«فتح_المساجد_والكنائس_للمشردين_في_البرد» حملة لإنقاذ المشردين من البرد.. نشوى: ربنا أولى بعباده وهو بهم رحيم.. غادة: على الأقل يتقفل عليهم باب..بلاك بوي:عجز الساسة عن دورهم لن يمنع إنسانيتنا

دشن نشطاء مواقع التواصل الاجتماعي حملة "فتح_المساجد_والكنائس_للمشردين_في_البرد"، ولاقت هذه الحملة استحسان الجميع، وساهم عدد من النشطاء في تقديم مقترحات ما بين فتح مراكز الشباب وتصليح المساجد لتناسب من يختبئ فيها من البرد القارس، فيما أكد البعض أن الفكرة صعبة من الناحية الأمنية خاصة في ظل الظروف غير المستقرة التي تمر بها مصر.
mustafa_yousry: #حملة_فتح_المساجد_والكنائس_للمشردين_في_البرد وكمان مراكز الشباب وقصور الثقافة كل ده أماكن تحمي الفقراء من البرد افتحوها بدل ما هي مقفولة.
ABDOELZHDANY: حملة_فتح_المساجد_والكنائس_للمشردين_في_البرد افتحوا بيوت الله أمام خلق الله.
Super Remozvić: فكرة هايلة بس صعبة تتنفذ لأن الوضع الأمنى صعب جدا.. محدش هيوافق للأسف!
الأخ الكبير: ويا ريت أصحاب العمارات _على الأقل اللى فيها بوابين_ يفتحوا أبوابها ويرحموهم من البرد.
طلعت: المفروض ده دورها في وقت زي ده #حملة_فتح_المساجد_والكنائس_للمشردين_في_البرد
s.a.m.a.7: ودى محتاجة حملة يا جدعان افتحوها للناس يا بشر.
nashwa moahmed : #حملة_فتح_المساجد_والكنائس_للمشردين_في_البرد.. ربنا أولى بعباده وهو بهم رحيم فما بالك لو وجدوا في بيته. افتحوا بيوت ربنا لعباد ربنا.
MoFlyingDonkey: وكمان مطلوب وقف بناء المساجد/الكنائس وصرف أموالها للفقراء حتى لا يكون هناك مشردون
مهاب الجوادى: افتحوا بيوت ربنا اللي قافلها أمن الدولة ومن بعده الأمن الوطني.
Ghada: #حملة_فتح_المساجد_والكنائس_للمشردين_في_البرد على الأقل يتقفل عليهم باب.
Quokka: #حملة_فتح_المساجد_والكنائس_للمشردين_في_البرد من فرج عن مسلم كربة فرج الله عنه كربة من كرب يوم القيامة
BLACKBOY: إن عجز الساسة عن دورهم، فلن تعجز إنسانيتنا في مساعدتهم.
Moحeb Emad: #حملة_فتح_المساجد_والكنائس_للمشردين_في_البرد اعملوا حاااااجة واحدة صح أو ليها علاقة بالإنسانية!
Sameh Hussein: اللهم انزل دفئك ورحمتك على فقير يرتجف لا مأوي له في هذا البرد وأجعل أفئدة عبادك لا تتجاهلهم.
المصراوية: #حملة_فتح_المساجد_والكنائس_للمشردين_في_البرد علشان كل أمنيتهم مكان يبعد عنهم رصاص الثلج والشتاء مش الهوت تشوكليت.
amany belal: المطر مش بيقف والشوارع غرقانة.. لو بيوت الله متبقاش لإغاثة الملهوف يبقى من هيغيثهم.
Amani Fikri: لا تغلقوا بيوت الله في وجه المساكين.
Salamonty: الفلوس اللي جمعتوها مننا لشراء تكييفات مش لحر الصيف وبس، احموا مشردين الشوارع من البرد القارس #حملة_فتح_المساجد_والكنائس_للمشردين_في_البرد
طابوررر خامس: ع الله الداخلية ماتروحش تضربهم وتطلعهم من المساجد والكنايس بتهمه اختراق قانون التظاهر.
خدلك مبدأ: ياريت يعلن عنها ونبدأ المساعدات بتزويد المساجد بالبطاطين وتصليح شبابيك دور العبادة.
Noura Almohmmdi ツ: من المفترض تطبيقها على وجه السرعة وممارسة العبادات لو تعذر في البيوت من آجل إنقاذ البشرية.