حديث المدينة

مفيد فوزى : الناس وصراخ الافواه والدولة والعلم والفاكهة والحرارة والعنب العنب فى حديث المدينة
فاصل
مواطنة : محدش بيطبخ دلوقتى علشان اللحمة وعلشان القوطة .. عندنا مشاكل فى الانتاج وعندنا حجم الطلب زاد قوى
مواطنة : كل المسئولين الكبار مش حاسيين بينا كل حاجة بتيجى لغاية عندهم
مواطن : الزرع ده المية لما عليت الميع هى اللى عملت ارتفاع الاسعار ده كله كان فى تغيرات فى المناخ كبيرة جدا وبيتأثر
مواطن : ما بتجبهاش ليه قولى ما بتجبهاش ادينى فرصة فى الكلام
مفيد فوزى : حضرتك بتشترى بامية بتشتريها بكام
مواطنة : والله بخمسة جنيه
مفيد فوزى : قبل كدة كانت بكام ؟
مواطنة : كانت رخيصة كانت ب 4 وب4 وبكده
مفيد فوزى : وايه اللى غلاها؟
مواطنة : غلا الدنيا القوطة بقت ب 10 جنية وب 12 جنيه
مفيد فوزى : ايه اللى غلى البامية؟
مواطنة : علشان خفيفة وشحيحة
مفيد فوزى : عشان شحيحة
مواطنة : اه بتيجى بقى اخر السنة وتخس اول السنة بتبقى كثيرة لكن اخر السنة بقى بتبقى خفيفة
مفيد فوزى : هى دلوقتى بكام ؟
مواطنة : دلوقتى ب 5
مفيد فوزى : بخمسة جنية واول السنة بتبقى بكام؟
مواطنة : بتبقى ب 3 و 2 ونص وكده
مفيد فوزى : الدنيا بقت غلا؟
مواطن : اظن واضحة جدا
مفيد فوزى : واضحة هه
مواطن : واضحة
مفيد فوزى : انا اسف للسؤال سؤال غريب شوية مش كده
مواطن : مش غريب ولا حاجة
مفيد فوزى : تفتكر ايه سبب الغلا؟ هل المرتبات ؟ثباته والا ايه بالضبط؟
مواطن : الجشع
مفيد فوزى : الجشع !! معنديش غير السؤال ثانى انا جيت المحل علشان اقابل الراجل واشوف العملية ايه الراجل طبعا هرب مش عاوز يخش فى المناقشة علشان ال 65 جنية وال70 جنية واهو كاتب اهو هنا لحمه كندوز ب 28 كبده كندوز كلاوى كلام بفتيك كلام ماهو الراجل مش عاوز يقابلنى مش عاوز يتكلم معايا وهسيب له المحل
مواطنة : مفيش رقابة عليهم
مفيد فوزى : وهو الرقابة ايه يعنى مفتش الاسعار؟
مواطنة : يبقى فى حد يتابع يشوف الاسعار ايه لان هما بيزودوا من عندهم
مفيد فوزى : د. ابوشادى حضرتك الان تمثل الدولة فيما يتعلق بموضوع الاسعار الناس اللى قابتلهم وصل الامر فى كلامهم الى الفيضان العاطفى زى ما انا باسميه فين الحكومة فين ضبط الاسعار فين فين فين ؟ اى انها عملية استغاثة بالدولة لانهم حاسين ان هما فى مهب الريح واما فك تمساح ضخم اسمه الوسطاء التجار خلينا ناخذ المسائل خطوة خطوة الاسعار فى مصر مرتبطة بايه ؟
د. محمد ابوشادى : مرتبطة بحركة الانتاج
مفيد فوزى : الاسعار؟
د. محمد ابوشادى : ايوا ودى قاعدة اقتصادية من المسلمات الاقتصادية زاد العرض قلت الاسعار اللى حاصل كمان مرتبط ايضا بالاسعار فى الاسواق العالمية احنا عارفين الاسعار فى التسعيرة العالمية بترتفع نتيجة عوامل كثيرة ظروف مناخية مواتية على العالم كله واحنا جزء منه لها ايضا الطاقة الحيوية الجديدة اللى بينتجوها على حساب غذاء الانسان زى النهاردة قصب السكر زى الذرة زى الارز زى محاصيل كثيرة جدا بدأوا يستخدموها فى توليد طاقة آمنة جديدة علشان يتغلبوا على نقص الطاقة الطبيعية زى النترون وخلافه
مفيد فوزى : هل ارضنا الزراعية لا تلبى احتياجات الناس والافواه؟
د. محمد ابوشادى : انا هقول لسيادتك انا كنت فى مامورية وظيفية من 10 ايام فى الاسكندرية وانا راجع بصيت من القطار من اول طنطا الى بنها الى القاهرة الى المنوفية هالنى ما رايته من نافذة القطار وهى ان الارض الزراعية اتبنى عليها كم رهيب من المبانى مش بس مبانى سكنية انما مبانى ايضا صناعية مخازن مصانع وفى الوقت اللى احنا التعداد السكانى بيزيد جدا فاحنا رايحين نعمر الصحراء وارضنا الزراعية بيبنى عليها كان من حوالى شهرين كنا مع المهندس رشيد فى طنطا علشان ننفذ مشروع تنمية التجارة الداخلية وتطوير الاسواق السيد المحافظ بيشتكى ان متر الارض وصل فى مدينة طنطا 40 الف جنيه لان طنطا ملهاش ظهير صحراوى الناس بنت على الارض الزراعية وصبح اغلى شئ هناك هو الارض
مفيد فوزى : افهم من كدة ان الرقعة الزراعية فى مصر بتقل
د. محمد ابوشادى : بتقل طبعا
د. محمد ابوشادى : فى الوقت اللى فيه احنا عندنا اعلى معدل لزيادة السكان ولذلك اتجهنا الى الصحراء ولذلك بقى الطريق مصر- اسكندرية الصحراوى كله مزارع ومش مكفى
مفيد فوزى : هل الناس فهمة كدة؟
د. محمد ابوشادى : ماهوالمفروض الناس تهم كده دى قضية مجتمعية بتاعتنا كلنا مش قضية حد بعينه مش قضية الحكومة لوحدها دى قضيتنا كلنا لان هى مين الحكومة ماهى مجموعة اشخاص بيديروا بلادهم اللى هما احنا انا وسياتك وغيرنا المفروض كنا نكون معنيين بالشان العام ومدركين للشان العام
مفيد فوزى : هل الفول المدمس فى مصر انتاجنا كله
د. محمد ابوشادى : لأ احنا بنستورد حوالى 80% من احتياجاتنا
مفيد فوزى : قول يا افندم تانى الرقم
د. محمد ابوشادى : 80% من احتياجاتنا
مفيد فوزى : من الفول المدمس ؟
د. محمد ابوشادى : ايوا
مفيد فوزى : اللى هو الغذاء الرئيسى؟
د. محمد ابوشادى : الغذاء الرئيسى للمواطن
مفيد فوزى : ايه تانى يا افندم بنستورده؟
د. محمد ابوشادى : بنستورد الزيوت انتاجنا فى الزيوت ما بيكفيش بنستورد القمح انتاجنا من القمح ما بيكفيش بنستورد حاجات كثير الحقيقة
مفيد فوزى : هى مش دى دولة الفول المدمس؟
د. محمد ابوشادى : بنستورد العدس
مفيد فوزى : بنستورد العدس بنستورد الزيت كل ده استيراد؟
د. محمد ابوشادى : بنستورد مسلى صناعى وزبدة طبيعية
مفيد فوزى : كل ده استيراد
د. محمد ابوشادى : استيراد
مفيد فوزى : امال احنا بنعمل ايه ؟
د. محمد ابوشادى : لأ هو فى سلع اخرى احنا بننتجها ده بالاضافة زى ما قلت لسيادتك احنا جورنا على الارض الزراعية احنا كمان زدنا كثير
مفيد فوزى : ايوا يعنى هو حدث فى مصر الاتى عشان الناس تبقى فاهمة ماهوالناس احيانا تصرخ بلا فهم
د. محمد ابوشادى : بالضبط
مفيد فوزى : وربما يكون حاجة الافواه ضاغطة
د. محمد ابوشادى : ضاغطة بالضبط
مفيد فوزى : صحيح انت معايا فى كدة يعنى
د. محمد ابوشادى : ده واحنا مدركين هذا
مفيد فوزى : مدركين هذا يعنى اللى عايز يرجع بيته لعياله عاوز يعمل طبق سلطة يعنى كان زمان د. احمد شفيق الله يرحمه كان يقول ان طبق السلطة يغنى عن بلاوى كثيرة قد تحصل فى حياة الشعب المصرى من الامراض الناس فى مصر يا افندم معندهاش فكرة السلطة الخضراء لان النهاردة لما تدور على الخيار والقوطة وما يلقهاش يتجنن فيمسك رقبة الحكومة
د. محمد ابوشادى : اكيد لكن الناس لازم تفهم حقيقة ان احنا بنزداد وبننقص فى الرقعة الزراعية وبنبنى على الرقعة الزراعية
د. محمد ابوشادى : ده بالضبط ده بالضبط
مفيد فوزى : وكمان بنستورد
د. محمد ابوشادى : ماهو لازم نستورد
مفيد فوزى : ولو ما استوردناش نموت من الجوع انت ليه بتقولها بشكل مهذب نجوع بتقول نجوع انا قلت نموت من الجوع انت قلت نجوع
د. محمد ابوشادى : مش هنجوع لان عندنا جزء من انتاجنا وعندنا بدائل
مفيد فوزى : الله يعنى الجزء ده 80%؟
د. محمد ابوشادى : 80% استيراد
مفيد فوزى : و20% انتاجنا
د. محمد ابوشادى : اه
مفيد فوزى : سيبك من التليفزيون اللى ادمنا ده ما يخليش امين اباظة يعمل قلبة فى الحياه هو نغير الهيكل بتاع الزراعة فى مصر والا احنا متفرجين صامتين مستريحين ساكتين
د. محمد ابوشادى : ما انا عايز اقول لسياتك ما احنا بردوا كدولة الدولة بتعتنى تماما بالمواطن محدود الدخل ومتوسط الدخل وقائمة بدور كبير جدا فى انها تشبع احتياجاته باسعار تتناسب مع دخله
مفيد فوزى : منين؟
د. محمد ابوشادى : هقول لسيادتك .. احنا عندنا آليات كحكومة وحضرتك سألتنى بردوا بنحاول نحقق بيها التوازن اللى هو فى النهاية المستهلك البسيط
مفيد فوزى : خليك عملى الاوطة للشخص العادى بكام ؟
د. محمد ابوشادى : النهاردة
مفيد فوزى : ايوا
د. محمد ابوشادى : النهاردة فى قوطة مثل من 3 جنيه الى 7 جنيه
مفيد فوزى : ايه رأيك انى أنا جاى من السوق دلوقتى واكتشفت انها 10 وبيقولوا الى انها قد تصل الى 12 خلال يومين
د. محمد ابوشادى : مش فى كل الاسواق فى اسواق راقية فى اسواق شعبية فى احياء متوسطة انما انا شايفها فى بعض الاسواق انهاردة من 3 الى 7 جنيه
مفيد فوزى : انا شفت قوطة يا افندم قالوا لى دى ب 4 جنيه كانت مفعصة لا تؤكل ولا يمكن تخش بيت ولا حضرتك ممكن تختارها؟
د. محمد ابوشادى : احنا على فكرة فى مصر فى موسم العروات الفاصل الزمنى ما بين زرعة وزرعة وده الطماطم دائما تعملها لنا مشكلة كنا دايما قبلها بشهرين بنعمل stock فى شركتين الشركات المنتجة للعصائر علشان نخزن مجموعة من الصلصة صلصة الطماطم و معجون الطماطم عشان نسد الفجوة بتاعت الطماطم
مفيد فوزى : سيادتك محترم اوى حكاية الصلصة ديه النهاردة ستات البيوت قالوا لى الصلصة لا احنا ما ناكولش صلصة
د. محمد ابوشادى : ديه عادات و تقاليد
مفيد فوزى : نقدر نغيرها ؟
د. محمد ابوشادى : نغيرها انما يعنى السيدات الصغيرين شوية فى السن بيستخدموها
مفيد فوزى : كلمنى عن الشتلات الرخيصة اللى جبناها على فكرة انا عايز الحقيقة
د. محمد ابوشادى : هو تردد لدى اسواق الجملة الاسباب انا لا اعرف فى الزراعة
مفيد فوزى : انا عاجبنى كلمة تردد ديه
د. محمد ابوشادى : احد اسباب نقص محصول الطماطم سببين الظروف المناخية اللى أثرت على الطماطم الظروف المناخية الغير معتادة فى مصر و ده سبب العالم كله يأن منه فى المحاصيل كلها حتى اثرت على محاصيل استراتيجية كبيرة
مفيد فوزى : هل روسيا القمح فيها حصله كده؟
د. محمد ابوشادى : اه حصله كده لانهم اصدروا قرار من رئيس الوزراء هناك بمنع تصدير القمح وإلغاء جميع الاتفاقيات اللى كانت بينهم و بين الدول الاخرى حصل ايضا
مفيد فوزى : اقدر اقولك حاجة
د. محمد ابوشادى : اتفضل
مفيد فوزى : افهم يعنى اللى حضرتك قلته ده ان رئيس الوزراء اصدر قرار بوقف تصدير القمح
د. محمد ابوشادى : مؤكد طبعا
مفيد فوزى : اذا احنا محتاجين لبعض المواقف و لا انا غلطان
د. محمد ابوشادى : اكيد
مفيد فوزى : طيب بيشتروه بكام السنة ديه الشتلات الرخيصة
د. محمد ابوشادى : بيقولوا اشتروا شتلات من دول مجاورة يمكن ب7 جنيه الشتلة والشتلات الامريكية اللى كانوا بيقولوا بتوصل ل 17
مفيد فوزى : ليه اشتروا ب7 جنيه استرخاص؟
د. محمد ابوشادى : استرخاص اه
مفيد فوزى : هل فيه سيطرة على هذا الكلام هل فيه حد بيسيطر هل حد بيراقب حد بيشوف ؟
د. محمد ابوشادى : لا هو فيه حجر زراعى فى الموانىء السلع وهى جاية سواء شتلات او منتجات نهائية الحاصلات الزراعية بيتم مراقبتها وفحصها والتأكد من سلامتها قبل الدخول
مفيد فوزى : تقدر تعرف ازاى اذا كانت ديه ب 7 جني ولا 17
د. محمد ابوشادى : لا مش الهدف السعر الهدف هو الجودة و الصلاحية
مفيد فوزى : ما هى ما دام ب 7 تبقى اقل فى الجودة و الصلاحية
د. محمد ابوشادى : الفكرة فى الصلاحية هى شتلات صالحة خالية من الحشرات خالية من العيوب
مفيد فوزى : ده شغلة الحجر الزراعى صحيح ان الليمون ب 5 جنيه؟
مواطنة : معنديش فكرة
مفيد فوزى : ليه مبتشتريش ليمون خالص؟
مواطنة : بشترى طبعا بشترى بالواحدة
مفيد فوزى : و هو الواحدة غالية بالنسبة لك؟
مواطنة : اه اكيد غالية
مفيد فوزى : بكام يعنى
مواطنة : 5 بجنيه
مفيد فوزى : 5 ليمونات ب 5 جنيه
مواطنة : لا 5 ليمونات ب جنيه و ربع
مفيد فوزى : طب ايه اللى شايفاه انتى غلى فى السوق
مواطنة : الطماطم
مفيد فوزى : مفيش بديل للطماطم حضرتك متعرفيش تعملى صلصة فى البيت
مواطنة : لا ممكن الواحد يشتري صلصة
مفيد فوزى : حضرتك رأيك ايه فى الغلى ده؟
مواطنة : كويس
مفيد فوزى : الغلى كويس ؟!
مواطنة : لا مش الغلى يعنى الحاجات كويسة لكن الطماطم اللى غالى
مفيد فوزى : حضرتك زبون
مواطن : حضرتك انا فلاح مصرى مواطن و شغال حارس عقار بطلب من وزير الرى كمان عشان الزرع ده عدم لأن الخضار من قلة المياه ارتفاع الاسعار
مفيد فوزى : انت حارس اثار؟
مواطن : حارس عقار, حارس عمارة اه والاساس فلاح , الزرع ده لما المياه عليت عملت ارتفاع الاسعار ده كله
مفيد فوزى : و هو كان بكام البصل قبل كده؟
مواطن : كان بجنيه و بربع جنيه و كان ب 30 قرش من 3 جنيه مفيش لأن المياه ازمة المياه هى اللى عملت ارتفاع الاسعار
مفيد فوزى : امال ايه اللى ب 5جنيه ده ؟
مواطن : ده بطاطس ب 5 جنيه و ب 4 جنيه الله ايه الارقام ديه مرة ب 400 و مرة 500 و حاطين ارقام يعنى بكرة الصبح ممكن تحط ديه كده اهوه و تبقى ب 5 خلاص
مفيد فوزى : الخبير الزاعى د. عادل الغندور فهمنى يعنى ايه الحرارة تفسد المحاصيل؟
د. عادل الغندور : مصر حاليا والعالم عموما بتتعرض الى حاجة اسمها تغير المناخ ونصيبنا من تغير المناخ كبير والمزارع مكنش بيحس بالتأثير انما السنة دى بالذات قبلنا بهذا الواقع بشدة
مفيد فوزى : يعنى شكل الصدمة ايه, معنديش فكرة بالزراعة اوى بيحصل ايه فى الارض ولا الحرارة بتضرب المحصول؟
د. عادل الغندور : المحصول والارض وكل العوامل المؤثرة يعنى حضرتك ضربت فى محاصيل معينة زى بعض انواع من الفاكهة اللى هى بتحتاج فى الشتاء برودة هذه لم تأخذ البردة الكافية زى المشمش او الخوخ
مفيد فوزى : هو المفروض ان المشمش كان يظهر الايام ديه؟
د. عادل الغندور : و حتى الزيتون , المفروض كان يظهر بدرى لكن السنة ديه مظهرش اصلا , ده لأن امكانياته كانت منعدمة لأن احنا عادة لما بيصل لحوالى 12 طن 13 طن السنة ديه مجبناش 2 طن و الكمثرى عادى بنجيب 12 طن السنة دى مجبناش نص طن الزيتون السنة ديه الطرح قليل جدا
مفيد فوزى : الناس متعرفش الحاجات ديه؟
د. عادل الغندور : ما هو ده اللى احنا بنحاول نوضحه
مفيد فوزى : انت عارف الحس الشعبى تحس ان فيه حاجة عمرها ما تحصل يقولك فى المشمش, تفسرها لى يعنى ايه؟
د. عادل الغندور : فى المشمش سعادتك موسم بتاعه مش طويل بيستوى وبيخلص بسرعة فده السبب قصير جدا بحيث انها بعكس مثلا البرتقال موسم
مفيد فوزى : حضرتك بتقول الكمثرى نص طن؟
د. عادل الغندور : كانت بتجيب 12 طن السنة اللى فاتت, يعنى قصدى ده التأثيرات
مفيد فوزى : التأثيرات المناخية
د. عادل الغندور : على الفاكهة انما اثرت على محاصيل استراتيجية-
مفيد فوزى : تفتكر حضرتك ان انا اسمع ان تمن كيلو الاوطة 5 دينار يعنى ما يوازيه فى المصرى كام جنيه, هل ايضا نفس الشئ يمتد الى هناك , يعنى بالنسبة و لا ده عشان استيراد , مفيش فى الكويت زراعة
د. عادل الغندور : لا فيه زراعة فى الصوب وفى المحميات , هو مفيش فى الكويت زراعة لا فيه زراعة فى المحميات و فى الصوب مع استخدام نظم تبريد و كفاءة عالية بحيث انها يبقى التكلفة عالية
مفيد فوزى : هل نجح هذا فى مصر وانت رجل خبير زراعى
د. عادل الغندور : لا فى الصوب مع التبريد وخلافه انما تكلفة انتاج الوحدة بتبقى عالية هقول لحضرتك انت ضربت لى مثل , انا بكلمك عن الصوبات فى مرحلة معينة اللى هى بتبقى فيها درجة الحرارة عالية و الرطوبة واطية , اعتبارا من شهر مارس و ابريل ومايو ويونيو لغاية لما يجى الخريف فى يوليو الطماطم بتوصل عندهم 7 دولار يعنى 7 X 5 = 35 جنيه مصرى ولذلك بدءوا يجيبوا صوب من الصين مبردة ويزرعوا الطماطم فيها لأن اقتصاديتها عالية
مفيد فوزى : الصوب المبردة تحمى من الحرارة
د. عادل الغندور : اقدر انتجها تحت ظروف الحرارة , عادة احنا الطماطم ديه محصول من المحاصيل اللى اتأثرت عادة تنتج طول السنة وكان احيانا محصولنا عالى لدرجة احنا كنا بنتخلص منه لأن السعر اللى كنا بننقل منه الطماطم بالتحديد من الحقل الى السوق بيبقى اغلى من تكلفتها او سعرها بسوق الجملة
مفيد فوزى : كانت بتوصل كام تكلفتها؟
د. عادل الغندور : القفص ميجبش تمن نقله يعنى اقول لحضرتك كنا بنضطر الى اعدامها و يمكن كمان مش من بعيد احنا كنا زرعناها من شهرين تلاتة كانت السعر واطى بحيث ان احنا كنا
مفيد فوزى : حضرتك كنت زارع ايه؟
د. عادل الغندور : طماطم
مفيد فوزى : القفص بكام؟
د. عادل الغندور : بقول لحضرتك مبيجبش تكاليف تمنه
مفيد فوزى : يعنى ايه؟
د. عادل الغندور : 3.5 جنيه و 10 جنيه
مفيد فوزى : القفص؟
د. عادل الغندور : اه
مفيد فوزى : النهاردة تمنه كام القفص
د. عادل الغندور : لا دلوقتى حضرتك زى مانت عارف 10 جنيه يعنى بيوصل اسعار كبيرة جدا
مفيد فوزى : يعنى كام؟
د. عادل الغندور : اعتقد بيوصل 50 جنيه او 75 جنيه حاجة كده
مفيد فوزى : 150 جنيه, انت بتخبى عنى هو انا مأمور ضرايب؟
د. عادل الغندور : لا لا
مفيد فوزى : هو انا هعملك تقرير ضرايب يا دكتور , افتح قلبك عشان الناس تفهم , ده انت الراجل اللى بيردع
د. عادل الغندور : بس فيه فرق بين سعر المزرعة الايام ديه , سعادتك المنتج دايما فيه علاقة ما بين السعر اللى هو بيتباع
مفيد فوزى : عايزين نفهم الناس اللى بتشوفنا , حضرتك بتزرع الطاطم زى ما بتقول , هل حضرتك بتحطها داخل الصوبة ؟
د. عادل الغندور : لا لا عادية
مفيد فوزى : حصل حاجة عندك من اثر الحرارة فى الارض بتاعتك ؟
د. عادل الغندور : لا فى العروة اللى انا زرعتها كانت الانتاج بالعكس عالى انما الموجة الحارة اللى تمت فى خلال شهر تمانية الحرارة العالية بتسبب بنسبة لبعض المحاصيل زى الطماطم لعقد بتاعها بيبقى وحش بتلاقى حضرتك عملية تلقيح حبوب اللقاح بتيجى على الزهرة عشان تتكون الطماطمية , حبوب اللقاح ديه بتموت من الحرارة العالية
مفيد فوزى : هى الشتلات السنة دى كانت شتلات رخيصة 7 جنيه الواحدة , صحح لى المعلومة ولا الشتلات المحترمة من العالم الاول ب 16 و 17
د. عادل الغندور : لا سعادتك اصل فيه انواع من الهجن الكيلو الهجين من البذرة ب 100,000 جنيه , البذرة لها سعر , و فيه اصناف اللى هى الاخوة المزارعين بتوع الفيوم بالتالى زرعهم مش بتبقى التقاوي اللى هى العالية
مفيد فوزى : الرخيصة , ده شتلة ولا تقاوي
د. عادل الغندور : ما هى حضرتك بتبقى بذرة بتتحط بتبقى شتلة عادة احنا بنشترى شتلة عشان نقصر انتاج البذرة عمل مشاكل مع التقاوي الغالية ممكن يبقى )مغامرة)riskفيها فبنديها لمحترفين ينتجوا الشتلة واحنا بنشترى الشتلة منهم
فاصل
مفيد فوزى : الطيور الحية غالية ؟
مواطن : الطيور الحية كانت غالية رخصت الايام ديه
مفيد فوزى : مبتجبهاش ليه؟
مواطن : محافظة الجيزة والدقى ممنوع فيها الفراخ ممنوعة فى العجوزة الفراخ ممنوعة فى 5 – 6 محافظات تروح بولاق الدكرور والمنيب وامبابة تلاقى جوة و بره الفراخ موجودة , انما احنا هنا ممنوعة بقالنا 5 -6 سنين , هل ديه محافظة وديه محافظة , هى محافظة واحدة , ايه السر , عشان المستثمرين يجيبوا من كل ناحية المجمد ويبعوه التجار يموتوا و بيوتهم اتخربت , الحالة ديه وراها 5 – 6 اسر كل اسرة وراها 5 -6 عيال بقالنا 5 سنين على هذه الحالة , سيادتك جى دلوقتى تتكلم فى الطماطم والاوطة لا اتكلم فى الفراخ احنا بيوتنا خربت انسى نعيش ازاى و ندفع ضرايب وتأمينات وكهرباء ونور ازاى ونعلم عيالنا ازاى ونعيش ازاى مش عارفين
مفيد فوزى : محدش بيشترى سمك ليه؟
مواطن : لا الناس بتشترى
مفيد فوزى : اهوه انا مش شايف حد ؟
مواطن : من شوية كان فيه زبون لكن دلوقتى لا
مفيد فوزى : بكام السمك ؟
مواطن : مش كله , فيه سمك بلطى ب 12 فيه بورى ب 20 , قرموط ب 12 و ماكريل ب 10
مفيد فوزى : الناس اتجهت للسمك بعد ما لقيت اللحمة غالية
مواطن : ما هى الل حمة الكندوز ب 65 و البتلو ب 90 يعنى و بعدين ده عشان تعمل صنف خضار و لحمة و فراخ بيتكلف اكتر من السمك , يعنى السمك اوفر حتى من الخضار السادة من غير لحمة و فراخ
مفيد فوزى : و مع ذلك مش شايف انا زبون
مواطن : ما هو برده الحياة كلها نايمة؟
مواطنة : وزير التموين ينزل يشوف الناس ديه عايشة ازاى مينفعش الطماطم بتختلف ايه عن زمان كنا بناخدها ب 2 جنية و ب 1.5 جنية و ب 3 جنية دلوقتى ب 10 جنيه ليه ايه اللى اختلف فيها ايه اللى زاد فيها ديه كلها هرمونات من جوة , بيضة من جوة , ليه طبق سلطة يتكلف عشرين جنيه ليه , كيلو الخيار ب 6 – 7 جنية ليه , ليه المسئولين الكبار ليه هما مش حاسين بينا بالشعب
مفيد فوزى : لما نبقى 90% استيراد فى حياتنا و 10 % انتاج
د. عادل الغندور : مش اوى كده هو 50 % استيراد و 50% انتاج
مفيد فوزى : اه انت موازن يعنى
د. عادل الغندور : بالظبط
مفيد فوزى : التضخم بيحصل فى ايه , التضخم المستورد على وجه الدقة
د. عادل الغندور : لا هو انا هقول لسيادتك احنا المستورد ده بيجى من عالم اول و تانى يجيب معاه ما يسمى بالتضخم المستورد بيرفع الاسعار , التضخم اللى موجود مش تضخم انتاج مش .. للاقتصاد المصرى لأن انا بيجى عبر قنوات الاستيراد فى الدولة
مفيد فوزى : طب ال 80% من الشعب هو اللى بيأن من ثمن الاوطة العالية و الخضار , البامية النهاردة ب 5 جنية و ب 7 جنية يعنى ديه اسعار غريبة , الناس بتحب تفهم يا فندم هل فعلا انتم تستطيعون السيطرة على الاسعار , ده سؤال الناس يهمها تفهمه
د. عادل الغندور : انا هقولك لسيادتك الحكومة عندها اليات عشان تهبط الاسعار
مفيد فوزى : زى ايه
د. عادل الغندور : اول اليه هى الحكومة اللى هى المجمعات الاستهلاكية ديه بتتعرض فيها السلع باسعار اقل و من منافذ الحكومة ايضا منافذ وزارة الزراعة دلوقتى هنا فى الشارع الرئيسى اللى بره فيه ناس كتيرة جدا ناس بتعرض منتجات وزارة الزراعة
مفيد فوزى : ده يا فندم اللى بيسموه قدرة و كفاءة الخريجين
د. عادل الغندور : ده الخريجين او مشاريع فعلا زراعية بيكون فيها افراد من شركات
مفيد فوزى : باسعار اقل
د. عادل الغندور : اقل بكتير
مفيد فوزى : لية الناس بتروح الاسواق
د. عادل الغندور : لا ماهى العمالة مش متوفرة فى كل حتة يعنى موجوده فى بعض المناطق موجوده فى القاهرة الكبرى موجوده فى الجيزة موجوده فى 6 اكتوبر موجوده فى القاهرة الجديدة فى اسكندرية لكن مش بتغطى كل الجمهورية
باعتباران الريف بتاعنا مناطق انتاج يعنى المفروض الريف
مفيد فوزى : حضرتك بتقول ان الريف مناطق انتاج ما يعتمدش على المدينة
د. عادل الغندور : هو قد يعتمد على المدينة بدليل انهم انهارده بينشأوا مخابز حكومية
للخبز المدعم الرغيف احنا زمان كانت سياسةوز ارة التموين والتجارة
انها ما تبنيش مخابز فى الريف تهيب فى الفلاح المصرى فا بيزرع قمحه
وعيشة
مفيد فوزى : هل انتهى دور الفلاح المصرى يعنى خلينى اتساءل معاك وانت رجل بتشتغل فى التجارة الداخلية هل انتهى وده ليس اعتداءاعلى امين اباظة
ولا وزارة الزراعة
د. عادل الغندور : لألألأ مصر على فكرة من اعظم دول العالم فى الزراعة احنا عندنا على فكرة الفلاح المصرى بثقافته المتوارثة
مفيد فوزى : انت رجل صريح لية تتحفظ
د. عادل الغندور : لألألأ انا هقول لسيادتك
مفيد فوزى : هل كلامك يعبر تعدى على وزير الزراعة
د. عادل الغندور : انا يعنى مش خبير فى الزراعة فا ما قدرش فى هذا
مفيد فوزى : بسالك انت فى نهاية الامر انت بيجيلك ده وتعرف المشهد كلة
د. عادل الغندور : ما احنا بننتج بردوا يعنى عندنا انتاج زراعى بردوا فى حاجات كثير عندنا خضر وفاكهة كنا بنصدر خضر وفاكهة وبنصدر كنا لحوم لبعض الدول
انما احنا عندنا مفيش مشاكل فى الانتاج ما احناعندنا مشاكل فى الانتاج
لاننا حجم الطلب زايد قوى اكثر من اللازم
مفيد فوزى : هل البطون فى مصر صارت تريد اكثر هل الافواه الجائعة صارت
د. عادل الغندور : انا هقول لسياتك ما احنا بردوا لينا انماط محدودة فى الغذاء كلنا انهارده كل واحد بيشقى طول اليوم مكافاته لاسرتة ان ياخذهم فصحة خارج مصر او الى اثار مصر او الى جنوب مصر او الى شمال مصر لأ د ا متعته انه يجيب لاسرتة اكلة كويسه وهو راجع او ياخذهم لبرة ياكلهم اكلة كويسة
مفيد فوزى : هكذا المصرى يا يا بية
د. عادل الغندور : المصرى كده بيرى
مفيد فوزى : بيرى لما يوكل عيلتة يبقى عمل شئ واجب
د. عادل الغندور : يعنى المناسبات الاجتماعية اد ايه مرتبطة بانماط من الغذاء
مفيد فوزى : دكتور ابو شادى هل تعتقد ان اللقمة مش ليها قيمه قبل الفسحة يعنى ازاى تفسحنى وانا جعان
دكتور محمد ابو شادى: لأ مش
مفيد فوزى : اكيد اكيد يعنى مهم اساسا انى انا اكل
دكتور محمد ابو شادى: واحنا فى مرحلة الاكل فى مناسباتنا
مفيد فوزى : خذ بالك يا محمد بية نحن نتحدث عن مين عن 64 مليون انسان الباقين 16 دول ما بيشتروش بيبعتوا وكمان بيودوا لهم فى البيوت لكن ال 64 مليون اللى هما بيشوفونا دلوقتى دول هما دول يا افندم اللى بشوفونا انت عاوز تخذه لية مزوق وبعدين خذهم زى ما انت عاوز
دكتور محمد ابو شادى: ما انا عاوز اقول لسياتك يمكن بردوا احنا كل لكن ما نبزرش لان حرام التبزير وبسبب تبزيرنا بنك الطعام النهارده بيجمع متبقيات فى كل مناسباتتنا واحتفالاتنا بيعيد توزيعها ثانى على المحتاجين
مفيد فوزى : اد ايه يا افندم بنك الطعام ده بيقولوا بنك الطعام ده شهريا بيوزع
دكتور محمد ابو شادى: بنك الطعام شهريا بيوزع مليون وجبه فى مصر يوزعها بنك الطعام انهارده على المحتاجين وعلى القر ى المحتاجة ده الفائض الفائض فى موائدنا الفائد موائد 16% لما بنعمل مناسبة فرح والا عيد ميلاد بنجيب
اكل دائما بيفيض اللى بيعزم حد بقى سياتك عارف
مفيد فوزى : ايوا لكن لما انت يجيلك لو حد قابلك فى السكة وقال لك وعرف وظيفتك وقال لك انا مش جايب قوطة ومعنديش فاكهة ومش قادر اجيب بامية البامية بقت ب 5 البصل بقى ب 6 وانا بقيت باخذ 600 جنية وعندى خمس عيال
هتقول له ايه ماذا تقول لمثل هذا النمط هتقولة روح بنك الطعام ايه رايك بقى تجرحة اكيد هتاخذ الاود وتفرجهم على المتحف المصرى عند فاروق حسنى
تجرحة هو عايز ياكل
دكتور محمد ابو شادى: اكيد اكيد
مفيد فوزى : طيب تقول للناس دى ايه هو خلاص مفيش تسعير مش كده ؟
دكتور محمد ابو شادى: هقول لسياتك رغم ان احنا سوق حرة الدولة حريصة على ان يبقى فى تسعير للسلع الاستراتيجية تسعير جبرى
مفيد فوزى : انا عرفت يا افندم معلومة ان الزيت فى البطاقة المدعومة 3 جنية
دكتور محمد ابو شادى: بالضبط السكر ب 125 قرش والمواطن له 2 كيلو
مفيد فوزى : الفرد له 2 كيلو
دكتور محمد ابو شادى: واثنين كيلو رز
مفيد فوزى : على فكرة هقولك ملحوظة جانبية مش عارف اقولها والا ما اقولهاش لك
وانا باعمل دراسة متواضعة فى حديث المدينة فى الانتخابات عرفت ان بعض الناس بتدى للناس اصحاب الاصوات 4 كيلو ارز و4 كيلو سكر و4 زجاجات زيت و ده يحط صوته عشانه و ربما ده مش صاحب مرجعية دينية بمعنى انه يقوله ده رزق من الله ماتدينى صوتك يقوم مديله صوته
دكتور محمد ابو شادى: يديله صوته ديه منقدرش نقولها لانه لما بيدخل ورا الستارة بيبقى المواطن المصرى ذكى انت عارف ان احنا عندنا الفلاح الفصيح اللى هو ميضحكش عليه مهما حاولنا الانسان المصرى الاصيل لا يمكن يضحك عليه ب 10 كليو ارز و لا حتى بدبيحة كاملة هو هيرضيه و هيرضى نفسه لكن هيقول اللى هو عايزه
مفيد فوزى : انت رأيك ان المصرى كده , ده المصرى لئيم بقى باين عليه
دكتور محمد ابو شادى: لا لا مش لؤم ده , واعى فيه وعى مدرك و حضارة هقول لسيادتك بدليل انا براسل الحركة السياسية و الانتخابات براسل و اعضاء مجلس الشعب موجودين و انا موجود فى دواير برده انتخابية كل اللى دفعوا منجحوش
مفيد فوزى : انا الكلام ده يسعدنى
د كل اللى دفعوا ببزخ منجحوش
مفيد فوزى : اللى بيدفعوا ببزخ منجحوش
د منجحوش و اللى بيوكلوا ببزخ و بعض البسطاء هم اللى نجحوا اللى هم اقرب للناس
مفيد فوزى : فى تالت مناقشة حوالين الدعم حوالين الدعم هل هو يبقى عينى ولا معرفش مادى فى تقديرك انت رسى على ايه
دكتور محمد ابو شادى: لا انا هقول لسيدادتك الدعم الحالى العينى المواطن مرتضى بيه الدعم المصرى فيه دراسات و لابد ان نستطلع رأى الناس فى هذا
مفيد فوزى : لمن تميل انت
دكتور محمد ابو شادى: لا اميل للدعم العينى لأن انا ممكن ادى رب الاسرة مبلغ و يصرفه فى حاجة تانية و يحرم اسرته من هذا الدعم
مفيد فوزى : هل فيه ناس قادرة عندها بطاقة تموين , قادرة خد بالك من التعبير
دكتور محمد ابو شادى: و لذلك وزارة التضامن دائما سنويا بتجرى اعادة فحص لاصحاب هذه البطاقات عشان تطلع اللى يستحق من اللى لا يستحق
مفيد فوزى : فيه كده عملية غش ضميرى الناس تخش و تبقى مش من حقها ده و تاخد حقوق تانية
دكتور محمد ابو شادى: اللى بيدخل الحقيقة بيقولك يعنى هو انا دايما اللى بيبقى مواطن متشكك فى وفرة السلع فى يوم من الايام فا يقول انا تضمنها كحد ادنى لأنى انا معرفش بكرة هيحصل ايه زى ما بيتردد حاليا انه مثلا استمارات الغاز هتتوزع على البطاقات التموينية فا اللى معندوش بطاقة بيسعى جدا انه يبدأ يعمل بطاقة
فاصل
مفيد فوزى : تقدير حضرتك للغلاء هل يمكن ان نعود الى عملية ضبط الاسرار و كتمها
مواطن : حضرتك انا اصلا فلاح و مزارع و عندى ارض زراعية حضرتك المشكلة البسطاء كيلو الاوطة اللى حضرتك بتشتريه بعشرة جنيه بيطلع عندنا من الغيط ب 1.25 جنية لأن فيه اربع خمس وسطاء لو لاغينا الوسطاء هيوصل كيلو الاوطة هنا بتلاتة جنيه فا هى كترة الوسطاء فى المحاصيل بدليل الزراعات بتخسر بتخسر ليه حضرتك البرتقال الاخضر دلوقتى ب4- 5 جنية التجار بيقولوا غلوه فى المزرعة بجنية و ربع ازاى تيجى ميجبش تكلفته الاسعار لو حضرتك لاغينا الوسطاء و بقى فيه شوية رقابة من الدولة المفروض يبقى فيه تعاونيات يعنى انا
مفيد فوزى : بيقولوا لى ان فيه تعاونيات
مواطن : لا تقوم بدورها ابدا حضرتك التعاونيات لا تقوم بدورها او وكلاء وزارة و تنظيم ليس هناك دور حقيقى خالص للتعاونيات
مفيد فوزى : يعنى انت فى تصورك لابد الوسطاء يمتنعون نمرة 2 لابد من عملية ضبط , هل العودة للتسعيرة تؤدى الى
مواطن : العودة الى التسعيرة تؤدى الى اختفاء سلع , لأن احنا بدأنا نرجع لنظام اليات السوق سوق حر فالعودة للتسعيرة هتوقف و تؤدى الى اختفاء السلع و تبقى اغلى يطلعلى الحلوة و تبقى اغلى بدل الوسطاء , حضرتك برده انا بقول ان الراجل بتاع التجزئة ده مظلوم جدا هم الوسطاء الكبار اللى هم بيتحكموا فى السوق و يخربوا ساعات السوق , بدأ ينطبق على اللحوم ايضا , مافيا اللحوم المستوردة الان موجودة اللى بتتكم فى السوق التجار هم اللى بيتحكموا فى السوق فا بيفرضوا السعر اللى هم عايزينه على الراجل بتاع المساهم لو جابها ب 38 هيبيعها ب 40 و لو جابها ب 30 هيبيعها ب 32 , فا برده البايع التجزئة هو مظلوم الوسطاء الكتييير اللى هم موجودين , هم دول اللى بيغلوا السعر
مفيد فوزى : عايزة اعرف رأيك كا ربة بيت فى الاسعار اللى بتشتريها و فى الحاجات اللى بتعمليها
مواطنة : الحاجة غالية يا استاذ مفيد يعنى انا بشتغل دلوقتى موظفة حضرتك ب 600 جنية و فيه برده زوجى بياخد زيهم 1200 جنيه هينفعونا فى ايه انا بدفع 400 جنيه ايجار بدفع مياه و نور 56 و 60 جنيه طبعا بقيت الحياة عشان اعمل شوية محشى دلوقتى بيكلفونى دلوقتى 100 جنيه , الفرخة ب 45 و لا ب 40 جنيه الاوطة عقباال ما اجيب الكرنب و الاوطة و الحاجة بتكلفنى 100 جنيه حلة المحشى اعمل ايه واحدة معايا 5 عيال حضرتك قول لى انت لو انت مكانى تعمل ايه احنا مش عارفين نعمل ايه و مش عارفين نمشى نفسنا ازاى , بنستلف فوقيهم نص اللى احنا بنقبضه عقبال ما بنيجى نقبض بنسدده نعمل ايه يا استاذ مفيد
مفيد فوزى : اهلا بيك
مواطنة : استاذ مفيد انا نفسى اقابل حضرتك
مفيد فوزى : اتفضلى
مواطنة : من فضلك احنا عايزين رقابة من الحكومة
مفيد فوزى : رقابة ايه
مواطنة : رقابة على كل حاجة , حضرتك الغلى فوق الوصف , حضرتك عندك سعر الاوطة فوق الوصف , حضرتك هنجيب اوطة , مش هنجيب اوطة نطبخ بيها الاكل العادى بتاعنا , دلوقتى احنا مش لاقيين رقابة على الناس رقابة على زجاجة زيت و على كيلو اوطة و على المدارس و الدخول هى هى ازاى
مفيد فوزى : من الذى يتأذى فى مصر من الاسعار
دكتور محمد ابو شادى: كلنا بلا استثناء الغنى و الفقير
مفيد فوزى : تتصور ان استراتيجية الزراعة فى مصر تحتاج لتغيير هيكلة سؤال اطرحه عام , انا مش بحاول اوقعك
دكتور محمد ابو شادى: ليست فى هذه الزراعة انا
مفيد فوزى : اننى اسأل محمد ابو شادى المواطن المصرى , انت بلدك ايه من مصر
دكتور محمد ابو شادى: من القاهرة من الجمالية
مفيد فوزى : المواطن المصرى محمد ابو شادى المولود فى الجمالية هل ترى ان هيكلة الزراعة فى مصر ضرورة ام استخدام الارض الزراعية ضرورة
دكتور محمد ابو شادى: اكيد
مفيد فوزى : ان الاعتداء على الارض الزراعية جريمة
دكتور محمد ابو شادى: جريمة و مش بس كده انا بؤمن انا استاذ اقتصاد مؤمن ان النشاط و اول مصدر اقتصادى فى العالم ان المصدر الوحيد هو الزراعة و اعتبر ان الصناعة تحويل المنتج الزراعى من شكل لشكل و ان التجارة ما هى الا نقل المنتج الزراعى فى صورته الطبيعية او فى صورته المحورة يعنى يعتبر ان ديه انشطة غير منتجة و ليس لها اى اضافة انا مؤمن بهذا المذهب لحد النهاردة الفرنساويين اللى قالوا الفيزوكراس ان فعلا الزراعة هى اساس كل الانشطة , لو نجحنا زراعيا هتنجح الصناعة و هتنجح التجارة
مفيد فوزى : حد يا فندم بيراقب من السادة المحافظين الاعتداء على الارض الزراعية
دكتور محمد ابو شادى: كان فيه اجتماع مع السيد الرئيس و السادة المحافظين و كان اهم توجيهاته النزول الى الاسواق و حل مشاكل الناس مع الاسعار
مفيد فوزى : ده جميل , لكن انا بتكلم على الاعتداء على الارض الزراعية , حضرتك بتقولى انت و انت جى فى الارض شفت تألمت , هل هذا الالم مترجم فى انه السادة المحافظين , ما هو مش معقول رئيس الدولة هيراقب ده كله , و مش معقول الدكتر احمد نظيف هيعمل جولات مكوكية ركوبية , فلابد ان ديه مسؤولية المحافظين ان يشوف الارض ديه حصل فيها ايه , ديه حصل فيها ايه , يحدث احيانا تسامح فى ان يبنى على الارض الزراعية فا يتحول هذا التسامح الى واقع حقيقى
فاصل
دكتور محمد ابو شادى: لا هو انا هقول لسيادتك يعنى مثلاوزارة الزراعة سلمت الناس اراضى زراعية عشان يستخدموها فى الزراعة استخدموها فى منتجعات , و لما راحت تهد , واجهت مقاومة اللى بنى القصور و بنى القرى فا بدأ يقاوم و يقول احنا بقينا اصحاب مصلحة ,
مفيد فوزى : و رجالته
دكتور محمد ابو شادى: طيب ما هو احنا لما بنعمل الصح بنواجه مقاومة
مفيد فوزى : و ماذا بعد
دكتور محمد ابو شادى: لا لكن القانون بيطبق و ازيلت قرى كاملة
مفيد فوزى : يعنى ممكن تزيل فيلا لعظيم , رد على سؤالى ده
دكتور محمد ابو شادى: المفروض كلنا امام القانون
مفيد فوزى : معلش ما هو ده القانون لكن ده بيحصل , عظيم عمل فيلا على الارض الزراعية
دكتور محمد ابو شادى: احنا فيه دستور بيحكمنا سيادتك بيقول انه المواطنون امام القانون سواء المصريون اامام القانون سواء , مقالش فيه عظيم و لا غفير
مفيد فوزى : هى عبارة ادبية جميلة الحقيقة و انا مؤمن بيها و احب ارددها و احب اقولها لنفسى لما انا لما اجى اقولها لحد يقولى ده احنا هنا فيه ارض زى ما تفضلت كلها زراعية , اتبنت عليها فيلل و قصور و منتجعات و اقوله الكلمة اقولها همسا او خجلا
فاصل
مفيد فوزى : الحرارة قصرت على الطماطم و ايه تانى
دكتور محمد ابو شادى: عادل الغندور : فيه بقى حاجة اخطر فيه حشرة جديدة دخلت مصر و ديه نوع معين من الحشرات اللى بتيجى بتعمل انفاق فى الاوراق يا فى الساق يا فى الثمر , حشرة صغيرة اوى و بتمشى تعمل نفق بين الورقة و ضهر الورقة بحيث انها بتشوه الورقة بتأثر على ال QUALITY بتاعها , يعنى النوعية و مظهرها
مفيد فوزى : فهمنى الحشرة , اسمها ايه
دكتور محمد ابو شادى: التوتة , جتلنا من الحدود الليبية انما هى انتشرت فى العالم , المشكلة النهاردة العلماء بتوعنا اعدين فى مراكز البحوث الزراعية يشوفوا مقاومتها حيويا او ايه المبيدات
مفيد فوزى : هى بتخش بين ايه و ايه
دكتور محمد ابو شادى: بتدخل بين السطح العلوى يعنى هى حشرة دقيقة جدا بتدخل بين السطح العلوى
مفيد فوزى : هل ترى بالعين المجردة
دكتور محمد ابو شادى: بتعوز عدسة شوية و بعدين مشكلتها بقى انها بتدخل برده على الثمرة , قشرة الثمرة بحيث انها تبوظها , السيقان و الاوراق و تؤدى الى تدمير النبات
مفيد فوزى : هل دخلت السنة دى
دكتور محمد ابو شادى: دخلت و اثرت على الطماطم بالذات , بالرغم ان احنا فى التقسيم العالمى احنا رابع دولة بتنتج طماطم
مصر رابع دولة بتنتج طماطم , ايه الهدف عفوا من زراعة الاسطح تفيد بأيه للناس , ربما ده يبقى دعوة ,
دكتور محمد ابو شادى: ربما يكون له تأثيرات بيئية لأن حضرتك انت لما بتحط نباتات خضراء على السطح بتقلل من درجة الحرارة بالذات على الادوار العليا فيها خضر و فيها نظام مياه و بعدين هتنضف و تبقى هواية حتى للسكان بتوع البيت حتى ان هم يمارسوا الزراعة
مفيد فوزى : فيه كمان اكتشفت انه ليست الطماطم لوحدها المجنونة هناك ايضا الفاصوليا , يقال انه كان ب 12 و بعدين زوجة المخرج الفاضلة قالت نزلت بقت ب 3 جنيه , ازاى فهمنى ازاى
دكتور محمد ابو شادى: هى ديه سعادتك غالبا اصلا ده محصول تصديرى و كان المصدرين
مفيد فوزى : قولى احنا بنصدرها
دكتور محمد ابو شادى: اساسى , و افضل المنافسين لينا المغرب
مفيد فوزى : المغرب اكتر ناس بياكلوا الفاصوليا الخضراء
دكتور محمد ابو شادى: لا ده هما بينافسونا فى التصدير انما اوروبا و هولندا بالتحديد و كنا بنوديها بالطيارات هما يمكن المنافسة دلوقتى انهم دلوقتى بيقدروا يصدروها عن طريق حاجويا مبردة عن طريق مضيق جبل طارق فى اسبانيا بتروح اوروبا فا ديه المنافسة , غالبا اللى حصل المصدرين لاقوا الاسعار غليت وقفوا عن التصدير , ده اللى خفض سعرها فى السوق المحلى غالبا
مفيد فوزى : هل فيه امل ان الارض الزراعية فى مصر تنصلح
دكتور محمد ابو شادى: حضرتك هى مشكلة مصر زيادة عدد السكان , يعنى سعادتك مع تفتيت الملكية فى الدلتا وصل الى 13 % من الفدان يعنى الفرد له 300 م2 , زى ما نصيبنا فى المياه عمال يتناقص , حضرتك النهاردة نصيب حد الفرد المائى 1000 م نزلنا ل 700 م 3 , بنزيد كل سنة 2 و 2.2 مليون مواطن , العجز الغذائى فى المحصول الاستراتيجى عندنا حوالى 60 % بتستخدم لما حسبنا المساحة اللازمة عشان نأمن نفسنا محتاجين 10 مليون فدان علاوة على الارض اللى عندنا , كمية المياة اللازمة لانتاج هذه المحاصيل محتاجة 55 مليار م3 اد حصتنا من مياه النيل اللى بتجيلنا و تورد لنا فا عايزة استراتيجية نفكر فيها و غالبا استراتيجية تكون استثمار خارج حدودنا و بالتحديد فى السودان
مفيد فوزى : اظن اننى لا استطيع على الاطلاق التعليق على هذه المعلومات الاخيرة التى سمعتها من د. عادل الغندور الخبير الزراعى لأنها فى واضح الامر تعبر عن الامل اذا كنا نريد حقل للافواه المفتوحة ان تأكل.