أنا آسف لك ياإبني..قصيدة : باسم عبد الله

اني جيت لك المستشفي تعالجني
مكنتش أعرف إيه اللي صايبني
يا طبيب حقك عليه والله ما تعاتبني
أكيد بتقول أنا ذنبي إيه يعني
طبعا الذنب ذنبي ودا اللي بيوجعني
صعب عليا اني أشوفك وأنت هنا جنبي
الكلام ده نفسي أقوله لكني بخبي
بلاش تبكي ياطبيب هدعيلك في كربي
ربنا يسلم أمورك وتفوت دربي
في ناس كتير محتاجالك خليك معاه ياربي
أكيد كل البشر عرفت بقيمتك بعدماكنت مستخبي
اعمل حسابك المرة الجاية الوضع مش هيعدي
انا دمعتي عليك ياطبيب جارحة خدي
وأنتي ياصاحبة الزي الوردي
كتر خيرك والله اللي حصل ما بيدي
حاولي تخلي بالك اللي جاي صعب وهدي
خدي بالك واوعي تخليه عليكي يعدي
واللي يزورك مهما كان قوليله خليك بعيد يافندي
لازم نأمن نفسنا حتي ولو كنت والدي
كفايه ذميلاتي استهانوا والأمر مش فردي
أنا عندي بيت وعيال علشانهم نفسي أعدي
لازم أخد احتياطاتي ولايمكن للفيروس هتاطي
أكيد أنتي زعلانه مني
لكني مش عشانك راح أغني
واعمل زي اللي بيركبوا الموجه بفني
لكن ليكي انا بهني
راح أتعلم منك إني
احترم كل واحد في الاذمة دي شالني
وفي عز شدتي والله مابعني
وشوشهم مش كذابة وشغلهم فادني
لا عندهم شاشات ولأحد فيهم خاني
هما الملائكة في الأرض بزيهم الأبيض أسرني
هما جيوش العالم بعد اللي صابني
ياريت ماننساش نأمن نفسنا
قبل ما الوضع يبقي أكبر مننا
ياريت نوعي كل اهلنا
ان فيه ناس بتسهر لأجلنا
راتبهم يدوب بيمشيهم زينا
ياريت نراعيهم بعد ما المحنة تنزاح عننا
مش مباراة ولافيلم ولاأغنية داعمرنا
الناس دي تستحق مننا اهتمام لجل ربنا
سلام لكل من خفف آلامنا في حظرنا
سلام للطبيب والطبيبة والممرض والممرضة أختنا
سلام لكل واحد في الشدة طبطب علي جرحنا
يلا نرفع ايدينا كلنا
وندعي بقي ربنا
انه يزيح الغمة عننا
سلام. سلام. سلام.