(همسات الحب) وليد ... حدوتة مصرية نقشتك من حروف فضة علي روحي وعلي جبيني وانا في الفجر بتوضي يانور عيني يا وردة في وسط بساتيني سنين العمر من غيرك ما تتقضا بحبك بكل ما فيكي وببعت نسمة تهديكي مشاعري وكل احاسيسي وحبك هو تأسيسي ومهما كان جوابك ليا انا هرضي منا ناقشك علي روحي ياروح روحي بحروف فضة أحمد رامى حبيبتى كلمة اقولهالك و عارف انها قليلة وشايف فيكى احلامى بتتشاقى مع الغيرة بشوفك حاضنة افراحى و اشوفك شمس فى صباحى و برتاح لما بتكونى بساط افرد عليه همومى و رحلة تايهة فى عيونى و دمعه تداوى فى جراحى وليد ... حدوتة مصرية حبيبتي احنا روح واحدة واتقسمت علي شخصين هكونلك رمش يا حياتي وانتي العين وهحميكي وادوب فيكي ولا هسمح بأي احزان تبكيكي انا منك وانا ليكي يا ضي العين انا وانتي اكيد واحد ولا يمكن هنبقي اتنين أحمد رامى و برتاحلك و بفتحلك بيبان الشوق و ببنيلك قصور بين النجوم بتدور عشان لما تناديها تلاقيها فى ايدك طوق ولا يكونلك فى احلامك امل مكسور و اكونلك نور و اشيل عنك حروف الاهه من عمرك و اكون ضلك فتبقى فى ضلى محمية و تيجى تشوفى جوا القلب تلاقى ضلوعه مرويه و حبك بس راويها مخليها مروج خضرا و تنسى الدنيا والاقيكى على الشريان معدية و تبقى عايشة جوا القلب طول العمر و تلقى القصر مبنيلك و انا اشيلك و اعدى فوق جبال الحب بحرية وليد ... حدوتة مصرية جايلك وحاضن الحلم لعنيكي الجمال ياحبيبتي من النهاردة مافيش محال الشمس طلعت لاجل تمحي أي خوف ايدك في ايدي هتتكسر كل الظروف نفسي اشوف في عنيكي بس اربع حروف تتحس بحبك قد ما تحبي وزيدي الشوق بحبك لما تبقي الطوق وانا الغرقان بحبك ياقمر من فوق وانا العشقان انا الهيمان بحبك لما بتضمي كما امي في لحظة خوف بحبك لما تقوليها كدة بكسوف احبك في كل اوقات الخجل فانسي الشعر في عيونك وانسي الزجل واقول فيكي الف موال واحضن حلمي لاجل عيونك الجمال أحمد رامى زمان انا قلت ان القلب مش رايد يكون جواه حبيب تانى لقيته فى لحظة لما لقاكى ادامه ساب احزانى و زمانى و غاب و لقيته جاى فرحان و ناسى جراحه م الايام و جابك ليا سلمنى لعنيكى السود و خلانى معاكى اعود اتوه و انسى اللى فات من عمرى و ياكى و اقول انا بس بهواكى يا ريت ما نلاقى بينا حدود يرجعنى الزمان تانى و جوا عنيكى ارتاح لما القانى ما بين ايدك و بين قلبك حاضنانى كانى طفلك المولود وليد ... حدوتة مصرية حبيبتي شجرة عشق واصلة للسما العشق في قلبي نما وطرح محبة وطرح زهور انا قلبي قبلك كان لي بور كان ليل عما وصبح بحبك الف نور عديت بحور لاجل ادور عن وطن وانتي الوطن انا طير بيتمني السلامة لاجل يوصل شطك انتي ومن هنا ليوم القيامة هحبك انتي يا مديني ويامنايا يا احلي احلام الصبايا يا احلي قصة من البداية انا بوعدك بالجنة ولو اني في نار انا بوعدك بالشمس ولو اني بستني النهار في طلعتك في ابتسامتك وضحكتك انا طير بيمشي في سكتك وفي دنيتك انا نفسي ابقي في دنيتك وافرشلك الدنيا نهار ممنوع عليكي الانكسار وانما حبيبتي شجرة عشق طارحة ف السما أحمد رامى بحبك لما بسمعلك و احبك لما اشوف صورتى على قلبك بحبك وردة فى عيونى بزرعها و لما الاقيها عطشانه برويها بدمع العين فتتفتح و اشوف صورتك الاقى عيونى حاضناكى محاوطاكى بتبكى لجل ترويكى و لما النوم يجافيها اخاف اقفلها فتهرب منها الوانك و لما النوم بيغلبها فجأة الاقينى ادامك و الاقى الوردة بتفتحلى من تانى و اتوه ويا جمال الحلم فى عيونك و اخاف انى افوق م الحلم و تغيبى و لما اصحى الاقى انى بكون وياكى لسه بعيش و فجأة اعرف بان الحلم ده حلمك و انا فكره فى افكارك بنام و الحلم جوايا و اصحى طيف فى احلامك وليد... حدوتة مصرية يارب احميها وصونها مافيش غير حضنها داري ولا غيرها في افكاري ومشواري معاها بجد بحبك حب مش ممكن احبه لحد فشدي اللحن بأوتاري تعالي في قلبي واداري وعيشي في كل تفكيري وسامحيني في تقصيري بوصف مشاعري قدامك انا بخجل وسامحيني في تعبيري بأني فارس احلامك انا بسأل ياقمرة لية بتعلي لفوق ولية بتتقل قاتلني الشوق ومستني اكيد الحلم راح يكمل واجيلك بالحصان ابيض وهبقالك انا الخيال وانتي في قلبي يا اميرة ونبقي ف الهوا سيرة ولو نحكي عن الغيرة انا عايزك تكوني لي انا وحدي وطبعا راح اكون ليكي وعايزك غنوة علي عودي في كل حالاتي اغنيكي بموت فيكي ياكل شئ راسخ في دقة قلبي والنية يا اغنية ياريت تكونيلي وحديا وزي ما عشقي انا فيكي يكون عشقك كمان فيا أحمد رامى انتى عمر مينتهيش لو هعيش من غير هواكى يبقا قلبى ميساويش انتى ليل حاضن لياليا الجمال بحر شوق متوجدش فى الخيال انتى حاله م الفرح لما اشوفك روحى دايما تبتسم من غير سؤال انتى حال انتى عمر فات و جاى و انى ابعد لحظة عنك شئ محال و اللى بلقاه لما اشوف نور القمر و اعشق الصورة اللى اللى بتجمعنى بيكى لما شوفتك تحت حبات المطر بعشق اللمسة اللى بتنسينى نفسى و ابقا فاكر بعدها احلى قدر انى يوم قابلتك انتى و انى سميتك اميرتى و ان عمرى وهبته ليكى لما قلبى جالى و بحبك امر وليد ... حدوتة مصرية ساعات كتير بحس انك نفس طينتي فإزاي يعدي عليا حلم متكونش فيه البطلة انتي ازاي اسامح نفسي يوم لو قل بينا عشقنا وازاي اسامحك لو حلمتي بالأمير ومكونش انا ازاي اسامح قلبي لو هجرني يوم ومتكونيش انتي مديني سيبتلك قلبي امانة وقلبي ليكي بيؤتمن قربي واحياة هوانا خلي حضنك لي وطن انا قلبي قاسي من الزمن فياريت تضميني بحنان وتشجعي قلبي الجبان انة يبكي في حضن قلبك نفسي ابقا العمر جمبك وارسمك علي قلبي فرحة نفسي ادوق من جناين حبنا الطارحة سيبي روحي فيكي سارحة بس عفوا يا حياتي اوعي يوم تملي اهاتي او تكوني ف مرة جارحة أحمد رامى و سامع صوت بيهمسلى بيوصفلى حنين قلبك فى عز الليل و لما الفجر بيشقشق نور شوقك بيعلن انه ويايا اقوم اتوضا و اصلى و اشكر ربى ان القلب ده معايا و ادعيله و اتمنى و اقول فى الدعوه يا الله نفسى اخدك نفسى اهرب بيكى من الحياة وبهواكى اخطفك و احضن الايام معاكى و كل ايامى تهون ابقا انا و انتى باحلامنا البريئة فى جزيرة بعيدة عن كل العيون نفسى اشوف الضحكة منك متفارقش عمرنا و انسى بيكى اى فكره منلاقيش غير حبنا عارفة نفسى كمان فى ايه نفسى اشوفك جوا حلم حلمت بيه كنت فيه فارس و شايل فرحتك جاى اوصلهالك و اسرق دمعتك لما كانت نازله يوم ما الشجر كره الورق جددت فيه الحياة و ارتوى من لهفتك جمعت ورق الشجر خضرت كل الغصون و لقيتنى فجأة وسط اشواق جنتك طب هقولك انى مش عاوز هواكى بس عاوز كل اوقاتى معاكى تحضنينى و ان لمحتى مره اسمى فى عنيكى تحضنيه جوا رموشك تملكينى ابقا جنبك و ابقا منك تبقى من غير ما اعترفلك عارفة ان حياتى منك و انى عمرى ما سيبت صورتك من ايديا و ان صبرتى كمان شوية تسمعى صوتى بيهمسلك يقولك بحبك