اللمبة حياة الروح

المغْنى واللمبة ، الاتنين نفس المعزة ، حياة وروح وإن زادت غلاوة الكهربا حبتين تلاتة ، تخيل حياتك من غير كهربا أو لمبة ، طبعا ضلمة وعذاب وهلاك وعكننة بره البيت وجوه البيت خصوصا جوه البيت ، مفيش كهربا وارد جدا إنك تصور "قتيل" من خنقة أم العيال وصداع العيال وحاجات ومحتاجات العيال ، فيه كهربا الحياة وردي ، بمبي تكييف وهوا ومية ساقعة ولطافة من أم العيال ، وبناء عليه حكومتنا الرشيدة مزنوقة ف إحداشر مليار جنيه فاتورة وقود لمواجة ضلمة الصيف ، على أدك حاول تساعد إنشالله بجنيه على حساب 6 تُمنمية ستاشر واحد ، بنك الصدقة ، صندوق تكافل وإعانة الحكومة ، وهنيالك يا فاعل الخير .