أيوه... طبعاً تقدري

أنا جوايا طموحات كتير وأحلام؛ بس مش عارفة البداية منين.. نفسي في قدوة.. حد ناجح قدر يحقق اللي بيحلم بيه، يودّيني للبداية الصح.. أنا باجيب قصة حياة الوزراء والكتّاب والرؤساء وأشوف بدءوا منين.. بس خايفة ما اقدرش أكمّل وأكون اللي أنا عاوزاه، أنا لسه بادرس وقدامي سنتين؛ بس الموضوع ده مسيطر عليّ بطريقة مرعبة.. دايماً والدي يقول إن أنا هاكون وزيرة؛ بس أنا حاسة نفسي ما فيش عندي المقوّمات دي باقعد أقول لنفسي: بالذمة فيه وزيرة خجولة وهادية أوي كده، وهي دي مشكلتي.
أنا حساسة جداً جداً، وأقل موقف أو مشكلة بتؤثر فيّ، لو شفت طفل بيعيط مثلاً ممكن أقعد اليوم كله مكتئبة؛ يبقى إزاي هاكون ناجحة وأحل مشاكل الناس، ولا إزاي هاوصل لمنصب كبير وأنا خجولة؟!!
ساعات باحس إن أنا باضحك على نفسي، وهاكون واحدة عادية؛ أتجوز واتخن وأقعد أربّي الأولاد؛ لكن أرجع لأحلامي وأمنياتي وأقول لأ، أنا هاكون الإنسانة الناجحة اللي رسمتها في خيالي رغم عيوبى كلها.. تفتكروا هاقدر ولا أنا باضحك على نفسي؟
doctor

لو عايز تفضفض لنا دوس هنا