روح السوق اعمل«لايك» وامشى

أثارت تصريحات الرئيس مرسي بتحسن الأسعار،مستشهدا بسعر المانجو، ردود فعل واسعة عبر فيس بوك، وتويتر وكان رد الشباب أن كيلو الطماطم وصل ل 8 جنيهات والخيار 5 جنيهات وهو ما يعني أن المواطن سيختار بين السلطة ووجبة الغذاء، كما سخر الشباب من ارتفاع الأسعار والضرائب المفروضة علي مكالمات الهاتف المحمول.. فماذا قالوا؟
هدير حمدى: لما كرتونة البيض توصل 26 جنيهاً؟ يبقى السبب حاجة من الاتنين.... يا الفرخة باضت فى مستشفى خاص! يا الديك متخرج من مدرسة لغات.
مسعد نور: فى ظل غلاء الأسعار... بقينا نروح السوق نعمل «لايك» ونرجع تانى.
علاء طه: وأنت بتشحن؟ سوف تصلك رسالة.. شكرا للشحن.... تم خصم 9جنيهات خدمة سلفنى شكرا... تم خصم 51 قرشاً ضريبة... تم خصم 50 قرشاً غلاسة؟ ماتخدوا الموبايل رهن بالمرة.
فاطمة وليد: الناس زعلانة ليه إن الأسعار غالية...... انتوا لو قارنتوا أسعار السنة دى بأسعار السنة اللى فاتت.. هتلاقوها أقل من أسعار السنة اللى جاية.
إيمان محمد: كيلو الطماطم ب8 جنيهات، وكيلو الخيار ب 6 جنيهات....... يعنى لو عملت سلطة مش هلاقى اتغدى؟
فتحى محمد: لازم الخروف يحمد ربنا بيقول بس ماااء..... إحنا بنقول: مااااء غذااااء كهربااااء دواااء غلااااااء.!