لمبة جاز

الباب بيخبط.. شوف مين يا حسين.. مين؟ المحصل.. محصل الكهربا خير يا بتاع انت؟ الفاتورة، متين جنيه وسبعتاشر قرش وتلاته مليم.. وده من إيه؟.. خلص يامواطن هتدفع ولاّ نشيل العداد..! ده إن كان فيه عداد.. اتفضل شرّف عندنا، فضلة خيرك شاى إنتاج كانون أمي، وميه ساقعة صُنع في زيري، وصالون كُلّشن كان منور بلمبة جاز.. يعني إيه يامواطن.. الحدق يفهم.. يعني إيه كمان.. يعني ماعندناش كهربا، انكشح جاتك سلك كهربا مكشوف يمسكك.