ميه ساقعة «صٌنع في زيري»

الباب بيخبط .. شوف مين يا حسين .. ميييين ؟ المحصل .. محصل الكهربا .. خير يا بتاع انت ؟ الفاتورة .. متين جنيه وسبعتاشر قرش وتلاتة مليم .. وده من إيه ؟ .. خَلص يا مواطن ، هتدفع ولا نشيل العداد ..! .. ده إن كان فيه عداد .. اتفضل شرّف عندنا ، فضلة خيرك شاى إنتاج كانون أمي ، وميه ساقعة صُنع في زيري ، وصالون كلشن كان منور بلمبة جاز .. يعني إيه يا مواطن .. ؟ .. الحدق يفهم .. وَضّح يا مواطن ؟ .. مش محتاج شرح ، مش محتاجه توضيخ ، باختصار يا سيد غباوة ماعندناش كهربا ، انكشح ، جاتك سلك عريان يمسكك .