نا مكتوب كتابي على حد بحبه وبيحبني، المشكلة إنه حصلت بينا مشكلة كبيرة شوية، وأنا أتصدمت؛ لأنه تعمد إنه يجرحني بأنه يعمل حاجة تزعلني، وأنا وقتها أتعصبت جامد وصوتي علي وقعدت أزعق فيه، وكان رد فعله غير المتوقع واللي مش مصدقاه لحد دلوقتي إنه ضربني، ومش أي ضرب ده ضرب بغباء، وقعد يزعق ويقول لي: "أنا هاعلمك إزاي تعلي صوتك عليّ" .. ومش عايزة أقول إني أنهرت ووقعت في الشارع وهو روحني من غير ما يقول لي ولا كلمة. وتاني يوم جالي البيت، وكنت فاهمة إنه هيصالحني؛ لقيته جاي يقول لي: "أنا مقتنع إني غلطان؛ بس إنتي كنتي تستاهلي؛ لإني ماكنتش هاقدر أوقفك"، ومشي وسابني، وأتصل بيّ كمان وقال لي: "أنا عايز يومين أهرب فيهم كده؛ لأني مش مصدق إن مراتي تعلي صوتها عليّ، وتفتح باب العربية وتنزل في نص الشارع، وإنتي لازم تتغيري علشان أنا زعلي وحش".. وإحنا لسه مكتوب كتابنا، وأنا مارضتش أحكي لأمي وأبويا حاجة؛ علشان مايزعلوش منه، بس مش عارفة أعمل إيه؟؟ لا قادرة أنسى، ولا قادرة أحبه من أول وجديد؛ حاسة إني لسه شايلة منه؛ رغم إنه بقاله يومين رجع كويس معايا زي الأول، وقال لي: "أنا بحبك وماتزعليش مني، ومش هتتكرر تاني"، بس مش عايز أي مناقشة في الموضوع .. وإحنا آه كويسين؛ بس أنا قلبي شايل منه أوي، وفرحي كمان شهر وخايفة من بكرة .. إيه الحل .. هو إنسان كويس؛ بس أنا أتصدمت في تصرفه ده، ولا هل أنا اللي أستاهل على رأيه؛ لأني عليت صوتي. م . ن فضفضة الصراحة .. وجدت صعوبة في كتابة ما يريحك والنتيجة واضحة للجميع ولك أنت أيضا , أنت تسألين وفي الوقت نفسه تعرفين التصرف الطبيعي في مثل هذه النوعية من المشاكل , الإنفصال .. فما لرجل يطيل يده على إمرأة ويراهن على ضعفها جسمانيا على الأقل ويصبح رجلا , لابد ان تعلمي ان توصيل المعلومة من شخص لآخر في كل الأحوال لا تستدعي التعدي باليد ولا أحد يستخدم هذا السلوك إلا إذا كان يعاني من تراكمات نفسية لابد من علاجها , ولا أظنك ستتحملين أن تصبح وسيلة التفاهم بينك وبين زوجك هي الضرب والإهانة , وإن كان في بداية حياته معك يضربك ماذا سيفعل بعد عام من الزواج أو بعد مايرزقك الله بطفل .. سيقوم بطردك من بيتك ؟ .. أرى إستحالة في إستمرارك معه تحت أي ظرف حتى وأن كان يوم زفافك بعد يوم لا شهر .