السيسي للمصريين: «ما تتألموش.. ومش هنخبي عليكم حاجة»

قال الرئيس عبدالفتاح السيسي إنه «عندنا أكثر من 4500 قرية وفيه أكثر من توابع لها أكثر من 40 ألف تابع على خريطة مصر، قد إيه منهم معمول فيه صرف صحي 10% ولا20%؟»
وأضاف السيسي، في كلمة وجّهها إلى الأمة، ظهر السبت، أن «الصرف الصحي معمول ل20%، وغحنا بنتكلم في المليارات وإذا موجودة هنعمله، وهفكركم الموازنة 4 أقسام قسم منه الربع، عجز، وأنا مابنساش، والربع الثاني خدمة الدين لكن الدين بيزيد، وربع للدعم، وكلمتكم عن موضوع الدعم، وخففنا خمسه، وعمل الآثار اللي بنتكلم فيها، وفيه ناس مساكين كتير ولازم نخلي بالنا من ده، بس بقوله عشان نفتكر مع بعض».
وأوضح: «المتبقي مش كتتير عشان نخش على مرفق، وبنتحرك للاستثمار وفي كل اتجاه عشان نعظم الموارد اللي بتيجي في مصر، وكنت بتكلم مع وزير التربية والتعليم وكان المخطط نعمل 100 أو 150 مدرسة كل سنة، ونجحنا نعمل 1150 مدرسة في السنة دي، رجال العمال دفعت، والأشقاء ساعدونا وكلمني في إن 51 ألف مدرس عايزنهم طيب ما نعينهم، هنجيب المرتبات منين، واحد يقول الكلام مايتقالش، لأ الكلام ده يتقال».
وتابع: «عاوز أقولكم أرجو إنكم ماتتألموش من ده، ولازم ننتصر في معركتنا ولازم ناخد مصر في المكان اللائق بيها، لو كلنا مع بعض اشتغلنا على ده، وقلنا إننا نقبل التحدي ونصبر عليه، نستطيع نعمل المستحيل، وكان لازم أقول لكم الكلمتين دول، بغض النظر إننا هنعمل إيه مع.. فيه لجنة متشكلة وأساتذة من الجامعة مع الوضع في الاعتبار إننا كنا مشكلين لجنة من كل التخصصات من أساتذة الجامعة والقوات المسلحة والهيئة الهندسية عشان نعمل مراجعة لكل محطاتنا ونساعد بعض، وعشان نعرف الأسباب الحقيقية للأزمة دي ومش هنخبي عليكم حاجة والفني اللي بيقول فيه مناورة وتحصل أزمة، فهنقول بمنتهى الشفافية».
اشترك الآن لتصلك أهم الأخبار لحظة بلحظة