نشطاء ساخرون من عدم اعلان " السيسي " برنامجه : " ليه نولد الكهربا لما هي ممكن تولد لوحدها " .. " نستورد 10 آلاف كيلو متر حبل غسيل لنشر التعليم "

"قدم " حلول_ كأنك _ السيسي " ، هاشتاج أطلقه النشطاء للتعليق على عدم اعلان المرشح الرئاسي "عبد الفتاح السيسي" برنامجه الانتخابي حتى الان ، موضحاً انه لا يمتلك برنامج ، بل يتملك حلولاً للمشاكل التى تواجهها البلاد ، " صوت الامة " تستعرض خلال السطور القادمة أهم التعليقات الساخرة التى تداولها النشطاء عبر الهاشتاج .
الكهرباء.. " ليه نولدها لما هي ممكن تولد لوحدها " .
كانت مشكلة الكهرباء ، أول مشكلة تناولها النشطاء بالسخرية ، حيث قال ناشط : " ممكن بدل ما نولد الكهربا نسيبها تولد لوحدها وبكده حنوفر أجرة المستشفى عشان مصر " ، " احنا نعمل مبولة كبيرة للشعب ونجيب 20 جهاز فلتر نعقم المية دية " ،ونعمل منها شلالات ونحل مشكلة سد النهضة ونولد الكهربا " ، وقال اخر : " مشكلة سد النهضة هنحلها بإننا هنوفر عربيات للشباب يروحوا يملوا مية من أثيوبيا و ييجوا " ، كما قال ناشط أخر : " هنحل مشكلة انقطاع الكهربا بأننا نقنع الشمس تأجل الصيف شهرين وبكدة نوفر 11 مليون ميجا وات نشتري بيهم كفتة لعلاج الإيدز" .
ولحل أزمة الاسكان ، قال ناشط اخر : " كل المصريين يسافروا بره بس يطفوا النور قبل ما يمشوا وكده نبقي حلينا ازمتين في أزمة وده قمة الاعجاز العلمى " ، وقال اخر : " الستات في البيوت لهم دور بدال ما تولعي النور ولعي فجوزك ووفري عشان ماسر " .
مشكلة التعليم .. " استيراد 10 آلاف كيلو متر حبل غسيل لنشر التعليم "
وعن مشكلة التعليم ، قالوا : " ايه يعني لما الطلاب يوفروا و يمتحنوا كلهم في ورقه واحدة عشان نوفرالورق لمصر" ، وقال ناشط أخر " قررنا استيراد 10 آلاف كيلو متر حبل غسيل لنشر التعليم في كل أنحاء الجمهورية " .
البطالة والاقتصاد.. " نوفر فلوس الجواز لمصر "
ولحل مشكلة البطالة ، قال أحدهم : " عارفين العربية باربع عجلات لو استغنينا عن العجلات وشغلنا مكانهم اربع تنفار يشيلوا العربية نوفر بنزين ونشغل كم عاطل" ، كما قال ناشط أخر : " بدل ماتتجوز وبعد كدا تطلق ، الاحسن ماتتجوزش ووفر فلوس الجواز والطلاق كله علشانك يامصر" ، كما قال ناشط اخر : " نقسم الرغيف خمس تربع ، كل الربع الخامس ووفر الباقي عشان عايزين نقفز،مش كده ولا إيه" ، وقال ناشط أخر : " لما تشرب شاي فتلة ما ترميش الفتلة ، انشرها وسيبها تنشف واستعملها تاني ، لازم نستحمل عشان مصر" .