«محتاج الكهربا عشان» هاشتاج على «تويتر».. أحمد: «عايز ادعى للسيسي».. أشرف: «أنا والشيطان بنعمل شغل جامد في الضلمة».. محمد: «أشوف جمالها».. نهى: «أهوف الشمعة».. أمال:«أشوف ابني كبر قد أية»

دشن مستخدمو موقع «تويتر»، اليوم الإثنين، هاشتاج: «محتاج الكهربا عشان»، للسخرية من التكرار المستمر لانقطاع التيار الكهربائي.
وجاءات أبرز التعليقات كالتالي:
أحمد محمود: «محتاج الكهربا عشان ادعى للسيسي».
حضرة الظايط أشرف: «محتاج الكهربا عشان أعملك فولو بااك»
بوس بوس: «محتاج الكهربا عشان مانبقاش زى سوريا والعراق !!».
ميدو: «محتاج الكهربا عشان اشرب ماية ساقعة، اقعد في النور أشوف الأخبار، انتوا بتتكلموا فس أية ياجماعة».
حبشتكنات: «محتاج الكهربا عشان الراوتر وشحن الموبايل واللاب توب ولو في ماتش في التليفزيون».
سامى يوسف: «محتاج الكهربا عشان المصريين صعبانين عليا».
محمد حسن: «محتاج الكهربا عشان مش محتاجة لسؤال..!».
الظايط أشرف: «محتاج الكهربا عشان أنا والشيطان بنعمل شغل جامد في الضلمة فبلاش».
محمد 1003: «محتاج الكهربا عشان أشوف جمالها!».
أحمد حنفى: «محتاج الكهربا عشان أعرف اكتب في الهاشتاج ده!».
شيكامارا هانم: «محتاج الكهربا عشان مش عاوز اتفرج ع التليفزيون في الضلمة».
عمار: «محتاج الكهربا عشان أحسن أني ابن ناس في أم البلد الفقر دي».
طارق: «محتاج الكهربا عشان اشحن الموبيل وأشغل المروحة حتى مش لازم تكييف».
منال: «محتاج الكهربا عشان مش كل شوية وأنا رايحة الحمام صباع رجلي الصغير يتخبط في كرسي السفرة».
مبطل مفعول قنابل: «محتاج الكهربا عشان ماشوفش ماتش "مصر × تونس" بعد بُكرة ودمى يتحرق».
أمال عمر: «محتاج الكهربا عشان عايزة اشوف ابني كبر قد أيه».
أحمد فرانكو: «محتاج الكهربا عشان زهقت من كتر ما بتقلب على السلم!».
كتكوته: «محتاج الكهربا عشان أنا مصرية ومصر أول نور في الدنيا شق ظلام الليل وقوم يا مينا من قبرك ولع شمعة نورها مستنيك».
غزال: «محتاج الكهربا عشان الجيران عندهم راوتر بأخد منهم wi-fi».
إيهاب الحداد: «محتاج الكهربا عشان مصر مش محتاجه رئيس مصر محتاجه كهربائى شاطر».
نهى: «محتاج الكهربا عشان أهوف الشمعة».