"محتاج_الكهربا" هاشتاج يسخر من أزمة انقطاع التيار

دشن مستخدمو موقع التواصل الاجتماعي "تويتر" هاشتاج جديد يحمل عنوان #محتاج_الكهربا_عشان"، لرصد أهم الاحتياجات المرتبطة بتوافر الكهرباء.
وقد لقى الهاشتاج تفاعلاً كبيرًا من جانب النشطاء حتى أصبح واحدا من الأكثر تداولا على "تويتر"، وكانت التعليقات متباينة ما بين انطباعات جادة وتعليقات ساخرة.
وكتب أحمد ميجا: "#محتاج_الكهربا_عشان اشحن الموبيل.. اتفرج على الزمالك..بس كده" وأضاف محمد عبدالوهاب:" اطلع وانزل ف الاسانسير بدل مارجلي تتكسر من السلم :/ #محتاج_الكهربا_عشان".
وعلقت ياسمين 555:" #محتاج_الكهربا_عشان المية تسقع يعنى ولا كهرباء ولا ماية ساقعة" وأضافت مريم أيمن:" #محتاج_الكهربا_عشان دي حقي في البلد دي!!".
وغرد أحمد عبد الصبور:" محتاج_الكهربا_عشان اقدر اشوف شكلي الواحد نسي شكلة من كتر ما النور بيقطع"، وأضافت ميادة علاء:" #محتاج_الكهربا_عشان يعني بيقوله علينا بني ادمين و عايشين عيشة بني ادمين فطبيعي نكون عايزين كهربا عشان احنا بني ادمين".
وسخر إبراهيم موافي:" #محتاج_الكهربا_عشان عشان اغيظ اصحابى اللى الكهرباء لسه قاطعة عندهم 3:) :D" وقالت رؤى علاء:" #محتاج_الكهربا_عشان الطبيعي ان يبقى في كهربا احنا مش في الخمسينات هنعيش بالشمع".
وغردت ماهي شريف:" #محتاج_الكهربا_عشان يعني علشان نفسي اجرب احس باحساس الناس في المستقبل في العصور الحديثة.. وعلشان ساعات ببقى عايزة اعيش في رفاهية زيادة".
وسخرت عبير علاء الدين من الهاشتاج قائلة:" #محتاج_الكهربا_عشان !..لا أبداً مالهاش لزمة خالص الصراحة" وأضاف محمد وجيه:" #محتاج_الكهربا_عشان اشرب مياه ساقعة والا مش حقنا في الجو النار ده".