أحياناً يكون الضعف منتهى القوة.. لكن التوازن مطلوب

أنا بحب ابن خالتي لدرجة الجنون، وهو كمان بيحبني أوي وبيخاف عليّ جامد، بس ساعات -زي أي اتنين- ممكن يحصل بينا خلاف على أي حاجة، وساعات بيزعل مني بس بيقول لي إنه مش زعلان، وإنه عمره ما يزعل مني، بس أنا ببقى متأكدة إنه زعلان؛ لأن صوته بيتغيّر وطريقته بتتغيّر، وهو مش بيحب يجرحني وأنا عشان مهووسة بيه وبحبه أوي ما بحبش يزعل مني، وبتمنى له الرضا يرضى فبكلّمه أتأسّف له وأعتذر له، مع إني عمري ما اتأسفت لحد أبداً أبداً في يوم من الأيام حتى لو كنت غلطانة، وأقول له سامحني أنا آسفة وأنا غلطانة ومش حزعلك تاني، مع إنه ساعات كتير بيبقى هو اللي غلطان بس والله ما باقدرش أستغنى عنه ولا عن صوته، وببقى ضعيفة جداً جداً جداً قدامه وباجي على نفسي عشان بحبه أوي، بس أصلاً أنا من جوايا بحب كده، وبحب أحسس الإنسان اللي بحبه إنه كل حاجة في حياتي، وإني ضعيفة قدامه، وهو عشان بيحبني بيسامح على طول.. يا ترى عشان كل مرة بيحصل خلاف وأنا اللي ببدأ أتأسف له يبقى ما عنديش كرامة ولا شخصية.. ولّا ده ضعف علشان بحبه؟!!
emygreece

لو عايز تفضفض لنا دوس هنا