يحدث في مصر

هالة ابو علم :اهلا بكم مشاهدينا الاعزاء فى حلقة جديدة من يحدث فى مصرفى هذه الليلة نتحدث عن الميزانية المطلوبة للبحث العلمى فى مصر هل هذه الميزانية كافية ام لا؟
عمروالشناوى:الحقيقة المؤتمرالغذاء العالمى الاخير الذى عقد فى روما فى العام الماضى حضرته 182 دولة طالب هذا المؤتمرالدول النامية ان هى تركز على الابحاث فى زيادة انتاجها من الغذاء واستنباط تقاوى عالية الانتاجية وايضا التقاوى الاقل استهلاك للمياه العذبة والتى تعانى الدول النامية من ندرتها ونقص مواردها
هالة ابوعلم :وهذه الليلة سنكمل الحديث الذى بداناه من قبل مع الدكتوراشرف شعلان رئيس المركز القومى للبحوث اهلا بيك دكتوراشرف
د/اشرف شعلان:اهلا بيك يا فندم
هالة ابوعلم :وكالعادة فى برنامج يحدث فى مصر دائما نشاهد تقرير ونرجع مرة اخرى لموضوع حلقتنا
تقرير
البحث العلمى قاطرة التقدم فى العالم ولاتوجد دولة فى العالم متقدمة علميا الا وكانت متقدمة اقتصاديا وتجاريا وحضاريا فهناك دول دمرتها الحروب لكنها قامت بالعلم الذى اعادها الى دائرة النهضة الاقتصادية وعالميا
عصمت عبد الغفار*نائب رئيس ادارة المشروعا بالمركز القومى للبحوث :احنا فى المركز مهتمين قوى بالمجالات اللى محددها المجلس الاعلى للتكنولوجيا الطاقة المياه الزراعة الصحة الغذاء
كل جنيه ينفق فى البحث العلمى ياتى بعائد اقتصادى لا يقل عن 25 ضعفا وبالتالى فان عائد البحص العلمى اعلى من عائد الاستثمارفى مختلف اوجه النتشاط الاقتصادى والتجارى والعقارى اضافة الى ما يوفره من فرص عمل لشبابا يعانون من البطاله
فاروق الباز*المشرف على مركزالمستثمرين فى المركز القومى للبحوث :عدد التعاقدات اللى بتم سنويا بتتراوح ما بين 80 الى 100 عقد وقيمة هذه التعاقدات تجاوزت فى العام الماضى ال5 ملايين جنيه المركز بيقدم الخدمات العلمية لكافة قطاعات الانتاج
تعتمد مراكز البحوث على 4 محاور لتكمل النجاح هى الادارة والتمويل والعقودوالتصميم واى خلل فى هذه المحاور ال4 يضر بالعملية البحثيه فى مصر وفى اى مكان وهذا خاصتا مع توافر العقول المهيئة لهذا الامر فى مصر لا ينقصها
هالة ابوعلم :اهلا بكم مشاهدينا الكرام مرة اخرى ونرحب بالدكتوراشرف شعلان رئيس مركز البحوث ونبدا مع حضرتك من حيث انتهى التقريرمالذى ينقصنا لكى نكون فى طليعة الدول التى تهتم وترصد ميزانيات عاليه للبحث العلمى ونريد ان نتعرف على المركزالتى تحتله مصرمن حيث البحث العلمى بين الدول دول العالم كلها؟
د/اشرف شعلان:هقول لحضرتك طبعا انا سعيد انى انا اجى لحضرتك تانى ونكمل لقاءنا اللى فات احنا فى مصر انفقنا على البحث العلمى محتاج وكل الدولة مقتنعة بذلك وخلونا نراجع ما تم فى ال3 سنين الاخارى فى هذا المجال كان السيستم زمان او النظام ان انا بدى كل مركز من المراكز البحثيه انا بتكلم باسم الدولة يعنى مبلغ من المال محدد وبقول لهذا المركز او هذا المكان البحثى لو سمحت اعملوا ابحاثكم من خلال هذه المبالغ ارتاى ان يكون هناك نظام احدث ودا اللى ممكن يكون متبع فى معظم دول العالم ان الفلوس تكون موجوده فى مكان واحد فى الدولة وكل واحد عايز يعمل بحث علمى بيتقدم لهذا المكان بافكاره البحثيه مدعمة بكل الوسائل العلمية الممكنة ويحكم المقترح المقدم ومن يقدم المقترح الجيد الذى يرى العلماء والمتخصصين انه سيؤدى الى نتيجة ليمول ويمول بارقام اعلى عشرات المرات مما كانت امكانيات الاماكن المنفردة انها تمول
عمروالشناوى:بيمول لمين ؟
د/اشرف شعلان:دا صندوق اسمه صندوق العلوم والتنمية التكنولوجيه انشا سنة 2007 وابتدى عمله فى ال3 سنين الاخارى ان هو بيعمل اعلان عن ان انا محتاج باحثين يشتغلوا فيه الاشياء الاتيه واحد اتنين تلاته اربعة وبيحط حاجة اسمها يفصص احتياجه البحثى الى نقاط صغيرة وكل واحد من المجتمع العلمى فى مصرشارك ان هو قادريعمل حاجة فى هذه النقاط بيتقدم بمقترح انا تقدمت سيادك تقدمت استاذه هاله تقدمت فيه لجنة اكثر مننا علما وخبره بتقول اه والله دا مقترح اشرف احسن اوالمقترح بتاع عمرو احسن اوالمقترح بتاع هاله احسن وبيمول هذا الاحسن بمبلغ من المال فى العادى مليون جنيه انما فى المشروعات القوميه والحاجات المهمة بتبقى مفتوحة وفى نفس الوقت انا عندى فى هذا الصندوق دلوقتى خلال السنتين اللى فاتوا دول 37 مشروع مولوا و7 اتقبلوا والتمويل جاى فى الطريق
عمرو الشناوى:انا كمؤسسه او شركة واجى اقدملك تمويل اقولك عندى مشكلة معينه ادرسوها وشوفولى ليها حل وخدوا مثلا مليون خدوا 10 اشتغلولى بيها وحلولى المشكلة ممكن ؟
د/اشرف شعلان:ممكن طبعا هى دى الالية اللى اتكلمنا عليها فى الحلقة بتاعة الاسبوع اللى فاتت لما قلنا ان احنا بنحط مكتب موجود من 2002 مكتب المستثمرين ورجال الاعمال وبيخدم اى حد محتاج يستغل خبرات وامكانيات المركز القومى للبحوث فبيتقدم وبيتم التعاقد وتقديم الخدمة البحثيه فى مقابل ان يمول
عمرو الشناوى:انتم كمان بتحلوا مشاكل ؟
د/اشرف شعلان:هناك كثير من التعاقدات فيها مشاكل فى الصناعة اوفيه الانتاج وبيلجا لنا واحنا بندرس الموقف وبنحطله المشروع البحثى اللى تحلله هذا المشكل
هالة ابوعلم :دكتوراشرف هل هناك خطة لتطويرالمركز القومى للبحوث يعنى الحقيقة ان دائما المراكز البحثية فى جميع دول العالم وزى ما شوفنا فى التقريرواتقال فى التقرير وبنسمع دايما البحث العلمى هو قاطرة التقدم والتنميه فى اى مجتمع من المجتمعات دائما هناك لوم بيوجه لمصران هى الحقيقة مش بتولى هذا المجال العناية الكافية وان هى محتاجة تزود الميزانية اللى هى بتديها للمركزالقومى للبحوث وللبحث العلمى بصفة عامة لان هو دا اللى هيادى الى تقدم المجتمع ولان هو دا اللى هيقدم الافكارالجديدة فى كل المجالات فى خطة التطويرفيه خطة لزيادة الميزانية المقدمة للمركز القومى للبحوث ؟
د/اشرف شعلان:هو التطوير مش مرتبط بالميزانيه فى الوقت الحالى بمعنى ان الميزانية اتعملها اوردى نظام جديد زى ما قلت لحضرتك ودا ميزانية الصرف على المسروعات البحثيه احنا عندنا ميزانية تنقسم الى ثلاث اجزاء الجزء الول وهو الاهم من وجهة نظرى هو الباحثين ودخلهم اللى يقدروا يعيشوا بيه ويتفرغوا تماما للعملية البحثية مبقاش حد يدورعلى مكان اخرعلشان الدخل ودا يعنى نامل ان يتم قريبا ان شاء الله لان هناك خطوات بتاخذ فى هذا الاتجاه وانا
عمروالشناوى:يعنى حضرتك شاتيف ان الباحث علشان يبقى مركز ومتفانى فى عمله ومعندهوش اى حاجة تشغله محتاج يبقى دخله مثلا 5 تلاف 10 تلاف دخله س من الجنيهات حاسس ان انت وصلت حتى هذه اللحظة لكام ؟ كام
د/اشرف شعلان:يعنى من 40 الى 50% انا تقريبا محتاج ضعف ما يعطى فى الوقت الحالى علشان يبقى متفرغ الى ابعد الحدود هناك جزء اخر مرتبط بتطويرالمركز يعتمد على الاجهزة والالات وجزء اخر بيعتمد على الصرف على المشروعات البحثيه من ناحية الكيماويات والمستهلكات والمستلزمات وخلافه ال3 اشياء محتاجين تطوير الجزء التانى وهو الالات بمبادرة جديدة جدا من نفس الصندوق العلوم والتكنولوجيا دلوقتى يعنى هناك كول اتفتح واتقفل فى 31/3 وهذا الكول هدفه بناء القدرات المعمليه والمؤسسيه واحنا تقدمنا للمركز بطلب مبالغ مهولة نتمنى ان شاء الله ان يجاب
عمرو الشناوى:علشان ايه مهولة ؟
د/اشرف شعلان:هى مطلوبة هى الاحتياج الفعلى للمركز
عمرو الشناوى:علشان يؤدى دوره ؟.
د/اشرف شعلان:بالتاكيد بس اقصد اقول انوا على قدر ما بيعطى لينا فى السنوات السابقة من ميزانية لشراء اجهزة فى هذه الميزانية تعتبر قفزة كبيرة جدا وانا قاعد مستنيها الجزء التالت وهو الصرف على المشروعات التحتيه الدولة بتمدنى بمبلغ سنوى علشان اقدراصرف على هذه المشروعات من الكيماويات دا بالاضافة الى الفلوس اللى بتيجى من الشمروعات نفسها يعنى انا لما بيكون فيه مشروع باخد تمويلة من الاتحاد الاوروبى اودولة من الدول الخارجية دا بيبقى شامل المستلزمات بتاعتها وكل حاجة حتى مكافات الباحثين اما بكون باخد من صندوق العلوم والتكنولوجيا مشروع برده بيبقى شامل المستلزمات انما اللى مع لا دا ولا دا اللى معندهوش مشروعات انا اللى بصر عليه كيماويات ومستلزمات
هالة ابوعلم :طب دكتور اشرف يعنى من حوالى 20 سنة اعلنت امريكا شعارامه فى خطر لما لقت لما لقت ان اليابان والمانيا تقدمتا عليها واصبحت هى فى المركز التالت علميا وابتدت تخصص 5% من ميزانياتها هل بترى ان احنا امه فى خطر ؟
د/اشرف شعلان:بالتاكيد احنا امه فى خطر يعنى الاجراءات اللى انا قلت لحضرتك عليها دى ليه ؟ ليه الدولة حطت اجراءات وحطت صندوق وبتحط فيه مبالغ يعنى عشرات الاضعاف مما كان يصرف عبى البحث العلمى فى السنوات الماضية لان الدولة نفسها مستشعره ان احنا امة فى خطروانا استشعر نفس الشعور نحن امه فى خطر وليس نحن بس يمكن امريكا لما اعلنت هذا الاعلان كانت على قيادة العالم فى البحث العلمى علشان كده هما قالوا ان احنا امة فى خطر اما احنا فالوضع مختلف احنا لانقود العالم فى البحث العلمى ولكننا نستطيع ان نستغل البث العلمى لزيادة الدخل القومى لدولة ومش بس كده يحس المواطن العادى بان البحث العلمى حسن حياته المعيشية
هالة ابوعلم :طبعا الابحاث اللى بتقوموا بيها خاصتا المجالات الصناعيه الزراعية الصحيه الصيدليه لكن هل ممكن انها تدخل فى حل اتجاهات المرور حل مثلا للتكدس السكانى حاجات كده من هذا القبيل ولا دا مش داخل فى اختصاصات المركز ؟
د/اشرف شعلان:هو المثلين اللى حضرتك ضربتيهم دول بالذات فيه مراكز بحثيه اخرى بتقوم بهذا
هالة ابوعلم :حضرتك عملت مثلا بيت؟
د/اشرف شعلان:دا مش موضوع اتجاهات مروردا ناتج بحث علمى تخطيط المرور بحث علمى بس فيه ناس تانيه بتقوم بيه يعنى حضرك احنا اتكلمنا فى الحلقة اللى فاتت عن ما تم وبعض الامثلة البسيطة يمكن ما استرسلناش قوى انما كل مثال من هذه الامثلة هيبقى ليه الاعلام الجيد عنه وشرحه بالتفصيل لمجتمع علشان يقدر يستفيد من الادراج اللى اتفتحت وطلع منها الابحاث زى ما حضرتك اشرتى فى الحلقة الماضية
عمروالشناوى: قبل ما نسترسل لان احنا فعلاعايزين نعرف ايه اللى جوا الادراج ؟ وايه اللى احنا مستنينه مستقبلا من المركز القومى للبحوث ؟ نطلع فاصل قصير جدا ونرجع نكمل حلقتنا
فاصل
هالة ابوعلم :مشاهدينا الاعزاء عندنا اليكم مرة اخرى والحديث يتواصل مع الدكتوراشرف شعلان رئيس المركز القومى للبحوث وحضرتك كنت بتحط صورة خاصة ببعض الابحاث الجديدة الجارية
عمروالشناوى:احنا كنا هنفتح ملف ونطلع ايه اللى احنا مستينه فى المستقبل من المركز القومى للبحوث ما هى الابحاث الجاريه لسه فى طور التجارب ربما ولكن قربت تطلع
د/اشرف شعلان: انا عايزاقول لحضرتك قبل ما نبتدى الباحث العلمى عامل زى اللى مستنى صفاره علشان يبدا سبق الجرى وبتلاقيه واقف بيستعد او اللى بيسخن لماتش كورة انا عارف حضرتك اهتمامك بالكورة فبتلاقيه واقف عمال يعمل جرى فى المكان كده فى لحظة تلاقيه انطلق احنا اتكلمنا على الناس اللى انطلقوا فى الحلقة اللى فاتت وجبنا سيرة البيت اللى كان مبنى من قش الارز وجبنا سيرة القمح والاصناف الجديدة وانتاجياته والانتاجية العليا وكل ده ودا احنا النهاردة حضرتك والاستاذة هاله جايب شوية ورق وكاتب عليها يحدث فى مصر كان نفسى يبقى معايا ورقة مكتوب فيها يحدث فى مركز البحوث
عمروالشناوى:احنا عاوزين ورقة مكتوب عليها سيحدث فى مصر قريب .
د/اشرف شعلان:ان شاء الله انا جايب لحضراتكم كشف فى حوالى 50 ، 40 مشروع 106 مشروع ممولين من خارج المركزانا قلت لحضرتك ان صندوق العلوم والتكنولوجيا ممول 37 و7 قابلهم فى مرحلة تحويل فى الاتفاقيات العلمية مع الدول الاخرى احنا عندنا 24 مشروع مشترك مع الدول الاخرى فى البحث العلمى فى 25 مشروع فى تحديث الصناعة ومع وزارة الصناعة 4 مشاريع وبخلاف الابحاث الداخلية اللى بيصرف عليها المركزالقومى للبحوث عندنا فى المجالات الصناعيه بعض النور يعنى اللى احنا مستنينه عندنا تصنيع خليه شمسيه مصريه تعمل منها كهربا تعمل منها سخان تعمل منها طاقة ايا كانت دى احنا شغالين فيها بالتعاون مع الدكتور مصطفى السيد عالمنا المهاجر المصرى المغترب ودى ماشية مع الجزئيات الدهب وعلاج السرطان بيها اللى يمكن الفترة اللى فاتت كان فيها يعنى تكثيف اعلامى عن نتايجها عندنا برده فى المجالات الصناعية بنعمل اغشية مفرغة لتحلية الميه ودا تكنولوجى اول مرة يتعمل فى العالم ودا بتمويل كبير جدا جدا من التعاون الدولى لبعض الدول والبنك الاسلامى تحليه الميه ناخد ميه البحر ميه مالحة ونحولها الى مياه صالحة لشرب
هالة ابو علم :طب ايه الفرق بين التقنية الجديدة والتقنية الموجوده دلوقتى ؟
د/اشرف شعلان:الكفاءة احنا نشتغل بحاجة اسمها هولو فيبر المفلترا يعنى عشاء مفرغ وكان فى السابق الغشاء ده مش مفرغ وبيبقى ثابت من ناحيتين احنا بنعمل تقنية جديدة ان الغشاء ده مفرغ بيدنى كفاءه اعلى جدا فى التحليه وفى نفس الوقت اللى مفتوح من ناحية واحده والناحية التانيه ساده فى التيار المائى ودى بتدى كفاءه اعلى برده ودى احنا شاغلين فيها لاول مرة التقنية دى بتتعمل فى مصر لان لوحضرتك بصيتى الى مؤتمر الغذاء العالمى واحنا يمكن فى الحلقة السابقة كنا عرضنا من 99 شغالين ومن قبل كده كمان شغالين فى حكاية ان احنا نزود الانتاجية وا وا
هالة ابوعلم :مشكلة المياه الحالية هى حاليا ومستقبليا
د/اشرف شعلان:الطاقة البترول اللى ممكن يخلص من العالم فى خلال ال50 سنة اللى جايين متوقع ان ميبقاش فيه بترول فلازم يكون فيه طاقة بديلة للبترول ودى اللى احنا شغالين فيها وبالذات من الهيدروجين والمشكلة مش بالهيدروجين نفسه مشكلة تكاليف انتاج الطاقة من الهيدروجين لازم انزل بالتكاليف الى مستوى اقتصادى استطيع انى انا بدي ما اروح احط بنزين فى عربيتى اروح احط هيدروجين فى عربيتى
هالة ابوعلم :دى تكلفة عالية فعلا
د/اشرف شعلان:فعندنا المنجم شوفناه المرة اللى فاتت عندنا اقمشة جديدة مقاومة للميكروبات انا كنت قلت لحضرتك عليها يعنى جاهزة عندنا تحويل نواتج الزراعية النهاردة الفلاح لما بيزرع ارض بيطلع منها نواتج منها قش رز ومنها حاجات تانيه هذه النواتج لو انا سبتها دى عبء على الفلاح لو اما خد النواتج وعملت منها حاجة اقتصادية الفلاح هيبقوا عنده دعم علشان انا استفيد بيه واطلع منها نواتج
عمروالشناوى:دا فيه مواسم زراعية الفلاحين بيسيبوا الزرعة فى الارض ويحرتوها فيها ارخص يعنى الطماطم المجنونه لما يلاقوا سعرها وقع اوى يسيبوها ويحرتوها فى الارض وكذلك بعض انواع الخضار يعنى
د/اشرف شعلان:وبعد كل دا بناخد المخلفات الصناعية نخليها امنه ومش بس امنه ونستفيد منها
هالة ابوعلم : فيرس سى مهم جدا طب مرضى الكبد؟
د/اشرف شعلان:كده حضرتك هتاخدينا للحاجات الطبية
هالة ابوعلم :اه اصل دا الحقيقة مرض منتشر انتشر فى الفترة الاخيرة تكلفة الانتاج بتاعته عاليه جدا كنا بناخد دوا من بره بنستورد النهاردة بقى فيه الانترفيلوا هل المركز بيساهم فى ايجاد دوا جديد لمرضى الكبد ؟
د/اشرف شعلان:احنا بنساهم فى الوقت الحالى فى حاجة اسمها مرحلة قبل الدوا وهى مرحلة الوقايه طبعا الانترفيلو ماشى طبعا ابحاثه فى المركز القومى للبحوث ويمكن كان من 3 تيام فى اجتماع مع السيد رئيس الشركة القابضة واحنا فيه تعاون ما بينا اما الاهم هى الوقاية فاحنا دلوقتى شغالين على محاولة انتاج مصل واقى
هالة ابو علم :دا يبقى هايل
د/اشرف شعلان:والمراحل خدت مرحلة تجريبية طويلة على مدار السنوات السابقة ودلوقتنى احنا فى مرحلة التجريب الاكلينكى بالتعاون مع وزارة الصحة
هالة ابو علم :هل فى الخارج فى مصل واقى
د/اشرف شعلان:دول كتير بتشتغل ولسه محدش وصل لحاجة يعنى نتمنى يكون لينا السبق بالذات ان الفيرس سى عندنا اعلى من اى دولة تانيه نستكمل بقى بعض اللى قلتيه عندنا بننتج بدائل لعظام من السيراميك
هالة ابو علم :قبل كده كانت بتتعمل من ايه ؟
د/اشرف شعلان:لا هو الفكرة انوا احنا بننتجها محليا يعنى هى موجوده بره وبيتعمل بدائل للعظام من السيراميك بس مش موجوده فى مصر بنستورد فبنحاول ننتجها محليا علشان خاطر ما نستوردش وفى نفس الوقت بندور الخامة اللى بننتج منها هذه البدائل للعظام عندنا مرض سيىء جدا مرض فيروسى بيجى على الجلد ساعات بيحجى فى الاغشية المخية وساعات بياثرعلى المخ مرض سيىء جدا علاجه محدود جدا
عمروالشناوى:مش من الحاجات الوبائية ؟
د/اشرف شعلان:لا مش وبائى دا مرض معدى فاحنا بنطوردلوقتى من النباتات الطبيعية علاج لهذا المرض المعدى بخلاصات من النباتات الطبيعيه المصريه الخالصه عندنا اغذية وظيفيه حضرتك بتاكلى علشان جعانة علشان يبقى فيه تغذية ويمارس النشاط بتاع الجسم انما ليه ما ناكلش علشان نتعالج ؟ ليه ما نكلش علشان وظيفة معينة ؟
هالة ابو علم :على فكرة يا دكتوراشرف انوا فيه بعض الدكاترة اللى هما اخصائيين التغذية من المفروض ان بعض الامراض انوا بيتم علاجها عن طريق الغذاء من ضمنهم مثلا مرضى السرطان يعنى فيه البعض ممكن يتعالج عن طريق الغذاء زى ما حضرتك بتقول يعنى
د/اشرف شعلان:هو دا العلاج الى هو تكميل العلاج الطبيعى انما اقصد اقول انوا لو واحد عنده هشاشة عظام ليه ميتعملوش وجبة مخصوصه لمرضى هشاشة العظام بياكلها علشان يقى او يحسن الوضع القائم من كمية الكالسيوم
هالة ابوعلم :دا دورمركز البحوث ؟
د/اشرف شعلان:دا شغلنا فاحنا عندنا دلوقتى من الاغذية الوظيفيه مجموعات كتيرة جدا شغالة على امراض مختلفة علشان توصل للاغذية الوظيفية دا فى المجال الطبى
هالة ابو علم :تنفيذه قريب ؟
د/اشرف شعلان:ان شاء الله باذن الله وقريب دى برده ما هو قريب بعد فى البحث العلمى قريب
هالة ابو علم :لا عاوزين قريب يعنى اقرب من كده
د/اشرف شعلان:انا مركزفيها عندنا القطاع الزراعى عندنا تنمية للثروة السمكية فى مشروع ممول من الاتحاد الاوروبى عندنا حاجة مهمة جدا الاباربيبقى فيها حديد ومنجنيز دا بيخلى الرى بهذه الابارمينفعش وعندنا ابحاث مموله من خارج المركزان احنا ننزع الحديث والمنجنيزمن ميه الابارعلشان اقدراروى بيها واعمل الزراعة
عمروالشناوى:اسمحلى ارجعك خطوة واحده للتعاون مع الثروة السمكيه هيئة تنمية الثروة السمكية والدكتورمحمد فتحى مسئول عنها كان معانا هنا واتكلم عن افاق مبشرة جدا وعنده طموح وامال فى تنمية الصناعة انما كان عندهم مشاكل فيه تنمية او استزراع السمك فى البحر مثلا هل فيه عنكم حلول لهذه المشاكل ؟
د/اشرف شعلان:الابحاث اللى جاية دلوقتى على الزراع السمكى فى المزارع السمكية على الارض مش فى البحر
عمرو الشناوى:وشكل التعاون ما بينكم بالظبط ؟
د/اشرف شعلان:لا انا بص حضرتك فيه قاعدة مهمة جدا لازم نتفق عليها ان احنا منطلعش بالمنتج البحثى الا بعد ان يكتمل
عمرو الشناوى:لو كل النتيجة هتبقى زى اللى احنا شوفناه احنا نستنى
د/اشرف شعلان:ان شاء الله وفى كل فترة هتجد حاجة جديدة بيضيفها مركز البحوث للوطن هكتفى بهذا
هالة ابو علم :طب حضرتك يا دكتوراشرف بتشوف ايه اهم المعوقات اللى بتعوق البحث العلمى فى مصر من وجهة نظرك ؟ ايه اهم المعوقات اللى انت شخصيا شايفها وبتقابلها ؟
د/اشرف شعلان:طبعا نمرة واحد التمويل ودا احنا اتكلمنا فيه نمرة اتنين تفرغ الباحثين ودا برده اتكلمنا فيه وقلنا برده محتاجين ان احنا نخلى دخول الاعضاء لجهات البحثيه تتناسب مع منظومة الدخول نمرة تلاته ودى مهمة جدا المستفيد ازاى يقتنع ان البحث العلمى سيؤدى الى فايدة هتعود عليه اذا تدخل فى تطوير الخط الانتاجى بتاعه بالكامل ودا لينا معاه بعض التجارب فى بعض القطاعات ان احنا رحنا مصانع ونشوف خط الانتاج من اول ما تخش الماده الخام لحد ما يطلع المنتج النهائى ونشوف نعمل ايه نوفر فى المادة الخام ولا نحسن فى المنتج ؟ ولانزود فى المزايا والمنافسات بينه وبين المنتجات الاخرى وبيتم التعاون مع المصانع ومع الشركات ومع خطوط الانتاج على هذا احنا محتاجين ان احنا نتكاتف الجهود محتاجين المجتمع المدنى يحس ان احنا عندنا احتياج ان ندعم هذا
هالة ابو علم :يمكن هو ما بيحسش انه فيه فايدة مباشرة هو مش شايف
د/اشرف شعلان:دا دور الاعلام الواعى
عمرو الشناوى:الناس مش فاهمة ايه اللى جوا السورايه اللى جوا جدران المركزالقومى للبحوث
د/اشرف شعلان:انا وريت لحضرتك النهاردة حاجات طالعين فيها بره الصور
عمرو الشناوى:لا انتم خاليكوا جوا السور واحنا علينا الباقى ولازم فعلا نبقى جنبكم لان اللى انتم بتعملوه ده فى المركز القومى للبحوث شىء رائع ومستويات راقيه جدا وشديدة التخصص وهتفيد كل مواطن على ارض هذا الوطن فعلا ان شاء الله
هالة ابو علم :الحقيقة يعنى انه فيه علاقة وثيقة بين اللى انتم بتعملوه والاعلام ويمكن النهاردة لما بنستضيف حضرك والمسئولين فى هذا البرنامج احنا الغرض الاساسى ان احنا نلقى الضوء على اللى بيحصل فى مصر يمكن الناس مش عارفاها دا الاعلام اللى احنا نقدر من خلاله نقول لا يا جماعة احنا فى المجال الفلانى بنعمل تقدم فى كذا فيه ابحاث فيه ناس بتشتغل بس احنا مش عارفين فدى الفرصة اللى حضرتك من خلالها تقدر تقول واللى القيت فيها بالفعل الضوء على مجهود وطاقة كبير جوا جدران المركز القومى للبحوث 5000 باحث عدد مش قليل واعتقد انوا الابحاث اللى هما طلعوها وهيطلعوها ان شاء الله ايضا مش قليلة وفايدتها كبيرة جدا للمجتمع وللبيئة ولمصر كلها
د/اشرف شعلان:انا بشكر حضرتك على الراى اللى اسعدنى ده وانا بس احب اقول لحضرتك ان لم اذكر غير اقل من 10% من ما يذخر به السور من جوه والحاجة التانيه هناك خطة ورؤية فى تطوير هذا المكان فى الفترة اللى جاية اكتر مما هو متطور وهذه الرؤية بتنفذ على مراحل وهذه المراحل احنا حاسبنها كويس قوى وشايفين احنا رايحين فين والحاجة اللى اقدر اقولها لحضرتك وانا مرتاح جدا وانا بقولها ان القادم افضل
عمروالشناوى:دكتوراشرف شعلان رئيس المرك القومى للبحوث بعد 29 سنة فى المركز القومى للبحوث نتمنى ان الفترة اللى جاية فعلا تحفظه ما زرعتم خلال سنين كتيرة عدت شكرا يا فندم مرة تانية ونتمنالك التوفيق
د/اشرف شعلان:وانا بشكر حضرتك
هالة ابو علم :ومشاهدينا الاعزاء انتهى وقت حلقتنا بسرعة ونلتقى معكم فى حلقة اخرى من يحدث فى مصر