الرجل تدب

سبحان الله على ده شعب
من اللي شوفته منه جالي ورم في القلب
جالي صداع في النافوخ
كأني وقعتلي في حفرة أو كلت مطب
شعب مش معروف عنه هو فرحان ولا..
زعلان ولا .. مخنوق ولا .. مزنوق ولا..
جعان ولا .. الرجل بتدب مترح ما تحب
النهاردة تلاقيه بيلعن العيشة
والمواصلات والعيش والشيشة
والأكل والشرب نايم على الحشيشة
وبعد كاس الأمم كله أتنسى
ماهي الرجل تدب مترح ما تحب
شعب زعلان من نفسه وزعلان على حاله
وعلى كرامته اللي موجوعة
وعلى فلوسه اللي مسروقة
وأرضه اللي محروقة
وعند أول فرصة كله بيكون ليه في النهب
لأن الرجل تدب مترح ما تحب
شعب فكاهي .. عايش خرافي
تاريخه قصاده .. ماضيه هو لسانه
لكن .. لا في مستقبل
والغريب إنه الكل بيقبل
وفرحان بحضارة وأعظم فنارة
و إنتخابات مجالس
ده رمز الفرخة و ده رمز الكلب
فالحين تريقة
على ده و ده و ده و ده
فاكرينهم بيحوبنا و ده طبعاً لأ
معقول حد يحب حد كلامه مدب
أصل الرجل تدب مترح ما تحب
في كل حاجة نهيبة
في العمرة والحج
والبنى والرصف
والمجاري والمية والحل والربط
علشان إحنا عباقرة
رجلنا بتدب مترح ما تحب
بقلم م / مصطفى الطبجي
mostafaeltobgy@hotmail.com