سلسبيل مهدي تكتب: «بحب منير»

يا طير يا طاير روح سلم عالحبيب الأسمراني
وهات سلاماته بشاير واه من حبه اللي نداني
روح قله أن طعم البيوت من غيره ماسخ
وفي غيابك حلف نعناع الجنينه مهو طارح
وشجر الليمون غصنه مهو سارح
اشكيك لمين يا أسمراني
بحر الحياه غدر بيا ورماني
وكنت أنت الشيء اللي من بعيد نداني
لما كنت بالمريه الكحلي
وفي عشق البنات تندهلي
وفي صوتك تشعرلي
وفاحمر شفايف تغازلني
وتهون عليا الليل
والقلب من حبك مافيهوش حيل
ومن غير كسوف تقولي انتي السبب
وتقسي قلبك عليا ويكون زي الحطب
ومش عارفه اخلي من حبك قلبي اللي كان هادي
وبسببك انا عايزه قلب فاضي
ومن برا الشبابيك تندهلي
وبعدما صوتك في قلبي حفر
وعلي اوتاره تقولي
يا حلم نفسي تحلمه كل القلوب
يا أعلي أحساس شدني خلاني ادوب
خلاني أحس إني بشر
وعشقت بسببك البحر
وعليت صوتي بالغنا
وعشت أيام حزن واه وأيام فرح وهنا
وكبر صوتك في قلوبنا الحية
لغاية مابقي قلبي قد المساكن الشعبية
وحبي ليك مبقاش له مثيل
وقررت اقول المستحيل
وأعلن حبي ليك يا منير
ايوا سلسبيل بتحب منير.