محافظ الشرقية:تشكيل غرف عمليات رئيسة لحل مشاكل المواطنين أثناء الاستفتاء فى اللجان    موسى مصطفى قبل الإدلاء بصوته:"يجب أن يحرص كل مصري على سمعه وشكل بلاده أمام العالم"    غرفة عمليات ب"الوطنية للإعلام" لمتابعة عملية التصويت    تعرف على أسعار الحديد اليوم السبت    غدا .. وزيرة الصحة ورئيس اتحاد الصناعات يفتتحان الملتقى والمعرض الثاني ميد جيت 2019    لحظة القبض على وزير سودانى فى مطار الخرطوم    «الأرصاد»: طقس غدا لطيف شمالاً معتدل جنوبًا.. والقاهرة 22 درجة    ضبط 239 هاربًا وتحرير 274 مخالفة مرورية بالقليوبية    رشا أمين ل "السقا": "سعيدة بالتعاون معك في ولد الغلابة"    المسرح الكوميدي يتألق من جديد ب" الحالة توهان" على خشبة العائم    "الإفتاء" لهذا السبب إحياء ليلة منتصف شعبان ليس بدعة    نجمة السوشيال ميديا "مرام" تتألق على مسرح "الحكمة" بالساقية    رئيس المصريين الأحرار يصطحب حفيدته فى لجنة الاستفتاء على الدستور.. صور    الجارديان: رفض موظفى ترامب الامتثال لأوامره أنقذه من تحقيقات مولر    تريزيجيه "ملك المراوغات" في مباراة قاسم باشا وبورصا سبور.. فيديو    الدالى وغريب نائبا البدرشين يشاركان المواطنين أمام لجان الاستفتاء.. صور    جوارديولا: سيتي حقق ما لم يحققه أي فريق إنجليزي في التاريخ    مستشفى الأهلي – فحص طبي لرمضان ومحارب وهاني لتحديد موعد مشاركتهم    الزمالك يستأنف تدريباته بعد الراحة السلبية    وزير الشباب والرياضة يدلي بصوته في الاستفتاء علي التعديلات الدستورية    يوفنتوس يعرض صفقة تبادلية على ليفربول لضم صلاح..وحسم الجدل حول رحيل رونالدو    نائب مدير أمن الغربية يتابع لجان الاستفتاء على تعديلات الدستور بطنطا    صالح الشيخ يدلي بصوته في الاستفتاء على التعديلات الدستورية    مصرع 3 فتيات في حريق شقة بشبرا الخيمة    الهيئة الوطنية للانتخابات تحدد ساعة راحة القضاة المشرفين على الاستفتاء    ضبط 3 أشخاص سرقوا توك توك في القاهرة    نادي القضاة: لا شكاوى من القضاة بشأن عملية الاستفتاء    ضبط 150 قطعة سلاح و114 قضية مخدرات في حملات أمنية خلال 24 ساعة    وزيرة التخطيط تدلي بصوتها في الاستفتاء: المشاركة واجب وطني    وزير الإسكان: تنفيذ 5 مشروعات لمياه الشرب والصرف الصحى فى القليوبية بتكلفة مليار جنيه    لبلبة تدلي بصوتها في التعديلات الدستورية    «أمك ثم أمك ثم أمك».. 3 بوستات تكشف أسباب أزمة على ربيع مع زوجته    بالفيديو|الفنان صلاح عبد الله للمصريين: علموا أولادكم أن الانتخابات واجب وطني    وزيرة الثقافة: رفع قيمة جائزة ملتقى الرواية العربية لربع مليون جنيه مع طباعة الأعمال كاملة للفائز    وزير الآثار يدلي بصوته في الأقصر.. ويدعو المواطنين للمشاركة ..صور    هالة السعيد : التدريب وبناء القدرات يعد من الركائز الأساسية لنجاح أى جهة    رئيس جهاز الشروق: ثلاث مدارس بالإسكان الاجتماعى ومدرية للتعليم الدولى بالمستقبل    روسيا تحرق أكبر معهد يهودى على أرضها .. اعرف السبب    الصحف الإماراتية: إقبال كبير للمصريين في الإمارات للتصويت على التعديلات.. رؤية إماراتية أمريكية لدعم استقرار المنطقة.. الإعلان عن مجلس مدني للحكم في السودان غدا.. بايدن يعلن ترشحه للانتخابات الأمريكية    محافظ سوهاج يدلي بصوته في الاستفتاء على التعديلات الدستورية    تركي آل الشيخ يرشح الأهلي للتتويج بلقب الدوري.. ويوجه رسالة إلى مرتضى منصور (فيديو)    مستشار المفتي يفسر قوله تعالى إِنَّ قُرْآنَ الْفَجْرِ كَانَ مَشْهُودًا    تعليقًا على “الترقيعات”.. صحيفة فرنسية: السيسي يحكم مصر بالإكراه حتى 2030    مقتل 13 شخصا في هجوم لمسلحين مجهولين بالمكسيك    بدء الاستفتاء علي التعديلات الدستورية في شمال سيناء    انطلاق معارض «أهلا رمضان» فى المحافظات    مفتي الجمهورية يدين حرق 11 شخصًا على أيدي بوكو حرام الإرهابية في الكاميرون    لبناء جسم جميل وصحي تناول هذه الاطعمة    البيت الأبيض: ترامب أجرى اتصالا هاتفيا بحفتر "يُقر بدوره في محاربة الإرهاب"    تأهل رنيم الوليلي ونور الطيب لدور ال16 لبطولة الجونة للإسكواش    صور| عمرو دياب يتألق في مئوية الجامعة الأمريكية وسط أجواء عالمية مبهرة    وزير الأوقاف يوضح حديث خطبة الجمعة المقبلة عن عوامل بناء الدول    مصرع 7 وإصابة 5 آخرين في تصادم سيارتين بقنا    شاهد.. عماد متعب: الزمالك هو الأفضل.. والدوري لم يُحسم    طلبة الكليات العسكرية والمعهد الفنى للقوات المسلحة يزورون مستشفى سرطان الأطفال    حلم طال انتظاره    ركن الدواء    أفكار    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.





يحدث في مصر
نشر في أخبار مصر يوم 19 - 05 - 2010

رشا مجدى : مشاهدينا الكرام أهلا بكم وحلقة جديدة من يحدث فى مصرالليلة معنا قطاع أثرى هذا القطاع له طباع روحانى خاص هو قطاع الآثارالإسلامية والقبطية
عمروالشناوى : مصر فى الحقيقة بتتفرد بتاريخ كبير بيتجلى فى كم الآثارالإسلامية والقبطية المنتشرة فى كل مصر
رشا مجدى : تراث مصر الإسلامى مزيج من التراث المحلى والتراث الوافد القاهرة وحدها بتضم ثلثى هذا التراث اللى بيضم عمائر قائمة وأخرى منتشرة وتراث منقول لا يحتاج عناية خاصة بتضم المدينة تقريبا 549 أثرما بينها إسلامى ومساجد ومدارس وزوايا وتكايا وأصدقاء
عمروالشناوى : وزارة الثقافة بتعمل مشروع ترميم القاهرة التاريخية وضعت خطة تشمل ترميم المنشآت المدنية والحربية والاجتماعية والاقتصادية ومنشآت الخدمة العامة
رشا مجدى : مشاهدينا نقترب أكثرمن الآثارالإسلامية والقبطية عن طريق الحوارمع الأستاذ فرج فضة رئيس قطاع الآثار الإسلامية والقبطية للمجلس الأعلى للآثار مساء الخير يا فندم
عمروالشناوى : مساء الخير يا فندم إسمح لنا قبل ما نبتدى الحوار نشوف هذا التقرير وبعدين نكمل حوارنا مع بعض حول قطاع الآثار الإسلامية والقبطية
أ / فرج فضة : اتفضلوا
فاصل تقريرى
قارىء التقرير : تنفرد مصر بمجموعة خاصة من الآثار الإسلامية والقبطية المنتشرة فى أغلب نجوع مصر تحكى قصة الإسلام والمسيحية فى مصر وما تركه ملوكها و مماليكها وأبناؤها من آثار تحكى قصة مصر
أ/ محسن على : الترميم اللى بيقوم به قطاع الآثارالإسلامية والقبطية بتكون على أعلى مستوى طبقا للمواصفات العالمية ومنظمات اليونسكو فى هذا الشأن يمكن فى الفترة الأخيرة يمكن من سنة 2002 ولحد النهاردة رممنا حوالى 300 أثرإسلامى وقبطى ويهودى كمان فى نفس الوقت
قارىء التقرير : ومن هنا كانت أهمية ترميم الآثار الإسلامية والقبطية والتى يأتى إليها الأجانب من جميع دول العالم وتبقى مصر كما عرفها العالم مقصدا للسائحين ليس فقط لما فيها من آثار بل وآثار أخرى تم ترميمها وتطويرها فى تلك المناطق حتى تعود لسابق عهدها
عمروالشناوى : فى البداية يا أستاذ فرج ما هو الدور الذى يقوم به قطاع الآثار الإسلامية والقبطية هل هو دوركشفى فقط وللا فى مجال التطويرالدورإيه بالضبط؟
أ / فرج فضة : هو بطبيعة الحال قطاع الآثار بصفة عامة دوره الأساسى الحفاظ على التراث الأثرى المصرى فى جميع أنحاء جمهورية مصر العربية سواء ما هو فوق الأرض أو ما هو تحت الأرض ؛ تحت الأرض بالكشف والتنقيب وعمل الحفارات المختلفة فى جميع المناطق فى جمهورية مصر العربية لكشف الثروة الأثرية والقومية دورنا فوق الأرض الحفاظ على التراث القائم فى العصور التاريخية المختلفة بداية من عصور ما قبل التاريخ حتى عصر محمد على وما يطرأ عليه مهمتنا الأولى الحفاظ على هذا التراث من ناحية الصيانة والترميم ترميم الأثر الذى يحتاج إلى مشاريع ترميم ، الصيانة الدورية للآثار التى يتم ترميمها أو التى لم يطرأ عليها ترميم وتحتاج إلى صيانة دورية عندنا قطاعات مختلفة للحفاظ على هذا التراث قطاع المشروعات وقطاع الصيانة والترميم الدقيق بتمر بصفة دورية لعلاج ما يطرأ من إصابات بتضر بالأثر بالإضافة إلى مشاريع الترميم الشاملة للآثارالتى تحتاج إلى ترميم شامل وتطوير المنطقة المحيطة به
رشا مجدى : أستاذ فرج يعنى دعنى أتكلم عن مشروع تطوير القاهرة وبالتحديد شارع المعز يعنى شاهدنا كلنا افتتاح شارع المعز لكن هل انتهت أعمال التطوير بالكامل فى شارع المعز
أ/ فرج فضة : شارع المعز جزء بسيط وصغير من منظومة كبيرة يسمى مشروع تطوير وترميم آثار القاهرة التاريخية على مستوى القاهرة التاريخية بأبعادها متحضر لها خرايط مشروع القاهرة التاريخية نشأ بقرار من رئيس مجلس الوزراء ويضم العديد من التخصصات وكان على عاتق وزارة الثقافة والفنان فاروق حسنى رئيس المجلس الأعلى للآثارالترميم والتطوير لهذه المناطق من ضمنها مشروع شارع المعز ده جزء من مشروع القاهرة التاريخية
رشا مجدى : هل انتهى العمل فى شارع المعز بالكامل؟
أ/ فرج فضة : انتهى الجزء الأول أو المرحلة الأولى منه بدءً من باب الفتوح إلى بيت القاضى وجامع قلوون دى المرحلة الأولى منه المرحلة الثانية بدأنا فيها هذا الشهر
رشا مجدى : بما فيها بقى مصنع النسيج ومتحف النسيج وكل ده ؟
عمرو الشناوى : من الأحياء الجميلة فعلا ؟
أ/ فرج فضة : لو كنا شفنا الشارع ده كنا نلاقيه مخازن للثوم والبصل والليمون وخيول واحصنة وإلى آخره المشروع كان عملاق جدا وفى 92 كان معظم آثارنا كانت اتأثرت بزلزال 92 كان لابد من نهضة فكان لابد من التطوير للآثار الإسلامية والقبطية
رشا مجدى : أنا عايزة أتكلم بالذات على شارع المعز يمكن أنا حضرت أو رحت شارع المعز أسلوب الإضاءة اللى معمول فى الشارع كان أسلوب مميز يعنى كانت حلاوته فى الليل أكثر من الصباح لإنه بيبقى عملية الإضاءة فى الشارع خدت شكل جمالى أبرزت جمال الأثر
أ/ فرج فضة : إسمحى لى بس أتطرق لنقطة معينة عشان المشاهد أو المواطنين يحسوا بمدى الجهد اللى اتعمل فى هذا الشارع ؛ الشارع ده كان فيه مناطق مدمرة صرف صحى وكهرباء ومياه وإلى آخره المحلات والبيوت متدهورة كان المشروع يهمه فى المقام الأول طبعًا ترميم الأثر لكن ترميم الأثر قبل ترميم البنية الأساسية كان بيعطل فبدأنا بتغييرشبكة الصرف الصحى كاملة فى شارع المعز وتغيير الكهرباء والمياه لدرجة إن احنا عاملين توصيلة للغاز الطبيعى لربما يطرأ إن يدخل الغاز الطبيعى تبقى ماسورته موجودة تعاونت معنا وزارات كثير منها وزارة الإسكان ومحافظة القاهرة العبئ الأكبر كان على وزارة الثقافة لإنها صاحبة مشروع شارع المعز تم ترميم جميع آثارشارع المعز 33 أثر تم تطوير
رشا مجدى : دى المرحلة الأولى؟
أ/ فرج فضة : المرحلة الأولى فتحت 33 أثر ، تم إنشاء متحف النسيج فى سبيل محمد على فى الجزء الملحق به نيجى بقى للإضاءة والنواحى الجمالية اللى نشأت فى الشارع تم إعادة مرسوب الشارع للمرسوب اللى كان موجود أصلا ، تم تغيير كافة المحلات فى الشارع كله من أول باب الفتوح لغاية المنطقة اللى قلت عليها بيت القاضى ومجموعة قلوون مرحلة أولى تم إضاءة هذه المحلات والإضاءة بقت كشافات صغيرة جدا تتناسب مع إضاءة الشارع استعنا بشركة متخصصة لعمل إضاءة جمالية لهذه الآثار لإظهار جمال الزخارف وجمال الآثار بعد الترميم وزى ما حضرتك ما قلتى زيارة شارع المعز بالليل لها رونق خاص وجمال خاص وبدأ الجذب السياحى يزيد بكمية كبيرة جدا بعد افتتاح هذا الشارع
عمروالشناوى : احنا الحقيقة رحنا فى برنامج صباح الخير يا مصر التليفزيون المصرى راح صور حلقة فى شارع المعز فى شهر رمضان إنما التطوير اللى بيحصل ده كله خلانى أفكر قلعة صلاح الدين نموذج للقلعة الحربية ما لهاش مثيل الحقيقة وكان فيها مشروع تطويرهذا المشروع توقف هل ابتديتوا فيها ولا فيه مشاريع ثانية عايزين تعملوا الآثار قبلها؟
أ/ فرج فضة : تمام قلعة صلاح الدين قلعة فريدة مش هقول على مستوى مصر على مستوى العالم الإسلامى لإنها مكتملة المعانى وعدى عليها فترات تاريخية مختلفة وتم فيها إنشاء بعض الآثار الإسلامية الدينية والمدنية فى عصور مختلفة بدءً بصلاح الدين حتى عصر محمد على اللى بنى مقر الحكم بتاعته قصر الجوهرة وبنى مقر السكن بتاعه فى قصر الحراملك اللى بقى حاليا المتحف الحربى طبعا مجهود وزارة الثقافة والمجلس الأعلى للآثار لا يترك أى جزء من آثار جمهورية مصر العربية وتم إعداد مشاريع كبيرة جدا لقلعة صلاح الدين وتم تطوير مناطق كثيرة جدا فيها ممكن قصر الجوهرة وقصر العدلى وتم وضعهم فى الخطة واتسلموا للشركات وهنبدأ فى تطويرهم احنا بدأنا فيهم هذا الشهر طبعا الشغل القانونى مش زى شغل المبانى بياخد وقت فى دراساته أضيف حتة صغيرة بس الشهرين اللى فاتوا كنا طورنا منطقة دير يوسف منطقة جميلة جدا ، طورنا المنطقة بتاعت الأحبك أضفنا لقلعة صلاح الدين إضافة جميلة جدا مشروع إضاءة جمالية للأسواق وجامع محمد على كمرحلة أولى وبدأنا تنفيذ المرحلة الثانية من مشروع الإضاءة على مستوى القلعة ككل أضيف حاجة جديدة لسة بدأنا فيها إمبارح بس بنعمل مشروع للصوت والضوء زى اللى فى الهرم
رشا مجدى : فى قلعة صلاح الدين؟
أ/ فرج فضة : فى قلعة صلاح الدين بنحط المكنة وبنحط الخطوات الأولى لتنفيذ المشروع وسيتم تنفيذه خلال هذا العام
رشا مجدى : يعنى هنلحق على الصيف مثلا نجد المشروع ده؟
أ/ فرج فضة : حسب الشركة اللى هتشترك معنا فى هذا المشروع احنا فعلا طلعنا الموافقة بتاعته وعملنا جلسات عمل لتنفيذ هذا المشروع
رشا مجدى : ده هيخلينى أسأل حضرتك طب ليه يعنى قفلتم مقابرالمناديلى يعنى اختفت آثارها وما بقتش موجودة تفسيركم إيه لكده؟
أ/ فرج فضة : صحراء المماليك ما زالت موجودة ومحفورة لوحدها بكل سماتها بتضم العديد من المقابر للمماليك وبها أهم جماعين بنشوف صورتهم على العملة الورقية بتاعتنا جامع قايتباى وجامع فرج بن برقوق ومجموعة كويسيناتى والمجموعة تم طرحها وهنبدأ نشتغل فيها ده مشروع شامل لإنها مجموعة كبيرة جدا هى وفرج بن برقوق وعلى التوالى فى الميزانيات بنحط أولويات لترميم هذه الآثار الأثر اللى ممكن يستنى سنة أو سنتين بنستنى عليه وبنعمل له دورة الصيانة بتاعته الأثر اللى لازمه مشروع تدخل سريع بنبدأ ندخل فيه
عمروالشناوى : طيب نستأذنك نروح لفاصل مشاهدينا الأعزاء فاصل قصير نعود بعده لنكمل الحوار مع الأستاذ فرج فضة المسئول ورئيس قطاع الآثار الإسلامية والقبطية
فاصل
رشا مجدى : أستاذ فرج بيقولوا إن انتم بتهتموا بترميم الآثار الموجودة بالقاهرة ولا تهتموا بالآثار الموجودة فى الأقاليم ؟
أ/ فرج فضة : هبدأ مع سعادتك محافظة محافظة فى محافظات جمهورية مصر العربية
رشا مجدى : كتير
أ/ فرج فضة : ما هو عشان ننهى الكلام دوة وهاخدهم فى سريع جدا ونماذج موجودة وممكن تصويرها وممكن زيارتها نبدأ مثلا من الشمال بمدينة دمياط فيها 3 آثار مهمة جدا أصابهم التدهور والإهمال من سنوات طويلة تم إنقاذ هذه الآثار وتم ترميمها وافتتاحها بوجود سيادة الأمين العام ومحافظ دمياط وياريت كنت أجيب صور لها أو فيلم لها كنتى تتفرجى على ما قبل وما بعد الترميم تشوفى مدى الجهد ومدى المبالغ التى صرفت على هذه الآثار لإعادتها إلى رونقها
عمروالشناوى : هو أنا أعرف إن جامع عمرو بن العاص كان متدهور لدرجة إن كان فيه بركة كان فيها سمكة
أ/ فرج فضة : على سبيل المثال جامع عمرو بن العاص ده أهمل لسنوات طويلة جدا والمياة الجوفية طلعة لدرجة صنعت بركة صناعية فيه من الصعب دخول جيش ومياة كان بيطلع فيه سمك كده إسمه قراميط فى الفترات الماضية فى الستينات والسبعينات مثلا ما كناش وصلنا للتقنيات الحديثة اللى بها نعالج المياة الجوفية فى الآثار أو فى البنية التحتية لما وصلنا للمرحلة دية قعدنا نفكرواستعننا بالشركات المتخصصة وأنقذنا هذه المساجد من الانهيار وأصبحت على سطح الأرض وتقام فيها الشعائررغم إننا رممنا الشوارع والبيوت والمنازل المحيطة بهذه الآثار لإظهار قيمة الأثر دى محافظة من المحافظات ننزل لمحافظة ثانية نروح أقصى الصعيد في منطقة القبابة الفاطمية ودى منطقة نادرة وفريدة من نوعها فى أسوان فى أقصى الجنوب بدأنا فيها مشروع تطويركامل المنطقة دى كانت فى الامتداد العمرانى اللى حصل فى أسوان كانت هتضيع بنينا لها سور على مساحة حوالى 15 فدان سور يتناسب مع المنطقة الأثرية وبدأنا فيها مشروع ترميم للبيبان اللى موجودة فيها دى كلها ننزل على الأقصر مسجد أبو حجاج اللى موجود فى الأقصر برضه كان مهدد بالانهيار لإن حصل فيه حريق فى فترة ما قمنا بإنقاذه وعملنا فيه مشروع ترميم شامل وتم افتتاحه بمظاهرة دينية جميلة جدا لإن هذا الجامع له محبيه على مستوى الأقصر والبلاد المجاورة ننزل على البحر الأحمر عندنا أقدم ديرين على مستوى العالم فى الرهبنة المسيحية دير الأنبا بولا وديرالأنبا أنطونيوس الأنبا بولا أول الثوار الأقباط الأنبا أنطونيوس أول الرهبان الأقباط فى مصر والعالم دول أقدم ديرين على مستوى العالم الدير الأولانى دير الأنبا أنطونيوس عملنا فيه مشروع تطويروترميم شامل لإنه كان وصل لمرحلة متردية جدا عملنا فيه مشروع تكلف فوق 80 مليون جنيه وأنشأنا منظومة خدمات خارج الدير دراسات مصرية شركات مصرية إشراف مصرى معظمهم من المجلس الأعلى للآثارحاجة مشرفة ما تدخلش فيه أى عنصر أجنبى وبدأنا حاليا بطرح الأنبا بولا وبدأت الشركة تنفذ فى مشروع ترميم الأنبا بولا فى البحرالأحمر
رشا مجدى : أستاذ حضرتك بتتكلم على المشاريع دى وعملية الترميم إيه أكثر حاجة بتهدد الأثر هل المياة الجوفية يعنى؟
أ/ فرج فضة : نمرة واحد المياة الجوفية وخاصة فى القاهرة والأقاليم المطلة على البحر أو الأقاليم المطلة على النيل أو قريبة من الأرض الزراعية الحمد لله يعنى عندنا الأساليب اللى بنحمى بها الآثار فى القاهرة مثلا عندنا جامع إسمه جامع الظاهر بيبرس فى القاهرة برضه كان من الآثار اللى وصلت لمرحلة يرثى لها الجامع ده استغل استغلالات سيئة جدا أيام الاحتلال الإنجليزى استغل مخزن للذخيرة وربنا وفقنا وعملنا مشروع ترميم شامل أدامه سنة أو سنة ونص وهو كان برضه غرقان فى بركة مياة عملنا له محطة شفط للمياة وشغالين فيه حاليا
عمروالشناوى : واحنا لسة فى القاهرة خلينا نروح على حتة كده كلنا كنا مهتمين بها جدا مجمع الأديان وصلنا فين المشروع كان ماشى بنشاط وبعدين حسينا بمش عارف تكاسل وللا تردى وللا انتوا وصلتم لمرحلة عشان تستكمل بعد كده عايزة وقت وعايزة فلوس وعايزة مجهود
أ/ فرج فضة : لا مجمع الأديان خد اهتمام كبير جدا من المجلس الأعلى للآثار بس سعادتك تقصد أى جانب آخر غير الآثار مجمع الأديان بيضم العديد من الكنائس المسيحية
رشا مجدى : ده غير المتحف القبطى؟
أ/ فرج فضة : بيضم مجموعة من الكنائس على رأسها الكنيسة المعلقة بيضم معبد يهودى معبد بنى عزرا وبيضم جامع عمرو بن العاص أول جامع بنى فى مصر بعد الفتح الإسلامى لمصر جامع عمرو بن العاص تم ترميمه ترميم شامل وترميم جميع مرافقه وظاهر طبعا للكل الكنيسة المعلقة ودى أقدم كنيسة موجودة تم ترميمها بالكامل وتم عمل إضافات لها كتكييف ترميم للأيقونات ترميم للصور الجدارية تسوير المنطقة المحيطة بها وخلفها وتم ترميم حصن نابليون وسيتم افتتاحه فى القريب العاجل جميع الكنائس اللى موجودة فى مجمع الأديان تم ترميمها سواء بمعرفة المجلس الأعلى للآثار أو بمعرفة الإخوة المسيحيين المنطقة فيها نشاط كبير جدا من أعمال الترميم الدقيق والصيانة معرفش حضرتك بقى تقصد مجمع الأديان حاجة بقى غير الترميمات بتاعتنا وللا
عمروالشناوى : لا هو مضبوط
رشا مجدى : حضرتك أنا كنت عايزة أسأل على احنا دلوقتى اتكلمنا على الإسلامى وفيه جزء قبطى طب ماذا عن الآثار اليهودية هل بتقوموا بالترميم وللا احنا دلوقتى فى هذا القطاع أنا بس بهتم بالجزء بالآثار الإسلامية والآثار القبطية فيه أثر يهودى عفوا ده مش تبعى بقى خلاص ؟
أ / فرج فضة : مهمتنا كمان الحفاظ على جميع الآثارالموجودة على أرض مصر
رشا مجدى : إنما الأديان أعتقد أن هناك أيضا معبد يهودى ؟
أ / فرج فضة : هو اترمم ومفتوح للزيارة من مهام المجلس الأعلى للآثار الحفاظ على التراث الأثرى القائم على أرض مصر سواء فرعونى سواء يونانى رومانى سواء قبطى سواء إسلامى أو يهودى كلها آثار بتخضع لقانون حماية الآثار اللى احنا بنشتغل من خلاله فسواء معبد يهودى سواء كنيسة قبطية سواء دير قبطى سواء مسجد سواء مدرسة سواء منزل كلهم بيخضعوا لقانون حماية الآثار واحنا مهمتنا الحفاظ على هذه الآثارعلشان أوضح لسعادتك احنا سبنا ليه الآثار اليهودية لأنها بتخضع ومسجلة فى قانون حماية الآثار عندنا 10 آثار يهودية سواء فى القاهرة أو فى الإسكندرية مدرجين ضمن خطة الترميم فى ترميم الآثار موضوعين طبقا لخطة الترميم اللى بنحطها مستقبلية وحالية للمجلس الأعلى للآثار تم ترميم معبد موسى بن ميمون
رشا مجدى : ده اللى تم افتتاحه مؤخرا؟
أ/ فرج فضة : تم الانتهاء من ترميمه وتطوير المنطقة المحيطة به مؤخرا جارى العمل فى ترميم معبدين آخرين وسيتوالى الترميم طبقا لأولويات الترميم إسوة بالآثارالقبطية أو الإسلامية
عمرو الشناوى : طب خلينا نرجع للآثارالقبطية الحقيقة الواحد بيشوف الآثار القبطية فعلا متميزة جدا يعنى عندنا عدد من الأديرة القديمة جدا الواحد بيقلق على هذه الآثار المصرية جدا هل هناك تسجيل بالآثار القبطية الموجودة فى مصر عندكم تسجيل واضح بها أنا لوعايز أتعرف على كل الآثار القبطية اللى موجودة فى مصر سهل إن أنا أعرفها
أ/ فرج فضة : سهل جدا لإن كل ما هو مسجل فى الآثار مدرج فى كشوفات وسجلات خاصة ما ينطبق على القبطى وعلى اليهودى وعلى الإسلامى كله مسجل وله سجلات خاصة ما يقرب من 250 أثر قبطى ما بين كنائس وأديرة منتشرة فى أنحاء جمهورية مصر العربية
رشا مجدى : وتم ترميم وتجديد كام أثر يا فندم؟
أ/ فرج فضة : يعنى لو قلت لك الكل
رشا مجدى : ال250 أثر؟
أ/ فرج فضة : الآثار القبطية اللى كانت عايزة رعاية كبيرة جدا بالنسبة لحجم الآثار بتاعتنا عددها قليل 50 أثر كلهم محتاجين ترميم لإن فيهم شعائروفيهم صيانة دورية باستمرار مش محتاجين جهد كبير لكن اللى محتاج جهد كبير دير الأنبا بولا ودير الأنبا بوليس أوالكنيسة المعلقة ودول معمول لهم مشاريع كبيرة بتكلفة عالية جدا ديرالأنبا بولا وصل لحوالى 18 مليون ديرالأنبا أنطونيوس وصل لحوالى 80 مليون وهكذا جزء مهم من تاريخ مصر أتصور إن مهما قلنا فلها اعتباراتها ولها اهتمامها
رشا مجدى : طيب إيه المشاريع القادمة أو مراحل التطوير للآثارالمصرية سواء القبطية أو الإسلامية ؟
أ / فرج فضة : احنا واضعين خطة مستقبلية مع بعض المشروعات طبقا لأولويات كل أثر بنعمل حصر كل سنة لمحافظات جمهورية مصر العربية وفيه لجنة هندسية بتمرعلى الآثار تشوف أولويات كل أثر إيه والتدخل السريع لأى أثر السنة القادمة دية فى 2010 / 2011 فيما يقرب من 70 أثر سيتم ترميمهم
رشا مجدى : ما بين إسلامى.....؟
أ/ فرج فضة : إسلامى وقبطى ويهودى
رشا مجدى : ده فى خلال 2010 / 2011 ؟
أ/ فرج فضة : بالضبط فى السنة المالية الجديدة عملنا لهم المشاريع بتاعتهم وسيتم طرحهم
رشا مجدى : ال70 أثر فى القاهرة فقط وللا ؟
أ/ فرج فضة : لا احنا بنعمل اللجنة دى لفحص الآثارمن اسكندرية لحد أسوان
رشا مجدى : طب حالتهم إيه هل حالتهم وصلت إلى مرحلة سيئة ؟
أ/ فرج فضة : يعنى مش هنستنى لما توصل للمرحلة السيئة زى زمان ، زمان كانت اقتصادياتنا أو ميزانيات المجلس الأعلى للآثار كانت ضعيفة جدا فكنا بنشتغل على أد الميزانية اللى معمولة لنا لكن الحمد لله دلوقت مع انتعاش الحركة السياحية إن شاء الله بيحصل وفر فى الموارد المالية بتاعتنا
رشا مجدى : إيه أهم المشاريع اللى انتوا داخلين عليها يعنى لو نقول إسم كده عشان الناس تعرف المشاريع الرنانة اللى احنا داخلين عليها؟
أ/ فرج فضة : والله يعنى كلمة رنانة دية فى الأثرمش مستحبة المستحب حاجة الأثرنفسها ممكن يكون الأثر صغير جدا ولكن محتاج تدخل سريع ممكن أثر ضخم وحالته ممكن تستنى سنة أو اثنين بنستنى عليها وبنعمل له صيانة دورية
عمروالشناوى : أنا رحت بعض المساجد المقامات فى منطقة عين الصيرة وفى مصرالقديمة والبساتين فيه حاجات جميلة جدا ولكن ألاقى مشروع تصويرابتدى ولم يستكمل وبعدين المنطقة المحيطة محتاجة نقول إيه يد من حديد يد يعنى صارمة شوية عشان تحافظ على الأثر وتحجم شوية الزحف العمرانى اللى بقى يهدد حتى المجهود اللى انتوا عملتوه فى التطوير مجهود صغير لكن لازم نبنى عليه منتهى الاستهتار الحقيقة من الناس انتوا بتتعاملوا مع الأجهزة وبالذات محافظة القاهرة فى المنطقة دى أنا مش عارف
أ/ فرج فضة : لا هى طبعا الإمام الشافعى دى تبع حى من أحياء القاهرة وبالنسبة لنا بنتدخل فى الآثار ونلمها مقابر أسرة العيلة المالكة اللى سيادتك تقصدها هى نموذج رائع جدا للمقابر الإسلامية ودى شملها التطوير والترميم ولكن موقعها منطقة سكنية من ناحية منطقة مقابر من ناحية ثانية مع العشوائيات اللى موجودة هناك بتتعبنا كثير جدا جدا لذلك لما بنطور منطقة ونحس إن الناس بدأت تهتم بالأثر ده شارع المعز وشارع الجمالية وإلى آخره الناس دلوقتى بتطلب طوروا لنا الشارع طوروا لنا الآثار بنستفاد حركة سياحية وبصراحة محافظ القاهرة الدكتور عبد العظيم وزير متعاون معانا جدا والأجهزة المحلية متعاونة معانا جدا لكن الموضوع يعنى بدأ يثمر
رشا مجدى : بدأ يبقى فيه وعى من المواطن؟
أ/ فرج فضة : الصبى فى الشارع بدأ يحافظ على الأثر بدأ يقعد يتأمل فيه بدأ يقعد على الرصيف جنب الأثر يتفرج عليه أو مستمتع بالقعدة
رشا مجدى : ما بيكتبش عليه؟
أ/ فرج فضة : دى تفرق كثير الحقيقة
رشا مجدى : صعب قوى إن احنا نلاقى أثر بالجمال ده مكتوب عليه يعنى؟
أ/ فرج فضة : صحيح
رشا مجدى : حتى الهرم مكتوب عليه
أ/ فرج فضة : اسمحى لى برضه أضيف جزء بخصوص شارع المعز ده كان مرحلة أولى المرحلة الثانية احنا بدأنا فيها بالفعل بالشوارع الجانبية شارع الجمالية الموازى لشارع المعز ده بدأنا به بالفعل ونغير البنية التحتية صرف صحى وكهرباء ومياه بدأنا نرمم الآثاراللى موجودة هناك وهنمتد به حتى شارع الحسين وهنكمل شارع المعز نقترب شارع الأزهر ونعدى نكتمل شارع المعز فى المرحلة اللى احنا شغالين فيها حاليا
رشا مجدى : إن شاء الله
عمرو الشناوى : الأستاذ فرج فضة رئيس قطاع الآثارالإسلامية والقبطية فى المجلس الأعلى للآثار نشكركم على كل المجهودات اللى بتقوموا بها الحقيقة المشرفة جدا واللى فعلا بتسعد كل مواطن على أرض الوطن شكرا وبنتمنى لكم التوفيق فى المشروعات اللى جاية كلها
أ / فرج فضة : شكرا
رشا مجدى : مشاهدينا الكرام انتهت حلقتنا الليلة من برنامجكم يحدث فى مصر وحتى نلقاكم فى حلقات أخرى من يحدث فى مصر فى رعاية الله


انقر هنا لقراءة الخبر من مصدره.