تراث

اختيار: بهاء جاهين
طوائف الشعب المصري.. في أغاني سيد درويش وبديع خيري الشيالين
شد الحزام علي وسطك غيره ما يفيدك
لابد عن يوم برضه ويعدلها سيدك
ان كل شيل الحمول علي ظهرك بيكيدك
أهون عليكم يا حر من مدة إيدك
ما تيلا للا بينا أنت واياه
ونستعان ع الشقا بالله
واهو اللي في القسمة طلناه
واللي ما فيش ان شاللا ما جاه
مادام بتلقي عيش وغموس
يهمك إيه تفضل موحوس
ما تحط رأسك بين الروس
لا تقولي خيار ولا فاقوس
نهايته ياللابنا أهو الاكسبريس بقي ع الرصيف
وادحنا بقي لنا كام يوم ما عملناش بحق رغيف
كل المحطات قبلي وبحري بقت لام ألف
والسكة انقطعت م الهيصة يا لطيف يا لطيف
ما قطعوا لنا التليفونات
وعطلوا التلغرافات
عمركش سمعت الدلنجات
بيسافروا ليها ببزابورطات
غلب حمار اللي له حمار
يحملوه لك ست أنفار
واهو السفر في الأيام دي
صار عالبهايم ليل ونهار
النساء المصريات
دا يقف مين اللي يألس
علي بنت مصر بأنهي وش
النبي يجري ويتليس
ما طلع كلامه طظ فش
إنه إنه هي هي هي
شغل البكش ده يا أختي
ما بقاش ينفعنا دلوقتي
دي المصرية كتر خيرها
في التربية سبقت غيرها
يا سيدي انت
البنت تفضل محجوزة
قال جوا بيتها يكون أظبط
لحد ما تبقي عروسة
بدال ما تفضل تتنطط
العف العفو يا سلام
ما هش بجوة ولا برة
يا سلام يا أخونا دي العبرة
عمر العرة ما تبقي حرة
عمر الحرة ما تبقي عرة
يا سيدي أنت
بردون يا فندي بالزمة
إيه بس عيب المصرية
الدنيا داقت بيك لما
ما تاخدشي غير أفرنجية
إفهم واعقل يا أهبل
ما تخلي زيتنا في دقيقنا
يا أهبل ليه غيرنا يفرقنا
الأفرنجية عينها لقرشك
دي المصرية تبيض وشك
يا سيدي أنت
كشكش:
خليها دي حلجة في ودنك
من جبل ما تجري الفاتحة
أول كلام تجوليه لابنك
وطنك ما فيش زيه دحه
م النيل امبوه حبوه
من بابا وماما والسكر
حبه يا نونو بالأكتر
أوعي تنسي فرض الأمة
منه التسه ومنه المما
يا جدع إنت