شعر بالعامية

مصر جاية..!

بكرة حلو ومصر جاية بس لو نصبر شوية بس لو نعشق بلدنا نبقي قد المسئولية
مصر تستاهل تكون
أحلي ما في الدنيا ديا
مصر حلوة بيك وبيا
مصر حلوة جاية جاية
........................
حبة ثقة وحبة أمل
من قبل ده كله العمل
مش بالكلام ولا بالخطابة
ولا منظرة ف حبة جمل
لما نشقي أكيد هييجي
خير أكيد مش محتمل
.........................
بكرة هيطبطب علينا
يمسح الدمعة ف عنينا
وبإيماننا وبعملنا
يتولد أجمل ما فينا
بكرة نجني لما نزرع
أحلي أحلامنا بأيدينا
......................
بكرة حلو أكيد عشان
لما كنا في الميدان
قسمنا اللقمة ما بينا
وقسمنا الأحلام
كمان بكرة نرجع صحبة حلوة
زي ما كنا زماااااااان
......................
وعمره ما هيروح هدر
دم الشهيد ولا من صبر
مصر جاية بتوب جديد
وفي النهاية هتنتصر
بكرة حلو أكيد هييجي
بكرة جاي علشاااااااااان قدر
مني حسين الأقصر