وائل الفشني يكشف موقفا محرجا تعرض له: «أنبوبة بوتاجاز أنقذتني من بلطجي»

كشف المطرب وائل الفشني، عن واقعة تعرض لها في شبابه أثناء إقامته في منطقة شعبية، حين كان يتعرض بشكل متكرر لمضايقات من أحد البلطجية الذي اعتاد إجباره على تسليم نصف ما يكسبه من عمله اليومي.
أضاف وائل الفشني خلال تصريحات لبودكاست «فايق ورايق»: «أنا قعدت في منطقة شعبية جدا، كان فيها بلطجي، كنت رايح جاي بالبدلة، يقولي خد يا موسيقار، اروح له يقلبني، وأنا أمشي كنت غلبان، وكنت بشتغل نمرة كل يوم، وهو ياخد نص اللي في جيبي».
تابع: «في مرة كنت في نمرة ومشتغلناش، قالي خد يا موسيقار قولتله أنا مشتغلتش النهاردة، بس معايا فلوس فوق، طلع فوق وهنزلك قالي أنا مستني، طلعت فوق ومش عارف اعمل إيه بس الواد ده أنا زهقت منه».
أشار: «جبت أنبوبة البوتجاز وربطها بحبل ورحت لابسها، أنا كنت بغير أنابيب واشتغلت كل حاجة، وفتحت عليه النار، وبقيت شبح بقى وفتوة والواد ده مدخلش الشارع تاني».
اقرأ أيضًا:
وائل الفشني ينتهي من تصوير أغنية «دعوة أمي»
وائل الفشنى يحيي ثانى ليالى مهرجان الأوبرا الصيفى بدمنهور