بيقرر انه يطلع الفسحة بتعتة
صفاء حجازى :يعنى حتى شم النسيم يقولك انا اروح مثلا على الشاطئ
أ/ /عصام كامل :هو بيقرر فجأة
صفاء حجازى:بيقررفجاة
أ/ /عصام كامل : ما بيخططش لرحلات
صفاء حجازى : ثفافة ان هو يخطط لرحلة او يبقى عنده حتى
أ/ /عصام كامل : بالضبط
صفاء حجازى: نية الترفية بشكل ملائم
أ/ /عصام كامل:الشركات التى لا تتنافس الا على تاشيرات الحج والعمرة وتقعد طول السنة منتظرة الحج والعمرة يجب عليها ان يكون لها دور لانه انا مش دور الوزارة لوحده الحقيقة لان دور الشركات السياحية يجب انها
صفاء حجازى :ودور الاعلام برضه يا استاذ عصام
أ/ /عصام كامل:طبعا من خلال الاعلام ومن خلالهم هما بيقدروا يتواصلوا مع الناس لان الشركات دى نتشرة فى بقعاع مصر كلها وتعمل حالة وعى كامل ازاى نقدر نشوف بلدنا كيف نستمتع ببلدنا وازاى نعمل تطمينات للفندق وللوكاندة ازاى هذا المواطن هيتعامل زية زى الاجنبى ولا تكون هناك عنصرية
صفاء حجازى: اه فعلا هناك شكوى انه
أ/ منير فخرى عبد النور: انت عاوز تطمن الفندق
أ/ /عصام كامل :نعم
أ/ منير فخرى عبد النور:انا اعتقد لازم توعى توعى السائح الداخلى
صفاء حجازى طيب احنا هنتوقف عند هذا التقرير السياحة فى عيون المصريين على ذكر السياحة الداخلية
فاصل
مواطن: السياحة مرتبطة بكامل اشكالها زى السياسة والاقتصاد كل حاجة فى بابها بتعد الثورة بدات تنزل معدلات الدخل بدات تنزل كل حاجة بدات تنزل استعادة الكلام ده مش هيتم بين يوم وليلة عايز تنسيق عايز تطوير عايز اطار معين الناس تمشى علية ويكونوا فاهمين هما بيعملوا ايه علشان ما نرجعش تانى 60 سنة 70 سنة لورا
مواطن:علشان ننشط السياحة حاليا لازم اولا ننشط السياحة الداخلية نبتدى اولا نعمل دعاية للسياحة الداخلية نرخص تذاكر الطيران بالنسبة للمصريين نعمل رحلات للجامعات بسعر مخفض ننزل اسعار الفنادق شوية نحاول ان احنا نحسن من الاقتصاد بتعنا
مواطن : نرجع كلمة الامن والامان يعنى هى مصر كانت معروفة بالامن والامان واكيد الفوج السياحى قبل ما بيجى بيعرف بيعمل بيبص على الحال فى البلد بيبص البلد امان والا مش امان فاكيد بيلاقيها غير كده خلاص ما بيجيش زى اهل البلد نفسهم مش حاسين بالامان ما بالك بالاجنبى اللى هيبقى ماشى بدولارات وماشى فى الشارع يبقى ماشى لوحده هيبقى هيحس بالامان ازاى فلو احنا رجعنا الامن والامان السياحة هترجع
مواطن:نفسنا الاول الشوارع بتاعتنا تبقى نظيفة الشعب نفسة ما يستغلش السايح لما يجى يدى له السعر اللى اكنة مواطن عادى يشترى به سواقين التاكسى ما يستغلهمش الجمهور يعاملهم معاملة كويسة بالنسبة للفنادق برضه تكون الاسعار بتعتهم متهوده شوية معاهم تذاكر الطيران برضهنفس الحكاية يبقى فى نسبة تخفيض حاليا فى الفترة اللى احنا فيها عبل ما السياحة تقدر تقف على رجليها مع شوية دعاية طبعا اعلامية من الاذاعة والتليفزيون والجرائد والمجلات مع الدعم الشعبى ليها بحيث ان السياحة ترجع تانى زى الاول وتبقى وتدر دخل كويس لمصر بعد كدة
مواطن : استقبل السائح بطريقة كويسة نعاملة كويس ما نستغلهوش لما يجى يحس ان البلد بتعتنا فيها امان وكل حاجة رجعت زى ما كانت وانشاء الله ترجع السياحة تانى بامر الله
صفاء حجازى:نواصل سيداتى وسادتى هذه الحلقة من اتجاهات مع الدكتور منير فخرى عبد النور وزير السياحة والكاتب الصحفى عصام كامل رئيس تحرير جريدة اخبار السياحة مازلنا مع السياحة فى سينا طابا تحديدا طبعا نعلم ان هناك جوار لمصر من هذه الناحية هل ضغط او عدم تنمية كلا من جمعية مستثمرى طابا بيقولوا ان مفيش اهتمام من الدولة بهذه المنطقة الاما ترجع
أ/ منير فخرى عبد النور:لا يعنى برضه هذا الحكم قاسى مفيش اهتمام لآ فى اهتمام انما فى حساسية هد يلك مثل مدينة طابا دى مارينا انشات للسياحة فى اليخوت استخدمت فى نقل فى بواخر كبيرة وعبارات لنقل السواح بين العقبة وطابا ولانها مدينة يخوت ميهاش استعدادات وتجهيزات مفروض تكون موجوده فى اى مينا
صفاء حجازى :قفلها او اغلاقها لهذا السبب
أ/ منير فخرى عبد النور:لهذا السبب بالتحديد على كل حال الغلق مؤقت واعتقد ان احنا فى صدد اعادة النظر فى هذا القرار وهذه المارينا هى مارينة يخوت المدينة اللى ستصبح منفذ رسمى بكل التجهيزات الممكنة هيكون فيها جمارك هيكون فيها امن موانى هتكون مينا تحت اشراف وزارة النقل باذن الله وعلى فكرة ده منفذ بيخش له على الاقل 150 الف سائح سنويا اردنى جايين من العقبة وهيصبح بالعكس منفذ مهم
صفاء حجازى:ويمكن ان يصدر من الجانب المصرى ايضا اعدادا اخرى الى العقبة والى غرب الاردن استاذ عصام بالنسبة للاساليب التى تعتمد لترويج وتنشيط السياحة هل على طريقة اعرف مصر والبيت بيتك وزورا مصر هل ده كافى
أ/ /عصام كامل:ده جزء من المسالة انما اعتقد ان هو السؤال الاكثر الحاحا الان ماذا فعلت وزارة السياحة بالتعاون مع المؤسسات السياحية المختلفة اللى موجودة فى مصر لادارة الازمة هل تم تشكيل فريق عمل لادارة الازمة وما هى الاجراءات غير العادية التى تم اتخاذها على اعتبار ان احنا بنمر بظرف غير عادى كيف يمكن استثمار هذا الظرف هل احنا عندنا مجموعة عمل من خلال مثلا غرف كذا
صفاء حجازى:ونضيف لها كمان اين مكاتب السياحة للسفارات فى الخارج
أ/ /عصام كامل :لآ مكاتب السياحة غير معدتش دورها روتينى جدا دورها هى بتقوم بدورها بس دور وظيفى هو دور روتينى لاعادة النظر فى هذا
صفاء حجازى:هتكون التقليدية فى الدليل السياحى سياده الوزير الطرق التقليدية فى الترويج للسياحة كيف نسطنت انماطا غير تقليدية اذا كنا جادين فى مسالة تنشيط السياحة
أ/ منيرفخرى عبد النور:اولا طبعا اى نقد يعنى مش مقبول ومرحب به
صفاء حجازى:ولكن المشاهد انا اعلم يا سيادت الوزير منير فخرى عبد النور وزير لمدة 60 يوم من الصعب ان انا افتح كل الملفات دى لحضرتك وخصوصا ايضا ان الحكومة حكومة تسيير اعمال ولكن احنا بنفتح افكار كيف نصنع مستقبل للسياحة عموما
أ/ منير فخرى عبد النور :الحقيقة خلال الستين يوم دول لمجهود الذى بذل للخروج من الازمة مجهود جبار اولا الاتصال مع جميع دول العالم لرفع الحظر الذهاب الى بعض الدول فى عقر دارهم لاستعادة الحركة السياحية والمثل الاكبر هى روسيا نمرة 3 فى .............
صفاء حجازى:عندنا نشرة بعد اقل من دقيقة لكن روسيا والصين
أ/ منير فخرى عبد النور:وبعدين كل الوفود الاعلامية الى دعيت لمصر فى للوقوف على حالة التامل
صفاء حجازى:هنكتفى بهذا القدر من هذه الحلقة من برنامج اتجاهات فى النهاية بنشكر ضيفينا سيادة الوزير منير فخرى عبد النور وزير السياحة مهمة ثقيلة بالفعل وبنشكر ايضا دكتور الكاتب الصحفى عصام كامل رئيس تحرير مجلة اخبار السياحة شكرا لحضراتكم نلتقى سيدتى وسادتى وحلقة فى الغد انشاء الله والسلام عليكم